الدماغ ...... تايه

مش عارف اكتب
ولا فيه حاجة شداني اني اكتب
ده سبب اني مابكتبش بقالي كام يوم
دماغي مش عارف اجماعها مع بعضها
كل حتة منها في دنيا لوحدها
كل جزء فيا بيفكر في عالم مختلف
جزء مع نصي التاني اللي هاموت و المسه .. بس المسه
و جزء مع حال بلدي اللي مابقتش عارفلها حال
و جزء مع الفاجومي العظيم اللي اتشرفت و اتعرفت عليه
و جزء مع حال اهل بيتي
و جزء مع شغلي
ممكن .. لأ .. اكيد كلكم هاتقولولي ما احنا كلنا كده ورانا ميت حاجة شاغلانا
و انا عارف ده
انا مشكلتي ان انا طول عمري عندي الحاجات الكتيرة دي
و ساعات اكتر من كده بكتير
بس المشكلة ان دي اول مرة احس اني تايه بينها
مش عارف اعمل ايه ولا فين ولا ازاي
انا طول عمري حياتي متلخبطة
بس اتعلمت اسيطر على كل حاجة فيها
و احساسي بعدم السيطرة ده احساس مرعب جدا
احساس مخيف
ممكن لاني اول مرة احسه
مش عارف
المهم انا مش عارف انا دخلت و قلت الكلام ده على اساس ايه
شفته المصيبة وصلت بيا فين
انا كنت داخل بس اعتذر اني بقالي فترة ماكتبتش ولا تابعت حاجة
لقيت نفسي كتبت كل ده
الواد جيمي بقى اونلاين اهو هو و بنت سعد
هاسيبكم و اروح اكلمهم
سلام

هناك ٨ تعليقات:

إيمــــان ســعد يقول...

و انا زيكيا ماك

و الله دماغى ممكن العب بها بنج بونج بعد كده من كتر اللى فيها

رحم الله المتنبى كان بيقول

و ذو الحكمة يشقى فى النعيم بعقله
و اخو الجهالة بالشقاوة ينعم


تحياتي

جبهة التهييس الشعبية يقول...

ايه؟

انا اول مرة اسمع ان فيه حد عايز يسيطر على الامور وعايز يبقى مش متلخبط

ايه دي؟ انجليزي ده يا مرسي؟

دماغ ماك يقول...

mesh engelezy wala 7aga ya bent 3amy
asl ana met3awed en kol 7aga gededa tegy 3ala rasy a7otaha ganb elly ableha bel tarteb
zay el moka3abat keda ,,,fa banazam kol 7aga dayman we asaytar 3aleha
el marady el mokaa3abat we23et menny
bas keda

a7lam 3adya يقول...

ان شاء الله تلمس نصك التانى قريب .. ودماغك تترتب عشان متوجعكش وتعرف تفكر بيها كويس ... ربنا يوفقك للى فيه الخير :)

محمد عبد الغفار يقول...

لا تنظر للدنيا من منظور نفسك ، ولكن انظر لنفسك
بعين طائر
بمنظور الدنيا

سكوت هنصوت يقول...

لا مؤاخذه اصل انا غريبة عن هنا..مش من النواحيدي يعني...هو يعني حضرتك..نصك التاني ده يبقى غير اهل بيتك..اصل الموضوع كده شكلة مش ولابد...عموما واحد بلديات قالي جاايز يكون مكتوب في بوسط قبل كده...باذنك اروح ادور كده يمكن يطلع الكلام الي مالي البلد عن سعادتك كدب كادبينه ولاد الفشارة...عواف

دماغ ماك يقول...

we howa eh ba2a el kalam elly mally el balad 3anny?

غير معرف يقول...

2stmta3 bash3oor el twahan da...
shwyaa we 2keed 7atzbot tane...

fe mozhra today , enta 7atrou7?
http://manalaa.net/node/87265