كل سنة و انتي طيبة

To my lil' sister

loby loooo

happy birthday

love u lil' sis

سنة و شهر

إكتشفت فجأة ان بقالي سنة و شهر بدون في المكان ده

سنة و شهر كانوا اغنى سنة في حياتي

بدأتها لما اكتشفت في يوم من الايام ان فيه مكان اتكلم فيه و اطلع فيه اللي جوايا

لما بدأت اكتب كنت عايز اعالج سلبيات صغيرة قوي في المجتمع بتاعنا

و اهم سلبية كنت عايز اعالجها

ان احنا في مصر مش بنحترم لا شعور الاخرين ولا حقوق الاخرين

و دي كانت و مازالت عملالي مشكلة كبيرة في التعامل مع الناس في مصر

و كتبت كام موضوع عن الحاجات دي

لحد ما جه اليوم اللي كان نقطة تحول في حياتي

يوم ما وقع في ايدي فيديو الانسان عماد الكبير

اليوم ده فرق كتير في حياتي

حول اتجاهي كليا اني لازم اتكلم و ابدأ انشط في موضوع حقوق الانسان

اللي منسية بجميع الطرق عندنا في مصر

التدوين بحد ذاته فيه من الناس نوعين

نوع بيكتب علشان يوصل افكاره

و نوع اختار قضية و حب ينشط فيها

و انا اخترت النوع التاني لسببين

السبب الاول كرهي الكبير لنظام الحكم في مصر

وده لآني عشت اغلب حياتي بره مصر وده خلاني اعرف احنا مضحوك علينا قد ايه من الحكومة

و السبب التاني ان نفسي شعبي يبقى احسن شعب بس ده مش هايحصل إلا لما الانسان في مصر ياخد حقوقه

فاتعرفت على ناس كتير من مختلف اتجاهتهم و معتقادتهم

و بدأت انزل مظاهرات و احتجاجات

و اشارك فيها و في تغطيتها

وحبيت اللي انا بعمله

و خصوصا النتيجة اللي وصلنا ليها في موضوع التعذيب

كل ده بدأ هنا في مصر بعد موضوع عماد

بدأت ناس تتكلم و مابقوش بيسكوتوا

و بدأت ناس تاخد حقوقها

و صوتنا وصل الدنيا كلها

الناس بدأت تعرف انهم لازم يتكلموا عشان ياخدوا حقهم

منظمات و جمعيات كتير بدأت تتحرك و تتكلم

و الكلاب بدأوا يتفضحوا في كل حتة و قدام العالم كله

اهم نتيجة وصلنالها في الموضوع ده و الحاجة اللي ريحتني نفسيا

حاجة واحدة

ان الناس عرفت انها علشان تاخد حقها لازم تتكلم

لآن السكوت بيموت الانسان

و بيلغي حقه في الحياة

و هو ده اللي الكلاب عايزينه

ان احنا نفضل ساكتين

لآن طول ما احنا ساكتين

هما هايفضلوا يعملوا اللي هما عايزينه

و بلدنا دي عمرها ما هاتتقدم ابدا

وارجع اقول الكلام اللي انا كاتبه في اول مدونتي علشان اختم بيه

مشكلة البلد دي مش في حكامها..لأ...ده في اهلها اللي ساكتين و مش بيتكلموا

قال يا فرعون ايه فرعنك .. قال ملقتشي حد يلمني

.............................................

عايز اشكر الناس اللي ساعدتني كتير في بداية مشواري ده

واللي لسه فيه ناس منهم بتساعدني لحد دلوقتي

جيمي .. وائل عباس .. محمد الشرقاوي .. بنت سعد .. عرباوي .. نوارة نجم

الناس دي ساعدتني كتير جدا و كنت لازم اشكرهم النهاردة

الحملة الدولية ضد الاحتلال الامريكي و الصهيوني

الحملة الدولية ضد الاحتلال الامريكي و الصهيوني

International campaign against American & Zionist Occupation

مؤتمر القاهرة السادس

6th Cairo conference

27-30 مارس March -2008

من اجل تحالف عالمي بين القوى المقاومة للأمبريالية و الصهيونية

Towards an International Alliance against Imperialism & Zionism

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

cairo's SEXIEST beta3

هاهاهاهاهاهاهاهاهاهاهاهاهاهاهاهاهاهاه

هوهوهوهوهوهوهوهوهوهوهوهووهوهوههو

هيهيهيهيهيهيهيهيهيهيهيهيهيهيهيهيهيهيهيهيهيهي

هأوأوأو

.................

thx bent omran

عيد ميلاد التهيييييييييس

كان النهاردة عيد ميلاد اجمل نوارة في الدنيا

واحتفلنا كلنا معاها

كلنا بس عايزين نقولك

كل سنة و انتي اجمل مهيسة في الدنيا

كوسة

كل حاجة بشوفها اليوميين دول

في الشغل بتاعي

في الطريق بتاعي

في المنطقة بتاعتي

في الناس اللي حواليا

في البلد كلها اصلان

بتحسسني بحاجة واحدة بس

هو ده اللي بحس بيه

كوسة كوسة كوسة

كلنا كده عايزين كوسة

كوسة كوسة كوسة

كلنا كدة حابيين الكوسة

كوسة للشعب الكفران تحت الراية الموكوسة

..............................

يا زمن .. افشخنا .. افشخنا يا زمن

يا زمن .. افشخنا .. افشخنا يا زمن

هانطلع مايتيين بعض كمان

هانطلع مايتيين بعض كمان

واللي هايبعد من هنا

واللي هايبعد من هنا

هانجيب مايتييينوا بالكوسة

عالم وسخة

بعد الحركة اللي عملوها فينا للمرة التالتة

لا تعليق

ولاد المحلة

احلى حاجة عجبتني في موضوع اضراب عمال غزل المحلة

غير طبعا انهم في اضراب اصلا

و ان انا اصلا مولود في المحلة

خبر قريته ان معظم العاملات المعتصمات

بقوا بياخدوا ولادهم الصغيريين معاهم في الاعتصام

مش قادر اقولكم الخبر ده فرحني قد ايه

واللي فرحني حاجتين

الاولى : تفكير الامهات دي انهم لازم ولادهم يعرفوا ياخدوا حقوقهم إزاي

التانية: ان الولاد الصغيرة دي كده هاتتربى انهم إزاي يتكلموا ويطالبوا بحقهم

هي دي التربية اللي ناقصة عند ولادنا

انهم مايسكتوش

انهم يتكلموا

انهم مايخافوش

انهم لازم ياخدوا حقهم

علشان القرف اللي احنا فيه دلوقتي بسبب ان الناس ماتربتشي على كده

ماتربتشي انها لازم تتكلم و ياخدوا حقهم ولو على رقبتهم

انهم طول ما هما ساكتين

حقهم عمره ما هايرجع

هايفضل طول عمرهم متاخد منهم

.....................

مثلين بأمن بيهم

ما ضاع حق وراءه مطالب

يا فرعون ايه فرعنك . قال مالقتشي حد يلمني

...............

تفاصيل غزل المحلة

عرباوي

شكرا ل يساري على الصورة

انتوا ليه اغبيه كده

الامارات الغت عقوبة حبس الصحفيين

واحنا لسة حابسين اربع صحفيين

طب اقول ايه للناس اللي عندنا دي

احه؟؟

هو الناس كلها بتتقدم

واحنا لآ

هو انتوا ليه اغبيه كده

القاهرة في رمضان

بقالي فترة ماشوفتش فيديو ضحكني
و بيتكلم عن خيبيتنا اللي موجود في كل حاجة
حاجة احنا مختلفين عن العالم كله فيها
المرور
من العن الحاجات في مصر
حاجة بجد ماشوفتهاش في اي دولة
المهم
اتفرجوا واضحكوا شوية