الواد اسد الجامد سأل سؤال جامد زيه برضه
النهاردة كنا قاعدين بنتغدى انا و هو و كام شخص من صحابنا
اسد قال
طب هو عبدالمنعم اتحبس علشان مسلم او نقول مؤمن بديانة
و عبد الكريم اتحبس علشان كافر و ملحد
و انا افتكرت الناس اللي اتحبست علشان عبدة شيطان
واللي اتحبسوا علشان شيوعيين
طب احنا المفروض نعمل ايه دلوقتي؟؟؟
نؤمن ولا نكفر
يعني فهمونا عايز اعرف انا ممكمن ابقى ايه
علشان مابقاش ضد الحكم و النظام في البلد
ينفع مثلا ابقى ايه؟؟
يعني المفروض اكون مع مين ولا مع ايه؟؟
طبعا فيه هل كلنا اتأكدنا منه النهاردة بعد الماتش بتاع الاهلي
الحل انك تبقى اهلاوي
بس برضه دي حاجة مش مضمونة
ممكن تتحبس علشان انت ليك هوية مرتبط بيها
و دي حاجة تهدد النظام و الامن العام
و الامن القومي
و جامعة الدول العربية
و الامم المتحدة
و اسرائيل
و تصحى تاني يوم تلاقي الاهلوية متصنفين انهم من محور الشر
و تيجي امن الدولة نازلة لما الاهلوية من الشارع
هايعرفوهم من شكلهم لانهم كلهم مبسوطين اليومين دول
و طبعا الزمالكاوية هايفرحوا
بس برضه مش كتيرممكن يبقوا عبأ على امن الدوله هما كمان
افتكرت فيلم البيضة و الحجر لما احمد زكي اتحول للتحقيق
و المحقق قال و هو بيكتب في المحضر
و قد اعترف المتهم انه صاحب مبداء
نصيحة خليكوا بلا هوية
على رأى الفيلم
انا مش معاهم
ولا عارف ابقى مع مين
.jpg)
هناك ٣ تعليقات:
سؤال طرحته جبه التهييس الشعبيه قبلاً ، ولا مانع من توارد الأفكار
لا مسلمين ولا كافرين مع الحكومة يا باشا
3arf el so2al da fakrni be film ana msh ma3ahoum..ah wallahi...
"fe la2ta ama kano bey7ashesho we da5al 3alehm a7mad rateb ele el mafroud fe amn el dawla wel 3yal et5adet we ramt el 7ashesh we rfa3o edehoum...a7mad 3eed 2alohoum mat2la2oush omma 3ayzena kda 3la too...mas6ouleen....."
5aleek mas6ol,monafeq,we maleksh lazma...hat7bak el 7koma awii we msh hatetse7el...
التاريخ بيكرر بيعيد نفسه من تانى ولسه ياما هانشوف افتكر انى قريت مرة انهم اعتقلوا واحد مسيحى اسمه جرجس على انه من الاخوان زمان الاستاذ مصطفى امين فى كتبه عن السجن قال لما كانوا يقيضوا على مجموعة من الاخوان وييجوا يعذبوهم كانوا بيعذبوا الشيوعيين والمساجين السياسيين وكدا يعنى موش فارقة معاهم اهى دى الحالة اللى هانوصلها مش مشكلة تهمتك ايه ولا انتمائك ايه المهم انهم يحبسوا الناس ويعذبوهم وخلاص ماهو رؤساءهم هايحاسبوهم على كدا لو ماقبضوش على حد يبقى ما اشتغلوش ونايمين يبقى لازم يمسكوا الناس وبعدين يشوفوا ليهم شوية تهم واوامر الاعتقال جاهزة وممضية فى الادراج بس ناقصة الاسامى
إرسال تعليق