السؤال الرخم

قريت تدوينة حلم في مدونة يوميات عانس
قلبتلي دماغي و فكرتني بحاجة كنت نجحت من زمان اني اشيلها من دماغي
و هو السؤال الرخم
ماذا لو كل اللي احنا فيه ده حلم بس طويل شوية؟
عبير قالتلي ان الموضوع ده برضة بتفكر فيه
وان فيلم ماتريكس منه لله كبرالموضوع في دماغها
هو مش الواحد ساعات بيبقى بيحلم بكابوس ويبقى عارف انه كابوس
و يفضل يصحي نفسه منه بالعافية
مش ممكن تكون حياتنا دي حلم طويل و فجاءة نصحى
سؤال رخم جدا
يعني انا ممكن دلوقتي فجاءة الاقيني بفتح عيني بسبب اني وقعت من على السرير وانا نايم
الاقي نفسي في حتة تانية مع ناس تانين في بلد تانية و شكلي حد تاني
ممكن اكون انسان بقوى خارقة زي سوبر مان
ممكن اكون طائر بيلف و يطير طول اليوم
ممكن اكون دولفين بيعوم و بيلعب
او حتى ممكن اطلع الطفاية اللي جنبي دي
بس في العالم الحقيقي الطفايات كائنات حية و بتحلم
او ممكن اكون عربية
او اي حاجة تانية
المهم ان الحاج اللي نفسي يعني لو صحيت الاقيها اتغيرت
ولا حاجة من اللي فاتوا دول
لا عايز ابقى سوبر مان و لا طائر ولا دولفين بيتنطط في الميه
نفسي بس لما اصحى
الاقي عمكم الحج مش موجود
و مش طالب حاجة غير كده
اشوف حد غيره والنبي
احسن الكبوس ده طول قوي
وانا نفسي افوق منه بقى