ايوووووووووووووووووووووووب




اللي بالي بالكم جابوا ورا


كلامنا و تحركنا كلنا نفع


ايوب نايم في بيتهم على رأي اسد


نجحنا نحرك الناس


ومادام احنا الصح


لازم ننجح


مهما طال الوقت


هاننجح


هانوصل


مشكلتهم انهم مش شايفين ده


او مش عايزين يشوفوه


على اي حال




حمدالله على السلامة

هناك 9 تعليقات:

tagreba يقول...

الحمد لله

اللى مش عارف مين وفين وليه وازاى يقول...

الاول مبروك للسيد اللى خرج من البتاعه اللى كان فيها
ثانيا انا هستاذن صاحب المدونه والساده المدونين اصدقاؤه والساده المهتمين بالمدونه والمعلقين عليها انى اقول رايي اللى ترددت كثيرا فى ان انا اقوله بس انا حسيت ان انا لو متكلمتش دلوقتى ممكن انفجر الراى هو الاتى
ان انا واعوذ بالله من كلمة انا بفكرى الضعيف المهلهل حاولت اقسم البلد اللى احنا فيها اربعة اقسام او يمكن ثلاثة او خمسه مش فاكر المهم القسم الاول وهو الناس اللى فوق ودول طبعا مقدرش اتكلم عنهم او مش مستاهله اتكلم عنهم، القسم التانى وهما الناس اللى واكلاها والعه عشان ماشيه وراهم وبتقوللهم بالروح بالدم وطبعا دول كتير ومنهم المعروف والمشهور ومنهم اللى شغال من تحت لتحت، القسم الثالث وهو اللى عليه الجدال وهو الناس اللى زى حضراتكو كده (المدونين) والممثلين السياسيين زى عادل امام مثلا والمعارضين السياسيين وكل من له علاقة بالمعارضة وبيتكلم والناس بتسمع صوتهودول بقا انا بعتبرهم احدى بلاوى هذه الامه وانهم والله اعلم مزقوقين من فوق عشان ايه : عشان ينفسوا عن الناس اللى هما فيه ويضحكوا عليهم ويحسسوهم ان فيه حركة وان فيه معارضة وان وان.....مع ان ده مش موجود واللى عاوزه النظام بيمشيه وهم ماهم الا اداة بايد اللى فوق عشان يضحك على الناس ويخدرهم وينيمهم فى الدره ويحسسهم ان فى امل مع ان مفيش امل خالص بس هما بيضحكوا علينا بيهم اما القسم الاخير فهو اللى بياخد فوق دماغه ومحطوط بلغه فى بقه ومش قادر يفيص ولو من تحت حتى لحسن لو فيص من تحت اللى فيصه من تحت هيجيله من فوق وكان الله بالسر عليم. انا مش عارف انا كتبت الكلام ده ليه اصلا بس اهو كلام وخلاص ومش عارف برضه اذا كنت هستنى رد ولا لا واذا كان فىه حد ناوى يشتم فشكرا مقدما ومش عارف انا ممكن اقرا الردود ولا لا وممكن اكتب تانى ولا لا وربنا يهدينا ويهدى الجميع

دماغ ماك يقول...

انا هارد عليك بكل هدوء لأن الواضح ان اوراقك مخلوطة و عايزني افهمك حاجة بسيطة
انا هامشي معاك و اقول ان المدونين كلهم ممثلين و مزقوقين من فوق
هاضربلك مثل بسيط
ايه الفايدة اللي هاتعود على اللي زاقينا من فوق لما نفضحهم في موضوع زي فيديوهات التعذيب اللي عمالنالهم بيها فضيحة قدام العالم قد كدة؟؟؟
انت ما تعرفش حجم رد الفعل العالمي اللي حصل للفيديوهات دي و اللي وصل لمنظمة العفو الدولية مثلا و دي منظمة تبع الامم المتحدة بعتولي في موضوع الفيديو الاخير اللي نشرته
لو نت مزقوق من فوق زي ما بتقول يبقى اللي زاقينا دول اغبياء
و بعدين لو احنا ممثلين برضه زي ما بتقول
محمد الشرقاوي اللي اتعذب دة بأوسخ الطرق و رامي اللي لبسوله قضية و لما كشفلهم التلبيسة امن الدولة اعتقلوه
والنبي ابقى فكر شوية قبل ما تتكلم علشان انت مش عارف احنا حباتنا بقيت بتقاسي قد ايه علشان بلدنا دي تنضف

Aoossa يقول...

ماك العزيز
أنت غلطان انك تتعب نفسك وتحاول تشرح للشخص الخفى ده
هو مش فاهم أننا بنستقطع من وقتنا عشان نكتب وصوتنا يوصل للناس
مش عارف أن اللى بيتكلم أحسن من الأخرس
المهم شكرآ على خبر الأفراج عن أيوب
النهارده واحد قريبى كان بيسألنى عنك الظاهر سمع عنك رغم أنه ملوش علاقه بالتدوين
أستمر أخى ماك أستمر بوركت وبوركت خطاك

اللى مش عارف مين وفين وليه وازاى يقول...

على العموم اتا مبسوط جدا ان فى حد فى البلد دى عنده استعداد يسمع ويتقبل الراى الاخر ويرد عليه بهدوء وبموضوعيه دون اللجوء للتشنج والاتهامات وده اللى شجعنى اكتب مره تانيه، والمره دى انا هتكلم فى موضوع تانى خالص غير الموضوع الاولانى، ولكن برضه بيخصنا احنا المصريين الا وهو: ان الحكومه نجحت ان هيا تضحك علينا وتفهمنا ان اللى بيحصل فى مصر دلوقتى هو قمع لحرية الراى والتعبير وان كل اللى بيحاول يطالب بحاجه فى الموضوع ده بيكون سقف مطالبه هو حرية التعبير وقانون حبس الصحفيين واعتقال المدونيين والخ...
لكن المشكله ابعد من كده الا وهى انه فى قمع لحرية التفكير وهناك فرق كبير بين الراى والتفكير، الراى ناتج عن التفكير، اما التفكير فهو بيحصل جوه الكوره اللى فوق رقبة كل واحد فينا مش براها، يعنى بينه وبين نفسه اما الراى فهو ناتج عن التفكير ثم يصل للسان او القلم او الكيبورد عشان تقوله.
المشكله اكبر من كده فى حرية قمع للتفكير جوه البليه اللى على رقبتك، ازاى، يعنى لما يخليك كل اللى بتفكر فيه هشتغل ازاى وبعد ما اشتغل هلم قرش ازاى وبعد مالمه هتجوز ازاى ومين ثم هعيشها ازاى اللى انا جبتها دى هى والبلا اللى هيا جايباه معاها (انا اسف انى بتكلم على لسان رجل- بس لانى معرفش اللى بيدور داخل البليه بتاعت الحريم) وهصرف عليها وعلى عيالها ازاى واذا عرفت اصرف هعرف استمتع واذا عرفت هستمتع ممكن افكر ولا لا ، طب ولو فكرت هيحصللى ايه هتسجن زى صديقك ايوب ولا هعتقل زى المعتقلين ولا ممكن الموضوع يتطور ويحطوا العصايه..... ولا ايه الليله الهباب دى وهكذا.... ثم اذا تعديت كل الحواجز دى وقررت ان انا افكر تكون بقت رجلى والقبر والحال بقا غير الحال والكلام اللى انا كنت عاوز اقوله معدش ينفع يتقال. انا حاسس انى انا هرتلت المره دى اكتر من المره اللى فاتت بس ياريت صدر الجميع واسف اذا كنت اذيت حد بالكلام اللى انا قلته المره اللى فاتت وفى النهايه

لابد من يوم معلوم تترد فيه المظالم
ابيض على كل مظلوم اسود على كل ظالم

بنـت ســعد يقول...

الحمد لله يا ماك

بجد

بافتكر كلمات اغنية جوليا بطرس بتقول فيها

**
قاوم فيداك الاعصار
و تقدم فالنصر قرار
ان حياتك وقفة عز
تتغير فيها الاقدار
لا تخضع فالذل دمار
***
الحمد لله عل ىسلامتك يا ايوب

نورت مصر
:)

و ربنا يستر عليك يا ماك و على الكل

MOHAMED يقول...

Good day to all of you,
First of all I'd like to thank you all for your braveness and positive attitude, also I would like to appologize for not writing in Arabic coz I just can't.
Between all the ups and downs of both MAK and the "guy who doesn't know anything" I guess there is a very thin unnoticeable line. It's hard to find it all the time. It's just like my openion on "Ibrahim Eesa" the famous jurnalist for both "Soot Elomma" and "Eldostor"
It's really hard to understand how he was left untouched for 6 years cursing the government without the usual punishment. Ibrahim Eesa was cursing all the snake heads since the dream TV show " 3alqahwa". I was always thinking that he meight be one of the "Big brother soldiers" because he was intouchable. But now I realize that I was wrong and that he was one of the brave ones (Just like you all guys :):))
But now we have all to become one hand like the iron fist. I mean we have to find each other and do something eventually. I know that I have been talking too much but I am really happy to find guys and gurls like u. W Kaffara ya Abu AYooooooooooooooooob.

دماغ ماك يقول...

Mohamed
thanx dowg..
now we relaise that stikin' 2geather is the right answe 2 all our proplems
thanx again

kind lion يقول...

صباح الخيير
أنا فعلا بفرح جدا كل ما أشوف مصري خلأص خلع حجاب الخوف اللي لابسهم اغلب المصريين من زمان ربنا معاكو بس احب أفكركم بس لمجرد الذكرى (فذكر) بأخلاص النيه عشان مصلحة البلد دي عسان احناالنيهالنيه تعبنا قوي م المنافقين ربنا يكفيكو شرهم يا رب ويبعدهم عنكوا معلش أنا عندي طلب يريت تتكلمو فيه وهوا المعتقليين بدون أي سبب ومنسيين في عزبة العادلي باشاوخدوا مليون حكم بالبراءه لكن هتعمل ايه اللي بيروح ما بيرجعش أنا أعرف واحد معتقل بقاله سنتين تقريبا ليه عشان يعرف واحد يعرف واحد كان قابل واحد كان بيقول زمان لازم نحارب اسرائيل أنا مش بهزر الكلام ده بجد
أنا مش عارف هتعملوا ايه لكن أرجوكم ما تنساهمشي عشاندول برضة مصريين حتي لو غلطوا فما بالك باللي ما غلطوش أساسا
معلشي طولت عليكوا ربنا معاكوا واحنا كمان ان شاء الله
kina lion