أعتقد أن هذا هو أفضل توقيت لفضح سياسات الحزب الوطني.. وتجريسه وشرشحته في الداخل والخارج
قبل عقد مؤتمره السنوي المقبل.. فهذا الحزب منح كل محام عضواً به..
توكيلاً لحبس الصحفيين والمواطنين علي حد سواء
لكل من يعترض علي سياسات الحزب أو ينتقد رموزه
هل هناك فرصة أفضل من ذلك؟ ولا مشكلة في أن يرتفع عدد الصحفيين من أربعة إلي عشرة
ثم من عشرة إلي عشرين
ده كان كلام مجدي مهنا النهاردة في المصري اليوم
انا شايف انه عنده حق
الكيان ده لازم نفضحه قدام العالم كه قبل المؤتمر السنوي بتاعه
و صدقوني ان لسه ناس في مصر حسباه انه كويس و بيعمل اللي عليه علشان البلد
بس ياعيني ظروف البلد وحشة, واحنا عددنا كتير
فاوالنبي الحزب هايعمل ايه اكتر من كده
ماهي البلد مفشوخة حرية و اللي عايز يعمل ولا يقول حاجة بيعملها
دول غلابة و طالع مايتنهم في الشغل كل يوم
عايزين يعملولنا كل حاجة
بس العين بصيرة و الايد قصيرة
و تلاقي ناس كتيرة قوي لسه بتدعي للريس و للحكومة
اللي مخالينا احسن ناس في الدنيا
ماهو ماحدش فيهم سافر برة و عرف ان احنا حتى اقل دولة عربية
المهم
ان الناس دي اللي ميدية لنفسها حق العيب في الذات الالهية
و ادت لنفسها الحق انها تحبس اي واحد فينا يتكلم عنهم
لازم يعرفوا اننا هانفضل نتكلم عنهم و نفضحهم و مش هانسكت
و خليهم يرفعوا علينا قواضي و يحبسونا
هانتكتب من السجن
ولا يقفلولنا مداونتنا
هانفتح غيرها
عادي
واخبطوا دماغكم في الحيطة
.jpg)
هناك ٣ تعليقات:
كاتب المقال مجدي مهنا وليس مجدي الجلاد
اعتقد انه اذا لم ينتهز الناس الفرصة ويتحركوا فلن يحدث اي تحرك بعد ذلك
وعلى هذا الشعب ان يجهز اكفانه
سلام عليكم
هل تعلم يا دماغ المشكلة التي افكر فيها اين؟
ان يختلط علينا الامر و هو يختلط فعلا فنستنتج من كل تصرفات الحكومة انها خاطئة و تصب في ضد مصلحة الشعب
لمجرد ان من اصدر القرار يتنسب للحكومة
ان تم حبس شخص ما لسبب سليم و كان يعمل صحفيا سيتم الخوض في انه قد حكم عغليه لانه لا يوجد احترام لحريات الصحافه
نعم اعترف ان حريات الرأي ممتهنه لاقصى حد عندما رغم الغلاف اللامع الذي يحيطها و يجعل البعض يظن اننا نملك الحرية و لكنها حرية متاحه طالما لن تطل الخط الاحمر المحيط بالنظام
فقط اتمني ان لا نخلط الاوراق و نعرف من يستحق و من لا يستحق الدفاع عنه حتى لو كان من حبسة هو الشيطان نفسه
shokra ya bella,,,ha3'ayarha...ana etla7'bat we ana bakteb
إرسال تعليق