رأس السنة

كالعادة في ليلة رأس السنة اللي عايز يعمل حاجة بيعملها
يعني اغلب الناس هاتقضديها يا مخدرات يا شرب يا بنات
ما هي دي طقوس وقفة اي مناسبة في البلد
بس هل السنة دي الناس برضه ايبقى عندها (نفس) تعمل حاجة
يعنى هل عندها استعداد تنزل تشرب و تسكر و اخر الليل يدور على حضن اي واحدة
بعد ما كان الصبح بيتفرج على الاخبار و شاف اعلان الحرب على غزة بيذاع من القاهرة
و بعديها شاف صور الشهدا
هل لسه هاينزل يعمل كده
الاجابة و بدون تفكير
نعم .... طبعا هايعمل كده
ده يمكن المرة دي كمان يكون اكتر
ما هو بيعملها ليه اصلان؟؟؟
علشان ينسى يا باشا
ما هو لو كان لقى تعليم صح كان عرف يفكر ان الوضع ده ما ينفعشي
ما هو لو كان ليه شغل ماكنشي هايسهر يسكر
ماهو لو كانت البلد موفرالوا اي نشاط كان ممكن يعمله بدل المخدرات كان عمله
لو كانت الدولة سمحتله يروح يساعد اخواته حتى بأزازة ميه كان راح و متأخرش
بس الدولة شغلاه في حوار تاني
شغلاه مثلا في ماتش الاهلي و الاسماعيلي و الحرب المتوقعة بين جمهور الفريقين
شغلاه بمليون حفلة تقام في مدينة الليل
شغلاه بأبو تريكة هايرحل ولا لأ
و عمرو هاينزل البومه امتى
و مليون هاجة تافهة كل حاجة فيه اتفه من اللي قبليها
انا مش عارف انزل الشارع اتكلم حتى و انا بإيدي جنبي و مابعملش مشاكل
مش عارف اعدي الناحية التانية انشالله اقف على السور اصقفلهم و اشجعهم
شايف حالي و حال البلد بقه كده و مش قادر ارفع ايدي و اقول
لو سمحتم كده غلط
مش قلتلكم ان الناس هاتستمر في عادات راس السنة
انا عايز اخد مخدرات و اشرب لحد ما اتعمي
صحيح اني ما بشربش
بس عايز اي حاجة تعميني
الاعمى هايسمع بس مش هايشوف
والشوف في البلد دي بيقتل الروح
بيقتل اي حاجة انسانية جواك
بس مهما قلت عن ظروف البلد هايفضل الحل في ايدينا
اللي عايز يتكلم هايتكلم
واللي عايز يتحرك هايتحرك
اه المخدرات و السكر و البنات بتعملك دماغ حلوه
بس دماغ الحرية من اللي قاتلنا جوانا احلى بكتير
دماغ جامدة كييييييييييييييييييييييييييييييييك

هناك تعليقان (2):

غير معرف يقول...

إعلان حرب إيه اللى إتذاع من القاهرة ؟؟
إنت هتعمل زى الإخوان المسلمين الهبل اللى بيقولوا الكلام ده ؟؟
عيب عليك .. إنت إنسان مثقف على ما أعتقد ..
روح إتفرج على المؤتمر بتاع ليفنى فى القاهرة و البرنامج بتاع ليفنى اللى كان على الجزيرة و بعدين إتكلم و بلاش شغل غسيل الدماغ ده

غير معرف يقول...

asfa ana msh harood 3ala eltadweena la2any motafeka ma3aha fe elly elbalad bete3mlo feena ana mo7`talefa ma3a elbeeh elly 7ad elta3leek elly ably we 3ayza a2oolh en sa7b elmodawana dema3`o msh ma3`soola wla ele`7wan hobl bs enta ema tekon wa7d mn elly mekabareen dema3`hom we msh fahm eh elbye7sal fe elbalad 7`aleek zay elba2yeen fe elbalad de ta7`od ma3lomatk mn baramg mota7`alefa betedalel elnas zay bernamg 3amr adeeb beh allah yer7amna yashe7` tool ma amthaloh fe elbald