اخر اسبوع مصر ممكن تتكلم فيه

يا ريت الاول كل مدون يقرا المكتوب ده ينشره عنده
انا مش هاتحايل على حد
انا مش هادعي حد .... اللي عايز يجي يجي
ده اخر اسبوع مصر كلها هاتعرف تتكلم فيه
يعد كده خلاص
.............................................................
يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .
تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !
أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك " يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .
يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .
احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!
دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .
يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .
...............................................................................
رسالة للأمن و لكل وكلات الانباء و قنوات التلفزيون و اي حد مهتم علشان مايلبسونيش يوميها التهم دي
انا هاستغل حقي اني اعبر عن مطالبي
* هاقف في مكان مش هاعطل فيه المرور
* هاقف في مكاني و هاقول مطالبي بحركة سلمية
* مش هاحرض حد على حاجة
* مش هاكسر حاجة
* مش هاعتدي على الشرطة الا لو اعتدت عليا



هناك ١٤ تعليقًا:

AbdElRaHmaN Ayyash يقول...

ياا سلااام
مقال فظييييييع
بجد يا ماك
انا هاخده عندي في مدونة غريب بعد اذنك طبعا
بس بجد انا مش عارف ايه اللي ممكن يحصل في اليوم ده
ربنا يحميكم يااارب
تحياتي يا سيدي
---------
شرفني في الموضوع ده وخد لك صورة ..

http://al-ghareeb.blogspot.com/2007/03/blog-post_1866.html

AbdElRaHmaN Ayyash يقول...

انا قصدت اني هاخده عندي اني هحطه في مقالات تستحق القراءه :)
عشان ما تقولش اني حرامي وللا حاجه (F)
سلام

غير معرف يقول...

ماك المقالة ولا اروع من ذلك تسلم ايدك ولكن يوم ااخ اللاحد هيكون الوقت ضيق جدا ياريت يكون ابتداء من يوم اجمعة او السبت كدة نقدر نوعي اكبر عدد ممكن من الشعب وعاشت مصر حرة تحياتي ابو عبده

Amira يقول...

بعد اذنك نوهت عن مقالك
بحييك

محمد عبد الغفار يقول...

ولو مش هيسبوك فى حالك بردو وهتتمسك بتهمه تكدير الصفو العام للمجتمع

بفكر اشارك

يساري مصري يقول...

مع بعض انشاء الله و المره دي نبقى منظمين اكتر و نكون اصعب من ان كلاب الحكومه تنبح في وجوهنا او يتهجموا علينا
mac i've sent u an email plz read it & contact me for importance
together we stand

غير معرف يقول...

بص يا ماك
أولا بحييك على مجهودك و على اسلوبك في الكتابة - أنا جيت من عند فريدة

بس عايزة أعرف ايه الفرق بين النهاردة و من ساعة ما مبارك مسك الحكم؟
مع كل احترامي ليك و لكل الناس المتضايقة - مفيش أي فرق حيحصل

متضايقين ليه يا جماعة؟
قانون الطوارئ بيدي حق لأن أي حد يتقبض عليه من غير محاكمة ولا تهمة أصلا
الشباب اللي ملية السجون بتاعت بلادنا و بيتعذبه - كان اتقبض عليهم ازاي يعني؟انتم فاكرين ان التليفونات مش متراقبه من زمان؟ فاكرين ان مافيش اي ظابط مش ممكن ييجي يجرجرك من قفاك من بيتك من غير ولا احم ولا دستور؟
هو انت اصلا عمرك انتخبت رئيس؟؟؟
ايه يا جماعة؟ جرى ايه؟ ايه اللي اتغير؟؟

هو انت اصلا كنت بتعبر عن رأيك؟
اذا كان لسة في مدون مسجون من شهر ولا اتنين عشان عبر عن رأيه؟ زعلان ليه؟ عاملين كأن ده خبر جديد ليه؟

كلكم حتقولوا "لأ ده كان بيشتم في الاسلام" حقول "مجرد ان واحد اتسجن عشان شتم أي حاجة في الدنيا يبقى مفيش
حرية التعبير عن الرأي" و بعدين انت فاكر أصلا انه اتسجن عشان غلط في الاسلام؟ لا يا حبيبي
ادخل على التشات رومز القبط في مصر و شوف بيشتموا في الاسلام ازاي!! مجرد ان برنامج رئيس التحرير حيتمنع ولا جريدة المعرضة حتتقفل يعني هوه ده اللي مزعلكم؟ ماهو كل ده كان هبهبة أصلا مكنتش بتغير حاجة - هوه احنا مكنش في ناس بتشتكي قبل كدة؟ غيره ايه قوللي؟
ايه الحكم حيورث؟ طب كدة كدة كان حيتورث! و كل نواب مجلس الشعب اللي كانوا حيقدمو استقالتهم - هوه أصلا شغلانتهم دي غيرت ايه ولا عملت ايه للبلد؟
حال البلد اتدهور من سيء لأسواءا جماعة احنا محتاجين ثورة
ثورة حقيقية
كفاية مظاهرات سلمية الشباب بتاعنا
بيترن علقة و يمشي - الثورة اللي جاية المفروض تكون باتفاق بين الشعب والجيش
طول ما الجيش بتاعنا غلبان و بيشتغل للحفاظ على عصابات مبارك - عمرنا ماحنقوم على رجلينا

انتم زعلانين ليه؟؟؟
عشان دلوقتي بقى حقيقة الأمر على الورق؟
المفروض نشكر السيد الرئيس علشان على الأقل كدة مش بيتضحك علينا
أدينا عرفين!!! مش كدة؟

ربنا يستر على البلد

غير معرف يقول...

لا امل في الجيش الامل كل الامل في لله سبحانه و تعالي ان يؤيد بقوته كل هؤلاء الذين يريدون الخير لهذه البلده الطيبه لن يتحكم العسكر بعدها والي ماشاء الله تعالي في مصير هذاالبلد ابشروا الفرج قادم الا ان نصر الله لقريب الا ان نصر الله لقريب

zenzana يقول...

ماك بعد اذنك
انا اخدت الخبر من عندك امبارح بس نسيت استأذنك
سلام شوفك الاحد

دماغ ماك يقول...

يا جماعة الخبر ده للناس كلها
اللي كتب الخبر ده قصده ان الناس كلها تاخده و تنشره
باريت الناس كلها تقراه
سلام

غير معرف يقول...

لا يهم إن كنت مع أو ضد التعديلات الدستورية التي سوف يتم التصويت عليها بعد أيام. ولكن المهم أن أن نبدأ في أن نعي أن تلك التعديلات سوف تغير وجه مصر إلى الأبد. لست وطنيًا ولكني مازلت أحب بلدي ولا أستطيع نزعها من وجداني. إن كنت مغتربًا من ضمن الستة ملايين مغترب مصري، ويهمهك أن يسمع صوتك، ويغيظك أن يتم تجاهلك، شارك برفع قضية ببطلان الاستفتاء لاستثناء المغتربين المصريين من التصويت.

اذهب إلى أقرب قنصلية مصرية واستخرج توكيل عام قضايا باسمك للأستاذ عصام عبد العزيز الإسلامبولي المحامي أمام القضاء الإداري والمحكمة الدستورية العليا. ثم أرسله إلى عنوانه في عمارة استراند 133 شارع التحرير - القاهرة

رضا يقول...

Hi,
Could you provide an english version of your blog ?

Thanks

شادمانی بی سبب من و رضا

غير معرف يقول...

(法新社a倫敦二B十WE四日電) 「情色二零零七」A片情趣產品大產自成人電影AV女優十三日起在倫敦的肯辛頓奧林匹亞展覽館舉行,倫敦人擺脫對性的保守態度成人網站踴躍參觀,許多成人網站穿皮衣與塑膠緊身衣的好色之徒擠進這項世界規模最大的成人生活展,估計三天展期可吸引八萬多好奇色情影片民眾參觀。
情色電影
A片下載動計畫AV負責人米里根承諾:「要搞浪漫、誘惑人、玩虐待,你渴望的我們都有情色。」

他說:「時髦的設計與華麗女裝,從吊飾到束腹到真人大小的雕塑,是我們由今年展出的數千件產品精選出的一部分,參展產品還包括時尚服飾、貼身女用內在美、鞋子、珠寶、玩具、影片、藝術、情色圖書及成人影片遊戲,更不要說性愛輔具及馬術裝備。」a片下載

參觀民眾遊覽兩百五a片十多個攤位,有性感服裝成人電影、玩具及情色食品,迎合各種品味。
av女優
大舞台上表演的是美國野蠻情色電影搖滾歌手瑪莉蓮曼森的前妻─全世界頭牌脫衣舞孃黛塔范提思,這是她今年在英國唯一色情一場表演。

以一九四零年代風格演出的黛塔范提思表演性感的天堂鳥、旋轉木馬及羽扇等舞蹈av

參展攤位有成人影片的推廣情趣用品,有色情的公開展示人a片體藝術和人體雕塑,也有情色藝術家工會成員提供建議。

غير معرف يقول...

this post is very usefull thx!