تعديل دستور مصر


الواد اسد الجامد عمل حاجة حلوة قوي
و خد مساعدة من مدونبن اخرين
اتفرجوا على الابديت لدستور مصر

ملتقى نشطاء ضد التعذيب


في إطار انشطة منتدى القاهرة الاجتماعي الثالث

ارفعوا أصواتكم ضد التعذيب في كل مكان في العالم

ملتقى نشطاء ضد التعذيب

يوم الجمعة الموافق 30 مارس 2007

3.30 – 6.00 مساء

بالدور الثالث بنقابة الصحفيين

عرض لصور ولقطات للتعذيب من دول مختلفة

كلمات لنشطاء حقوقيين في مقاومة التعذيب

شهادات حية من بعض ضحايا التعذيب واسرهم

شاركونا بشهاداتكم ومقترحاتكم من أجل حركة عالمية

لمناهضة التعذيب

ده برضه انا ناشره تحت التهديد من عرباوي

ده يا جماعه ميل جالي من واحد صاحبي عن طريقة الانتخابات

السلام عليكم...
قولت أعمل ايجابى وأروح استفتى عشان الديمقراطيه والازى منه... وقولت أروح وأقول لا لتعديل الدستور... وقد كان ذهبت وعلى فكره انا من اسكندريه وبطاقتى الانتخابيه ضايعه منى وأنا كنت فى القاهره فى اليوم الجميل ده.... وبعد الشغل ذهبت الى اللجنه... ولما ذهبت شوفت عيال من بتوع الحزب الوطنى قاعدين (نصيحه منى روحلهم وحيعرفوك كل حاجه وبعدين اخلى بيهم جوه).... وبالفعل ظبتونى ولما وصلت لرئيس اللجنه (ولو حلفتلى على الميه تجمد انه قاضى مش حاصدقك ده اخره 4 سوابق)..... المهم قالى بطاقتك فين... ادتهاله... وبعدين ادانى ورقه عشان انتخب.... وقلتله هو مش المفروض انى لازم اكون معايه بطاقه انتخابيه قالى لا... احنا بنشجع الشعب على الاستفتاء ( الصلاة على النبى مصر بخير يا رجاله).... وبعدين اخذت الورقه واديتها وحده لا... وطبقت الورقه... وحطتها فى الصندوق... وبعدين ادانى البطاقه ومشيت... وبعدين افتكرت انى ما حطتش صوباعى فى الحبر السرى.... ورجعت للباشا.. وقلتله يا باشا هو مش المفروض أحط اديه فى الحبر.... قالى هو انت ما حطتهاش ( الصلاه على النبى)... قالى اصل انا شايفك لابس بدله وخفت تتوسخ.... قولت قشطه يا مان.... مصر بتحافظ على بدل الشعب .... بدل الشعب اهم من الدستور ... قشطه

الحقوني


يا جماعة عرباوي باعت دعوة لكل الناس علشان نحضر

مؤتمر القاهرة الخامس - منتدى القاهرة الاجتماعى الثالث - نقابة الصحفيين 29 مارس ـ 1 أبريل 2007

الحملة الدولية ضد الاحتلال الأمريكى والصهيونى

من أجل تحالف عالمى بين القوى المقاومة للإمبريالية والصهيونية

و منبه عليا يا أنشر الدعوة دي يا هايستاناني تحت البيت و يضربني
فاللي ليا خاطر عنده يحضر المؤتمر ده علشان ماضربش
واللى ماشافنيش قبل كده انا رفيع و مش حمل ضرب
طبعا انتوا هاتنفضولي و هاضرب في الاخر
المعلومات كلها هاتلاقيها لما تضغط على الصورة

شوفوا النضافة و الرقي في التعامل


كتب نواكشوط -وكالات الأنباء ٢٨/٣/٢٠٠٧
تعهد الرئيس الموريتاني المنتخب ولد الشيخ عبد الله بإحداث تغيير حقيقي في جميع مناحي الحياة الموريتانية، مؤكدا أن التغيير الذي يسعي إليه سيكون تغييرا جديا وعميقا، ولكنه في نفس الوقت هاديء ومسؤول. ودعا الرئيس الموريتاني الجديد منافسيه في الانتخابات الرئاسية إلي تشكيل حكومة وحدة وطنية. وأعرب ولد الشيخ عبدالله، في تصريح لقناة (العربية) أمس «الثلاثاء» عن أمله في تمكن هذه الحكومة من تحقيق العدالة للموريتانيين، مشيرا إلي أن ذلك مرهون بتعاون منافسيه في الانتخابات.
وحصل الرئيس الموريتاني المنتخب علي ٥٢.٨٥% من الأصوات الصحيحة في الجولة الثانية التي جرت الأحد الماضي، بينما حصل المرشح المنافس رئيس حزب تكتل القوي الديمقراطية أحمد ولد داداه علي ٤٧.١٥%، وبلغت نسبة الإقبال ٦٧.٤٨% بحسب تقديرات وزارة الداخلية.
وقال ولد الشيخ عبد الله (٦٩ عاما) أمس الأول «الإثنين» في مؤتمر صحفي بعد إعلان فوزه- إن بلاده تمر بمرحلة تاريخية حاسمة، وأشاد بالخطوات التي قطعتها في سبيل تحقيق الديمقراطية الحقيقية. ووعد بالانفتاح علي جميع الموريتانيين لتوسيع نطاق المشاركة السياسية، كما وعد بتعزيز الديمقراطية القائمة علي أساس التسامح وقبول الآخر واحترام دور المعارضة السياسية وبناء الدولة العادلة. وأكد التزامه باحترام جميع مؤسسات الدولة المنتخبة والقضاء علي «المخلفات السيئة» من الماضي. وركز الرئيس المنتخب علي موضوع الوحدة الوطنية التي قال إن تحقيقها وتعزيزها يتصدر قائمة أولوياته في الفترة القادمة «حتي يتسني لمكونات الشعب الموريتاني أن تعيش في وئام وانسجام وتفاعل».
ودعا ولد الشيخ عبد الله الجميع إلي تناسي أجواء الحملة الانتخابية وتداعياتها المختلفة، والعمل معا من أجل موريتانيا قوية وديمقراطية، مشددا علي احترامه للذين خالفوه الرأي وصوتوا لمنافسه، كما شكر السلطات الانتقالية علي تنظيمها لهذه العملية الانتخابية. وتعهد الرئيس المنتخب أيضا بالعمل علي توفير فرص عمل وتحسين مجالات الصحة والتعليم والبنية التحتية ...تعليق دماغي (يعني ماحبسهمش و طلع مايتينهم علشان انهم استجروا يدخلوا قدامه)؟.
ويؤدي ولد الشيخ عبد الله اليمين الدستورية في ١٩ أبريل المقبل بعد تصديق المجلس الدستوري علي النتائج لتكتمل عملية نقل السلطة إلي المدنيين من العسكر الذين أطاحوا في عام ٢٠٠٥ بالرئيس السابق معاوية ولد سيدي أحمد الطايع.
وكان ولد الشيخ عبد الله مدعوما في الانتخابات من تحالف يمثل ١٨ جماعة سياسية، وقد نفي مرارا أنه استفاد من دعم عدد من أعضاء المجلس العسكري الذي حكم البلاد لنحو عام ونصف العام برئاسة العقيد إعلي ولد محمد فال.
وكان ولد الشيخ عبد الله تولي قبلا مناصب وزارية منها وزارة المالية في حكومة سابقة، ووزارة الصيد في عهد الرئيس المخلوع معاوية ولد سيدي أحمد الطايع الذي اختلف معه عام ١٩٨٧ ووضعه ستة أشهر قيد الإقامة الجبرية.
ومن جانبه، هنأ ولد داداه ولد الشيخ عبد الله بالفوز وتمني له التوفيق، وقال ولد داداه في بيان بعد إعلان النتائج إنه سيواصل النضال «من أجل موريتانيا جديدة، من أجل المرضي والجائعين والمستضعفين». وأشار إلي ضرورة أن يقف الجميع بالمرصاد لما أسماه كل أشكال الاستبداد والاستعباد والفساد.
ويقول الكثير من الموريتانيين السود إنهم يريدون من الرئيس الجديد أن يضع نهاية للفقر والتمييز بما في ذلك العبودية التي يقولون إنهم عانوا منها سنوات أثناء حكم العرب البيض.
وسيكون أمام الرئيس المنتخب مهمة الاستجابة لتطلعات الموريتانيين الكبيرة للتغيير خاصة في مجالات مثل التنمية الاقتصادية والعدالة الاجتماعية ومحاربة الفقر المستشري في دولة تتمتع بثروات طبيعية متنوعة تشمل البترول والمعادن إضافة لمصايد الأسماك الغنية.
وفي أول رد فعل علي النتائج أعلنت السفارة الأمريكية بنواكشوط في بيان أن الانتخابات الرئاسية في موريتانيا كانت «عادلة وشفافة وذات مصداقية».
وأكدت السفارة أنها نشرت فرق مراقبة في أنحاء البلاد وقالت إن «هذا النجاح الواعد يجعل من موريتانيا نموذجا ديمقراطيا في أفريقيا والعالم العربي». وكانت بعثة المراقبة الأوروبية أشادت أيضا بسير العملية الانتخابية

مافيش تعليق عندي

مش هاتكلم علشان مافيش كلام يتقال

اتفرجوا و خلاص


راى الجمهور فى تعديل دستور مصر

شوفوا الفيديو ده و اعرفوا الشعب ده هايفضل كده لأمتى

لو الفيديو مش ظاهر هنا ده لينك ليه

i blog 4 da revolution



thx 2 Ahmad Sherif

اخر اخبار قضية المدونين النهاردة


اخر اخبار قضية المدونين النهاردة

تم احالة القضية الى الدائرة السادسة

لأن القاضي شاف انها تبع قضايا الملكية الفكرية

هالولويا........ مصر في عصر الديموقراطية

ده ايميل جالي

10 آلاف كرتونة (حلاوة المولد) لكل قرية على حساب الشباب والرياضة

- وجبات مجانية والإعفاء شهرًا من مصاريف المدينة الجامعية بحلوان

- العمل لمدة نصف يوم ووجبة غذائية و25 جنيهًا بالمصانع الحربية

- ربط الحضور والانصراف بالذهاب للاستفتاء في الوحدات المحلية والقروية

مظاهرة نيويورك

دي يا جماعة صور مظاهرة نيويورك النهاردة







thx 2 ARABAWY

أولى جلسات قضية منع مواقع و مدونات مصرية

أولى جلسات قضية منع مواقع و مدونات مصرية

نشره عمرو غربية يوم 25 مارس, 2007 - 13:35.


تحددت أولى جلسات القضية التي رفعها المستشار عبد الفتاح مراد في القضاء الإداري لمنع عدد من المواقع و المدونات المصرية يوم الثلاثاء القادم 27 مارس 2007.

مجلس الدولة: الجيزة، شارع مراد، الدور الثاني، قاعة 11. التاسعة صباحا.

ما هي هذه المواقع؟

هي مواقع لمنظمات حقوقية مصرية، و مدونات مصرية، و وسائل إعلام مصرية و عربية، و مواقع سياسة:

مركز هشام مبارك للقانون
مدونة حوليات صاحب الأشجار
النديم للعلاج والتأهيل النفسي لضحايا العنف
وكالة الأنباء الوطنية العراقية "ونا"
الشبكة العربية لمعلومات حقوق الإنسان
مدونة الله الوطن فاطمة
مدونة محام
مؤسسة حرية الفكر و التعبير
الجمعية المصرية لمناهضة التعذيب
مدونة بنت مصرية
مدونة واحد من البشر
مدونة سلامندر
المبادرة المصرية للحقوق الشخصية

لماذا هذه المواقع بالذات؟

لأن منها ما شارك في كشف تفاصيل قضية نقل القاضي صاحب الدعوى لمحتوى الشبكة العربية لحقوق الإنسان و مدونة بنت مصرية بشكل مخالف للقانون، و لأن منها ما نقل الخبر.

لماذا القضية مهمة؟

تشير عريضة الدعوى--المليئة بالأخطاء--إلى أن المواقع المطلوب حجبها تسيء لسمعة مصر، أي أن الكتابة عن ما يجري هي الإساءة، و ليس ما يجري. الأهم هو أن المواقع متهمة بإهانة رئيس الجمهورية، و هي وريثة تهمة إهانة الذات الملكية القديمة، و لم تطبق طوال تاريخ الجمهورية المصرية إلا في ثلاث حالات، منها حالتين في هذا العام: أحمد فؤاد نجم (في السبعينيات)، و إبراهيم عيسى و صحيفة الدستور، و عبد الكريم نبيل سليمان.

الخطر بعد منع هذه المواقع هو على مواقع و مدونات أخرى، كما هو على أصحاب تلك المواقع و المدونات.

كيف يمكنك المساعدة؟

1. وقعوا على بيان حملة للدفاع عن حرية الرأي و التعبير

2. اكتبوا عن الموضوع في مدوناتكم، و أرسلوا إلى معارفكم

3. احضروا الجلسة معنا يوم الثلاثاء القادم، و اطلبوا معنا التدخل الهجومي. كلنا متضررون من القضية. كل المطلوب هو التواجد في قاعة المحكمة و معكم بطاقاتكم الشخصية.

4. ما تبطلوش كلام. ال ما يتكلمش يكتر همه

الناس كلهم سابوهم

الناس كلهم سابوهم
و روحوا خلاص
سابوهم في الصحرا
و الحمدلله كلهم في بيوتهم دلوقتي


المعتقلون باتوا ليلتهم داخل سيارات الترحيلات فى صحراء القطامية
معتقلوا الأمس موجودون الأن فى سيارتى ترحيلات بصحراء القطاميةالسيارة الأولى بها 8معتقلين الذين تم الأعلان عن اسمائهم والسيارة الثانية بها مايقرب من 20 معتقلا بينهم عمر الهادى (اسد) ومحمد جمال بشير وعمر مصطفى (سيزر ) ... السيارتان استقرتا فى القطامية بعد رحلة كعب داير فى جميع مناطق القاهرة من وسط البلد الى المعادى الى طرة الى مدينة نصر والتجمع الخامس ومنها الى القطامية تم الاتصال بعدد من الموجودين داخل السيارتين وتم الأطمئنان على حالة الدروبى وهو بخير الأن تجمعات الأن امام نقابتى الصحفيين والمحامين للاعتراض على الاستفتاء واحداث الأمس وكل التقارير الورادة حتى الأن تشير أن لجان الأستفتاء خالية تماما ومازالت الحشود الأمنية تسد شوارع القاهرة ووسط البلد واضيف الى المشهد عربات ميكروباص محملة بالبلطجية بخلاف فرق البلطجية المنتشرة فى الميادين خاصة التحرير وطلعت حرب ومربع النقابات
www.elbalshy.blogspot.com

ده اللي بيحصل في الاعتصام

تحديث
خبر كويس
مالك و مدحت شاكر خرجوا
رموهم بعربية عند المطار
هما دلوقت كويسين
...........................................................






مدحت شاكر اثناء إختطافه


المدون مالك اثناء إعتقاله

الصورة من عرباوي

تصوير ناصر نوري

تحديث
حوالي 300 ناشط متظاهر امام نقابة الصحفيين
يبدأون إعتصام مفتوح
..............................................
تحديث
هؤلاء تم القبض عليهم ايضا
أحمد عبد الجواد
أحمد الدروبي
...................................
يا جماعة الدنيا مقلوبة في التحرير

و قبضوا على كل الناس

دي اسماء الناس اللي وصلتنا لحد دلوقتي
المدون مالك مصطفى
المدون عمر الهادي - اسد
المدون عمر مصطفى
- سيزر
المدون محمد جمال - جيمي
كريم الشاعر
مدحت شاكر
محمد راشد
ساره عبد الجليل
محمد عواد
سيارات متوجهة بالمخطوفين الى مدينة نصروسيارات اخرى الى المعادي
والامن يصادر كاميرا مصروة رويترز تارا تادرس
التفاصيل تجدد أولا بأول على موقع الوعي المصري
Details in English at wael abbas

دستورك يا محروسة

انا لقيت مدونة اسمها
دستورك يا محروسة
فيها تفاصيل اكتر عن اللي بيحصل و اللي هايحصل فينا
من اول يوم الاثنين الاسود القادم
اضغطواعلى الصورة علشان تعرفوا




اخر اسبوع مصر ممكن تتكلم فيه

يا ريت الاول كل مدون يقرا المكتوب ده ينشره عنده
انا مش هاتحايل على حد
انا مش هادعي حد .... اللي عايز يجي يجي
ده اخر اسبوع مصر كلها هاتعرف تتكلم فيه
يعد كده خلاص
.............................................................
يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .
تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !
أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك " يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .
يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .
احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!
دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .
يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .
...............................................................................
رسالة للأمن و لكل وكلات الانباء و قنوات التلفزيون و اي حد مهتم علشان مايلبسونيش يوميها التهم دي
انا هاستغل حقي اني اعبر عن مطالبي
* هاقف في مكان مش هاعطل فيه المرور
* هاقف في مكاني و هاقول مطالبي بحركة سلمية
* مش هاحرض حد على حاجة
* مش هاكسر حاجة
* مش هاعتدي على الشرطة الا لو اعتدت عليا



غم الدنيا ركبني


النهاردة الضهر جالي تليفون من جيمي
ايه يا ماك .. انت فين؟
انا في الشغل اصل عقبال عندك اول يوم في شغلي الجديد
طب مش جاي ولا ايه؟
معلش يا جيمي نفسي والله بس استحالة اعرف اخلع
طب يا ماك انا كلمت مالك وهو مستنيني هناك
خلاص ربنا يسهل و اعرف الحقكم
سلام ..... سلام
بعديها بساعة تلفون من عبير العسكري
ايوه يا محمد .. عامل ايه؟
ازيك يا عبير؟ انت فين؟؟
انا رايحة هناك اهوه . بس بكلم مالك و تليفونه مقفول؟؟
ازاي .. ده جيمي لسه مكلمني وقالي ان مالك مستنيه هناك
طب اقفلي و انا اشوف جيمي
(طبعا لقيت تليفون جيمي و مالك مقفولين ) قلت يبقى كل عام و انتم بخير
عبير بعديها كلمتني و قالتلي ان الاتنين اتمسكوا
و غم الدنيا ركبني
لحد ما خالد البلشي كلمني و قاللي انهم طلعوا و مستنينك في البورصة
طبعا خلصت و رحت و طلع كمان ان الحاج جرجس ( الملون ) اتمسك معاهم
و لقيت كمان اسد و وائل عباس و سيزر و عبير و خالد و شيماء و سلمة و بهاء هناك
المهم ان الناس دي طلعت في يوم مش عارف اوصقه
الاسبوع ده اسبوع فاصل في تاريخ مصر
يا البلد تقوم و تتحرك !! يا اما هتسكت و تتخرس للأبد
و كل عام و انتم بخير
انتظروا القادم؟؟؟؟؟؟

البقاء لله

بشرى لكل الناس اللي قاعدة في بيوتها و منفضين للي بيحصل في البلد
حتى القعدة في بيتكم مش هاتبقى امان
وافقوا على التعديلات خلاص
يعني كل عام و انتم بخير
البلد ضاعت


أقر مجلس الشعب المصري اليوم الاثنين حزمة التعديلات الدستورية التي تقدم بها رئيس الجمهورية بأغلبية 315 صوتا ، والتي ثار جولها جدلا واسعا على مدار الأشهر القليلة الماضية.

وأعلن الدكتور أحمد فتحي سرور ، رئيس المجلس ، بعد الاقتراع على التعديلات أن 315 عضوا في المجلس وافقوا عليها ، موضحا أن هذا العدد يوفر الاغلبية الدستورية اللازمة للموافقة على أي قرار تحت القبة.

يأتي ذلك في الوقت الذي يعتصم فيه 102 من أعضاء مجلس الشعب ينتمون إلى جماعة الإخوان المسلمين المحظورة ، وحزب الوفد ، وحزب الكرامة ، بالإضافة إلى نواب مستقلين.

ويتمتع الحزب الوطني الحاكم بأغلبية مريحة داخل مجلس الشعب ، حيث يشغل ممثلوه 320 مقعدا من إجمالي 454 ، مما يضمن له تمرير التعديلات بالصورة التي أعدتها اللجان التشريعية والدستورية في البرلمان دون تغييرات جوهرية ، رغم احتجاجات المعارضة.

وقبل لحظات من إعلان سرور لنتيجة التصويت الذي تم أخذه نداءا بالأسماء ، ردد نواب الحزب الوطني هتافات تقول "بالروح بالدم نفديك يا مبارك" قبل أن ينبهم أحدهم بتغيير الهتاف إلى "بالروح بالدم نفيديكي يا مصر" ، فيما رفع بعضهم وشاحات خضراء.

وتقضي التعديلات الجديدة بوضع قانون جديد لمكافحة الإرهاب ليحل بديلا عن قانون الطوارئ ، وحظر اقامة الأحزاب على أساس ديني ، وكذلك الغاء الإشراف القضائي المباشر على الانتخابات وتشكيل لجنة مستقلة للقيام بهذه المهمة.

وفي تطور مفاجئ ، تقرر تقديم موعد الاستفتاء على تعديلات الدستور المصري من 4 أبريل القادم إلى 26 مارس الجاري ، بسبب مشاركة الرئيس حسني مبارك في القمة العربية المقرر انعقادها بالسعودية يوم 28 مارس ، ولتزامن الموعد السابق مع أعياد النصارى في الثالث من الشهر القادم.

وكان النائب مصطفى بكري قد نقل بعد ظهر اليوم إلى المستشفى بعد إصابته باعياء شديد بسبب معارضته الشديدة لتعديل المادة 88 التي تنص على إشراف القضاة على اللجان الانتخابية.

من موقع فالبلد

انتظروا رسالة كل خميس من احمد الشريف على جوجل
و ممكن انت كمان تشارك قيها بنفسك
التفاصيل في الفيديو


(القاهرة، 19 مارس/آذار 2007) ـ قالت هيومن رايتس ووتش اليوم إن على وزارة الداخلية المصرية أن تحقق فوراً في حادثة تعذيب واغتصاب أحد أنصار الديمقراطية؛ الناشط محمد الشرقاوي الذي يحرر مدوّنة على الإنترنت، أثناء احتجازه لدى الشرطة في العام الماضي. كما يتعين على السلطات حمايته مما تمارسه الشرطة بحقه من تخويف.

وعلى الرغم من الطلبات المتكررة التي قدمها الشرقاوي ومحاموه منذ تعذيبه قبل سنةٍ تقريباً، لم تتخذ السلطات بعد أي إجراء ظاهر لتقديم المسئولين إلى العدالة. وقال الشرقاوي لـ هيومن رايتس ووتش، وهو الذي يشارك في حملات مناهضة التعذيب وغيره من انتهاكات حقوق الإنسان عبر التظاهرات والمقابلات مع وسائل الإعلام وعبر مدونته الخاصة، إن رجل شرطة كان حاضراً أثناء الإساءة إليه عند الاحتجاز "كان دائماً ينتظرني أسفل البناء الذي أقيم فيهوإن هذا الشرطي مجهول الهوية قرع بابه ليسأله إن كان موجوداً في المنزل وإذا ما كان يعيش فيه وحيداً. وفي السابعة من مساء 10 مارس/آذار، عاد الشرقاوي إلى بيته فاكتشف سرقة حاسبه المحمول الذي يقول إنه يحوي تسجيل فيديو غير منشور لإساءات الشرطة. ولم يُسرق شيءٌ آخر من الشقة رغم وجود مبالغ نقدية وأشياء قيّمة فيها. وأفاد الشرقاوي بأنه لم يعد ينام في بيته.

وفى 10 مارس/آذار، أرسلت دائرة تحقيق أمن الدولة في وزارة الداخلية تقريرا إلى الادعاء العام، قامت فيه بتسمية الشرقاوي و16 آخرين من المدونين والصحفيين والناشطين باعتبارهم مسؤولين عن "نشر أخبار كاذبة" من شأنها تشويه سمعة مصر في الخارج بالإضافة إلى قيامهم بتنظيم مظاهرات. ومن ضمن الذين شملهم التقرير مدونين مثل وائل عباس (http://misrdigital.blogspirit.com) و علاء سيف الإسلام (http://manalaa.net) واللذان لعبا دورا مركزيا في الحملة ضد ممارسة التعذيب من قبل الشرطة عبر مدوناتهما. كما وسمى التقرير الصحافية عبير العسكري التي تعمل لدى جريدة الدستور الأسبوعية والتي اعتدت عليها الشرطة في مظاهرة في 11 مايو/أيار إلى جانب ناشطين قياديين من حركة كفاية. وفي 15 مارس/آذار قامت الشرطة بتفريق تظاهرة لحركة كفاية ضد التعديلات المقترحة على الدستور المصري واعتقلت على أثرها 21 من المتظاهرين.

وقالت سارة ليا ويتسن، مديرة قسم الشرق الأوسط وشمال أفريقيا في هيومن رايتس ووتش: "رغم مضي قرابة سنة كاملة على تعذيب الشرقاوي واغتصابه في قسم الشرطة، فإن السلطات لم تتخذ أية إجراءات ظاهرة لمحاسبة المسئولين عن الجريمة". وتابعت تقول: "وعلى الحكومة المصرية أن تفعل كل ما تستطيع لمقاضاة رجال الشرطة الذين عذبوا هذا الناشط الشاب، لا أن تسمح لهم بمضايقته تخويفه".

وكانت قوات الأمن اعتقلت الشرقاوي للمرة الأولى يوم 24 أبريل/نيسان 2006 أثناء تظاهرةٍ جرت في القاهرة تأييداً لاستقلال القضاء، ثم أطلقت سراحه في 23 مايو/أيار. لكن عناصر مباحث أمن الدولة بوزارة الداخلية اعتقلوه ثانيةً في 25 مايو/أيار أثناء انصرافه من مظاهرةٍ سلمية جرت بوسط القاهرة. وكانت تلك المظاهرة تجري إحياء للذكرى السنوية الأولى للهجوم العنيف الذي شنته الشرطة وأنصار الحزب الحاكم على الصحفيين والمتظاهرين الداعين إلى مقاطعة الاستفتاء على الدستور.

وقال الشرقاوي لـ هيومن رايتس ووتش إن من قبضوا عليه قاموا بضربه عدة ساعات في قسم شرطة قصر النيل

، ثم اغتصبوه باستخدام أنبوب من الورق المقوى، وذلك قبل نقله إلى مقر نيابة أمن الدولة في مصر الجديدة. وعندما زاره محاموه بمقر النيابة في ساعةٍ متأخرة من ليل 25 مايو/أيار، طلبوا فوراً إجراء فحص طبي شرعي له ومعالجته من الإصابات التي وصفها أحد المحامين بأنها أسوأ ما شاهده من إساءات الشرطة خلال 12 عاماً. فرفضت النيابة هذا الطلب، لكنها سجلت إصابات الشرقاوي. ولم يعاين حالة الشرقاوي أحدٌ إلا طبيب السجن، وذلك بعد أربعة أيام. ولم يطّلع المحامون على أي تقرير عن تلك الإصابات، سواءٌ كان تقرير النيابة أو الطبيب. وقد أنكرت وزارة الداخلية تعرضه للتعذيب.

ويقول محامو الشرقاوي إنهم قدموا إلى النائب العام محمد فيصل ثلاثة طلبات خطية للتحقيق في مزاعم الشرقاوي بتعرضه للتعذيب. وقال لنا الشرقاوي إنه أخبر النيابة أكثر من مرة عن تعرضه للتعذيب أثناء احتجازه.

وبعد ذلك، وجهت السلطات إلى الشرقاوي تهم "إطلاق شعارات ضد النظام من شأنها الإخلال بالنظام العام والسلم الاجتماعي"، و"إهانة الرئيس"، و"إهانة رجال الشرطة أثناء أدائهم مهامهم"، و"الدعوة إلى تجمعٍ غير مرخص"، و"تعطيل السير"، واحتجزته في سجن طرّة إلى أن أمرت النيابة بالإفراج عنه يوم 18 يوليو/تموز. ومازالت قضيته أمام القضاء.

وقالت سارة ليا ويتسن: "أظهر محررو المدوّنات للعالم كله مدى تفشي التعذيب في أقسام الشرطة المصرية"، مضيفة بأن "على الحكومة المصرية أن تظهر للعالم عزمها على تقديم مرتكبي هذه الجرائم الخطيرة إلى العدالة".

ومصر هي طرفٌ في اتفاقية مناهضة التعذيب، إضافةً إلى العهد الدولي للحقوق المدنية والسياسية. وبالتالي فهي ملزمةٌ بتحريم أي شكل من أشكال التعذيب وسوء المعاملة، وباتخاذ تدابير فعالة لحماية الضحايا من خلال إجراء تحقيقات شاملة محايدة وسريعة في مزاعم التعذيب، وكذلك من خلال توجيه الاتهام الجنائي حيث تجد سنداً له. وتنص المادة 42 من الدستور المصري على أن أي شخص محتجز "تجب معاملته بما يحفظ عليه كرامة الإنسان، ولا يجوز إيذاؤه بدنياً أو معنوياً". ملاحظة من دماغ ماك (حد سمع عن المادة دي قبل كده

لمزيدٍ من المعلومات عن انتهاكات الشرطة المصرية، يرجى الاطلاع على التصريحات الصحفية التالية الصادرة عن هيومن رايتس ووتش:

· "مصر: الشرطة تضرب ناشطين مؤيدين للديمقراطية بعنف"، 31 مايو/أيار 2006، على الرابط: http://hrw.org/arabic/docs/2006/05/31/egypt13486.htm

· "مصر: يجب محاسبة الشرطة على أعمال التعذيب"، 23 ديسمبر/كانون الأول 2006، على الرابط: http://hrw.org/arabic/docs/2006/12/23/egypt14926.htm

· "مصر: سابقة مُروعة في حبس صاحب مدوّنة"، 22 فبراير/شباط 2007، على الرابط: http://hrw.org/arabic/docs/2007/02/22/egypt15380.htm

ولزيارة صفحة محمد الشرقاوي على الإنترنت:
http://sharkawy.wordpress.com

لمزيدٍ من المعلومات، يرجى الاتصال:

في القاهرة، إلايجا زاروان (الإنجليزية والعربية): +20-2-794-5036؛ أو +20-10-130-3226

في القاهرة، فادي القاضي (العربية والإنجليزية): +20-12-135-9232 (محمول)

في نيويورك، سارة ليا ويتسن (الإنجليزية): 1-212-216-1230؛ أو +1-718-362-0172 (محمول)

،

مرفق نص التحريات وواضح جدا منها ان حتى السادة ضباط مباحث أمن الدولة أصابتهم حالة الكسل والاستسهال التى اصابت المجتمع ( ربنا يديمها عليهم نعمة ) وهو ما يظهر فى ان اسماء المحرضين هى نسخة منقولة من اسماء المحرضين فى أخر قضية لكفاية
لدرجة ان السادة فى أمن الدولة مثلا لم يفطنوا ان الدكتور عبد الوهاب المسيرى اصبح المنسق العام لكفاية (ربنا يعمى عنيهم عنه وعنا جميعا ) وانه صاحب بيان الدعوة للمظاهرة الذى نشر على الانترنت وفى جميع وسائل الاعلام ولكنهم وضعوا ترتيب المتهمين حسب ترتيب اللجنة التنسيقية القديمة لكفاية كما احتوى البيان اسماء لمرضى وغائبين منذ فترة واهو كله عند أمن الدولة صابون قصدى تلفيق تهم وتعذيب
خالد البلشى

تقرير عن :
قضية المظاهرة ضد التعيلات الدستورية

1754 لسنة 2007 إدارى قصر النيل
محضر التحريات :

بمعرفة الرائد / محمد الأنور الضابط بقطاع مباحث أمن الدولة فى يوم 10/3/2007 الساعة 10 صباحا أثبت الآتى :
حيث وردت معلومات أكدتها التحريات السرية تفيد بقيام بعض العناصر من ذوى الميول المناهضة بالتحرك لحشد العناصر من مختلف القطاعات الجماهيرية مستغلين اهتمام الرأى العام بالتعديلات الدستورية .
وأن الهدف من تلك التحركات حض الجماهير على مناهضة نظام الحكم القائم وأزدراءه . وتستهدف هذه لعناصر بث الشائعات الكاذبة والمغرضة والتى من شأنها تكدير الأمن العام وزعزعة استقرار المجتمع .
وأن تلك العناصر تستهدف من وارء مخططها احداث بعض أعمال الشغب والتخريب وتعطيل المرور ، و تعتزم تنظيم تظاهر يوم الخميس الموافق 15/3/2007 .
وقد أكدت التحريات السرية أن بعض العناصر قامت بالتحريض على هذه الأعمال التخريبية وحددت التحريات السرية هذه العناصر بأنها كلا من :
جورج اسحاق
هانى عنان
عبد الحليم قنديل
كمال خليل
كمال أبو عيطة
محمد عبد القدوس
وائل خليل
ساهر جاد
خالد عبد الحميد
محمد الشرقاوى
رشا عزب
أحمد عبد الغفار
أحمد عبد الجواد
علاء أحمد سيف الإسلام حمد
على الفيل
فيكتور نجيب
ياسمين عبد العزيز
عبير العسكرى
وائل عباس
هذا وقد أقفلت المحضر فى ساعته وتاريخه ويعرض على السيد المستشار المحامى العام الأول لنيابة أمن الدول العليا .
قرار المحامى العام لنيابة أمن الدولة :
فى 11/3/2007 : بعد الإطلاع على مضر التحريات نأمر بإتخاذ الإجراءات القانونية وفقا لقواعد وحالات التلبس .
محضر الضبط :
فى 15/3/2007 الساعة 9 مساء بمعرفة العقيد / هانى جرجس نائب مأمور قسم قصر النيل . أثبت الآتى :
عقب صدور قرار المحامى العام الأول لنيابة أمن الدولة العليا باتخاذ الإجراءات القانونية وفق قواعد وحالات التلبس . واثناء تواجدنا وفق القوة المرافقة لميدان التحرير لملاحظة الحالة الأمنية تلاحظ لنا وجود تجمع فى شكل تظاهرة تصدت له قوات الامن وقامت بتفريقه . وعقب ذلك تجمعت بعض العناصر فى شكل يؤر صغيرة بشارع طلعت حرب حيث قاموا بترديد بعض الهتافات المعادية لنظام الحكم وقاموا برفع بعض اللافتات التى تندد وتنتقد التعديلات الدستورية . كما قاموا بتوزيع منشورات على المارة بعنوان " لا للتعديلات الدستورية .. وتسقط الديكتاتورية .
وقد نتج عن تلك المحاولات تعطيل سير حركة المرور وتعدى بعض هذه العناصر بالقول والإشارةعلى بعض رجال الضبط المنوط بهم . حفظ الأمن . وحال ذلك قمنا بضبط بعذ هذه العناصر حيث تم القبض على كلا من :
خالد عبد الحميد
محمد عادل
وليد صلاح
بهاء صابر
فيكتور نجيب
محمود الوردانى
أحمد عبد الجواد
أحمد أبو ستيت
مصطفى اسماعيل
نائل يحيى
أحمد إسلام
عمرو إبراهيم محمد
أحمد محمود علاء الدين
محمد عبد الملك أحمد
رامى توفيق
حمادة رجب محمد
كريم رضا
عصام شعبان
ناجى رشاد عبد السلام
محمد محمود محمد حامد
جاد الإسلام جمال .
وتم ضبط عدد من اللافتات بحوزة المتهمين تحتوى على عبارات مناهضة لنظام الحكم . وعليه اقفل المحضر فى ساعته وتاريخه ويعرض المتهمين رفق المضبوطات على النيابة العامة .
تحقيقات النيابة العامة :
صباح يوم الجمعة 16/3/2007 تم عرض المتهمين على نيابة قصر النيل بمجمع محاكم الجلاء حيث بدأت التحقيقات الساعة الثانية ظهرا واستمرت حتى الساعة الثامنة مساء .
تم توزيع المتهمين على أربعة من وكلاء النيابة وباشرت النيابة التحقيق .
امتنع عدد 14 متهم عن الإدلاء بأقوالهم أمام النيابة بينما مثل للتحقيق عدد 7 متهمين .
الإتهامات :
أولا : الإشتراك فى تجمهر مؤلف من أكثر من خمسة أشخاص الغرض منه تعطيل تنفيذ القوانين واللوائح والتعدى على رجال الشرطة وبث البيانات وتعطيل حركة المواصلات العامة وتعريض ارواح وأموال الأشخاص للخطر .
ثانيا : بث دعايات مثيرة وإذاعة أخبار من شأنها تكدير الأمن العام والحاق الضرر بالمصلحة العامة .
ثالثا : حيازة وإحراز محررات ومطبوعات معدة للتوزيع وإطلاع الغير عليها تتضمن موضوع الاتهام السابق .
رابعا : التعدى بالقوة والإشارة على موظفين عموميين وكان ذلك أثناء تأديه عملهم .
خامسا : تعريض وسائل المواصلات للخطر وتعطيل سيرها .
الأحراز :
حرز واحد برقم 427 لسنة 2007 يشتمل على عدد 6 لوحات تتضمن شعارات معادية لنظام الحكم .
قرار النيابة :
إخلاء سبيل جميع المتهمين بضمان محل إقامتهم .
ملاحظات :
لم يرد بأوراق القضية الإشارة إلى عدد من الاشخاص تم القبض عليهم واحتجازهم بقسم شرطة الظاهر حيث تم اخلاء سبيلهم ليلا وهم :
صلاح الوتيدى
محمد الطاهر
د عبد الخالق فاروق
محمد اسماعيل
فتحى فريد
عمرو عادل
محمد سعد
محمد عبد السلام
د/ يحيى القزاز
عقيد / محمد بدر
محسن سميكة
لم يتم فض الاحراز فى مواجهة المتهمين أو أثناء التحقيقات .
بعد صدور قرار النيابة تم اصطحاب المتهمين والعودة إلى قسم شرطة الظاهر مرة اخرى .
لم يتم اخلاء سبيل المتهمين بزعم التأكد من محل إقامتهم .
التقرير إعداد :
سيدة عبد الفتاح المحامية
أحمد حلمى المحامى
مركز الحرية
للحقوق السياسية ودعم الديمقراطية

هو تقريبا الناس دي مش عايزة تفرحنا ابدا

هو تقريبا الناس دي مش عايزة تفرحنا ابدا
بعد ما النيابة افرجت عن ال21 معتقل
و راحوا القسم علشان يفرج عنهم
رفضوا في القسم الافراج عنهم
و لسه محبوسين لحد دلوقتي
و الناس مستنينهم بره قسم الضاهر
و المعتقلين عاملين اضراب عن الطعام
و المشكلة ان فيهم ناس ظروفهم الصحية مش كويسة
و محتاجين عناية
بس الاساتذة اللي في ايديهم الامر منفضين
حتى بعد اخلاء سبيلهم من النيابة
مش فارقة معاهم
ما هي التعليمات كدة
و محدش يقدر يكسرها
احسن يروحوا ورا الشمس
هم يا عيني عبد المأمور
و مزاج المأمور ان الناس دي يحصل فيها كدة
ايه يعني يعملوا اضراب؟؟
ما انشالله يموتوا
بركة يا جامع
جت من عندهم
وهانريح دماغنا
و نعدي اللي عايزين نعديه
ماهي بلدهم هما بس
ازاي حبة غربا يجوا يقولولنا ...لأ
اللي عايزينوا هانعملوه
و الناس التانية تموت بحسرتها
مش قلنا انها مش بلدهم

الساعة 8:15 ليل 16مارس
ألف مبرووووووووووووووووووووك
الناس كلها خرجت خلاص
ال21معتقل كلهم خرجوا من شوية
عقبال كل المعتقلين يارب
عارفين اغنية مبروك مبروك مبروك عليكم و علينا
اللي بيشغلوها ف تلفزيونا الفاشل بعد كل ما الاهلي ياخد بطولة
و بعدها برقية التهنئة من اللي بالي بالكم
نفسي اغنيها للناس دي
هو تقريبا النيابة لقت ان التهم دي مش موجودة في القانون اصلا علشان كده افرجوا عنهم
دي (مزحة ) احسن يعملولي تهمة انا كمان
شكرا يا جماعة لكل من وقف معانا و ساعدنا
..........................................
الساعة 5:30عصرا
المعلومات من مراسلنا سيزر
التهم الموجهة كالاتي
التجمهر-
التظاهر-
التحريض ضد التعديلات الدستورية (بقت تهمة خلاص و هي لسه مش موجودة اصلا.. امال لما يقروها هايعملوا ايه )؟؟
التخطيط لعمل مظاهرات-
اهانة الضباط ( قال يعني احنا اللي اعتدينا عليهم و اعتقلناهم )؟؟-

عايز اقول ان الناس دي كلها اتلمت من الشوارع يعني قبل حتي ما يشتركوا في المظاهرة
...............................................
المصيبة الاكبر
دي لسته اسماء لسه وصلالي بأسماء ناس مطلوب القبض عليهم بتهمة التحريض علي التظاهر
وائل عباس
وائل خليل
علاء سيف
عبير العسكري
كمال ابوعيطة
كمال خليل
محمد عبد القدوس
جورج اسحاق
هاني عنان
رشا عزب
ياسمين عبدالعزيز
ساهر جاد
احمد عبد الجواد
احمد عبد الغفار
و اللي بيحصل دلوقتي بالنسبة لصحابنا اللي عند النيابة ان فيه كردون امن مركزي محاوطهم
بس مش بيمنعوهم من الخروج
...............................................
الساعة 1:30 الضهر 16مارس
يا جماعة

جاتلي اخبار مهمة ان الناس كلها المعتقلين ال 21 في نيابة الجلاء
اللي في شارع الجلاء جنب الاهرام
و اصدقاءنا كلهم هناك
يا ريت كلكم تساندوهم و تروحوا هناك
لازم تتحركوا بقه
القعدة مش هاتفيد
............................

الساعة 6 صباحا 16 مارس
.................................
فيه دلوقتي 21 معتقل في قسم الضاهر
في زنزانتين . واحدى فيها 12 و التانية 9
و المفروض ان فيه محامين مستانينهم النهاردة الساعة 8 الصبح
اول ما يقدروا يتكلموا معاهم قبل ما يترحلوا
علي فين؟؟ معرف

الساعة 11:30 ليلا 15 مارس

النهاردة كان يوم غريب

اول ما رحت ميدان التحرير بالمترو لقيت فيه كمية امن غريبة

ولا كائنهم ها يعبروا القناة

الاف من العساكر و الضباط

و اللي لفت نظري ان اغلبهن لابسين ملكي .. مش عسكري يعني

يعني هايكون فيه ضرب

المهم ان اول ما رحنا كنا اربعة

انا و عرباوي و الحاج جرجس و رندا

اول ما نزلنا الميدان اتخانقنا مع ضباط منعونا نقف هناك

و فضلوا يزقونا لحد ما قابلنا مالك و هما بيزقونا لحد ميدان طلعت حرب

و في الحبة دول كانوا اعتقلوا من الناس 4

وصلنا لحد حزب التجمع و لقينا الناس ملمومة هناك

و فجاءة هجموا علينا و كان دكتور عبدالوهاب المسيري وسطنا

طبعا اللي حواليه حموه و زنقونا جوه

و احنا لسه مزنوقين هناك ...


معتصمين


لحد ما يفرجوا عن ال 32 معتقل منا بتوع النهاردة

التحديث

افرج عن اتنين فقط

و مازال الاعتصام مستمر

اسماء بعض المعتقلين نقلا عن عمرو غربية

أحمد إسلام

أحمد الجندي

أحمد عبد الجواد

إسلام

بلال

بهاء صابر

خالد عبد الحميد

رامي توفيق

صلاح الوتيدي

فتحي فريد

عبد الخالق فاروق

علي عبد الحميد

عماد صابر

ليلى عبد الحميد

محسن سميكة

محمد اسماعيل -- صحافي

محمد بدر

محمد طاهر

محمد عادل

محمد عبد السلام

محمد فتحي

محمد عبد السلام

محمد مالك

محمود الورداني

مصطفى

مصطفى سيد اسماعيل

نائل يحيى

وليد صلاح
...............................................
دي حبت صور لحد من امبارح