سواق تاكسي

انا مش فاهم هما عايزين مننا إيه؟

شغل و مافيش .. قلنا نشتغل أي حاجة

واقفين لنا بالمرصاد في أي شغلانة

عمالين ينهبوا و يسرقوا و يرتشوا و اخرتها ايه؟؟

انا مش عارف؟

انا زي ما بصرف كل يوم فلوس على البنزين, لازم احط رشاوي للمرور يوماتي على الله

طب ما في الاخر هانهج زي ما كله بيهج

واضح ان دي الخطة الحقيقية للحكومة

انها تخلينا كلنا نهج على برة

بس انا مش فاهم لو هاجينا كلناالحكومة هاتسرق مين؟؟

مش هايفضل حد تسرقه

والله مانا فاهم وزير الداخلية قبل ما ينام باليل بيفكر هو بيعمل فينا ايه؟

بيفكر ان احنا ولاد ناس متعلمين و اهلنا تعبوا في تعليمنا قد ايه؟

بيفكر قد ايه بنتهان من رجالته في الشارع؟

بيفكر و هو راسه على المخدة ان احنا خلاص مش قادرين و حننفجر خلاص؟

والله ما قادرين نستحملاحنا بنموت نفسنا عشان نعيش

والداخلية بتعاملنا كأننا مجرمينو طبعا كدابين

كلنا كدابين بالنسبة لأي ظابط

واضح انهم بيعلموهم كده في كلية الشرطة

إن الانسان يولد كدابا و يعيش كداباو يتنفس كدبا و يموت كدابا

لما امبارح بقول له -الظابط- ماكنتش بتكلم في الموبايل

قال لي ما انت ماسكه في ايدك اهه و كنت بتتكلم

مافكرش لحظة واحدة اني ممكن اكون صادق

صادق إزاي ادا كنا كانا كدابين و كلنا ولاد كلب ولازم نضرب بالجزمة القديمة

والله انا حاسس اننا مش بني ادمين

اننا جزم قديمة

…………………………..

ده كلام سواق تاكسي قاله ل خالد الخميسي في كتابه تاكسي

اظن ان لخص كل حاجة الواحد عايز يقولها

بمنتهى الصراحة و السهولة

السواق ده فهم الموضوع

و عرف بلده دي ماشية ازاي

عرف ان احنا بنتعامل زي الجزم

و ان احنا زي الخرفان متساقين

وهانفضل كده خرفان

لحد ما الخرفان يطلعلها لسان و حد يتكلم

و على حد علمي بخرفان مصر الحاليين في حالتهم دي

ان عمر الخرفان ما هايطلعلها لسان

وقفة قسم العمرانية

طبعا كلكم عرفتم اللي حصل إمبارح

و ان مافيش حد عرف يعمل حاجة

و ان الهبل قفلولنا الدنيا كلها

مع ان كل اللي احنا كنا هانعملوا اننا نقف وقفة احتجاجية

بس الحكومة عندنا مش بالنضج انها تسيب حتى حاجة زي دي تحصل

و انا اصلا من فترة شايف ان الوقفات و المظاهرات في الشارع مش هاتجيب نتيجة

الضغط الاعلامي على الحكومة و تحويل اي قضية لقضية رأي عام هي اللي هاتنفع

و ده اللي حصل في قضية عماد

الحاجة الوحيدة اللي جبنا بيها نتيجة

و ده كان نتيجة ضغط اعلامي كبير

الحكومة مش هاتقبل ان حد يقف في الشارع يتكلم

يبقى الحل الوحيد هو فضحها اعلاميا

وده انشاء الله اللي هاشتغل عليه بعد كده

الحل الوحيد اللي هاينزلني الشارع

هو ثورة عامة

البلد كلها تنزل فيها

7'abar 3'er mo2akad : 7'orog ahmed el gezawy

Enas reg3laha el 7aga beta3etha

Enas saboha we ahmed el gezawy lesa ma3ahom

Ahmed el gezawy we enas 7osny et2abad 3alehom

Ma7adesh yegy 3alshan el mawdo3 baz 7'alas we mafesh we2of

2odam kesm el 3omrania el 2mn el markazy 2afel el donia we mamno3 el wo2of

وقفة احتجاجية بالشموع أمام قسم العمرانية الخميس

دعاء عبدالمنعم

تلقت والدة شهيد قسم العمرانية أحمد صابر اتصالاً هاتفيا من مديرية أمن الجيزة للحضور وابنتها «هبة» والشهود الثلاثة الذين شهدوا مقتل صابر علي أيدي جلادي القسم وقالت الأم الثكلي لـ «البديل» إنها لن تتحرك من بيتها إلا للنيابة العامة

ووجهت نداء عبر «البديل» إلي جميع منظمات المجتمع المدني وحقوق الإنسان بالدفاع عن حق ابنها،

وأكدت أنها لن تتفاوض علي دم ابنها

وسوف تبحث عن حقه والقصاص من القتل حتي آخر نفس في حياتها

من جهة أخري قررت حركة «مصريون ضد التعذيب» إقامة وقفة احتجاجية أمام قسم العمرانية في الخامسة مساء الخميس القادم

يذكر أن قسم العمرانية قد شهد مقتل مواطنين خلال هذا العام وحده علي أيدي المباحث، وقد سبق وأن قضي رئيس المباحث ويدعي عرفة حمزة سنة مع الشغل والنفاذ في قضية تعذيب

مماثلة لقتيل اسمه «أحمد تمام».. وقد عاد الضابط لعمله بعد قضاء فترة العقوبة

جريدة البديل

...............................................

تعليق من دماغي

بما اني تبع قسم العمرانية

و هو جنب بيتي بشوفوا كل يوم و انا رايح و انا جاي

فاكنت كنت عايز اقولكم معلومة بسيطةعن القسم ده

الناس عندنا مطلعين عليه نك نيم .. اسم مستعار يعني

و الاسم هو

(باريس)

وسبب تسميت الناس للقسم بلأسم ده هو

ان اللي بيدخل القسم ده بيقضي فيه اجازة سعيدة

......................

لما تدخل القسم ده من البوابة

تلاقي اتنين بكروش و شنبات

لابسين مدني و معاهم بندقيتين

ولازم يسألوك السؤال الغبي اللي اقسام مصر الوحيدة

اللي منفردة بالسؤال ده لما مواطن يدخل اي قسم فيها

انت داخل جوه تعمل ايه؟؟

هاكون هاعمل ايه يعني بغبأكم

طبعا داخل اتعذب

المهم اول و اهم حاجة هاتلاحظوها لما تعدوا الاختين الحلوين دول

هاتلاقي اوضة على الشمال و اوضة على اليمين

علشان بس تفهموا الشكل بتاع القسم

القسم عبارة عن فيلا قديمة في اول شارع الهرم

فا لما تدخلوا من الباب هاتلاقوا الأوضتين دول في جنينة الفيلا

بالنسبة للأوضة اللي على اليمين ده حجز السيدات

و الشمال حجز الرجالة

الأوضتين عبارة عن مكعب من الخرسانة و الطوب

و كل واحدة فيها باب و شباك صغير وحيد

على شكل مربع 20سم في 20سم

الشباك الوحيد ده مقفول بشفاط

و فيه مثلا 100 شخص جوه

يعني لو كنت حابس كلاب كانوا ماتوا

اما بقيت القسم الحمدلله ماجتليش الفرصة لسة اني ادخلوه

و مش عايز

وكرهت باريس اصلا من اسمه

منه لله

انا كنت عارف

مادام الفقر بشخصه هايحضر الماتش

يبقى كل عام وانتم بخير

عكنن علينا كمان في الحاجة الوحيدة اللي بتفرحنا

منه لله

اسعد يوم

في اسعد يوم في حياتي
في اليوم اللي كنت مستانيه بقالي سنة
عماد الكبير اخد تاره
و تار ابوه
و تار كل واحد اتمدت عليه ايد كلب من كلاب الحكومة
النهاردة المحكمة حكمت على الكلبين اللي عذبوا عماد
بالسجن 3 سنين مع الشغل
مش قادر اوصفلكوا فرحتنا النهاردة كلنا قد ايه
بعد مشوار طويل في المحاكم
خدنا اخيرا حقنا كلنا
كل اللي كان في المحكمة النهاردة زغرد من الفرحة
حتى اللي مايعرفش عماد
ده حتى بنت عمران صوتت من الفرحة
و انا اول ما الحكم اتقال نطيت و قلت الله اكبر
وحضنت عماد
و كنت عايز احضن كل الناس
شكرا لكل واحد ساهم معايا من اول يوم ان عماد يرجعله حقه
دي صورالنهادة

In the 2nd memory for what i used to be

In this farewell,
There’s no blood,
There’s no alibi.
‘Cause I’ve drawn regret,
From the truth,
Of a thousand lies.
So let mercy come,
And wash away…
What I’ve Done.
I’ll face myself,
To cross out what I’ve become.
Erase myself,
And let go of what I’ve done.
Put to rest,
What you thought of me.
While I clean this slate,
With the hands,
Of uncertainty.
So let mercy come,
And wash away…
What I’ve Done.
I’ll face myself,
To cross out what I’ve become.
Erase myself,
And let go of what I’ve done.
For What I’ve Done
I'll start again,
And whatever pain may come.
Today this ends,
I’m forgiving what I’ve done.
I’ll face myself,
To cross out what I’ve become.
Erase myself,
And let go of what I’ve done.
What I’ve done.

linkinPark