ضحكت كييييييييييييييييييييك
لما سمعت تصريحات إسراء لما خرجت من المعتقل
بس كده
بالمناسبة
انا (برضه ) بسجد لربنا شكرا على حكومتنا الجامدة
اللي حاسبانا عيال هبلة
خلص الكلام
من يوم ما الشرقاوي اتمسك و انا مخنوق و قرفان
ماكنشي ليا نفس اكتب اي حاجة
و مش الشرقاوي بس
كل اللي بيحصل في البلد مكدرني
مع اني المفروض افرح لان الناس بدأت تفهم انها مضحوك عليها
و انها لو ماتكلمتش واتحركت
هايفضلوا كده طول عمرهم
الحمدلله انهم فهموا
عرباوي يا جماعة بيقولي موضوع المحلة مسمع بره قوي
ده فيه حتى هتافات طلعت للمحلة بالاسباني
عرفتوا احنا كويسين قد ايه
وازاي ممكن نبقى احسن
المهم اننا مانسكتش
المهم ان حمدلله على سلامتك يا شرقاوي
و كمان كل الناس اللي طلعت
و عقبال الباقين
ماكنشي ليا نفس اكتب اي حاجة
و مش الشرقاوي بس
كل اللي بيحصل في البلد مكدرني
مع اني المفروض افرح لان الناس بدأت تفهم انها مضحوك عليها
و انها لو ماتكلمتش واتحركت
هايفضلوا كده طول عمرهم
الحمدلله انهم فهموا
عرباوي يا جماعة بيقولي موضوع المحلة مسمع بره قوي
ده فيه حتى هتافات طلعت للمحلة بالاسباني
عرفتوا احنا كويسين قد ايه
وازاي ممكن نبقى احسن
المهم اننا مانسكتش
المهم ان حمدلله على سلامتك يا شرقاوي
و كمان كل الناس اللي طلعت
و عقبال الباقين
وانا وانت
ورقصني يا جدع
'طبعا كل التلفزيونات طلعت تقول ان الشعب البلطجية هما اللي كانوا بيكسروا و يحرقوا
بس احنا عارفين ان الامن هو اللي كسر و حرق علشان يلبسوا الناس التهمة كالعادة
يا مبارك و يا عادلي فيه اخترع اسمه كاميرات
و زي ما انتوا بتصورونا في المظاهرات
احن كمان بنصور
و الدليل لن انتوا اللي خربتوا علشان تقولوا انكم تدخلتوا بعد ما احنا قمنا بأعمال شغب اهو
عاجبك يا كبير اللي حصل
عاجبك الولاد اللي ماتت
عاجبك الولاد اللي اتصابت
عاجبك المدارس اللي امنك حرقوها
عاجبك العربيات اللي امنك ولعوها
عاجبك المحلات اللي امنك كسروها
سمعت الناس و هي بتشتمك
سمعت الناس و هي بتكرهك
سمعت الناس وهي بتلعنك
طب شفت الشعب و هو على صورتك بينط
و يكسر فيها و عليها بجزموا يحط
طول عمرك بتغلط و الناس ساكتين
معيشنا في قرف و مطنيشين
بس في النهاية غلطت الغلطة الكبيرة
جوعت الناس وخلتهم مش لاقين
ضربت نار على رجلك انت و طقمك التانين
الناس ولعت بعد ما كانوا مطنشين
فالبس بقى واشرب انت و المعلمين
نتيجة فشخكوا فينا طول السنين
الفيديو ده من موقع هنا القاهرة
اول ما شفته افتكرت ان انا في فلسطين
معانه متصور في المحلة الكبيرة النهاردة
حسبي الله ونعم الوكيل فيهم
اول ما شفته افتكرت ان انا في فلسطين
معانه متصور في المحلة الكبيرة النهاردة
حسبي الله ونعم الوكيل فيهم
و دي كمان صور ناصر نوري من رويترز
بس حد يقولي
دي فلسطين ولا لأ
ميدان طلعت حرب النهاردة كان نفسي اكون موجود في مصر النهاردة
ناس كتيرة ماكانتشي متوقعة ان اي حاجة تحصل
بس بغباء الحكومة المعهود
ساعدتنا ان الاضراب يكون ليه حس و العالم كله يعرفه
اعتقلت كالعادة ناس كتير
لله فالله
ممكن منهم ناس مالهاش دعوة اصلا
بس هما فضحوا نفسهم و خوفهم بنفسهم
شوفتوا يا جماعة هما جبنا قد ايه
و المصيبة انهم لسه بيكدبوا على انفسهم و بيقولوا انهم سيطروا على الاضراب
اللي يضحك انك تحس ان حتى ربنا كارههم
هما قالوا هانطلع مايتين اي واحد يضرب
قام ربنا قلبلهم الجو قرف علشان الناس كلها غصب عنها تنفذ شعار الاضراب
خليك بالبيت
المهم الصوركالعادة من وعند وائل عباس
و تغطية المعتقلين عند نوارة
و كل اضراب و انتم طيبين
زهقان قوي من القعدة
فيه ستين حاجة في دماغي شغلاني
مش عارف اعمل ايه
قلت لما اكتب و اشوف
اصلا مش عارف اكتب ايه
عيني على التلفزيون
بطني بتوجعني كالعادة
بس كانت اكلة جامدة
اشرب سيجارة ... مش عارف
مكسل
طب انزل
هاروح فين في البلد دي دلوقتي
في شارعي في مصر كان بيبقى فيه ناس و عربيات 24 ساعة
كنت بنزل لو زهقان اجيب فطيرة بالسكر
و اشرب سيجارتين
و اكيد كنت هلاقي صحابي واقفين هناك
نفضل واقفين نرغي
نهزر .. نستعبط
نستهبل
ولاقي روميو بن خالتي بيكلمني
و يقولي انت فين يا عم
انا جيبلك ... و جاي
و تبدأ السهرة
في الشارع برضه
وكل اللي معدي يسلم و يقف شوية و يمشي
تقضية
وطبعا كنت قعد ارغي في السياسة و حقوق الانسان
لحد ما يتخنقوا مني
واتشتيملي شتمتين
واسكت
و نكمل السهرة
اول ما نبدأ نموت
كل واحد يروح
بس
ايه اللي فكرني بكل ده
مش عارف
اديني كنت عايز اكتب و خلاص
اللي عايز.... ولا بلاش
اهم كلمتين و قلتهم
رأي يقول: المصريون فرديون.. أنانيون.. وكل واحد يقول: يا لله نفسي.. أنا وبعدي الطوفان.. ويا جاري أنت في حالك وأنا في حالي.. الباب المفتوح تدخله الكلاب.. والشباك المفتوح يدخله الذباب.. أفتي: معرفتي وراحتي: ما أعرفش.. الاقارب عقارب.. أخوك وأبوك: قرشك.. مفيش حد من الغرب يسر القلب.. خليك في حالك, وأنا في حالي.. واحنا مالنا.. اللي قبلنا خدوا أيه.. سعد باشا قال ايه؟ قال: مفيش فايدة.. وكلها من الأمثال الشعبية التي تدعو إلي العزلة وسوء الظن بالناس.ولن يجئ من الناس إلا وجع القلب.وهي أيضا عقلية فردية انطوائية سلبية عقلية الفلاح المصري الذي يعمل وحده في الحقل, ومن المشاهد المألوفة في الريف ان تجد أناسا جلسوا معا وأسندوا ظهورهم للحائط كالتماثيل الفرعونية ولا يدور بينهم أي كلام فكأنهم معا وليسوا معا, فلا هم جماعة ولاهم أفراد وانما هم قد تجاوروا تلاصقوا تراصوا مثل قوالب الطوب!وشعارهم: الاقتصار عبادة, ولا أعرف عبادة من؟ فاذا كان الدين يدعو إلي ان يكون الناس معا في الصلاة وفي العمل فالاقتصارـ أي البعد عن الناس وان يكون كل واحد في حاله في بيته ويده في جيبه ولسانه في فمه. فمن قال ذلك: لا قرآن ولاهو حديث ولاهي حكمة, ولكنها عبارة خرجت من اعماق السلبية والخوف وسوء الظن بالناس وبالزمن!وقد لاحظ علماء الحملة الفرنسية في كتابهم( وصف مصر) ان الفلاح المصري وجهه مثل الارض التي يفلحها: لا تعبير عليه.. فهو خائف ان يفصح عن شيء.. خائف من الحاكم صاحب الارض ـ الفرعون أو الباشا.. خائف ان يحزن وخائف ان يفرح.. خائف ان يكون انسانا. ولذلك اختار ان يكون صنما لايسمع ولا يري ولا يتكلم,.. ويتألم فقط!
.............................................
انيس منصور بيتكلم عن اضراب 6 ابريل بس من بعيد لبعيد
بس اختيار المصري انه يكون صنم
هو ده احد اسباب اللي احنا فيه دلوقتي
يوم 6 ابريل المفروض نعرف
هل الانسان المصري هايثبت على اختياره انه يكون صنم
لا يسمع ولا يرى ولا يتكلم
وهيسيب نفسه يفضل يتألم من سكات
ولا هايفتح بقه و يتحرك ويبدأ يدور على حقه
ده اللي هانشوفه
الاشتراك في:
الرسائل (Atom)
.jpg)
