الانسان في مصر اصله كلب


طبعا كل الناس اتفرجت قبل كده على افلام امريكاني
لما حد بيحصله حاجة بيجي متصل ب 911 و تلاقي الاسعاف ولا المطافي ولا الشرطة موجودة في ثواني
وانا الحمدلله عمري ماتحطيت في موقف يطرني اني اتصل بالطوارئ في مصر
بس اللي حصل الاسبوع اللي فات خلاني اكلمهم
كنت مسافر طنطا و حصلت حادثة قدامي
فاتصلت ب 122 و ده رقم النجدة
بعد ما قعد يرن كتير الخط اتفتح
مافيش بقه حد رد عليه
دول حطوني على الانتظار و شغلولي مزيكا هادية
تخيلوا واحد مثلا تحت انقاض عمارة ولا واحدة مخطوفة ولا جريمة قتل بتحصل
والشخص اللي عايز نجدة ده يحطوه على الانتطار و يشغلولوا مزيكا
اصله متصل يطلب اكل ولا حاجة ساقعة
و كمان عند الوقت الكافي انه يستنى
متنهى المهزلة
المهم واحد رد عليا
فاقلتله لو سمحت فيه حادثة حصلت على كوبري بنها و فيه عربية مقلوبة
ام قالي اسمك ايه ... ؟ فا قلتله
كان رده عليا
انا مليش دعوة كلم الاسعاف و قفل السكة
انا ماستوعبتش اللي حصل
بس مافكرتش كتير
اتصلت ب 123 الاسعاف
حد ممكن يفهمني ليه كل حاجة في الطوارئ في مصر ليها رقم مش رقم واحد ليهم كلهم زي كل الدنيا
و اتحدى ان حد اصلا في الشارع عارف الارقام دي
المهم قام واحد رد عليا
قلتله لو سمحت فيه حادث حصلت و عايزين عربية اسعاف
قالي اسمك ايه ....؟ قلتله
قالي فين الحادثة؟ قلتله على طريق مصر اسكندرية الزراعي على كوبري بنها اللي فوق النيل
قالي فين ده
قلتله انت كلم بنها و هم هايعرفه
قالي ماينفعش لازم اعرف فين
قلتله ماهو ده طريق سريع و ده العنوان الوحيد فوق كوبري بنها
قالي ماليش دعوة كلم الجيزة و جه قافل السكة في وشي
سيبكم من كلمة ماليش دعوة اللي الاتنين قالوهالي و جايبة البلد ورا
ممكن اعرف اكلم الجيزة ليه و انا في بنها؟
طب اكلم مين في الجيزة؟؟؟
طب اكلمهم على رقم كام؟؟؟
فكرني بواحد صاحبي كان مسطول على طول
كان مثلا يكلمنا و يقولي
ايوة يا محمد .. انا مستنيك عند الصيدلية و يجي قافل
طب صيدلية ايه ولا الساعة كام
اهو اي كلام
ومن هذا الدرس ايها السادة نتعلم شئ واحد فقط

ان داروين لما قال ان الانسان اصله قرد كان غلطان

لان الانسان في مصر اصله كلب
ان الانسان و الكلاب حاجة واحدة في مصر
ليس له اهمية
يقتل كل يوم على الطريق زيه زي اي كلب
بلا اي اهتمام

منتهى الجمال من المسؤلين عن حياتنا في مصر


كلب زي اي كلب

هناك ٨ تعليقات:

AHMED SAMIR يقول...

لو سمحت ماتشتمش الكلاب وتشبهها بالمصريين
الكلاب دي حيوانات راقية وحساسة
طب والله العظيم في كلاب في مصر بتتعامل احسن ما بيتعامل المواطن المصري
بس انت غلطان يا راجل
مش كنت تكلم الجيزة؟؟؟

الأغاني للرأفتاني يقول...

اسمع دى بأه ياماك علشان تعرف ان الانسان المصرى فى مصر بس اصله كلب..يعنى لو انتى اجنبى هتتعامل احلى معامله..
اخوك معاه البسبور الامريكانى
وفى احدى الزيارات لمدينه شرم الشيخ الخالده حصلت حادثه وكان معايا بعض الاصدقاء كلنا مصرين امريكان..بس فينا ناس العربى بتاعها ضعبف..المهم لما الحادثه حصلت..اتصلنا زيك كده يامان..وقولنا للعرص اللى رد على التليفون ان مينى فان سياحى عمل حادثه وفيه سياح امريكان
واتفرج ياماك..مش انت بتتكلم على 911
اهو طريق شرم الشيخ ده بأه عامل ولا افلام الرعب فى هليوود..اسعاف ايه واتوبيسات ايه وبوليس ايه

لا كرامه لبنى فى وطنه يامان..
وطالما قبلنا ان احنا نتعامل معامله درجه تانيه فى بلدنا فلا عزاء

تحياتى من نيويورك

غير معرف يقول...

what is ur name?

?
u have to call 911
Nagdi

غير معرف يقول...

looool .. aywa sa7 ana m3a a.samir ya mak , msh tachtm el kalab we tachbha bena .. da feh hena animal freinds we 7gat gamda awe .. 23obal myb2a feh human friends kda =D

غير معرف يقول...

عندك حق لا فعلا احنا بنتعامل زى الكلاب الضالة مش الكلاب العادية ودم المصرى رخيص جدا ومالوش اى اهمية والمصرى بقى زى الكلب برضه مش فى بلده بس ده كمان فى اى دولة عربية بيشتغل فيها..ويبقى انت اكيد فى مصر
تحياتى ليك

ذو النون المصري يقول...

للاسف واقع مش قادرين نغيره و ليس لدينا حلول لهذا الواقع
الا بالثوره علي انفسنا او نعيش كما نحن حتي يتغير هذا الجيل بالفناء و ياتي جيل اخر افضل منه

دماغ ماك يقول...

فاكرين يا جماعة اما مش عارف مين الكويتي ده قال ان المصري مايسواش ثمن غسالة صيني... هي كلمة تحرق الدم اه بس كان عنده حق

محمد عبد الغفار يقول...

هو فى انسان فى مصر
!!!!