سواق تاكسي

انا مش فاهم هما عايزين مننا إيه؟
شغل و مافيش .. قلنا نشتغل أي حاجة
واقفين لنا بالمرصاد في أي شغلانة
عمالين ينهبوا و يسرقوا و يرتشوا و اخرتها ايه؟؟
انا مش عارف؟
انا زي ما بصرف كل يوم فلوس على البنزين, لازم احط رشاوي للمرور يوماتي على الله
طب ما في الاخر هانهج زي ما كله بيهج
واضح ان دي الخطة الحقيقية للحكومة
انها تخلينا كلنا نهج على برة
بس انا مش فاهم لو هاجينا كلناالحكومة هاتسرق مين؟؟
مش هايفضل حد تسرقه
والله مانا فاهم وزير الداخلية قبل ما ينام باليل بيفكر هو بيعمل فينا ايه؟
بيفكر ان احنا ولاد ناس متعلمين و اهلنا تعبوا في تعليمنا قد ايه؟
بيفكر قد ايه بنتهان من رجالته في الشارع؟
بيفكر و هو راسه على المخدة ان احنا خلاص مش قادرين و حننفجر خلاص؟
والله ما قادرين نستحملاحنا بنموت نفسنا عشان نعيش
والداخلية بتعاملنا كأننا مجرمينو طبعا كدابين
كلنا كدابين بالنسبة لأي ظابط
واضح انهم بيعلموهم كده في كلية الشرطة
إن الانسان يولد كدابا و يعيش كداباو يتنفس كدبا و يموت كدابا
لما امبارح بقول له -الظابط- ماكنتش بتكلم في الموبايل
قال لي ما انت ماسكه في ايدك اهه و كنت بتتكلم
مافكرش لحظة واحدة اني ممكن اكون صادق
صادق إزاي ادا كنا كانا كدابين و كلنا ولاد كلب ولازم نضرب بالجزمة القديمة
والله انا حاسس اننا مش بني ادمين
اننا جزم قديمة
…………………………..
ده كلام سواق تاكسي قاله ل خالد الخميسي في كتابه تاكسي
اظن ان لخص كل حاجة الواحد عايز يقولها
بمنتهى الصراحة و السهولة
السواق ده فهم الموضوع
و عرف بلده دي ماشية ازاي
عرف ان احنا بنتعامل زي الجزم
و ان احنا زي الخرفان متساقين
وهانفضل كده خرفان
لحد ما الخرفان يطلعلها لسان و حد يتكلم
و على حد علمي بخرفان مصر الحاليين في حالتهم دي
ان عمر الخرفان ما هايطلعلها لسان

هناك 6 تعليقات:

Mohamed A. Ghaffar يقول...

جزم قديمه ، طب كويس مقدر نفسه بحاجه عليها القيمة

دماغ ماك يقول...

hahahahah
ye7'reb 3a2lak

شاب مصري مفروس يقول...

والله سواق تاكسى عندة دم وبيفهم

مش زي البراميل التانيه اللي مش فاهمه حاجة في اي حاجة
لا بيقرو جرايد ولا بيسمعو اي حاجة عن البلاوي اللي بتحصل في البلد واكتر كلمة يقولوها احنا ملناش دعوة بلاش كلام في السياسة

ياكلو ويشربو وينامو ويتجوزو وخلاص
وكفى الله المؤمنين شر القتال

دي فعلا الناس اللي بتغيظنى

انما سواق التاكسى ده باين عليه بيفهم بغض النظر انه متعلم ولا جاهل

تحياتى ليك يا ماك على البوست الحلو دة والمدونة الجامدة دى

ابن عمر يقول...

123فى ناس احرار قالوا لا
وهم الأن فى المعتقلات
وفى غيرهم هيقول الف لا
لما
نضع ايدينا مع بعض
ونقولها بكل شجاعه
لا لا لا لا لا لا
للظلم
للفساد
للسرقه
للرشوة
..

Arabiology يقول...

اللي يغيظ إن الكل قرفان و الكل بيتكلم و ينقد، حتى أنا. بس السؤال هو ها و بعدين؟!

عمرو دياب 2009 يقول...

ههههههههههههههههههههههههههههه

جامد