كتير عليا اني بدأت موضوع التدوين
و ايضا لأنهم بعد ما دونت ساعدوني كتير جدا
بس بما اني كنت مكلم جيمي الصبح بعد ما حدفني بصحفية من وكالة رويتر بدأت بالوعي المصري
العدد دة بصراحة رهيب
و وائل كالعادة بيبهرنا بمصادره و فيديوهاتوا
تاني شفت وساخة الشرطة معانا
ازاي بيتدربوا مثلا على قفا مواطن في أكاديمية الشرطة
و ازاي بيضربوا دماغ بائع متجول في كابينة تليفون في الشارع
و كمان عن عسكري امن مركزي بيتسأل سؤال من ضمنه الأجابة و مش عارف يرد
و رؤسائه اللي مصورينوا
اللي اظن انهم امروه مايردش و هم بيصوروه علشان يبان انه غبي
و بقه كام فيديو تاني عن التحرشات الجنسية منهم لشباب سعودي بيتحرش ببنتين مصريتين
يعني عدد بصراحة منتهى حرقت الدم
العدد دة قفلني بصراحة
هما ايه الناس دي
مبيحسوش
قلوبهم ماتت لدرجة انهم يصوروا ضحاياهم وهم بيعذبوهم
يعني مش كفاية تعذب...لأ...كمان بيصوروهم
خلاص كدة
محدش بقة بيخاف على النفس اللي قدامه
محدش يعرف ان الايام ممكن تدور و يكون هو اللي بيتعذب
هو ايه دة يا ناس
هنفضل نعمل في بعض كدة لحد امتى
و بنزعل لما بيعاملونا برة اوسخ معاملة
طب ما احنا بنعامل بعض اوسخ منهم
وقال ايه بنقول علينا شعب متدين و عارف ربنا
ياخي أ** على التدين بتاعنا
ده ربنا هايحرقنا على طريقة عشنا مع بعض
و شكرا يا عم وائل
.jpg)
هناك تعليقان (٢):
شوف فيه دعاء دايما باقوله لما كل حاجة بتتقفل فى وشي
***
يا ودود يا ودود، ياذا العرش المجيد،
يا مبدئ يا معيد، يا فعالا لما يريد،
أسألك بنور وجهك الذي ملأ أركان عرشك
وأسألك بقدرتك التي قدرت بها على جميع خلقك،
وأسألك برحمتك التي وسعت كل شيء,
لا إله إلا أنت، يا مغيث أغثني ..
اخى الكريم:
زى ما دمنا رخيص عندهم , بكره هيبقى دمهم عندنا أرخص , وان غدا لناظره لقريب
وتقبل تحياتى
إرسال تعليق