بقالي كتير ماكتبتش حاجة
كنت مشغول قوي في شغلي ( الزفت ) و حياتي اللي مابقتشي فاهم فيها أي حاجة
حصلي مييت موقف كنت عايز اكتب عنهبس مفيش نت في البيت
زائد ان معنديش وقت اكتب الا و انا نايم
بس انا عايز اتكلم عن حاجة خنقتني و انا مروح من كام يوم
كنت في الباص بتاع الشغل و قاعد جنب السواق
فاشغلت الراديو على اغاني
و فجاءة طاع صوت من ورايا واحد اعرفه بيقول : اقفل الزفت ده انا مابسمعش اغاني
فابصتله و قلتله : ماشي يا **** بس نوطيه بلاش نقفله
قال لي : لأ اقفله
انا : لو انت مابتسمعهاش في غيرك بيسمعها
هو : مش مهم
انا : يعني ايه مش مهم
هو : يعني مش مهم
السواق : صلوا على النبي يا جماعة ,, اهو يا باشا قدينا قفلناه
ده اللي حصل مع شخص اقل كلمة اقولها عليه انه متخلف
لما تغصب كل اللي حواليك على رأي خاص بيك ده اسمه تخلف
و كمان فيه طريق الطف من كدة لما تيجي تعمل حاجة زي دي
مش تيجي تقولي مش مهم رأي الناس كلها و انا سبع البرمبة اللي رأي هو اللي صح
نفس برضه اللي بيجي يركب أي مواصلة و يجي مخلي السواق يقفل أي حاجة مشغلها و يجبره انه يشغل قرأن
طب افرض السواق مثلا مش مسلم
او الركاب مش مسلمين
بتجبرهم ليه يسمعوا حاجة خاصة بيك انت و بينك و بين ربك
اصل الدين مش عافية و مش باللي بيفرض نفسه على غيره
ده بالعكس
أي حد فينا بتنفرض حاجة عليه بيكرهها
انا مش ضد ان الناس كلها تشغل قرأن بس هو الدين مش انك تسمع قرأن طول الوقت
و انت اخلاقك و طريقة حياتك و كلامك مع الناس اوسخ من الزبالة
على أي حال
انا ماسكتش بعد ما السواق قفل الراديو
نفضت للشخص ده و جيت مشغل موبايلي الميوزيك إديشن على طول
و جيت معليه على الاخر
و شغلت لنكن بارك كمان
يعني عملت احلى اقلق
و خليته هو بقى يحس انه مجبر على حاجة
وانه هو اللي مش مهم رأيه
مش كل الناس
.jpg)
هناك ١٥ تعليقًا:
عامل الناس بما تحب ان يعاملوك به
زيه زي اللي يدخل مدرج الكليه الصبح و الواحد مش طايق دبان وشه على الصبح و يروح فاتح مصحف و في الميكرفون و يقرا قرآن
يا جدعان الدين لازم يكون مطلوب مش طالب
الناس تسعى ‘ليه مش العكس
فبيكون الرد ان الواد دا شيوعي كافر و يحاربكم في دينكم
طي *** أمكم
و لو كنت طفيطه فعلا تبقى غلطان يا ماك
looooooool la2 gamed yad ya mak hheeheeeeeeeeee , kot tash3ál 7aga brutal death metal b2a kan shad fe sh3ro looool
الموقف ده بيحسسنى اننالسه فى التخلف الازلى
ووخير ماعملت
تحياتى ليك
الازمة مش بس فرض الدين .. المشكلة الحقيقية كمان في عدم احترام الاخر أيا كان.
يعني كل واحد بيحتكر الحقيقة وعايز يفرضها على كل اللي حواليه باعتبارهم ضالين او متخلفين
الموقف ده بيحصل لي كتييير جدا بس السواق ده مهذب جدا بطريقة غريبة :)
عادة السواق ايا كان اللي مشغله سواء اغاني او قرآن كان هيقول للراكب لو مش عاجبك انزل
افتكر واحد يجبرك انك تقفل الاغانى ده شىء اهون من انك تكون بتكلم مع حد ويقولك روح التزم بالاسلام احسن
انا بقى ياعم ماك كنت بتكلم مع واحده منتقبه قالت لى روحى التزمى الاول بالزى الاسلامى وبعدين ابقى تعالى اتكلمى عن الاسلام مع انى محجبه والحمد لله وملتزمه جدا عبى قد ماهى جاهله جدا فاكبر دماغك ياعم دول من انصار قناه الناس
مع أنى موافق أن الراجل ده طريقته غلط لما قال لماك أنه مش بيسمع أغانى ومع أنى مع إن كل واحد حر بس فى نفس الوقت ما هو ماك كان بيجبره أنه يسمع أغانى لما كان معلى الصوت
هو الحل أنك تكون مشغله على قدك أو تسمع فى هيدفون لأنك أنت حر فى نفسك :)
وعلى فكرة هو مش المتحدث الرسمى بأسم الإسلاميين لأن فى طريقة دعة أحسن من كده
وكان ممكن يقولك لو سمحت شغله على قدك.
:D:D:D:
fakarteny lamma rekebt l metro
w wa7da alet do3aa2 l rokoob besoot 3aaly wl naas a3adet terod waraha
l moshkella enno l christians 5ado l mawdoo3 3ady ezaher met3awedeen
ana et5adeeit 5adda ya mak ya lahwyyyy
we ro7t medeyahoom nazra :D
bs ih da
eih l nas l ghareeba de!!
انت بتقول انو مابيحترمش رأي غيره ولكل واحد حريته الشخصيه
طيب انت لما شغلت الاغاني ليه مافكرت كمان ان لكل واحد حريه شخصيه
والا اي حاقه برا الدين حريه شخصيه والدين مابئاش حريه شخصيه ؟؟؟!!!!
على فكره انت غلطان برضه لان المفروض ان اى حد بيحب يسمع اغانى يسمعها فى هيدفون او قران كذلك والمفروض مفيش سواق يفرض على الناس اللى بيسمعه يسمع وهو بيريح والشخص ده لم يدع بالحكمه والموعظه الحسنه فهو مخطئ ايضا المفروض انه كان يطلب ان يغلقه لانه مش عاوز تتفرض عليه الاغانى اللى مبيحبهاش ودى حريه شخصيه لهذا الشخص والمفروض انت تحترم حريته وتتقبلها بصدر رحب وتعلمه ازاى يطلب منك بالحسنى
هذا الموقف يذكرنى بقصة سيدنا نوح ردا عى الاخ اليسارى بقله احنا برضه فى بلد مسلمه ومن حق المسلم برضه انه يدعو لدينه واذا رئا اخوانه غارقين بالمعاصى ان ينصحهم فى الله فزميلك اللى بيقول كلمه فى مدرج عاوز تسمع اسمع ولو مش عاوز عنك ما سمعت دى كلها خمس دقايق والدين هايطلبك ازاى تقصد يعنى هايكلمك فى التليفون ولا تقصد ايه ياعم الشيوعى زى قوم نوح بالضبط لما كان يدعوهم جعلوا اصابعهم فى اذانهم واستغشوا ثيابهم واصروا واستكبروا استكبارا وربنا بيقولك (( ولتكن منكم امة يدعون الى الخير ويامرون بالمعروف وينهون عن المنكر واولئك هم المفلحون)) بس بالحسنى مش بالتشدد مقلناش حاجة وفى نفس الوقت انت تتعامل بادب وبالحسنى ومتصدش من يدعوك وتقول حريتى وعيب الشتايم دى يا يسارى
ردا على محمد اللي فوق
اولا مش فاهم انت بتقول شيوعي دي كأنها شتيمه يعني عموما معزور ما البلد دي متشكله على مزاك صحابها و هي دلزقي للأسف بتاعة الاسلمجيه و متدعي التدين
المقصود بأن الدين يكون مطلوب يا محمد ان الدين يكون مرغوب فيه من أهل الدين
يعني المسلم يكون هو اللي عايز القرأن مش القرأن اللي عن طريق آخرين يكون مفروض عليه دون النظر لظروف المستمع
و متخلطش بين كلامي و كلام الدعوه للدين
رجوعا للأسلمجيه و مهازلهم المتكرره انا في لجنة الامتحان اللي فات لاقيت جوز بنات من اللي لابسين اسدال اسود و فوقيه نقاب يعني عنيهم بس اللي باينه لاباين دول ولاد ولا بنات و لا هما ايه هما عاملين زي البطريق بظبط
و قعدوا ورايا و ربع ساعه و اللأختين اشتغل الغش من خلف الزي الاسلامي الملتزم الامين
و هاتك يا تغشيش يالكلام و طبعا مطمنين بقهم متغطي
و لجل خظهم اني قاعد ناديت المراقب قاصد و سمعهم و طلعهم برا و انا قلتله لازم تجرسهم و تفضحهم على اللبس اللي لابسينه دول منافقين و احقر من " المتبرجات " مع تعطيش الجيم
و يافرحت قلب الاسلام بشبابه اللي هيدوا إليه
و بلاش اتكلم اكتر عشان مقوش كلام يحسب عليا
الى سأبتسم
انا مابردش غالبا على الكمنتس عندي بس كلامك دايقني
انت شكلك مش فاهم احنا بنتكلم في ايه فا قلت اوضحلك
الموضوع مش اني اجبرته يسمع اغاني ولا هو ليه حقه انه مايسمعش الضلال اللي كنا بنسمعه
لو قريت اللي انا كاتبه كويس
هتفهم ان المشلة في الطريقة اللي اتكلم بيها و هو (بيأمرنا) نقفل الاغاني
...................
الاخ اسلامي مصري
انا ماكنتش معلي الصوت
.................
الاخ محمد
عيب تشبهنا بقوم نوح
و بعدين احنا كنا بنشغل الاغاني دي كل يوم
ااعتراض يا ناس كان عى طريق الكلام
مش حرية الاختيار
اللي انت عملته يانجم كان احسن حاجة مش من حق اي حد يفرض علي اي حد اي حاجة حتي لوانه يسمع قرآن
اصلها مش عافية
بس فيه كلمة للأخ يساري كلمةاسلمجيةدي مش لطيفة خالص يعني ممكن يكون في كلمة تانية افضل وكمان ياعم هو العيب في اللي لابس الخمار والأسدال مش في الأسدال اوالخمار
يعني قصدي اقولك العيب في المسلمين مش في منهج الإسلام
انا ابدا بكلمه احمد زكى فى ضد الحكومه (كلناااااااا فاسدون لا اثتثنى احدا)
يا جماعه كل الى حصل كان غلط من الاول يعنى الطريقه اللى طلب فيها او(امر)فيها الشخص بقفل الاغانى كان غلط وكامن ماك كان غلطان عشان المفروض انه كان وضح للشخص ده انه يطلب بطريقه احسن من دى مش يفكر ازاى ينتصر عليه دى الكلمه الحلوة صدقه
وبعد كل ده ايه اللى قلب الموضوع ل(الكلام فى الدين)اللى انا فهمته ان ماك كان يقصد حريه الشخص وكيفيه الدفاع عنها ليه الكلام اتحول للدين
ده عيبنا احنا العرب كل واحد ياخد الحته اللى عجباه من الموضوع ويتكلم عنهاوده اللى مخلينا مش عارفين ناخد قرار سليم اونعمل نقاش حضارى
إرسال تعليق