مبارك يمنح قائد الجيش الامريكي في العراق وساما مصريا


هو ليه انا ملاحظ ان الناس كلها ساكتة

و محدش بيتكلم علي حصل إمبارح

المهم ان سيادة الرئيس المصري منح وسام الاستحقاق من الدرجة الاولى للجنرال جوني ابي زيد قائد القيادة المركزية الامريكية (تقديرا لمجهوداته في دفع علاقات التعاون العسكري المصرية الامريكية) يا سلام يا ولاد

الراجل ده ياخوانا هو اللي كان في الحرب على العراق

و قتل من شعبها وذلهم

و نيجي في الاخر نديله وسام من عندنا

مستنين بقه من الناس دي ايه اكتر من كده

يقتلونا و يهينونا و نديهم اوسمة

ماهو لازم يعملوا فينا اكلر من كده

و في النهاية

شكرا سيادة الرئيس

الخبر من موقع

هناك 4 تعليقات:

Mohamed Mehrez يقول...

انا بردو استغربت زيك إن محدش أتكلم عن الموضوع ده
انا عملت بوست صغير امبارح عن الموضوع ده لأن الموضوع مش محتاج كلام

http://silence-talks.blogspot.com/2007/02/blog-post_20.html

جبهة التهييس الشعبية يقول...

ايوة يا ماك

الناس ساكتة

وانا كمان ساكتة

عشان انا كنت في الشغل لما جاني الخبر ده وقعدت اعيط اعيط اعيط

وما بقتش عارفة اقول ايه؟

ولما قريت البوست بتاعك عيطت تاني يا ماك

طيب نقول ايه

قول لي كده

يعني ايه اللي يجبر رئيس دولة مصر

انه يقدم وسام الاستحقاق للي دمر افغانستان والعراق وهو بيتقاعد

ايه يخليه يعمل كده؟

غير انه عايز يذلنا يذلنا يذلنا ويدعك مناخيرنا في التراب

انا ما بقتش عارفة اقول ايه ولا عمل ايه

ايه اللي ممكن يتقال

رد الفعل الوحيد اني اكسر البيت على دماغي ودماغ اللي معايا

حاجة تقرف

فكرتني ليه بس يا ماك

Reformer1976 يقول...

إخص عليك راجل فعلا حئودي وحسودي وعينك وحشة... مالك إنت يديله وسام الاتحقاق ولا وسام بنت طنط أم وزة بتاعة الخضار... ما تسيب الخلق للخالق... وطبعا لازم يديله وسام أم الاستحقاق ومن الطبقى الأولى كمان... مش غزو العراق وفشخه كان هو المعجزة اللي نزلت من السما على مبارك عشان الأمريكان يبعتوا له شوية مريارات ينعنش بيها اقتصاده المتهلهل وياخد بشلن شرعية يكمل بيهم لحد ما السر الإلهي يطلع أو لحد ما معجزة تانية (أمريكانية برضه) تحصل ويلم شوية مريارات تانية تعويض ولتكن هذه المعجزة ضرب الشقيقة سوريا أو إيران أو أي بلا أزرق... يا حبيبي إحنا خلاص بقينا تجار موت والنظام نظام حانوتي بيقبض على كل راس بتفيص في المنتئة... وإيييييييه ولا دايم إلا وجه اللااااااه

AbdElRaHmaN يقول...

:( والله ما عارف ايه اللي بيحصل ده
دي مسخرة والله العظيم
وهيفضل كده طول ما الناس ساكته
وفي الاخر صدق الي قال .. ملقتش حد يردني