بكره مصر كلها عماد



بكره يوم مهم جدا في حياتي
و أظن في حياتنا كلنا
بكره اول جلسة في محكمة المجرم اللي هتك عرض مواطن عادي زيي و زيك
بكره اول جلسة في محاكما المجرم اسلام نبيه
المجرم اللي دخل عصايا في واحد من ورا علشان هو معاه سلطة و التاني معندوش
علشان اسلام ضابط و التاني مواطن .. و كمان فقير
علشان اسلام .. مش عايز اكمل
المهم يا جماعة ان عماد محبوس دلوقتي علشان (قاوم السلطة و هي بتعتقله) شفته بقه
احنا لازم نكون كلنا عماد بكره
لازم كلكم تحضروا الساعه 10 الصبح في دار القضاء العالي
لازم كلنا نكون مع عماد و اهل عماد
علشان خاطر عماد
او ابو عماد اللي مات بحسرته
على الاقل علشان مافيش حد فينا في يوم من الايام يحصلوا زي عماد
و كمان علشان الدنيا كلها تعرف ان احنا مش هانسكت
و علشان مايحاولوش يمرروا القضية على الفاضي زي ما حصل في موضوع ايهاب
لازم المجرم ده يتحكم عليه حكم مشدد
ولو عايزين تحكموا بالعدل؟؟
يبقى عماد يدخل في اسلام عصايا و يصوروا و الناس كلها تشوفه
يا جماعة
ارجوكم
نفسي الاقي مصر كلها بكره هناك
صحيح : هو إزاي اسمه إسلام؟؟؟؟؟؟؟؟

هناك 6 تعليقات:

Reformer1976 يقول...

طبعا حضورنا كلنا في جلسة بكرة مهم... لازم يعرفوا إن القضية دي قضية اغتصاب شعب بجد... وخلي قضاءنا العادل الشامخ يشوف بجد إن هذا الحق وراه مليون مُطالب ومش هنقبل بإن شرف مصر (اللي هو شرف عماد وشرف كل واحد زي عماد) مش هيروح هدر

boldozer يقول...

زمان كان الواحد بيشجع من بعيد .. لكن النهارده هيفضل ظللام لو فضلنا بعيد.. في مدونتي انا كاتب ازاي لازم نآمن بالقضية مشبس نصدق عليها

رئيس تحرير يقول...

اخى العزيز ماك
طبعا سباق بالخير وبالمشاركة واتمنى انى اشوفك هناك
لاننا مش بس كلنا عماد لان النظام كله اسلام نبيه كلهم فاكرنا حيوانات ولازم نثبت لنفسنا الاول اننا بنى ادمين وده هيكون بالمشاركة مش بالمشاهدة
رئيس تحرير
mego-mego.blogspot.com

ادم المصري يقول...

معلشي انا عرفت متأخر

لكن انا قلبي معاة والله

ولو اقدر اعمل حاجة مش هتاخر

Sharm يقول...

القضة اتأجلت للاسف

.:.-=- ELGaZaLy-=-.:. يقول...

السلام عليكم...تحياتى يا مالك..يمكن تعليقى متاخر بس اعتقد ان القضاء عادل...

تحياتى اليك..وان كانت اتجلت فربك كريم والخير جاى ان شاء الله