ده ردي


عارف ان فيه ناس إدايقت من البوست اللي كتبته عن اخر يوم ليا في مصر

ليه بينتها مقرفة كده

و مدام ماشي ماكتب كلمة حلوة احسن

و كمان انا مسافر ليه اصلا مادام بدعي إني بحبها

واللي بيحب مكان مايقعد فيه

بيسيبوا ليه و يمشي

واني لما مشيت ده معناه اني مش بحبها

وده كان سؤال من مريم ليا

ليه ماشي مادام بحبها

هارد عليها بكلام اول مرة اسمعه كان من ابويا ( منك لله يا نوارة ماخلتنيش اشوف الراجل قبل ما امشي) ... المهم

ده كلام عمنا صلاح جاهين

مالقتش رد احسن منه
....................................................................

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على اسم مصر.

هناك 3 تعليقات:

طائر الحرية يقول...

كون ان الواحد سافر او بعد عن مصر ده ميعنيش انه مش بيحبها لا بالعكس فى حاجات بتبقى اقوى من البنى ادم بتخليه يعمل حاجات هو مضطر عنها لو البنى ادم حيضيع فى المكان اللى بيحبه يبقى يسافر احسن مايضيع وحب المكان ده حيفضل فى القلب عمره ماحيتنسى بالعكس ده الشوق لمصر بيزيد والواحد يرجعلها كويس احسن مايضيع معاها فى الظروف دى مصر فى الدم ياجماعة حد يقدر ينكر دمه؟

MariaM Bent Omran يقول...

Begad no comment..bas bardooo makansh el mafroood tesbhaaa :P:P

فايز النبهاوى يقول...

يا عم الكئيب هو انت رايح جهنم
هاتستهبل
ابقى قولنا بس حكاياتك الحلوة والمغامرات :)