صباحية مباركة

شفته ياولاد اللي حصل امبارح
العريس جينا نحيه في دخلته
قاموا بعتولنا حراسة علشان نحتفل بيه براحتنا


اللي حصل بقه ان امبارح لقيت اسد باعتلي بيقولي الفرح بتاعنا اتلغى
علشان الامن مالي الميدان و مش هانعرف نحتفل بالعريس
قام كل المعازيم راحوا قعدوا على القهوة
يشربوا و يضحكوا
والمعلمين متكدرين في الميدان
و باعتين امن مركزي و اسعاف و مطافي


ليه يا جماعة
ده احنا كنا جايين نحتفل بالراجل
مش جايين نتظاهر ولا حاجة
الله يحرقهم قطعوا عليا كنت ناوي ابعلي صندوقين بيرة (خالية من الكحول) في الفرح
وكمان بعتوا ناس للمعازيم يقولولهم والنبي ماتعملوش حاجة
سيبوا الراجل يفرح
شفته الادب في التعامل
ولاد ناس برضه الامن بتاعنا ده
والله حاجه تضحك
للدرجادي الامن ده بقه بيخاف منا و بيعملنا حساب حتى لو كنا بنهزر
كويس علشان هما كده بدأوا يفهموا ان احنا خلاص
مابقيناش نعرف نسكت
او نسينا ازاي اننا نسكت
على اي حال
اهوالعريس دخل؟؟؟ و ده خبر غير مؤكد!! هيهيهي
و راح باغيس.. باريس بالفرنساوي
قشطة يا عم
احد التحليلات انه سافر على طول بعد الفرح
ان مافيش حد يخبط عليه (
اسواء عادة مصرية) يوم الصباحية و يسأل العروسة
هااااااا ...... عملتوا ايه ؟؟؟
يالهوييييييييييييييييييي
.......................................
الصور من عرباوي

هناك 3 تعليقات:

Khaled Salem يقول...

ana nefseee afham 7ar2ak fe eh erragel dakhal wala madkhalash :D
da ebn errayes ye beeeh.. law mesh 3aref ygeeb nas 7zb watanee m3ah :D:D yala m3lesh kol fara7 wento taybeen

Mohamed A. Ghaffar يقول...

عمله اسود ومهبب

shahy يقول...

اية الحقد دة واحد بيتجوز اية اللي مزعلكو بقى؟
على رأي الباشا نجم
ياعريس الدولة افرح واتهنى.............. مش هقدر اكمل ابقوا اسمعوها انتو بقى السلام عليكم