موقف النزهة


بكتب البوست ده من موقف النزهة في اسكندرية
قصدي مطار النزهة
مش عارف اوصف المكان ده اكتر من انه موقف
الحياة في المكان ده سبهللة
كله ماشي
سجاير في صالة الانتظار ماشي
الناس اللي شغالة كلها بتشحت ماشي
فيه قطط من الشارع جوه ماشي
خرطوم التكييف بينقط على كل واحد بيغادر البلد قبل ما يركب الطيارة ماشي
واحد مرجع و الريحة مالية المكان ماشي
فيه مطار في الدنيا يا ناس مافهوش ساعة واحدة خالص تعرف الناس الوقت
فيه مطار في الدنيا مافهوش شاشة تعرف الناس مواعيد الرحلات ايه
مش عايز اكون سلبي
بس بجد كان نفسي اكتب حاجة حلوة عن المكان اللي سايبه قبل ما امشي
بس انا قضيت ليلتي في العجمي
و العجمي من المجاري بقت عبارة عن ..... امممممممممممممممممممممممممم
حد شاف التراك اللي بيعملوه لعربيات الهامر علشان يختبروا العربية دي حاتستحمل الصعاب و الجبال و الانهار و الصحاري ولا لأ
اهو العجمي بقت زي كدة و مفيش كلام تلني اقوله
بكل هذه الذكريات الجميلة ارحل عن مصر
ربنا يسهللي بقه هناك
من موقف النزهة
دماغ ماك
لقطاع البلوجات

هناك تعليقان (2):

MariaM Bent Omran يقول...

ya Makooookiii, am the 1st one to comment in ur last post from Egypt...

a5er zekra leek fe masr el maw2af..tab el 7amdoullah eno el maw2af ya5ouia msh 7aga tanyaaaa

bas gamda awe fel a5er :

من موقف النزهة

دماغ ماك

لقطاع البلوجات

7elwa awee

hehehehe

wa7shne awe ya Mak :(

غير معرف يقول...

اعيش خارج مصر من اكثر من خمسة عشر سنة اكره لحظات حياتى عند دخولى اى مطار فى مصر تجاوزا السمية مطار وزرت بلاد الدنيا كلهاالاسم المناسب هو سبوبةهل ياصديقى زرت مطار برج العرب؟هل فى اى بلد فى الدنيا ينتظرك المعارف على باب الطائرة لتخليص الاجراءات وتجد من ينادى على الاستاذ فلان ويأخذ بسبوره امام الجميع كأنالباقى غير بنى ادمين