إكتئاب



حالة من الأكتئاب عايش فيها أغلب المدونين اللي أعرفهم


كلهم بلغتنا كدة ( مقفولين ) من الحياة


الكل مخنوق و انا من ضمنهم


تيجي تسأل الواحد فينا ليه؟؟ يقولك ماعرفش - انا مخنوق و خلاص


ده حتى كان فيه ناس ناوية تبطل تدوين


ماتعرفش بقه - مخنوق من حال البلد


ولا من اللي بيحصل فبها


ولا من المضايقات اللي بنقابلها


ولا الاحباط من كلام اقرب الناس لينا


ولا من الناس العادية اللي بيضحكوا علينا لما يشوفونا بنطالبلهم بحقوقهم


ولاولاولاولا


ما تعرفش ... اهي حالة عامة


و الفترة دي بقالها كدة شهر ولا حاجة


مع اننا كمدونين حققنا حاجات كتير كويسة اليومين اللي فاتوا دول


على الاقل قدرنا فضح ممارسات التعذيب في الداخلية


و قدمنا المجرمين في 3 حوادث للمحاكمة


و الباقين هايحصلوهم


و خدنا رد فعل داخلي و خارجي كبير جدا


و الناس بدأت تسمع عن المدونين اللى بتنشر الحقيقة


و صوتنا بدأ يبقى مسموع و الناس بدأت تفكر - لسه ماتحركتش - بس ماعرفش


هل بقه الحالة اللي احنا فيها دي مثلا حالة إرهاق بعد شغل استمر فترة طويلة


ولا هي حالة زهق من اللي حاولينا و مواقفهم تجاه اللي بنعملوا


برضه ماعرفش


المهم ربنا يسهل و مانطولش في الحالة دي


و نرجع نشتفل احسن من الاول


اهي على العموم اجازة شوية


نريح فيها و نرجع تاني


نهز البلد و الناس


علشان حقوقهم و حقوق بلدهم


هناك ٩ تعليقات:

Gemyhood يقول...

فين الخنقة دى الدنيا جيلة و حلوة اهو

الا صحيح انا مخنوق قوى

عايزين نروح ال

fji

غير معرف يقول...

hi ..
i think ano msh bas elbloggers ya mac..wmsh bas 3shan elle by7sal felblad..i think anha 7ala man kol 7aga..wag3 we t3ab we 7ozn we 2lam..mablad welle feha..wemal nas..wmen so7bak welle 7wlak..we 2hlak..we men nafsak...we men dmo3na...man kol 7aga..
bgad el2kt2ab da b2a sh2 3ade gedan..we yom matd7ak ..tab2a 3aref 2nha d7ka mo2kata..7altna dee b2at zay betna :)
3aref bgad bathy2lee el 7ozn wel 2kt2ab we kol el 7gat de hya 22rab sa7ab.. we 2wfa kman...3la 22al yom matsbha..btege tzorak..b2a feh 7alet zohd..wemafeesh 7aga leha m3na 3ndak..wla batfra7ak..wla batz3lak..kolo b2a 3adee..
mab2ash fe 7aga btfr2 kteer..
yamkan da el 7a'ne2 el nas.. 2nhom mab2oosh by7aso b2emat 7aga..

غير معرف يقول...

عزيزى .. سلامتك من الخنقه .. طبعا انا فاهمك كويس قوى باعتبارى مناضل سابق .. و عندك حق فى كل كلمة و حرف و نقطه .. بس عايز تقولك انك لازم تؤمن باللى انت بتعمله .. و يجب ان تأبه لرد فعل الناس (الظاهر) العمل العام ده بيبقى عامل زى لرصيد السرى اللى فى البنك كده .. أو زى النار تحت الهشيم .. لا يظهر .. ثم فجأة فى موقت غير متوقع تجد ما تتمناه و قد حصل .. يل عزيزى انصح المدونين ان يعملوا ملتقيات اسبوعية او نصف شهرية .. اة لن يحددوا لأنفسهم مقهى معين .. المهم انهم يلتقوا ليشدوا من ازر بعضهم بعضا

صدقنى و الله انا فاهمك و حاسس بيك و بيكم كلكم .. و ربنا معاكم ليلقى بالطمأنينة فى قلوبكم

تحياتى يا مدرسه

الأب الروحى

الزعيم

ملحوظة ( اللقبين دول من قبيل الفرفشة فقط)

Egyptians in the UK يقول...

عزيزى ماك...شوف هو دايما فى اى نشاط انسانى سواء كان عمل او زواج او هوايه او حتى الكفاح من اجل قضية معينه بيحصل ملل...و ده ممكن يكون له اسباب كتير زى ما قولت ...ربما الجو اللى حواليك النقد الموجه اليك الخ...انا راى ان فى الحاله اللى زى دى تاخد راحه و تفصل فيها نهائى عن التدوين و تقوم بشئ مختلف خالص لفتره يوم يومين و بعدين ترجع تانى...المهم ازاى تفصل تماما و بعد كده ترجع تانى.
و ما تعقدش نفسك يا بطل ...الحياه فيها حاجات حلوه كتير ...قعده مثلا مع الشله على قهوه و كوباية شاى و شوية حكاوى تسوى الدنيا...زياره اصدقاء او اهل روح زور اى مكان للترفيه يعنى رفه شويه عن نفسك فى حدود امكانياتك

غير معرف يقول...

سفاح المعادي
هذا المكتب الفنلندي المسيحي التنصيري وراء سفاح المعادي
sat 7
www.irrtv.fi
ص ب 133 المقطم
11571 cairo egypt
mobile 0121127777

www.evl.fi

مصر هى أمى يقول...

ماك
انا كنت متعود اشوف كتاباتك كل يوم صحيح مكنتش بعلق عندك بس بوستاتك كانت جميلة اوى وكنا بنحس انها بتعبر عن اللى جوا الناس

حاول تفك عن نفسك علشان ترجع لينا تانى ونشوف بوسستات ولا هيا البلد بقت زى الفل ومفيهاش مشاكل
نفسى والله تكون البلد زى الفل

غير معرف يقول...

m3lesh ya mac,

غير معرف يقول...

من الغريب ألا تشعر بالتعب ولكن من الغريب أيضًا ان تتوقع ان كل العالم ومن هم هم حولك سوف يقدرون ما تفعله. الغالبية العامة للمصريين سلبيين. لا تتوقع ان تثمر جهودك وجهود الآخرين قريبًا أو حتى قريبًا ضمن حياتك. أنتم حلقة في سلسلة طويلة من التمرد على الواقع الجامد الخامد الراكد الملوث العفن النتن. المصريون جامدون متحجرون الآن وسوف تمر السنون قبل أن نلحظ تغييرًا ما. الحرية لها ثمن. وهو ليس بالثمن الهين. لا بد أن يدفع المصريون الثمن فهي لا تأتي على طبق من فضة بل لابد أن يسعة إليها الجميع حتى يستحقوها. لا بد وأن نستحق حريتنا. وحتى نستحقها لا بد أن نسعى إليها وان زحفنا على بطوننا.

ايهاب عزالدين يقول...

يا جماعة انتو عارفين ان الطريق طويل وكله مشاكل وصعوبات الحمد لله اننا وصلنا اهذا الحد والناس عرفت المدونين والحقيقة كاملة ارجوكم ماتيأسوش كدة وان شاء الله "سوق ياتى يوم يرفع علم الحرية طفل من اطفالنا او زهرة من زهورنا على اسوار المحروسة "دا اذا كانو لسة عايشين بعد الموروث الجميل اللى سبناهولهم