الكلام ده ليكي يا حكومة

كنت قابلت سيزر من فترة و فكرني بالأغنية دي ل لنكن بارك

و انا بحب الفريق ده جدا

و لما قعدت افتكر كلامها حسيت كائنهم عاملينها لحكومتنا

ده كلامها و ترجمتها اللي على قدي

و هاتلاقوها شغالة اول ما البلوج يفتح

اسيبكم معاها

.........................................

NUMB

................................................

I'm tired of being what you want me to be

تعبت من محاولتك تخليني الشخص اللي إنت عايزاه

Feeling so faithless
معنديش إيمان بحاجة

Lost under the surface
تايه

I don't know what you're expecting of me
مش عارف إنت متوقعة مني إيه

Put under the pressure
و انت حاطاني تحت ضغط

Of walking in your shoes
إني امشي على خطواتك


Every step that I take is another mistake to you
كل خطوة باخدها هي غلطة ليكي


I'veBecome so numb
أنا بقيت حاسس إني منمل

I can't feel you there
مابقتش حاسس بيكي

Become so tired
بقيت تعبان

So much more aware
بقيت حذر أكتر

I'm becoming this
إني أكون اللي إنت عايزاه

All I want to do
كل اللي انا عايزه

Is be more like me
اني أكون نفسي اكتر

And be less like you
و ما كنش زيك
Can't you see that you're smothering me
مش شايفة انك بتضحكي عليا

Holding too tightly
ماسكة عليا قوي

Afraid to lose control
خايفة تفقدي السيطرة

'Cause everything that you thought I would be
بس كل حاجة كنت مخططة اني اكونها

Has fallen apart
بتنهار دلوقتي قدامك

right in front of you
كل خطوة باخدها هي غلطة ليكي

Every step that I take is Another mistake to you
و كل ثانية بضيعها

And every second I wasteIs more than I can take
اكبر من اني استحملها

لازم تتفرجوا

معلش يا جماعة
الفيديو ده صعب شوية
بس لازم تتفرجوا عليه
و تعرفوا الناس دي بتعمل ايه
و برضه علشان بنات الراجل ده اللي إتيتموا
و أخوه اللي لسه معتقل على الفاضي
لازم تتفرجوا




فوقوا يا بشر


بطل يابني

إيه الهبل ده

هاتستفيد إيه

إمشي جنب الحيط و كبر دماغك

هو إنت يعني اللي هاتغير

.......................................

دي عينة من الكلام اللي الواحد بياخده لما يبداء يكلم الناس عن اللي بيعملوا

واللي بيحاول يغيروا هو أصحابه في البلد

هو دة رد فعل الناس على كل محاولة الواحد بيعملها علشان يرجعلهم حقوقهم

و يخليهم زي أي شعب محترم تاني في العالم

بيعمل واجباته و بياخد حقوقه بمنتهى الإحترام

منتهى الإحباط و السلبية من الناس تجاه الأشخاص اللي بيطالبولهم بحقوقهم

الشعب بتاعنا ده مات خلاص

......................................

يوم 18/1 اللي فات و إحنا واقفين في ميدان السيدة زينب بنتظاهر علشان الغلاء اللي في الاسعارعلشان الناس

و محاطين بالأمن المركزي و الأمن اللي لابسين مدني علشان يعرفوا يضربونا في اي وقت

تلاقي الناس واقفى تتفرج علينا من برة سور الامن المركزي اللي علينا كائننا حاجة غريبة . و هبلة . وملناش فايدة

و اللي يحرق الدم إنهم قاعدين يشاوروا علينا و يضحكوا كاْننا مسرحية

مش ناس رمت حياتها ورا ضهرها . و ناس منها أعتقلت و اتهانت

و أتذلت ومنهم ناس أغتصبت علشان الناس اللي واقفة بتضحك دي تاخد حقوقها

بدل ما الناس دي قاعدة تشتكي في بيوتها و خلاص و تندب حظها - ما تتحرك

هو إيه مبقاش فيه دم

يا عم مش عايزينك تشارك معانا بس ما تحبطناش

كفاية الضغوط اللي علينا

و ما تقفش تضحك علينا كأننا أراجوزات

انتوا متوقعين ايه من اي حاكم شايفكم بالسلبية دي

ماهو لازم يدوس عليكم بالجزمة و يعمل اللي هو عايزه و بسلبيتكم دي كأنكم بتقولولوا كمان

.............................................

اللي عايز يفضل نايم يفضل بعيد عنا

سيبوا الصاحي صاحي

وبلاش هبل و ضحك

دي حركات عيال صغيرة

.............................................

أسف على طريقة كلامي بس انا محروق دمي

قبل ما تقروا اللي مكتوب هنا عايز اقول ان السكات مبقاش ينفع
لأن بالطريقة دي هايجي الدور على أي حد فينا قريب
و لو ماتكلمناش دلوقتي
مش هانلاقي حد يقف جنبنا ساعتها
هافضل انادي للأبد
إتحركواااااااااااااااااااااااااااا





من موقع حركة كفاية


إلى كل مصري لا يريد أن يستيقظ يوماً على نبأ اكتشاف مقبرة جماعية لضحايا سفاحي أمن الدولة إلى أي "رجل رشيد" وجد نفسه - بطريق الخطأ - مسئولاً في وزارة الداخلية وأجهزة النظام المباركي إلى كل إنسان يحترم حقوق الإنسان وآدميته إلى كل من يهمه الأمر بتاريخ 16 سبتمبر 2003 قام النقيب بمباحث أمن الدولة المدعو/ أشرف مصطفى حسين صفوت باستدعاء المواطن / محمد عبد القادر السيد - رحمه الله - وشقيقه سامح إلى قسم شرطة حدائق القبة ؛ بناء على أمر اعتقال غير قانوني , حيث تعرّض محمد عبد القادر لتعذيب بشع من المجرم المذكور أدى إلى وفاته بعد خمسة أيام من تاريخ اعتقاله , ولا يزال شقيقه سامح معتقلاً حتى الآن. رفض أهل المجني عليه تسلم جثته ولجأوا إلى جمعية المساعدة القانونية التي أبلغت النيابة , وأثبت الطب الشرعي بعد معاينة جثة الشهيد محمد عبد القادر أنه تعرض لإصابات " بكدمات محمرة وتجمع دموي بالشفاة السفلي والحلمة اليسري والرسغ الأيمن والساعد الأيمن والصدر والذراع الأيسر والفخذ الأيسر والساق اليسري (..)و انسكابات غزيرة بالرأس والبطن وهي إصابات ذات طبيعة رضية حدثت من المتصادمة بجسم أو أجسام صلبه (..) وتلك الإصابات حيوية حديثة تعاصر تاريخ الوفاة".وأكّد تقرير الطب الشرعي وجود "تقدد وتأثير حراري" في الثدي الأيمن والأيسر والقضيب يشبه التأثير الناتج عن الصعق بسلك كهربائي , حيث تعرض لهذه الإصابات قبل ساعات من وفاته . خلال متابعة القضية واجه محامو جمعية المساعدة القانونية صعوبات كبيرة تمثلّت في منعهم من الاطلاع على النسخ الكاملة للتحقيقات - بالمخالفة لقانون الإجراءات الجنائية - وامتناع وزارة الداخلية عن تنفيذ عدد من قرارات ضبط وإحضار الضابط المتهم , وفوجيء المحامون في جلسة 4 نوفمبر 2006 بقيام أهل المجني عليه بإلغاء التوكيلات القانونية وتنازل الأسرة عن الإدعاء بالحق المدني ضد الضابط ؛ بعد تعرضهم لضغوط ومساومات مفادها : الإفراج عن ابنهم الحي مقابل التنازل عن حق ابنهم الميت !! وهاهو جلاد وقاتل آخر يوشك أن يفلت من العقاب ؛ ليعيث قتلاً وتنكيلاً وصعقاً في المزيد من المواطنين المصريين داخل سلخانات أمن الدولة ومجازرها البشرية, وليتأكد يوماً بعد يوم أن النظام المباركي يرعى الجلادين ويغطي على جرائمهم ويمنحهم الحماية بما يشجع زملاءهم على انتهاك الناس واتباع سياسة التعذيب الممنهج . الفرصة الأخيرة للحفاظ على حق الشهيد محمد عبد القادر - وحق المجتمع - وحق بناته الثلاث , هي تدخل النائب العام المستشار عبد المجيد محمود ,و الوصي على مصالح البنات القصّر رئيس نيابة الأسرة للولاية على المال - حدائق القبة - باتجاه استمرار الدعوى ضد المجرم والإفراج الفوري عن سامح شقيق الشهيد , حيث تنعقد جلسة المحاكمة التالية في الثالث من فبراير القادم . إننا نحمّل كافة الجهات المسئولة ومنظمات المجتمع المدني - والمجتمع المصري بكامله - المسئولية القانونية والأخلاقية الكاملة المترتبة على الآثار الخطيرة الناتجة عن انعدام العدالة وضياع الحقوق وفشل الطرق الشرعية والنظام القضائي المصري في معاقبة المجرمين من ضباط الشرطة , وإذ نضع هذه الجهات أمام مسئوليتها نعرض للرأي العام من واقع التقارير الأصلية للطب الشرعي صور الإصابات التي لحقت بجسد الشهيد محمد عبد القادر وأدّت إلى مقتله تحت التعذيب.


تحذير:الصور قد تكون صادمة جدا للبعض وغير مناسبة للأطفال لذلك وضعناها في ملف منفصل
هنا


تفاصيل أكثر


بلا هوية

انا مش فاكر انا كنت عايز اكتب ده ليه
ولا عارف انا عايز ايه
ممكن يكون السبب اني مش موافق على اللي انا فيه
ولا عارف اني ممكن اكون اكبر و احسن من كده
عارف - لأ - انا متأكد انا شخص كويس
صحيح كنت شخص سئ لفترة طويلة
بس في الخفاء
كان ليا عالم سري لوحدي
كنت شخص بايظ و بعمل كل حاجة غلط ممكن الواحد يتخيلها
بس ماكنش حد يعرف ده عني من اللي حوليا
ممكن واحد او اتنين
بس قدام الباقين كنت شخص كويس و مؤدب و موثوق فيه
و مخيبتش ظن حد فيا
الواثق فيا فضل واثق فيا
و اللي بيحبني فضل بيحبني
مابعتش حد ولا خنت حد
بس في نفس الوقت في عالمي التاني
كنت سئ - و اذيت ناس كتير
نفسي يسامحوني على اللي عملته فيهم
واللي عملته فيهم مش قليل
ربنا يصبرهم عليه - و يسامحني عليه
علشان كدة انا حاسس اني بلا هوية
حتى ميلادي و سكني في حياتي
عمره ما كان في نفس المكان
كل يوم مكان جديد
ناس جديدة
حياة جديدة
عادات جديدة
انا حتى مابقتش الثابت في حياتي
إتغيرت
بقيت أحسن
أوحش
ماعرفش
انا ليه و منين و أزاي و على فين ؟؟؟؟
تايه و هفضل ادور على حياتي اللي
بلا هوية

إصحوا يا ناس



ماشي مش عارف فين على منين
و منين هاروح على فين
سارح في بلدي و مهموم
محروق مخنوق
من أهل بلدي الساكت و المذلول
لا بيتكلم ولا بيقول
ليه الحرمان و الذل يطول
كاتم في قلبه و سايبها
زي ما تروح تروح
غربته في بلده كل يوم بتزيد
و قهره كل يوم بيقول
إتحرك ليه إنت نايم؟؟
ساكت كده و مذلول
هايحصل ايه يعني؟ هاتموت؟؟
ما انت ميت
ولا فاكرنفسك كده شملول
ربنا هايغير لما تغيروا ما بأنفسكم
بس طول ما انت كده هاتعيش مشلول

تعيش مرسيدس.. تعيش





مكتوب علي كل مصري - خصوصاً إذا كان مواطناً عادياً، لا حول له ولا قوة - أن يظل طول الوقت، يقارن بين حالته، وأحوال الآخرين، فيزداد حزناً علي سوء حظه، وإهدار كرامته، في كل لحظة!.. فقيمة الإنسان - أي إنسان - علي أرض بلاده، تُقاس دائماً بالأفعال، وليس بالخُطب والشعارات الفارغة من أي مضمون!.. كما أن وزن الإنسان، باعتباره إنساناً فقط لا أكثر ولا أقل، يظل متوقفاً علي ما إذا كانت ممارسات بلده، تنصفه، وتقف في صفه، وتدافع عنه، أم أنها تُهينه، وتصفعه علي وجهه وقفاه علي الدوام!!
مثلاً.. قررت شركة مرسيدس الألمانية، هذا الأسبوع، سحب ١٣٠ ألف سيارة من الأسواق، علي وجه السرعة، لأنها اكتشفت أن هناك خطأ مُحتملاً في جهاز تشغيل مساحات الزجاج في السيارة!! وقالت الشركة، فيما صدر عنها من معلومات حتي الآن، إن السحب سوف ينطبق علي السيارات التي جري إنتاجها من مايو ٢٠٠٥، إلي مايو ٢٠٠٦، وتحديداً علي موديلات أو طراز «إيه، وبي، وسي كلاس»، وإن هذا سوف يجري، حفاظاً علي حياة الإنسان أولاً ثم حفاظاً علي سمعة الشركة ثانياً!!
في الأسبوع نفسه، كانت الأسواق المصرية، تمتلئ بأكياس الدم الملوثة، التي تقتل الإنسان، وتسبب له أخطر الأمراض، ولكن أحداً لم يفكر في سحب الأكياس من السوق، لا من الشركة المنتجة ولا من غيرها، بل إنه مع مرور الوقت، كانت المأساة تتكشف أكثر وأكثر، وكانت الأنباء التي تكشف عنها المهزلة، أولاً بأول، تشير إلي أن الأكياس الملوثة، تنتشر في الأسواق، علي طول البلد وعرضه، كأنها عدوي!!.. وكانت الحكاية تكبر، وتكبر، كأنها كرة من الثلج، كلما تدحرجت، ازدادت ضخامة وحجماً!!.. وكان البرلمان، يتمخض - بعد بداية الفضيحة بأكثر من أسبوع من الرعب بين الناس - عن سماح للنائب المتهم في الموضوع، بسماع أقواله، فالأمر في نظر مجلس الشعب، ليس خطيراً وإلا فماذا في قتل مائة، أو مائتين، أو حتي ألف من البشر بالأكياس الملوثة عن قصد وعن عمد؟!.. ماذا في ذلك؟! إن عندنا من البشر وفرة وزيادة!!.. ومقتل مليون بني آدم، لن يؤثر فينا، ولا يعنينا!!
ومع ذلك، فالمسألة ليست في مجرد السماح للرجل بسماع أقواله، أو حتي رفع الحصانة عنه.. فالمهم هو أن يأخذ التحقيق مجراه الحقيقي، دون تدخل من أحد، أياً كان منصبه.. وإما أن يكون المتهم بريئاً، فيعود إلي مجلس الشعب، كما خرج منه لتستمع النيابة إلي أقواله،.. أو يكون مُداناً، فيقع عليه العقاب الذي يقره القانون.
بالطبع.. ليس المرء في حاجة، إلي الإشارة إلي أن شركة مرسيدس، فعلت ما فعلته من تلقاء نفسها، وطواعية، ولم تكن، فيما أقدمت عليه، تستجيب لضغوط من الصحافة، أو من غيرها.. ولكنها كانت تتحرك حرصاً علي حياة أي إنسان، سوف يستخدم منتجاتها، وكانت حركتها بضغط من ضمير القائمين عليها وحده.. وليس بضغط من الدولة، ولا من البرلمان، ولا من النواب، ولا من أي جهة.. كما أن الخطر الذي تحركت الشركة، لمنع وقوعه، كان محتملاً.. ولم يكن مؤكداً بأكياس الدم الملوثة!!
هذا هو الفارق الوحيد، الذي يجعلهم فوق القمة التي يستقرون عليها.. ويجعلنا في المنحدر، الذي نتخبط فيه


من جريدة المصري اليوم

مستمرون في الوساخة




طالب مركز «النديم للعلاج والتأهيل النفسي» حبيب العادلي، وزير الداخلية بالتحقيق في شكوي سيدة من قسم ثان شبرا
الخيمة في ١٥ ديسمبر الماضي باصطحابها عنوة، وتعذيبها وإحداث إصابات عديدة بجسدها، أثبتها تقرير الطب الشرعي رقم ٨٠٧-٨٠٨ لسنة ٢٠٠٦، الصادر من إدارة الطب الشرعي بالقليوبية
وذكر المركز في بيان صادر عنه أمس أنه وردت إليه شكوي من المواطنة نور الهدي عبدالوارث بأنه في إطار البحث عن زوجها المدعو «أحمد علي عبدالله» وهو من أصحاب السوابق المطلوبين قامت قوة من مباحث قسم ثان شبرا الخيمة بمهاجمة بيتها واصطحابها للقسم عنوة وتعذيبها

وتعرضت للإهانة وسبها بألفاظ يعاقب عليها القانون واستولوا علي متعلقاتها من المنزل وتهديدها لضمان عدم تقديمها شكوي، ثم اقتحموا منزل ابنها واحتجزوا زوجته وابنته.. وتم اقتحام منزل شقيقها طارق عبدالوارث واحتجاز زوجته أيضاً ومنزل الأب عبدالوارث عبدالمقصود ( يعني لموا العيلة كلها بدون ذنب ) واتهمت القوة بالاستيلاء علي بعض المتعلقات الثمينة من تلك المنازل

وتضمن البيان نص شكوي المجني عليها: أنها في يوم ١٥ ديسمبر الماضي الساعة ١٢ ظهراً اقتحم منزلها عدد كبير من المخبرين و٢ من ضباط المباحث محمد فوزي ومحمد عبدالشكور، ومن قوة قسم شبرا الخيمة ثان المخبرون رزق وهاني وتامر وإيهاب وآخرون وضربوها بمؤخرة السلاح علي رأسها ووجهوا لها كلاماً قبيحاً أمام الجيران وقالت إن الضابط محمد عبدالشكور ضربها بقبضة يده في وجهها وتسبب الخاتم في إصابتها ثم ضربها بالشلاليت بمساعدة المخبرين ثم فتشوا الشقة واستولوا علي كيس النقود وغوايش ذهب وساعة يد. وظلوا يومين في شقتها وأخذوا صاحبة البيت لتدلهم علي شقة ابنها، التي توجهوا إليها في غيابه وكسروها وقبضوا علي زوجته ومعها طفلتها الرضيعة

وقالت نور الهدي في شكواها «إنهم في القسم علقوني من رجلي ورأسي لأسفل ووضعوني في «الفلكة» بعد فتح رجلي وتثبيتهما في عصا وإيدي مربوطة، وضربوني.. لساعتين وأنا معلقة.. وكلام قذر حنكهربك في الحتة دي.. حتي قام زوجها بتسليم نفسه للضابط محمد فوزي.. فنزعوا كل ملابسه فيما عدا الملابس الداخلية.. وهددوا بتلفيق قضيتي مخدرات وسلاح لزوجي
...................................................................
ايامكم سودة معانا
و مش هانسكت الا لما كلكم تتعالجوا نفسيا
اصل اللي انتم بتعملوه ده مرض
لازم تتعالجوا منه
و يا ريت كل واحد إتأذى من الشرطة يتكلم و مايسبش حقه
إتكلموا يا ناس
بطلوا سكات بقه
...................................................................


من جريدة المصري اليوم

و لن تنتهي وساختهم ... اتحكم على عماد ب 3 شهور حبس




اخر اخبار و ساختهم


عماد الكبير يحكم عليه ب 3 شهور حبس


اللي حصل ان عماد كان لقى الضابط بيضرب ابن عمه فانزل يحوشهم عنه


فا الضابط خده و حصله اللي حصل


المهم ان الضابط الوسخ مش يسكت بقه


لأ...... ده كمان عمله قضية مقاومة إعتقال


ودي اللي كان الحكم فيها النهاردة


و إحنا مستنين من الصبح الحكم


اللي ظهر من ساعتين بس بالحكم على عماد بالسجن 3 شهور


الموضوع الأوسخ بقة


قال إيه بقه يا ولاد ...... عايزين ينفذوا الحكم في قسم بولاق الدكرووووووووووووور


يعني في القسم اللي عماد إتعذب فيه


طب حد يفهمني إزاي


أفهمها إزاي


يعني كدة بقة الضباط اللي هناك هايجاملوا زميلهم في عماد


يا ناس ودوه سيبيريا


بس ماينفعش القسم دة


دة تهريج و وساخة و هبل


و أصلان مع اننا مش فاهمين هما بيحاكموه ليه


بس حبسه هناك ما ينفعش


.....................................................


نرجع للضابط الوسخ اللي محاكمته إتحدد معادها يوم 3 مارس


و قال ايه عايزهم يفرجوا عنه لحد وقت المحكمة


و الحمدلله المحكمة رفضت


و هو محبوس دلوقتي على ذمة القضية


...................................................


يا جماعة و زملائي المدونين


ارجوكوا انشروا خبر وساختهم دي


عايزين نكبر الموضوع اكتر من كده


الناس كلها لازم تعرف


..................................................


التفاصيل اكتر عند حسام في عرباوي

...................................................

شوفوا فضايحهم على التلفزيون في قناة الحرة




و هنا على برنامج ساعة حرة





توجيهات من وزير الداخلية بالبحث عن فتاة كليب التعذيب

جريدة المصري اليوم


أكد مصدر أمني أن اللواء حبيب العادلي وزير الداخلية أصدر توجيهاته أمس لجميع أجهزة البحث الجنائي بجميع مستوياتها في المحافظات، بسرعة التعرف علي شخصية الفتاة التي نشرت صورتها صحيفتا المصري اليوم والفجر

وطلب العادلي تحديد مكان التعذيب لاتخاذ الإجراءات القانونية تجاه الجناة، فيما حرص مدير ومديريات الأمن علي تلقي البيانات لتقديم تقارير فورية لمسؤولي وزارة الداخلية

وحرص ضباط أجهزة البحث الجنائي علي مطالعة «المصري اليوم» للتعرف علي صورة الفتاة المعلقة بين كرسيين، والتي تصدرت الصفحة الأولي تحت عنوان: (كليب جديد لفتاة معلقة تعترف بجريمة قتل تحت التعذيب). وتلقت أجهزة الأمن في بعض المحافظات توجيهات بحصر أسماء الضباط الذين قدمت ضدهم شكاوي بتلفيق القضايا أو التعذيب، إضافة إلي معظم القضايا الكبري «قتل ومخدرات» والربط بين القضايا وهؤلاء الضباط، للتوصل إلي معلومات عن الكليب المنشور
ملحوظة دماغية
ما بقتش فارقة ... يعني لو ماكنش حد فينا طلع الفيديوهات دي ما كانوش هايتحركوا
كدة عرفنا ديتهم ايه؟؟
لازم نفضحهم علشان يتحركوا
وهارجع اتكلم تاني في مشكلتي مع البلد
الناس
ارجوكوا اتحركوا بقة و اتكلموا
المشكلة فيكم مش فيهم
مثلي المفضل
قال يا فرعون ايه فرعنك؟؟ قال مالقتش حد يلمني

بابا ..بابا... هو عمو الظابط فين؟؟؟

بابا .. بابا : ليه عمو الظابط سايب سعد يقل ادبه و يقلبها دعارة في الشارع؟

علشان بيستلز و هو بيعذب واحدة و مش فاضي



ادينا و راكوا لحد ما تتلموا و تتعدلوا

كلنا شغالين وراكوا

علشان انتوا طولتوا في الهبل

طب دي متهمة و اعترفت

عايزين منها ايه؟؟

ولا هي بقت عادة بتستلذوا لما تعذبوا حد؟؟

أعمل حسابك يا معلم صورتك هاتتحط جنب صورة الكلب اللي على اليمين


شكرا وائل عباس

من مدونة الوعي المصري




أعلن كل من الاتحاد الدولي للصحفيين ومنظمة «مراسلون بلا حدود»، عام ٢٠٠٦ واحداً من أسوأ الأعوام علي أوضاع الصحفيين في مناطق مختلفة من العالم خاصة العراق. ووصف الاتحاد الدولي للصحفيين عام ٢٠٠٦، بأنه الأكثر دموية وأنه شهد جرائم قتل غير مبررة تم تنفيذها بوحشية غير مسبوقة، وقال الاتحاد ومقره في بروكسل، إن عدد القتلي في العام الماضي «٢٠٠٦»، بلغ ١٥٥ إعلامياً، في حين أكد السكرتير العام للاتحاد إيدان وايت أن ذلك العام كان أسوأ عام تم تسجيله من حيث الاستهداف والوحشية واستمرار الحصانة من العقوبة من جرائم قتل الصحفيين، موضحاً أن الاتحاد لم يفرق بين القتلي من الصحفيين والعاملين في المجال الإعلامي ومساعديهم كالسائقين والمترجمين
واستنكر الاتحاد، الذي من المقرر أن ينشر تقريراً مفصلاً حول هذه الوقائع في منتصف يناير الحالي، إفلات مرتكبي الجرائم من العقاب. وقال وايت في هذا الصدد: «علينا بذل المزيد ولاسيما لمساعدة ضحايا العنف ومحاكمة قاتلي زملائنا أمام العدالة». وأكدت منظمة «مراسلون بلا حدود»، مقرها في باريس أن مصر اندرجت للمرة الأولي في لائحة أعداء الإنترنت لقمعها المتشدد المدونين الناقدين للرئيس مبارك والدين الإسلامي، مشيرة إلي أن الرقابة المفروضة علي الإنترنت رائجة في عدة بلدان، مذكرة باللائحة التي نشرتها في نوفمبر الماضي وضمت ١٣ عدواً لحرية التعبير علي الإنترنت من بينها مصر والسعودية والصين وإيران وكوبا إلي جانب فيتنام وروسيا البيضاء وبورما وكوريا الشمالية وتونس وأوزباكستان
ووصفت المنظمة في تقريرها السنوي حول حرية الصحافة عام ٢٠٠٦، بأنه الأكثر دموية منذ سنة ١٩٩٤، مشيرة إلي أن ٢٠٠٦ شهد مقتل ٨١ صحفياً علي الأقل في ٢١ دولة أثناء ممارسة مهنتهم أو لأنهم عبروا عن آرائهم في حين أن عام ١٩٩٤، شهد مقتل ١٠٣ صحفيين سقط نصفهم في الإبادة الجماعية في رواندا


من جريدة :
المصري اليوم