كل واحد يخلي باله من لغاليغه


بما ان النهاردة اخر فرصة نقول فيها الحق و نقول فيها رأينا قبل ما نتلم و مدواناتنا يقفلوهايبقى الحق اقولي كلمتين

يلعن

و يحرق

وياخد

و يخرب

و يقطع

و عليه اللعنة

و تبا له

و الى الجحيم

ايها الوغد

أأأأأأأأأأأأأأأأأأأأأأأأأأأأأأأأأأأأأأأأأأأأه

كده استريحت و طلعت اللي في صدري كله

اصل من بكره زي ما كلكم عارفين واتنشر في الجرايد

ان من يوم 1\7 اي واحد هايفتح بقه على مدونته هايتمسك

و يقفلولوا مدونته

و يقيموا عليه الحد في ميدان عام
وهايخدوا لغاليغه
فا كل واحد يخلي باله من لغاليغه
اللي هاموت واعرف موقعها فين في الجسم
وهي كام لغلوغ باضبط

فا كتير منا قرر ينفض للي احنا فيه

اللي هايكتب في الرياضة

واللي هايكتب في الفن

واللي هايكتب على العربيات

كل واحد شافله صنعة تانية

و كتير منا فكر يهاجر

ماهي مابقاش منها فايدة

حتى النفس بتاعنا هايمنعوه
الناس الوحيدة اللي كانت بتتحداهم و تفضحهم هايسكتوهم
ناقص ايه تاني
يصوروا لغاليغنا و يفضحونا في الدنيا

الله يحرقهم كلهم

حملة اعلامية ضد عماد الكبير




اتصلت بجبهة التهييس الشعبية

وقالتلي أن فريق الدفاع عن إسلام نبيه

يعد حملة استباقية لتشويه صورة عماد

من خلال افتعال مشاجرة حدثت امس في بولاق الدكرور

وطبعا لبسوا اسم عماد فيها زورا

وقامت القاهرة اليوم بالانضمام الى هذه الحملة

والتسجيل مع المدعين على عماد

واهمال التسجيل مع الشهود الذين شهدوا لصالح عماد

وسيقوم عماد باصطحاب الشهود غدا الى النيابة

لاتخاذ الاجراءات اللازمة ضد هذه الافتراءات

التفاصيل عند جبهة التهييس الشعبية

مافهمتش

خبرين سمعتهم النهاردة اول ماصحيت و مش فاهم منهم حاجة
الخبر الاول
الحكم بالسجن 25 عاما على المهندس المصري المتهم بالتجسس لحساب اسرائيل
الخبر التاني
الرئيس مبارك يلتقي رئيس الوزراء الاسرائيلي في شرم الشيخ
,,,,,,,,,,,,,,,,,,,,,,,,,,,,,,,,,,
حد فهم حاجة؟؟؟
انا فهمت و انا بكتب الكلام ده
فهمت ان احنا اتحولنا لدولة غير محترمة و معندهاش دم
لما يقابل رئيسها رئيس وزراء دولة احنا لسه حاكمين على واحد كان بيتجسسلهم علينا
انا اسف بس عايز اقولها
احه جدا
,,,,,,,,,,,,,,,,,,,,,,,,,,,,,,,,
سلام
هاهاهاهاها
قال سلام قال

0

فيفا عم احمد


عم احمد تعبان ياناس

زيي بالظبط

عنده نفس اللي عندي

بناخد نفس الدوا

محنا جوزاء زي بعض

عم احمد حالة حصلت مرة واحدة و مش هاتتكرر

عم احمد راجل

و كلمة راجل دي كبيرة

عم احمد احترم نفسه

عم احمد احترم بلده

عم احمد احترم قلمه

ولما عم احمد عمل كل ده

اتحبس و اتبهدل

بس فضل عم احمد

و ماغيرش نفسه

علشان عارف حقه

وعايزه

وعايزنا ناخد حقوقنا

عم احمد قلبه طفل صغير

تحس بيه و هو معاك

و عم احمد قلبه وحش كاسر

تحس بيه برضه و انت معاه

و الاتنين تحس بيهم وهو بيكتب

الاتنين في نفس الوقت

عم احمد هايفضل عم احمد

هاندعيلك بالشفا و طول العمر يا عم احمد

فيفا عم احمد
سلام

النمر طارت

كعادتي اني بفهم في كل كبيرة و صغيرة
قلت لنا اظبت تليفوني في بيتي
بدل ما ادفعلي كام جنيه في الاجازة دي
و انا مش لاقي اكل اصلان
قمت جبت كل حاجة
الكابل و السي دي
و جيت مركب كل حاجة
و سبته و نمت
صحيت زي الشاطر
لقيت كل النمر ممسوحة من عليه
و طبعا صاحبكم افشل واحد في العالم في موضوع تذكر الارقام دي
وفيه نمر لو اتنططت مش هاعرف اجيبها تاني
فا نداء الى اصحاب القلوب الرحيمة اللي كانت نمرهم معايا
ابعتولي ارقامكم تاني ارجوكم
احسن انا محتاس
و متكدر اخر حاجة من الحركة دي
ابعتولي على
demaghmak@gmail.com
و لكم الرضا و البركات
و هنيالك يا فاعل الخير و الثواب
و ايميل يتيم يمنع يلاوي كتير
و لكم جزيل الشكر
وسلام بقه انا راجع الاجازة
بس والنبي اكتبوا اساميكم جنب الرقم
معلش بقه
هاتقل عليكم شوية
سلام تاني
<<<<<<<<<<<<>>>>>>>>>>>>
صحيح
وائل عباس كعادته برضه
جايب بلاوي هبل الحكومة اللي فضحت نفسها
في انتخبات مجلس اللي كلامه ملهوش لازمة
ياريت اللي ماشفهاش يشوفها
سلام تالت

انا في اجازة

معلش يا جماعة
انا في اجازة اليومين دول لحد يوم 25\6 الجاي
اصل احلى حاجة في حياتي اليومين دول في مصر
و انا هاقضي معاها اليومين دول
..................................
طبعا جبهة التهييس مغطياني بجامايلها كالعادة
جميع تفاصيل محاكمة الكلب هاتلاقوها عندها
و عند عرباوي بالانجليزي
وهتلاقوا عنده برضه تفاصيل كل حاجة تانية اصلان
واحشني يا عرباوي صحيح
.............................
مش ملاحظين ان العزبة نايمة اليومين دول و مفيش حاجة جديدة
مش قصدي على المدونة
قصدي البلد
حاسس بوضع غريب قوي
مش عارف فيه ايه
دنيا خربانة على رأي اغنية معفنة جدا
...................................
ابقوا اسألوا عليا يا جدعان احسن بتوحشوني

عبير


البنت عبير سافرت من كام يوم كده
راحت كندا بلد التلج الكتير
جت على بالي امبارح و انا بسمع اغنية (بيت صغير في كندا ) لفيروز
عرفتها عبير قريب
بنت راجل جدا
جدعة جدا
كلمتها في المطار وهي مسافرة
قلتلها ماترجعيش تاني
نفسي ربنا يوفقها هناك
هي تستاهل
بسأل عليها صحابنا هنا و بطمن عليها
مش عارف انا كتبت الكلام ده ليه
لقيت نفسي عايز اكتبه
و هو مايهمش حد فيكوا
بس اهي مدونتي و اعمل اللي انا عايزه
عبير
انا نسيت اقولك حاجة و انا بكلمك اخر مرة
لا إله إلا الله
....................
سلام