حل جديد


مالقتش فايدة في اني احضر مظاهرة النهاردة
ولا اني اغطي اخبارها
مع اني حضرت بتاعت السنة اللي فاتت
بس انا مابقتش بأمن ان المظاهرات بتاعتنا دي بتعمل حاحة
كل مرة الامن المركزي يلم التلاتين واحد اللي حاضرين في جنب
و يسبهم يهللوا ... يا اما يضربهم و يعتقل حبة منهم و يسيب الباقي يروح
و مافيش اي نتيجة
ممكن لو اعتصام كبير و عدد كبير يجيب نتيجة؟؟
مش عارف .. بس ممكن يجيب نتيجة لو المطالب كانت عمالية مثلا
بس مطالبنا احنا عايزة ثورة يا جماعة
البلد كلها تتحرك فيها
الوقفات اللي بنعملها مزنوقين في اي جنب دي مبقاش ليها لازمة
حتى الاعلام مبقاش بيغطيها زي زمان
طريقتنا في المطالبة بحقوقنا لازم تتغير
انا بفتح المرة دي باب النقاش
يا ريت اسمع اراء تانية
و نتناقش لحد ما نوصل لحلول

هناك ٦ تعليقات:

غير معرف يقول...

انا بقى ليا سؤال لو نص الشعب المصرى بس انا بقول نصه طلع فى مظاهرة احتجاجية ايه اللى حيحصل وتكون المظاهرة دى قدام القصر الجمهورى ؟؟؟؟؟؟؟؟؟؟؟
:)

محمد هانئ يقول...

سلام عليكم
شوف يا ماك
لقد تحولت المظاهرات الأن الي مجرد خطاب ديماجوجي اجوف
بلا هدف أبعد من أقدامنا
وماذا بعد اسقاط مبارك
لمن الحكم
سيتناحروا
و يلجاوا في النهاية للبيروقراطيين
الذين اضاعوا البلد
و حتي يكون هناك خطاب ثوري حقيقي مبني علي أسس قادرة علي اقامة دولة مستقلة
نحن لا نستحق أكثر من مبارك وزبانيته
و اختم بقول لينين
لا يوجد فرد ثوري يوجد حالة ثورية
و أرد علي طائر الحرية
لو حدث هذا فمعناه ان خطاب المعارضة الحقيقية وصل للناس
و هذا لن يحدث بقياداتنا العرجاء في المعارضة من أصحاب المصالح مع النظام
==============
محمد هانئ

محمد عبد الغفار يقول...

هو غاندى مفيش غيره

غير معرف يقول...

maaaaaaaak imagine just what ta2er el 7orya wrote !!! i mean seriously o god !! am definetly gona be there 7ata lw mfech results mal a7na 3ayzeno there ... i just can't believelet's say 30 millions 7yb2ao fe mozhra !!! howa a7na ad eh fe cairo bas now "??

غير معرف يقول...

اولا بالنسبة لمظاهرة كفاية كونت متوقع يحصل كدا.
ثانيا:العيب من الناس معظم الناس خايفة تتحرك.خايفين لكذا سبب ألي خايف علي اكل عيشو وألي خايف علي ولاده.ودي طبعا اسباب ملهاش لازمة.بس احنا شعب عندنا ثقافة الخوف الرهيب من الحكام.
الحل بقي اننا نشتغل علي وعي الناس يعني نعرفهم حقوقهم ونعرفهم كمان ازي يطالبو بيها.لو الناس بقي عندها وعي بجد هيحصل تغير كبير اوي.

Abdelrahman Ellithy يقول...

مدونة ممتازة
ارحب بك في مدونتي
اول مدونة ترفيهية عربية ودردشة واقواهم على الاطلاق

نجوم اف ام Nogoom FM 100.6