خلص الكلام

باين ان موقع المصريون اخباره هاتشلني اليومين دول
بعد خبر المفكر الاسلامي العظيم
قريت خبر جديد
نصه كالاتي
إعتقال وخراب ديار ، هو الوصف الأمثل لحالة طلاب المدينة الجامعية بجامعة الأزهر الذين تم اعتقالهم من المدينة عقب العرض الرياضي لطلاب الإخوان.
فقد وجهت جامعة الأزهر إنذارات بالفصل للطلاب الذين كانوا معتقلين وذلك بدعوى غيابهم المتصل وشملت إنذارات الفصل عددا كبيرا من الطلاب الذين لم يتم اعتقالهم ولكنهم طردوا من المبني الذي كان يقيم فيه طلاب الإخوان بالمدينة بعد أن أمرت النيابة بإغلاقه عقب العرض الرياضي
طب والنبي اقول للجامعة دي ايه
فيه مصطلح مصري مكون من 3 حروف بيدي معنى الاعتراض
طب العيال دي كانت تحضر إزاي؟؟
هو اللي بعتلهم الانذارات دي اهبل و لا عبيط ولا ايه يعني؟؟
هو اي روتين و خلاص
طب الجامعة بتعذر المريض لو جاب شهادة مرضية
دول يجيبولكوا شهادة اعتقال إزاي؟؟
(نشهد نحن وزارة الداخلية اننا كنا معتقلين الطالب .... "غصب و اقتدار" على رأي اللمبي من الفترة...الى الفترة.... و هذا إقرار منا بذلك) ولا ايه يعني
الموضوع ده فكرني بحكاية كنت قريتها زمان
عن الروتين المصري الغبي
لما بطل مصر في الاثقال زمان ( التوني) اخد ذهبية دورة برلين و (هتلر) سلم عليه و قاله
(مصر يجب ان تفخر بيك) و إداله الميدالية
رجع مصر و راح مدرسة الصنايع قام المدير قاله
انت مرفود بسبب الغياب
اقول ايه بقى
خلص الكلام

هناك تعليق واحد:

ROMIL يقول...

وعجبي



ROMIL