دولة المنفضين

تعرفوا ايه اللي لو شعب مصر دخل فيه مسابقة هايطلع الاول ؟
التنفيض
احسن شعب ينفض حتى لنفسه
حتى العامية بتاعتنا فيها معاني كتيرة قوي للتنفيض
زي .. احلق .. فكك .. طنش .. كبر
مافيش لغة في العالم فيها المعاني الكتير دي للكلمة الا عندنا
و بما اننا شعب عملي جدا طحن موووت
فاءننا بنطبق الكلام على نفسنا بالحرف
وبنسبق اي حد في التنفيض
لدرجة اننا بنفض لنفسنا
و بقوة
فا اغلب الشعب منفض للقرف اللي هو فيه
و بيتفوق على نفسه و بيدعي للي قارفه
السؤال اللي بتسألوه دلوقتي انا بجيب سيرت الكلام ده ليه دلوقتي
ما كل العالم عارفه ده
اللي خالاني اجيب سيرت الموضوع ده
التنفسض اللي حاصل من كل اللي اتحرق دمه علشان عماد الكبير
و اول ما الفيديو بتاعه نزل قام و هلل و شتم و لعن وسب البلد كلها
و بقى مشهور و الناس تتصل تسأله على اخر الاخبار
و تيجي يا عم انك تشوفه حاضر جلسة واحدة من قضية عماد ... ابدا
انا مش قصدي حد معين
انا قصدي ناس كتير
و قصدي الشعب ده كله
اللي كل ما تسأل حد فيه على القضية
يقولك دول ظلمه.. ربنا ياخدهم
على اساس ان ربنا ينزل العذاب عليهم من كتر الدعاء
شفته غباء زي كده
ربنا هيعمل ليه اصلا حاجة لشعب منفض لمصلحته
القضية دي اول حاجة عرفنا نمسكها على الجزم
و العالم كله عرف انهم ظلمة .. لدرجة انه كان احد اسباب كشفهم لفضيحة ان الامريكان بيجيبوا ناس تتعذب هنا
و ناس كتير بدأت تشتكي و تتكلم
و ناس كتير بدأت ترجعلها حقوقها
مش بقه كلنا نتلم و نقف وراه
لأ .. الكل نفضله
بقينا انا و شرقاوي و اسد و الحاج جرجس وجبهه التهييس و ذا سنفل انجل بس اللي ينحضرله
و لو حد فينا مجاش مرة لظروف عنده بيجي الجلسة اللي بعديها
و سعات جيمي ومالك و رشا
بيجوا بس شغلهم مش مساعد
و الكلب الظالم فيه ناس كتير قوي بتحضر معاه
محدش فكر في نفسية عماد لنا يلاقي الناس منفضاله
و اللي ظلمه الناس واقفة جنبه
انا كل مرة بدعي الناس تحضرله
بس زهقت
اصل لو موقفناش الناس دي عند حدها
هايجي اليوم ده و يحصل اللي حصل لعماد لأي منفض
فاللي عايز ينفض يفقض
بس مايستناش حاجة من حد بعد كده
و اللي عايز تفاصيل يبقلا يقراها عند جبهة التهييس
و هيلاقي صور كمان
و يتفرج في بيته و هو بيشرب شاي
مش عايزين منه حاجة
سلام


هناك ١٦ تعليقًا:

7ntklm يقول...

عزيزى ماك لك الحق فى كل ما تقدمت به ولكن انا بتوقع ان الجلسة الاخيرة للمحاكمة ستشهد حضور كبير من الذى خاب املك فيهم , وعدم الحضور الجلسات السابقة يرجع الى عدة اسباب منها التنفيض كما ذكرت ومنها بسبب انشغال البعض بالعمل , او عدم معرفة الطريق للمحاكمة والسؤال دا اتسئل كتير , والمشغول فى دراستة والامتحانات الـ على الابواب او البدات بالفعل .

على اى حال إن شاء الله الجلسة القادمة تحقق البنتمنى بنسبة لعماد وكذالك الحضور الجيد من الزملاء .

ويحقق موضعك ما تناشد به

غير معرف يقول...

تصدق انا نفسي احضر المحاكمة دي بالذات من زمان واغطيها
لكن ظروف سفري ضربت لي الموضوع زي ما يكون عند

وبعدين صحيح انت مش كنت حاططلي لينك؟

zenzana يقول...

مايخفاش علي حضرتك ان الشعب المصري بكل فئاته حتي اللي بيدعوا السئافة والفهم بينفعلوا بسرعة ويهدوا انفعالهم بسرعة وينطبق الحال ع المدونيين كمان اول ما نزل الفيديو هرونا كتابة لكن لما عماد كان ف السجن تلات شهور..كنت تسأل اي حد ايه اخباره هناك؟ محدش يرد ودلوقتي المحاكمة شغالة والامور هادييه خالص
طبعا جلسة النطق بالحكم هتلاقي كل الناس هناك وهيفرحوا ويطنططوا ادا صدر الحكم لصالح عماد وهيعملوا قال ايه انهم متابعين وبيحضروا كل جلسة
انا محضرتش ولا جلسة هتقولي ليه؟
هقول دى قصة تانية متنفعش هنا
تحياتي

Gemyhood يقول...

انا كنت معاكوا على التليفون اخر مرة لحد لحظة المدالة كنت جاى فى التاكس خلاص

و المكتب اتصل بيا تانى علشان ارجع

و ما قدرتش اجى ... نفض يا ماك

الالى ما يجيش عنه ما جيه فى ستين الف داهيه

سكوت هنصوت يقول...

انا بقى تهت..معرفتش اوصل للمحكمة لإني حمارة طرق...ومن لهوجتي قفلت البال على مفتاح العربية وهو جوة....و رجعت البيت جبت مفتاح سبير..و خدت بقيت اليوم خصم في شغلي..مش كلنا منفضين...يا عم ماك..بس انشاء الله المرة الجاية هوصل في المعاد..تحياتي

غير معرف يقول...

اخى العزيز ماك
اولا شكرا لك لانك وضعت ايدك على جرح كبير ومشكلة عظيمة كل مشكلتنا اننا بنفض مش مهم اى حاجة مجرد ان المشكله يعدى عليها يوم او يومين وخلاص
احنـــــا بلد جمهورية مصر المهلبية
شكرا

alshared يقول...

ده الطبيعي

أبتسم
فأنت في مصر المضحكات المبكيات


تحياتي

MaMaDo يقول...

صباحو يا عم ماك انت مالك مندهش كدة ليه, محسسني يعني انها اول مرة, احب اهنيك واقولك انها مش هتبقي اخر مرة
check my last post and u will see some good shit

الأستاذ جمال بيه يقول...

ولا يا دماغ
أنا بقالى شهر تلاتين ليله بافكر أين تقع مصر، مش منظور المكان لا سمح الله، مانا واخد ابتدائية وعارف انها شمال شرق افريقيا ويحدها م الغرب البحر الاحمر ومن الشمال المتوسط وكده، أنا بادور هى فين مصر من المجالات اللى الدنيا بتعتبرها علامات للتقدم الانسانى، يعنى مستوى التعليم والصحة والرعاية الاجتماعية والريضة وحاجات كده، وطبعا عديت على تقارير التنمية البشرية بتاع الامم المتحدة والبنك الدولى والاحصائيات المرهقة حولين الموضوع ده والمشرات غير المفهومة، المهم ملقيتش علينا الطلا فى حاجة توحد ربنا، زى مايكون مكتوب علينا الصفر ابن القحبة اللى مزين الشهادة بتاعتنا وسط الامم، خايف لا ينادو علينا ويقولو مصر اللى جايبه كحكه أهى، مصر اللى كوعت أهى، أحه انا بقالى شهر فى كابوس وحاسس انه متعلق على ضهرى وانا سهيان يافطه بتقول ارزعه على قفاه، حاسسانى بقيت عبيط القرية العالمية، ياجدعان عايز ارفع راسى، يابلد حسنى مبارك ياولاد الوسخه حد يدلنى على سكه امشى فيها وانا مش مذلول، هو مفيش إلا احنا، وفضلت يابن والدى على هذا الحال تلاتين نهار وتلاتين ليل لحد ما عديت عند مدونتك الكريمة ولقيتك يابن اللعيبة جايب م الآخر ووقعت على الحل، إحنا ياجماعة أعظم بلد فى الهبل والتخلف والتكبير والتنفيض واللى يتجوز امى اقوله يا عم الحاج ومسافرين منها واحنا قاعدين فيها، حاجه كده زى الكائنات الافتراضية، موجود ومش موجود، وانا مالى ياعم هى بلدى، دى البلد يا سيدنا بلدهم، انا مش قد الحكومة، ولم كبار، فين تروح يا صعلوك وسط الملوك، كبر يا عم، وسع الجمجمة، سيبك بقى وانسى، وهكذا لقيتنى وانا باقرا مودنتك باستريح وحاسس بدماغى بتكبر وحاسس انى باستعيد مصريتى تانى وهتفت بمجرد ما خلصتها
مصر هى امى
نيلها جوه دمى
-----
صحيح أنا ماباجيش المحاكمات وطبعا لإنى كائن افتراضى تخيلى مش مطلوب منى اساسا احضر محاكمات وثالثا لإنى مش متهم زى بعضهم وعايز انفض التهمة اللى لزقت فى، وخمسيه لإنى ماتربحتش اساسا من المحاكمة ولا مثلتلى نحتاية طرية فأنا شايف إن الموضوع ده فياسكو
----
نتكلم جد
التضامن الحركى قائم على ايمان ونزاهة
وده مش كلام كبير
ايمان بعدالة القضية اللى انت بتقوم بفعل التضامن من اجل دفعها وتنشيط الحراك الجماهيرى ورائها وبالصورة التى تريدها وهذا الايمان يتجلى فى مثابرتك وجلدك وتحملك التحديات وعدم تراجعك ازاء الضغوط
والنزاهة تعنى الا تكون القضية تكئة لك لكى تصعد بطموحاتك لأعلى جلبا لشهرة أو تثمينا لدورك لدى السلطة كى تدفع لك مقابل الصمت أو لمناوئيها كى يدفعو بدورهم مقابل الاستمرار النزاهة تعنى ألا تكون حركيتك مسلعة ومعروفة الثمن تداريها حينا إلى ان يحين زمن الصفقة فتجلس على المائدة ويكون السعر حاضرا والدفع وقتى
الايمان ضد كسر ارادة التضامن والنزاهة ضد خيانة القضية
الكلام كبير
وتخين ومش مفهوم
احتمال
بس هو ده الخطر على حركية المدونين وقضاياهم الجماعية والاشكالا لاحقيقى انهم لا يمتكلون آلية فرز سوى التشهير والضغط الجماعى وهذا يجلب معارك جانبية تأخذنا بعيدا عن القضية الحقيقية
طب والحل
كن مؤمنا ونزيها
وكبر ونفض للباقين ممن يسقطون فى الطريق فالزمن كفيل بفضحهم
تستطيع ان تخدع بعض الناس بعض الوقت لكنك لا تستطيع ان تخدع كل الناس كل الوقت
قالها ريس امريكانى مش فاكر هو مين بس فعلا بتختصر كلا الرغى اللى انا رغيته فوق ده

محمد عبد الغفار يقول...

يا باشا مش تنفيض

الساقيه تقف

جبهة التهييس الشعبية يقول...

يا ماك انت ما تقدرش تطلب حاجة من حد مش عايز يعملها

يعني انا حاسة بحرقتك

بس ما تضمنش ظروف البني ادمين

الجلسة دايما بتبقى الساعة حداشر الصبح ممكن الناس يكون عندهم شغل

ممكن خايفين

ممكن اي حاجة

بس اذا ما كانش الحاجة تبقى نابعة من جوا الانسان مش ح يعملها يا ماك

طبعا اللي عايز ومصمم يجي ممكن اليوم ده بالذات ياخد مثلا اجازة

ولو خايف

مافيش داعي يخاف دي محكمة ومن حق كل مواطن انه يحضر في المحكمة

عموما

المساندين لاسلاك هبيه على قلتهم الا انهم بيحضروا كلهم

ما انت عارف

ولاد خالته بقى

:)

استغفر الله العظيم واحنا مالنا دع ولاد الخالة للخالق

An Author يقول...

التنفيض ده مش من فراغ ، شعور الناس بلاجدوى اللى هيعملوه،و ان الوضع اسوأ من انه يتصلح لو بإيه ، و الياس و الاحباط اللى مسيطرين علينا فى كل حاجة
لينا حق ننفض ، اللى بيحصللنا للأسف مش شوية لا ده فاق كل الحدود

دماغ ماك يقول...

عارفين الاية بتاعت (لا يغير الله ما بقوم حتى بغبروا ما بأنفسهم) معنى الاية دي ان ربنا هبفضل منقضلنل لحد ما نبطل تنفيض لنفسنا انا مش فاهمنا...مش فاهم ازاي حد ينفض لحقه...انا ياما انضربت و اتبهدلت من عيال اكبر مني جيما ايام المدرسة علشان حاولوا يقلبوا مني ساندوتش ولا استيكة ولا قلم و هي حاجات لا تذكر بس كانت حقي و مكنتش بسيبهم ابدا
فا انا مش فاهم ايه معنى ان الناس تكبر دماغها من حقها انها تعيش...ليه مانعشي افضل من اي حد احنا ناقصنا ايه.. ليه مبسوطين من العيشة في الذل و دايما جايين على نفسنا..احنا مش مضطرين نيجي عليها..بس احنا مبسوطين كده..دي حجة البليد...انه يرمي غلطه على غيره علشان هو يكون دايما المظلوم و مش في ايديه حاجة
و ياحج ابو جمال عايز تلاقي مصر...انا الخصهالك في 3 جمل
1-ال يا فرعون ايه فرعنك ؟ قال مالقتش حد يلمني
2-Power corrupts and absolute power corrupts absolutely

3- الحل(لا يغير الله ما بقوم حتي يغيروا ما بأنفسهم) صدق الله العظيم

.:.-=- ELGaZaLy-=-.:. يقول...

طيب السلام عليكم روحمة الله وبركاته

ازيك يا مالك يارب تطون بخير...


معاك حق فى كلام كتير اوى قلتة بس تفائل بالخير تجدة ان شاء الله

انت استشهد باية من كتاب الله قمة فى الروعة صحيح انت فسرتها تفسير هايل بتاع ان ربنا هاينفضلنا ؟؟

وان كان القصد وصل ان شاء الله نحضر كلنا الجلسة الاخيرة

وصدقنى انا عند ظن عبدى بى فتفائل بالخير تجدة ان شاء الله

انا فى مصر فاكيد هحضر الجلسة الاخيرة

غير معرف يقول...

loooooool nawara far7ana 2we babn 7a'lt 2slak he3he3... y3ene aslo kan mot2ser gedan 2wal galsa we by3yat we bta3...
ma 3lina ...
i think 2no bardo fe 2htmam 23lame bal 2dya ya mak..
el moham 2no ya7'od 7okm b2a bgad..
el mara el gaya 7atb2a fe w2t wa7sh 2we..w2t 2mt7nat..we projects we bta3...

Unknown يقول...

wa2el ya 3abas,,,7azak fa2ary kol ma agy a7ot el link leek kol el saf7a teboz...begad mesh bahazzar...bas 2orayeb ha3'ayer el shakl da we araga3lak el link