دعوة نعرف بعض


بوست مهم جدا جيمي كتبه النهاردة

حاجة كانت في دماغي لما كتبت عن عبدالمنعم

لما قلت اني قابلته مرة واحدة
كلنا ساعتها كلمنا اصحابنا بعد المؤتمر بس هو لأ

المشكلة اننا كامدونين ومش اخوان

كنا كتير نعرفه عن طريق مدونته بس

بس شخصيا ممكن نعرف منهم - الاخوان المدونين- واحد ولا اتنين

بس ملناش بيهم - الاخوان - اي علاقة

سؤال طرحه جيمي و انا كمان عايز اسأله

ليه محدش فينا و محدش فيهم حاول يعرف التاني

معا اننا في نفس الخندق

ولو حتي حاليا في نفس الخندق

جيمي قال انهم محاولوش و ان عندهم نوع من التعالي

و ان السبب التنظيم مش الشباب

وانهم مش بيقبلواحتى المسلمين

اللي مش اخوان

ممكن عنده حق..و ممكن لأ

بس من نحيتنا .. بلاش نحيتنا

من نحيتي انا شايف اني برضه ماحولتش اعرفهم

ممكن قريت عنهم كتير
و ناس تانية عملت ابحاث عنهم

بس هل فيه حد فعلا عرفهم

اقصد المعنى الشعبي بتاعنا هل حد عاشرهم

ماظنش

موضوع ان احنا في خندق واحد الناس ناسياه

كلنا مصريين في الاول و الاخر

و كلنا متبهدلين من نفس الطرف في الاول و الاخر

و الحل اننا نعرف بعض
و نعرف إزاي نشتغل مع بعض

لأن طول ما كل واحد شغال لوحده

مافيش حاجة هاتكمل

كل واحد بيلعب لوحده في حته لوحده

وده اللي عايزه النظام

ان الناس ماتشتغلش مع بعض

و يوقعونا في بعض

علشان يسيطروا بمنتهى السهولة علينا

دي يا جماعة دعوة مني
و اظن من جيمي كمان

للتعارف


مش عايز اقول بينا و بينهم

لأن الكلمة دي محسساني ان احنا مش من نفس البلد

لما نعرف بعض هانفهم بعض

و هانعرف نشتغل مع بعض

علشان الهدف الاسمى

مصر حرة

هناك 6 تعليقات:

Mohamed A. Ghaffar يقول...

دعوه عظيمة ، يجب ان تقبل

Sampateek يقول...

و الله انا شايفة ان التعرف ده مش حيحقق شئ
بس حيجيب لكم و لاهليكم وجع القلب
التفتوا لحياتكم احسن
تحياتي

يساري مصري يقول...

مش متفائل للفكره
الاخوان هم الاخوان يرفعون راية " لا نقاش لا جدال "

وانا الصراحه مبطقش اسالبهم في المناقشه اصلاً و رغم توقعي النتيجه
قشطه نعد منعدش ليه

Mariam يقول...

la2 ya yasariii...da msh tafkeer..just take the 1st step and try...msh momken nekun e7na wa5deen 3anhoum fekra 3'alat??? just try ya gam3a msh hat5saro 7agaaa....sada2oni de fekra gamda gdaaannnnn

CÆSAя DIABLo يقول...

امممم مش عارف يا ماك بص انا مش بحب الاخوان المسلمين .. بمعنى اصح جماعة الاخوان المسلمين ..حاجة كده تحوير وده باين من اللي بيحصل مع منعم .. المهم انا معنديش ازمة في الشغل مع اي حد عشان حرية مصر لكن لازم نبقى واخدين بالنا ان الجماعة هتدوس علينا كلنا في الاخر..فاهمني اكيد

غير معرف يقول...

100%