6 ابريل ......إضراب يا عالم










لو عملناها يبقى ده بجد العيد القومي لمصر

ولو مرة واحدة كلنا نقول لأ

لأ للفساد

لأ لأكل حقوقنا

عايزين حياة كريمة

عايزين عيشة نضيفة

عايزين احترام

إدينا ف إدين بعض

نقدر نغير بلدنا

..........................

يا ريت تنشروا البوسترات دي قد ما تقدروا

شكرا يساري

هناك ٨ تعليقات:

يساري مصري يقول...

لا شكر على واجب يا عمونا
المهم احنا عايزينك تعمل مظاهرة عندك في دبي قدام السفارة المصرية مع شوية مصرين في اليوم دا
و دا دور ميقلش اهمية

ذو النون المصري يقول...

مش عارف ليه مش واثق من حكاية الاضراب دي
لا اعتقد ان فيه ناس كتير عارفين بخبرها اصلا
انا في مدرستي لا يعرف احد عنها اي شيء و لو ذكرتها لهم ما اعتقدش ابدا ان فيه اي حد هيستجيب

سيبها على الله يقول...

ياحاج ماك باذن الله تعالى عندى امل كبير فى الله ان هذا اليوم سوف يكون ناجحا بكل المقاييس لان هناك ظلم بين على هذا الشعب البائس والذى ابتلاه ربه بعصابة لا تريد التنازل عن مقدرات البلد واقول يا اخى ذو النون المصرى لا تفقد املك فى الله علينا ان نعمل مايجب ان نعمله وخاصة هذة الفئة والتى تعرف باسم فئة المثقفين فى مصر

غير معرف يقول...
أزال المؤلف هذا التعليق.
غير معرف يقول...

che , yanf3 t3ml posters tetlz2 zay bat3t el drugs bat3t 3mr khaled ???

i donno bas i don think ppl aren't excited wela 7aga ...

whenever i ask ppl they say they are staying at home n thats all !!

دماغ ماك يقول...

mahowa da elly e7na 3ayzeno ya sinfulaya
el nas kolaha to3od fe el beet
we yewarona haye3melo eh men 3'erna,,,,,

غير معرف يقول...

انا بقي سمعت خبر جديد لانج ( حكومة نظيف بك النظيف) قررت فرض ضرائب ديدة علي الاضرابات في مصر نتيجة زيادتها لك الله يا بلد

Ahmed Al-Sabbagh يقول...



أنا ليه هعمل الاضراب ؟؟


لما الفسـاد وقــّـفوه حـارس على وطنى
ولهيب الغلا كوانى .. وحتّ ف بدنى
لما الحرامى سرق منى اللقمة والميه
وسرق هدوءى وسكنى .. حتى من سكنى
لما الحلم حتى اتسرق .. من يومى .. من زمنى
لما النظام نسج - فى عز الشباب - كفنى
أنا قلت هعلن العصيان
فى يوم حزين مـَدنى

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما سألت عالعيش .. قالوا مفيش
وقالو العيش على الأبونية
وسألت عالزيت .. وعزّيت
لما عرفت إن الزيت بتسعة جنيه
وسألت على حديد البُــنا
قالوا الحديد .. خلاص فى كرش البيه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما البشر والحجر
ووادى النيل ببنى أدمينــــه
لما زمان الوطن بايامة وشهورة وسنينه
لما الصغير والكبير
قالوا كفاية مش عايزينــة
كفاية علينا حكم سنين
تخرج الواحـــــد من دينـه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما المبيد صبح سرطان
يهرى ف ارضنا .. فى الزرع .. فى مواطن
لما بؤ الميه صبح وسخ داكن
لما خرب الاقتصاد .. واحد على تلـّـــهَ
قاعد وشارب وواكل وساكن
لما الشباب بيصرخ .. فى ذل ومهانة
ولا شغل ولا توظيف ولا شقة ومساكن

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم

تحياتى
أحمد الصباغ