اولاده عايزين حقه

بعد اجازة العيد
رجعت على الاخبار الحلوة
الفيديو ده ماعنديش تعليق عليه

اقسام وزارة البيئة

ممكن تكونوا شفتوا الفيديو ده عند التعذيب في مصر او عند عرباوي

انا اول ما شفته بصراحة مافكرتش في موضوع انه متفبرك ولا لأ

لأنه حتى لو متفبرك فافي جهة واحدة بش ممكن تفبركه

وهي عارفة نفسها

لأن ماحدش عنده الاوض الكريهة دي

ولبس العساكر ده

والدفاتر دي

والناس المربوطة دي

و مناظر الموظفين دي

إلا جهة واحدة في مصر

كلكم عارفينها طبعا

وزارة البيئة

هأوأوأوأو

لذا ارجوا من محقيقين -وزارة البيئة-انهم يشفولنا الفيديو ده حقيقته ايه

بما ان وشوش و اصوات الناس فيه واضحة

فا انا عايز اعرف انا ليه ممكن اتعامل كأسير حرب جوه بلدي

جوه احد اقسام

وزارة البيئة

تمثلية اليوم

الرهاين وصلوا خلاص ياريس

والله؟؟ومسكتوا الباقين

قتلنا نصهم و النص التاني في الطريق

صوت من الخلف : مبروك يا ريس

تصفيق حاد

تمثلية عبيطة قوي

اتعملت قدامنا الصبح

هو فيه خبر زي ده والنبي يتقال لرئيس الحمهورية كده

بس يا ريس مهارات تمثيلك قلت قوي

و شكلكم كان يضحك

انا فعلا ضحكت

مشكلتكم انكم فاكرين نفسكم حاكمين شعب من الاطفال

بتتعاملوا معاه كده طول الوقت

بس جايين تمثلوا في رمضان السنة دي

في وسط كل التمثليات

هي ناقصاكم

فاكس اللي بتعملوه ده

بلد المليون شهيد

في مصر
مافيش حد بيبذل اي جهد علشان يموت
قصدي ان احتمالات موتك مرتفعة عن اي مكان في العالم

نبتدي كده والنبي واحدة واحدة

لو نايم : في احتمالات كتيرة

يا اما كائنات فضائية حاتهجم عليك و تقتلك و تاخد اعضائك

و بعدين يتهموا مجنون القرية و بعديها يطلع براءة

يا اما كائنات (أمنية) هاتهجم عليك و تخطفك

و هاتموت بالتعذيب عندهم في الاخر برضه

يا اما صخرة هاتقع عليك و (تسحقك) و الحكومة هاتكسل تجيبك

فاهيردموا عليك و يحتسبوك شهيدا

علشان كدة بقيت لما اقفل التليفون مع حد قبل ما انام اقوله : خالي بالك من نفسك وانت نايم

إزاي ؟؟؟؟ ماعرفش

المهم ... عديت من النوم و صحيت

لو لقيت ميه .. و جيت تغسل وشك .. الميه دي ملوثة

و ممكن تجيبلك سرطان يموتك

لو جيت تفطر . اسف.. لو لقيت فطار يعني .. يا سلاااااام .. في حاجات كتير بقه

اولا اغلب الاكل فيه مواد مسرطنة

كباية الشاي ماتعرفش الشاي منين زائد اننا قلنا ان المية ملوثة

ممكن مسمار او حشرة من العيش( ده لو برضه لقيت عيش )يموتوك

فرضنا انك عديت من المغارز دي

هاتنزل تروح الشغل(ده لو عندك اصلا شغل)هاتعمل ايه؟

لو لقيت مواصلات

لو ركبت ميكروباص فيه احتمالين

يا اما السواق البطجي هايقتلك علشان اعترضت على زيادة الاجرة

يا اما و انت واقفين في حد هايخبطكوا من ورا فاهتدخلوا في قطر معدي و تموت

بلاش الميكروباص

خليها اوتوبيس

في حلين

يا اما هاينط بيك من فوق كوبري السيدة عائشة

يا اما هايديك كورس غطس في النيل و كده كده هاتموت

وهاتكون شهيد

لو هاتركب قطر.. دي حاجة جميلة

يالحرق..يا اما هتخبط في قطر تاني

و كده كده مش هانلاقيلك بقايا

بس حاسب !! هانعتبرك شهيد

لو امك دعيالك و رحت الخليج

و حبيت تزور اهلك بس على قد حالك

هاتركب عبارة

اساسي انك هاتتحرق الاول و بعدين هاتغرق

و اوعى وشك .. انت شهيد يا ريس

طب لو بلدك اتكرمت عليك و بعتتك بعثة برة

و ركبت الطيار يا معلم و صرفوا عليك دم قلبهم

طيارتك هاتقع .. مافيش حل

و الجميل انك شهيد

طب يا عم والله مانا راكب

هامشي .. دي بق فيها احتمالات اكبر

يا اما عربية هاتخبطك علشان ماعندناش مرور اصلا

او هاتقع في بلاعة

او كائنات (أمنية) هاتخطفك تاني و تعذبك و هاتموت

او الكائنات الامنية هاتضرب عليك رصاص مطاطي في مخك او عينك

علشان انت معدي من جنب مظاهرة

و انت مالكش دعوة بيها اصلان

لو عديت من ده

و اليوم عدى بسلام

حبيت تخرج تتفرج على حاجة محترمة مرة في حياتك

و قلت في نفسك كده يا واد روح مسرح

و قدرت تعدي من اللي فات ده كله علشان توصل للمسرح حي

و وصلت ..فل عليك كده؟

عيب عليك

هاتنحرق يا معلم

و هايقفلوا الباب عليك

ده حتى اعداد رجال المطافي اللي بيموتوا عندنا في الحرايق

اعلى من عدد الضحايا نفسهم

لو بقى عزرائيل كان حالقلك كل ده و روحت

بعد ما عديت من بلاوي الشارع للمرة التالتة

في كام احتمال

يا اما الكائنات الامنية هاتيجي تخطفك و تعذبك وتقتلك كالعادة

او يغتصبوا عيلتك كلها قدامك و في الاخر يرموك من البلكونة

او ان جوزك او مراتك يقتلوك من كتر ماهم قرفانين

مما يعطيك الاحساس ان المركز الرئيسى لعزرائيل فاتحه في مصر

او ان مصر بما انها رائدة دايما

فا اظن انها عايزة تنافس الجزائر في لقب بلد المليون شهيد

علشان كده كل الناس اللي تموتهم بتقول عليهم شهداء

او اني مت اصلان و بحاول اوصلك رسالة

انك تنفض و ماتخفش

فا أنت اصلا لو عايش و ساكت على اللي بيحصل في البلد

فانت اصلا ميت

ولست بشهيد

ولا يبالي

يأتي السواد ليحط على قلبي كل ليلة

فيتقلب وجعا مما يعانيه

ولكنه لا يصرخ ابدا

فأنا اعرفه

كبريائه يمنعه من ذلك

فقد شاهدته كثيرا في معاركه

دخل فيها وهو لا يدري ما سببها

او ماذا ستكون نهايتها

قد يكون احد مجانين الحروب

او احد عاشقيها

لا يهمه اذا انتصر يوما او انهزم

فهو لا يتحمل النتيجة ابدا

انا الذي اخسر وهو الذي يفوز

كأنه قائد دكتاتوري

يدخل الحروب غير عابئ بجيشه

وعندما يفوز .. فقد فاز هو

و عندما يخسر .. خدعه قواد جيشه

ولكني احس به في كل الأحوال

يتقلب وجعا

يريد ان يرتاح

يأخذ إستراحة محارب قديم

فهو لم يذق النوم منذ اخر معركة

فقد هزم فيها

وتحطم فيها جيشه

ولكنه يريد ان يعد عدته

يريد معركة اخرى

يهمني ان يفوز فيها

فأرتاح انا قليلا

او ربما للأبد

ولا يهمه فوزه فيها

او خسارته

فكما قلت هو مجنون حروب

يعشق (فقط) خوضها

ولا يبالي

فلا أعرف

كنت و مازلت

ابحث عن شئ في داخلي مفقود

ابحث عن هوية لا اعرفها

ولكني اتمناها

ومازلت لا اعرف ما اتمنى

هل شخص غيري؟

ام نفسي؟

هي هي

ولكني لست مقتنعا

بأني (هكذا) فقط

أشعر بأشياء دائما

استطيع ان اصنعها

و عندما اشرع في عملها

اكتشف اني لا ادري

ماذا كنت اريد ان افعل

فأظل جالسا

هائما افكر

ماذا بعد

انا لست انا

انا شئ اخر

في ماذا أبرع

مازلت لا ادري

اقنع نفسي احيانا اني

(بتاع كله)

و لكن هذا ليس بصحيح

اظن ان هناك عنصرا كيمائيا ينقص تكويني

ذرة ما

شئ ما

و مازلت لا ادري

و لكني مقتنع .. بل متأكد

إني وجدت لسبب ما

لشئ سأصنعه

فايشغلني هذا الشئ طوال الوقت

ما هو؟

كيف سأصنعه؟

أفكر مرات و انا في شرفتي

ناظرا للاهرامات امامي

انه في احد الايام

سوف يغزوا الفضائيون كوكبنا

ولكن الاهرامات سوف تتحرك

لتكشف عن شئ تحتها

ليصد الاعداء

وهذا الشئ سوف يستدعيني

حيث ان الاسطورة القديمة تقول

اني سوف اكون موجودا

و إني سأنقذ الارض

و كل هذا هراء احلم به

توقظني اصوات السيارات من تحتي

فيهبط حاجباي بعد دهشة الحلم

لأعبس قليلا

فقد ادركت ان هذا ليس بحقيقة

ولن يكون

و اعيد البحث عما يخبئه القدر لي

فانا مازلت متأكدا

اني سأفعل شئ ما

يوما ما

في ساعة ما

فايعمل عقي بسرعة جنونية

مفكرا في هذا الشئ

اكاد ان اجن

فأنا لا افكر إلا في هذا

فكل شئ في حياتي ثانوي

اقتل نفسي تفكيرا

و في لحظة مفاجاءة

أشعر بالملل

فأذهب لأفعل أي شئ

او اقراء اي شئ

فقد دفعني الملل لأستيقظ من نومي

لأتي بقلم و ورقة ممزقة

لأفضح عليها افكاري

وجنوني

أملا في ان اصل لسبب وجودي

فلا أعرف

لا اعرف

اقف هناك وحيدا عند الزاوية

لأحلف مائة مرة اني انتهيت

اني نسيت

اني قد ملكت امري

ونسيتها

اشعر برجفة في رأسي

و قدمي

نعم هذا هو الاحساس

هو بالضبط

هي نفس الرجفة التي اشعر بها

عندما اكذب

عنقود العنب

منيش اخر حبيب يدخل مدينتك

ولا هاتكوني يوم اخر حبيبة

منيش اخر حبيب يدخل مدينتك
ولا هاتكوني يوم اخر حبيبة

ده اللي انكتب مفروط .. يا عنقود العنب

واللي انجرى غنيوة بس قصيرة

....................

مشروخ يا ناي .. متغنيليش

زعجك واجعني ااااااااه

وانا ماكفانيش

...................

ده عنيكي دول مريات

مرسوم اما فيهم

يا ضيعة الحكايات

على اللي انكتب فيهم

...................

مشروخ يا ناي .. متغنيليش
زعجك واجعني ااااااااه
وانا ماكفانيش

i'm back ya'll

بقالي فترة عايز ارجع اكتب تاني
كنت بمر بحالة نفسية وحشة
هي اللي خالتني ابطل كتابة
بس في الشهرين اللي فاتوا دول
حجات كتير اتغيرت في حياتي
صحاب طلعوا مش صحاب
ومش صحاب طلعوا احسن من صحاب
شفت فساد كتير في اماكن لو الدنيا كلها فيها فساد
المكان ده بالذات ماينفعش يكون فيه
كل ما الوقت يمر عليا الاقي الدنيا اوحش مما كنت عارفها
و بتضيق على ناسها اكتر ما عي ضيقة
بتخنق فيهم اكتر و اكتر
الاهمال والفساد مابقاش حاجة بسيطة
بقى بيقتل الناس كل يوم
و بمنتهى البشاعة
منتهى القسوة
بمنتهى الغرابة
بمنتهى الحلاوة
بمنتهى الفهلوة
بقت كل حاجة بالفهلوة
التفكير اللي عند اي حد
إزاي امص دم اللي قدامي
واطلع منه بأي مصلحة
مايهمنيش انه يتصاب
انه يتأذي
ولا حتى يموت
انا والسلام
انشالله تولع
انا مالي
ما كل الناس كده
كل الناس مقضياها
تعبت
فعلا تعبت
كرهت منظر البلد
كرهت تعاملات الناس في البلد
كرهت اني لما اجي اقول صباح الخير
يا اما الشخص اللي بقولهاله يستغرب اني بقوله كده و انا ماعرفوش
يا يطلب بقشيش علشان يرد
كرهت تكشيرة الناس وهما ماشين في الشارع او و هما بيكلموا بعض
مش عارف اقول ايه ولا ايه
انا اول ما بدأت اكتب هنا
كان نفسي اكتب عن سلوكيات الناس مع بعض
بس لقيت ان في حاجات اسواء كتير في البلد من سلوكيات الناس مع بعض
زي سلوكيات الحكومة مع الناس
اللي هي السبب الرئيسي في ان الناس بيعاملوا بعض كده
انا مش عارف هاوصل لأيه في اخر البوست ده
بس انا كنت عايز اكتب
فا سبت نفسي تكتب
كأني بفكر
ولا بكلم نفسي
فا لو مافهمتش انا عاوز اقولك ايه
ولا احكيلك ايه
دي مش غلطتك
ده هو ده اللي دماغي عايزاه
انك تفكر و تقول ليه و أزاي؟؟
طب و نعمل ايه؟؟
و نحل أزاي؟؟
و بعد كده تتكلم
وتعلي صوتك
بالغنى بقه ولا بالصويت
ولا انشالله بالجبنة والزتون
دي مش مشكلتي
ولا اقولك
دي مشكلتي
ان الناس تتكلم
فا هارجع ازن تاني
و دماغي هاترغي تاني
فاهلا بيكم تاني
مع دماغ لن تنساك
مع دماغ ماك

وحيدا في يوم ميلادي

وحيدا في يوم ميلادي

بعيدا كل البعد

عن ماذا ؟

لا ادري

عن نفسي

عن من اعرفهم

عن حياتي

لا ادري ما هي حياتي

ماذا افعل فيها ؟

لماذا اصبحت هكذا ؟

ابحث عن من يحتويني فيها

لأخبره بكل اسراري

التي لم اخبر احدا عنها من قبل

حتى هي!!؟

لم تعرف كل اسراري

الهذا تركتني؟

بماذا كانت ستفيدها اسراري

هي ابتعدت عني

هي اختارت ان لا تأخذ ما عندي لها

هي اختارت ان تهد كل ما بنيته لها

هي اختارت ان تقتل عشقي لها

و تركت جرحا كبيرا في صدري

ساتداويه غيرها في يوم من الايام

او لن يداويه احد

لا اهتم

فاهي اختارت الفراق

و اختار العالم كله الفراق

ليتركوني

وحيدا في يوم ميلادي