العيد فرحة

في الدنيا كلها بتحتفل الناس بالأعياد مهما كانت ديانتهم و مهما كان نوع عيدهم. و بتحاول الحكومات الاحتفال بالأعياد مع شعوبها بإعطائهم يوم العيد كعطلة رسمية او بتسهيل اقامة المهرجانات او الإحتفالات في كل مكان لأن تأثيرها النفسي الكبير بيساعد الناس على الخروج من دوامة العمل و ملل الروتين اليومي.

و دايما بترتبط الاعياد بذكريات حلوة و جميلة عند كل العالم , ما عدا مصر و خصوصا في العشر سنين الأخيرة اللي من كتر الفساد بقت الناس في كل عيد بتنتظر الحادثة الجديدة بتاعة كل سنة.

الحادثة المستمرة منذ 4 سنوات هي حادثة التحرش الجنسي اللي مع انها مصيبة سودة الا انا بقت عادية ومتوقعة لدرجة ان الجرايد بتبعت مصوريها لأمكان معينة لتصوير التحرش بالفتيات في مناطق معروفة للجميع و لكنها بقدرة قادر ما زالت مجهولة لجهاز العسس.

و في عيد القيامة اللي فات كان حادثة مقتل 7 مصريين بعد خروجهم من الصلاة في نجع حمادي.

اتذكر ايضا دائما حوادث غرق معديات النيل في قرى مصر و انهيار العمارات مثل عمارة شارع عباس العقاد. غير خوادث الطرق اللي هي مش طرق. و انتشار السرقات.

و في اطار احتفال وزارة العسس المصرية هذا العام بعيد الاضحى المبارك و حرصها على مشاركة الشعب المصري أفراحه و أعياده تم التضحية بشاب من الاسكندرية اسمه احمد شعبان .و بذلك تسن وزارة العسس سنة جديدة في مصر و هي ارجاع الاحتفال الفرعوني الذي كان قدماء المصريين يلقون فيه بأجمل بناتهم في نهر النيل في احتفال مهيب, بأن يقتلوا شابا (علشان الاختلاط بالنساء حرام) و يلقوه في ترعة من ترع نهر النيل.

و بذلك تعيد وزارة العسس ممثلة للحكومة المصرية على كل المصريين مؤكدة في الوقت ذاته ان ابداعها في زيادة قهر الشعب المصري لن يقف عند هذا العام بل انها تعمل على ايجاد حوادث اكثر دموية ووحشية كل عام لتسلية الشعب المصري العظيم الساكت المهاود.

و اليكم فيلم العيد في كل دور العرض و كل سنة و انتم طيبين

الكشري المصري و الأنتخابات الأمريكية

كل حد فينا من أرياف او من مدينة سمع في يوم حكاية الإنتخابات.دايما بيكون حد كبير في السن بس صغير في العقل,يقعد وسط اللمة و يحكي حكاية يشيب ليها الولدان,بس الولدان اللي عندها ضمير.

يجي بادئ و يقول ان الكرسي عمره ماطلع من العيلة ولا من الحزب و يوصفلك بالتفصيل إزاي الصناديق بتيجي من عند الحكومة متعبية و إزاي الأمن بيدخله كام واحد عارفينه فال يعني فيه إنتخابات و أن رجالة العيلة و الحزب بيبقوا واقفين بره بالسلاح علشان يردعوا أي محاولة لزعزعة الاستقرار اللي العيلة و الحزب و الأمن مأمنينه.

وتيجي اللمة ممصمصة شفايفها واحد واحد و يقولوا جواهم ياسلام على العظمة و العزوة و الجاه.

بيتغير المنظر شوية في المدينة التي يحاصر فيها قوات الامن المركزي المدعومة من قوات البلطجية المأجوريين من أصحاب السوابق لأماكن الانتخاب مع وجود أوامر عليا بعدم دخول أي ناخبيين و أيضا ملئ صناديق الأنتخاب بنعم لمرشح الحزب رضي الله عنه و أرضاه.

إفتكرت الكلام ده و أنا بسمع إعلان مدفوع الأجر من الحزب الديموقراطي الامريكي بيدعوا فيه الرئيس أوباما لأنتخاب زميله في الحزب مارتن أومالي عن ولاية ميريلاند و ده أثناء ذهابي لأحضار البريد الخاص بي الذي أشعرني بنقلة حضارية كبيرة في حياتي في ذلك اليوم.

و السبب في النقلة الحضارية دي هو ان لقيت فيه خطاب من حكومة كاليفورنيا و هي الولاية التي ولدت و تربت فيها زوجتي و مسجلة كناخبة فيها مرسل ليها فيه الكلام الأتي: إستمارة الإقتراع مسجل فيها كل الأشخاص المرشحين لمناصب السيناتورز أو الكونجرس مع مناصب اخرى محلية (زي المجلس المحلي كده) و ايضا تعديلات لقوانين الولاية يجب القتراع عليها. و كل اللي مفروض تعمله إنها تعلم بنعم أو لا على الشخص اللي هاتنتخبه أو على القانون اللي المفروض يتعدل, و ترسل الورقة دي مرة تانية في خطاب مقفول للجنة الأنتخابية التابعة لها.

وقفت مشلولا مشفوح الوجه شالولو مش فاهم حاجة قدام مراتي و هي بتشرحلي الموضوع ده ولم يفقه عقلي منه شيئا حتى خرجت بسؤال البني أدم اللي جاب التايهة. (وازاي يا هانم تعرفي أن مافيش حد في اللجنة هايغير من اللي أنت بعتاه؟) و كان الرد اللي أفحمني هو أن الجواب ده ناس معينة فقط اللي ليها قوة القانون أنها تفتحه وكمان ماحدش بيدخل الاختيارات دي يدويا ده الورقة نفسها بتدخل جهاز موصل بكمبيوتر مركزي بياخد الاختيارات دي أوتوماتيكيا ده زائد إني لو شكيت أن صوتي ماوصلشي صح فيه موقع على الانترنت بقدر أدخله برقم سري خاص بيا مسجل عليه إختياراتي وأقدر أتأكد منها.

هبطت دورتي الدموية للبدروم و حلفت أنها مش راجعة تاني مع إستمرار ( إزبهلالي ) الذي ما زال يصاحبني من يومها حتى الأن و لم أستطع أصلا أن أحاول المقارنة بين الكشري اللي بيحصل عندنا و الانتخابات الديموقراطية الحقيقية اللي المواطن فيها هو البطل.ماقدرتش أفكر إننا لسه بنطالب أن المواطن المصري يقدر ينتخب فقط برقمه القومي بدل الاختراع العالمي للتزوير المسمى بالبطاقة الأنتخابية. مقدرتش أفكر اني اصلا و انا هنا في أمريكا ماليش حق أنتخب في بلدي مع اني ماعيش غيرها والله.قصدي على الجنسية المصرية.ماقدرتش أفكر أني شفت فيديوهات تزوير في حياتي و هي بالمناسب ظهرت فقط في اخر 5 سنين أكتر من مرات فرجتي على أهداف منتخب مصر في البرازيل.ماقدرش أفكر في بلاوي كتيرة الحكومة عندنا حتى مش مديا المواطن الحق في أختيار بلوى من بلوى.

يبقى لكم ان تعرفوا أننا نعيش في ولاية ميريلاند و هي ولاية في الساحل الشرقي الأمريكي , و أن كاليفورنيا تقع في الساحل الغربي الأمريكي وتبعد عن ميريلاند بحوالي 5000 كم .و لكن حرصا من الحكومة على أعطاء المواطن حقه الأساسي في الأنتخاب أينما كان و مهما كانت الظروف بحثت الحكومة عن عنوان زوجتي و أرسلت لها ما يمكنها من الأنتخاب و اختيار قوانينها و من يمثلها.

كل ده و بتسألوني مصر ما بتروحشي كاس العالم ليه؟

الأجابة في الفيديو ده :

محمد خالد

ناشظ حقوقي مدون مصري

demaghmak@gmail.com

>>>>>>>>>>>>>>>>>>>>>>

مقالي في جريدة البديل

و رجعنا تاني

منذ 3 سنوات كان يوم التعديلات الدستورية الغريبة اللي ماكنشي حد في الشارع المصري يعرف عنها حاجة و كالعادة الناس سمعت انه في (حاجة) المفروض يروحوا يصوتوا عليها ب (نعم) و خلاص . و قررنا انا و مجموعة من المدونيين و النشطاء إننا نتظاهر في ميدان التحرير قبل يوم الانتخابات الساعة 6 مساءا ضد التعديلات اللي هاتودينا في داهية.

و كنت من المفروض أن أقابل صديقي المدون جيمي هود في ميدان التحرير . و في طريقي للميدان أتصل بيا جيمي و قاللي الميدان ملغم أمن مركزي تعالى أحسن من ناحية ميدان طلعت حرب و فجاءة تليفونه أتقفل.و عرفت في ساعتها أنه أتقبض عليه.و فجاءة كلمتني الصديقة عبير العسكري التي كانت بصحبة خالد البلشي و قالتلي ألحقنا فيه حد من الأمن بيجري ورانا علشان يقبض علينا و كانوا على بعد حوالي 100 متر مني في ميدان طلعت حرب . فابدأت اجري للوصول للميدان و اتصلت بيهم لقيت تليفونهم أتقفل. في نفس الوقت كان الامن بعث بأحدى رجالته الأشداء المغاوير للقبض علي, و بدات رحلة المطاردة اللي شهدتها كل من شارع هدى شعراوي و مول و جراج البستان و مزانق و مخانق سوق الخضار و اللحمة بباب اللوق لحد ما كلمني خالد البلشي و قاللي إحنا في الجرنال إطلعلنا. فاجيت واخد نفسي و جري على البديل.

و أول ما وصلت للبديل لقيت فوق مجموعة من المدونين كانوا مختبئين هناك و كانوا وائل عباس و مينا ذكري بالإضافة طبعا لخالد البلشي و عبير العسكري و الموضوع ده كله حصل اصلا قبل صدور جريدة البديل بحوالي 6 شهور كاملة.

كانت هذه أول زيارة لي لجريدة البديل و لم تكن الاخيرة. فقد كانت البديل ملاذا دائما للي بختهم مال و حبوا البلد وللي كان نفسهم يقوللوا للدنيا : ثانية واحدة لو سمحتم, مصر المفروض تبقى أحسن من كده لو غيرنا طريقة تفكيرنا و أهتمينا بيها أكتر. البديل كان امل أكتر ما كان جرنال. كان أمل لكتير من شباب الصحفيين اللي تعب من الفساد علشان يحصل على فرصة عمل في جرنال و حتى لو كان لقاها كان بيخنقه توازنات مصالح جريدة أو فرضها عليه لنفاق الحكومة. كان امل لكتير من الناس إنها تقرى الحقيقة مرة واحدة في حياتها مش ملونة بلون من الألوان.

مش بقول أن البديل كانت أحسن جريدة في العالم ,لأ كان ليها مشاكلها الإدارية و التمويلية و قلة الموارد و حجات كتيرة تانية. بس حافظ صحفيي البديل دائما على إحترامهم لنفسهم قبل أحترامهم لقرائهم و هي دي الصورة اللي قراء جريدة البديل عرفوها بيها و حافظت دايما عليها.

و في البداية الجديدة للبديل الجديد يتعهد فيه الكائنات الحية العاملة بجريدة البديل أنهم يحافظوا على الصورة دي .يحافظوا على بحثهم الدائم عن الحقيقة و نشرها كما هي حتى لو كانت ضد معتقاداتهم أو مبادئهم. إنهم مش هايتأخروا في فضح أي فساد أو نوع جديد من الإجرام اللي ساحب البلد على حفرة مظلمة.

لم اكتب في جريدة البديل من قبل و لكني سعيد بهذه الفرصة الجديدة في مكان أحترم العاملين فيه قبل المكان نفسه.

ملحوظة : ده لينك لفيديو عن أراء المصريين عن التعديلات الدستورية..هم يضحك و هم يبكي.

محمد خالد

ناشظ حقوقي مدون مصري

demaghmak@gmail.com

>>>>>>>>>>>>>>>>>>>>>>

مقالي في جريدة البديل

هذيان تاني

في إطار دعمه لحملة مرشح الحزب الديموقراطي الحاكم لمنصب حاكم ولاية ميريلاند ( مارتن أومالي ) قام قائد أمريكا و صانع نهضتها الرئيس المفدى باراك أوباما ابن الشريف حسين بأرسال رسالة لشعب ولاية ميريلاند العظيم طالبهم فيها بدعم و انتخاب مارتن أومالي مرشح الحزب الوطني الحاكم لولاية ميريلاند معددا صفاته الحميدة من تقوى و صوم و صلاة و عمله الدائم على مواجهة المواقف الصعبة و خصوصا خلال الازمة العالمية الاخيرة التي خرج بميريلاند منها الى بر الامان .
و عمله على ايجاد وظائف جديدة و رفع مستوى الدخل و بناء المدارس و مساعدته في مشروع الالف قرية الاشد فقرا في امريكا و مساندته لمشروع سيدة أمريكا الاولى ميشيل أوباما القراءة لكل الامريكيين.
و كانت صناديق الانتخاب اليوم قد شهدت توافد الالاف من شعب ميريلاند الى صناديق الاقتراع لأختيار الحاكم الجديد للولاية بعد عامين من سوء الاوضاع بسبب الازمة العالمية التي اثرت بشدة على الحالة الاقتصادية في الولايات المتحدة.
و ادى التدافع الشديد على صناديق الاقتراع الى حدوث مناوشات بين انصار المرشحين و خصوصا بعد ان قام بعض مرشحي الجماعة المحظورة - الحزب الجمهوري- بتوزيع وجبات ماكدونالدز على الناخبين من اجل استقطاب المزيد من الاصوات و لكن تدخل قوات الامن برئاسة سيادة اللواء مدير أمن ميريلاند و السادة مديري مباحث بالتيمور العاصمة منع دخول الناخبين الذين ثبتت عليهم تلقى سندوتشات البج ماك و الفرنش فرايز و تم القاء القبض عليهم و بعد ان اشتبكت معهم قوات الامن المركزي و ذلك للحفاظ على عدم تلويث صناديق الانتخاب ببقع الكاتشب.
و جاء ذلك في بيان اصدرته مديرية أمن ميريلاند في وقت لاحق اليوم اكدت فيه انها اسرعت بملاحقة المارقين و مثيري الشغب و قامت بأغلاق مراكز الانتخاب و خصوصا بعد تأييد الرئيس أوباما لمرشح الحزب الوطني الحاكم حيث أكدت المديرية انها تأكدت بنفسها من رغبات شعب بالتيمور بمساندة و مبايعة أختيار الرئيس أوباما.
و سوف تعلن اليوم نتائج الانتخابات الحرة النزيهة اليوم ليلا في توقعات لحصول أومالي على 99.9 % من اصوات الناخبين الذين يعيشون في أزهى عصور الديموقراطية تحت مظلة حكم الريس باراك حسين أوباما.

الشبكة مش قادرة خلااااص

ضحكني قوي موضوع قطع الكهربا اللي حصل في مصر الصيف ده
خصوصا ان الكهربا كانت دايما من اهم انجازات الملك الآله في ال 29 سنة اللي فاتوا
و لسه فاكر اعلانات كانت ملزوقة في الشوارع ان مابقاش فيه قرية في مصر من غير كهربا
الاعلانات دي كانت من يجي 10 سنين كده.
و دايما تلاقي الملك الأب الآله بيفتتح محطات الكهربا هنا و هناك و محطات بخارية و مازوتية و سولارية و انواع غريبة من الطاقة كده عفا عليها الزمن.
قوم ايه بعد ده كله يقولك الشبكة مش قادرة تستحمل واحنا هانقطع الكهربا عن حبة احياء كل يوم علشان الشبكة تقدر تشيل
ده على اساس ان فجاءة الصيف ده كل المصريين اشتروا تكيفات و كل واحد ماشي في الشارع مع تكيفه
و حتى لو ده صحيح و كل المصريين ركبوا تكيفات و كلهم مشغلينها في نفس الوقت فا مش من المطلوب منهم انهم يتحملوا فشل الحكومة في توفير متطلباتهم من الكهربا و خصوصا انها مش مجانية و الشعب بيدفع تكلفتها.
و مش عايز اقارن بينا و بين دول الخليج اللي كل مبانيها و دكاكاكينها و كل خرم فيها مكيف طول الوقت طوال العام بلا انقطاع وامبيحصلشي ان الكهربا بتقطع.
بصراحة كل ده مش مهم بالنسبالي.
النقطة المهمة في رأيي هو كيفية ادارة الازمة اللي واجهتها الحكومة المصرية و ايه الحلول اللي وجدتها الحكومة و الاحتياطات اللي اخدتها علشان ده مايتكررشي بعد كده.
الحل اللي وجدته الحكومة المصرية لمواجهة خطر انهيار شبكة الكهرباء هي قطع الكهربا غصبا عن الناس.
و هو حل من وجهة نظري في منتهى الغباء. بس الحكومة راهنت فيه على انها بتحكم شعب اخرس و ماحدش هايفتح بقه و هي كسبت الرهان.
لأن الحل ده لو اتعمل في اي دولة تانية شعبها مش اخرس كانوا وقعوا الحكومة الفاشلة و الناس رفعوا قضايا تعويضات بالملاين على الحكومة و طالبوها بتعويض عن الاضرار اللي حصلت لهم.
بس الشعب المصري الحمد الله هايل و مقدر زنقة الحكومة.
بعيدا برضه عن ده كله في نفس الوقت من شهرين في سان فرانسيسكو واحد موظف حكومي خبط على حمايا في البيت و قاله مساء الفل ممكن ادخل مطبخكم واعرف نوع التلاجة فقاله اتفضل و لما دخل ولقاها قديمة تاني يوم الحكومة جابتله تلاجة جديدة.
و السبب هو الاتي:
الحكومة الامريكية تواجه مشكلة ضخمة و هي نقص امدادات الطاقة و خصوصا مع ارتفاع اسعارها عالميا و علشان كده قررت انها تحط برامج لخفض معدلات استهلاك الطاقة بين الشعب الامريكي زي مثلا التلاجة الجديدة بدل التلاجة القديمة اللي بتستهلك طاقة اكتر.و زي مثلا انها بتدعم بعض المنازل القديمة ب 1500 دولار علشان يغيروا شبابيكهم علشان تحفظ التدفئة او التبريد اكتر جوة بيوتهم و مايضيعوش طاقة مستهلكة اكتر من اللازم.
ده زائد التركيز و دعم بناء المنازل (الخضراء) اللي هي صديقة للبيئة و دعم المواطنين اللي بيتحولوا لأستخدام الطاقة الشمسية في منازلهم بتخفيضات في الضرائب .
تمن التلاجة و الشباك دول اللي دفعتهم الحكومة الامريكية هايوفرلهم مليارات من فلوس الطاقة اللي بيدفعوها سنويا و هايخفضوا في سعرها في نفس الوقت.
زائد ان اهم الحاجات اللي بتشتغل عليها الحكومة الامريكية و داعماها بفلوس خرافية هي اكتشاف مصادر متجددة للطاقة و غير مكلفة زي الطاقة الشمسية و الرياح و المياه و حجات تانية غريبة لا و مش هانسمع عنها.
و مافكرتش في يوم انها تقطع الكهربا (قصد) عن حي بروكلن في نيويورك مثلا لأن ده لو حصل كانت هاتتغير كلها تاني يوم.
ده الفرق بين حكومة شغالة لبلدها و شعبها و حكومة شغالة لرضا ابوها الملك الاله و مش هاممها شعبها لأنه كده كده مش هو اللي جايبها ولا هو اللي هايمشيها.
و ده الفرق بين شعب هو اللي حاكم حكومته و بيجبها و بيمشيها حسب ما هو شايف هي شغالة لمصلحته ولا لأ و شعب مالوش دعوة و قاعد مقضيها و بيشتكي همه لربنا على الفيس بوك.
هافضل ازن في المشكلة الرئيسية اللي خاوتة دماغي.
يا فرعون أيه فرعنك ؟؟ قال مالقتشي حد يلمني.

ماحدش هايتهان أكتر ما بيتهان دلوقتي

مسعد أبوفجر خرج أخيرا
مبروك
مش عايزكم تفهموني غلط
انا اكيد فرحان جدا أن مسعد خرج من الكرب اللي كان فيه
و أنه رجع لبيته
واثق كمان انه انشاءالله هايكمل اللي كان بيعمله
انا زعلان من حاجة تانية
ان مش الضغط الشعبي هو اللي خرجهمش ان شغلنا و واقفاتنا و مظاهرتنا و شغلنا بره و جوه هو اللي خرجه
و اللي مصدق في كده يبقى عبيط
الامن بيخرج و بيدخل اللي عايزه بمزاجه
و الحكومة ما زالت بتتصرف بمزاجها
مش خوفا منا
انا كمان بدأت افكر انها مابقتش ختى بتحط إعتبارات لصورتها قدام العالم زي ما كانت الاول
هي هاتعمل اللي عايزاه
و ماظنش انها كانت هاتعمل كده من غير ما ترستق نفسها بره
دعم من الرئاسة الأمريكية اللي وصلتلهم رسالة أعملوا اللي انتول عايزينه بس بلاش وش مع إسرائيل علشان احنا مشغولين بمشاكلنا الداخلية دلوقتي..الدنيا عندنا بتفلس و مش فاضينلكم خلينت نشوف حالنا.
و أصلا من ساعت ما أوباما ما جه مصر و بقه رضي الله عنه و انا عارف انها هاتقلب زفت علينا.
علشان كده احنا مش لاقين اي ضغط من حكومات بره على مصر.
و الناس بقت بتسبح بحمد بوش اللي كان قافش على مبارك.
ولازم الناس تفهم ان مافيش حد هامه لا حقوق انسان ولا حيوان في مصر.
مادام مصلحة بلده ماشية تتحرق اي حاجة نانية.
لما قابلنا وزير التعاون الدنماركي و بضنت عليه بسؤال انا عارف اجابته بس كان نفسي اسمعه من حد في مركزه.
السؤال كان ليه الحكومات الغربية مازالت بتدعم الحكومات الدكتاتورية في المنطقة عندنا ماديا و اعلاميا و زيارات متبادلة و كله سمن على عسل و في نفس الوقت فاشخة دماغنا بمبادئ الديموقراطية و الحريات؟
وكانت الاجابة لما رخمت عليه اكتر و مطالبته بتوضيح اجاباته الدبلوماسية انه قال احنا عايزين ديموقراطية بشروطنا.
واهو الشعب ماحلوقاه من العالم كله دلوقتي و ماحدش سائل فيه.
ماهو اللي مش عايز يجيب حقه بإيده ماحدش هايجبهوله.
ما زلت مصر ان احنا - مش عارف مين احنا بالضبط- لازم نوصل للناس العادية اللي مالهاش في اي حاجة و نسخنهم.
ايوة نسخنهم زي ما بنسخن حد على حد علشان يتخانق معاه ولا يضربه.
زي ما بنسخن عساكر الامن المركزي على الضباط في المظاهرات.
لازم نقلهم و نعرفهم انهم مابقاش عندهم حاجة يخسروها.
كده كده عيالهم مش هايبقى ليهم مستقبل لو ماتحركوش من دلوقتي.
اصل ماحدش هايجوع اكتر ما الناس جعانة دلوقتي.
اصل ماحدش هايتهان أكتر ما بيتهان دلوقتي.
لازم نوصلهم رسالة :
لو عايزين خير لعيالكم يا تتحركوا و تاخدوا حقكم بإديكم يا إما عمركم لا انتم و لا عيالكم هاتشوفوا خير.
وقال يا فرعون ايه فرعنك؟؟ قال : مالقتش حد يلمني
نهاية الأرسال

خالد و أوسكار و الناس

كل ما افكر في مشكلتنا السودة اللي احنا عايشينها دلوقتي اقتنع اكتر ان الحل في ايدينا

الحل في ان اعداد الناس اللي بتنزل بجد الشارع علشان تقول لأ هو الحل

ان خروجنا من الفئة اللي بتنزل الشارع و بتنزل الفيسبوك برضه هو التغيير

ان زي ما العمال بدإت تفهم الحل ايه و طريقته ازاي لازم الناس الباقية يوصلهم الكلام ده.

اليومين اللي فاتوا قابلت موقفين متشابهين في دولتين مختلفتين

و مش عايز اتكلم على موقف الحكومة فيهم علشان ماحدش يقولي دي مصر و دي امريكا

انا هاتكلم على رد الفعل الشعبي للناس بعد اللي حصل

كلكم عارفين طبعا قضية خالد سعيد و اللي حصل فيها

و الشباب ماقصروش دعاية ليها و شغل عليها في كل الدنيا , بس أونلاين بس.

و الوقفة اللي الصامتة- مش عارف كانت صامتة ليه؟- اللي اتعملت يوم 9

بس هم هم نفس الناس اللي نزلت في الف حاجة قبل كده هم اللي نزلوا الوقفة دي مع زيادات لا تذكر.

القضية التانية هي قضية شاب أسود من مدينة أوكلاند -واخد بالك مني يا عرباوي-اسمه اوسكار جرانت, تم توقيفه في محطة المترو و الضابط ضربه بالنار في ضهره و الواد مات.

الضابط اتحول للمحكمة في خلال اسبوع و من يومين طلع الحكم بالقتل الخطاء على الضابط.

و دي اللحظة اللي عايز اقارن بيها بن رد فعل الناس في مصر و الناس في أوكلاند

قضية خالد عرفناها بعد كام يوم من ما حصلت و اخدنا وقت وصل لشهرين لحد ما الناس نزلت في وقفة (صامتة) بطلوع الروح؟؟

بس اللي حصل هنا و بعد نص ساعة بس من صدور الحكم بالقتل الخطاء على الضابط

أوكلاند اتقلبت ناس في الشارع مظاهرات اعتراضا على اللي الحكم

و المظاهرات بدأت سلمية و بعد كده اتحولت لتحطيم محلات و سرقة

انا مش عايز ان ده يحصل طبعا في مصر

بس رد الفعل السريع للناس اول ما عرفت الحكم هو ده الفرق

انني ماستناش وقت طويل و يكون اللي حصل حصل و النار بردت

ان الناس تنزل و تاخد موقف في وقتها هو اللي هايوقف ان ده يحصل

و انا قصدي هنا الناس العدية سكان منطقة خالد سعيد مثلا و لا الشارع بتاعه حتى و ليه اسكندرية كلها ما نزلتش تقول لأ للكلاب اللي قتلوا ابنهم.

ليه الوضع عادي لحد دلوقتي و اراهن ان 70 % من اسكندرية ماتعرفش حاجة؟

اذا كانت الجرايد هنا في سان فرانسيسكو كتبت عن موضوع خالد

ليه الناس في مصر كلها ماقلبتش الدنيا على الكلاب دول؟

ايه هي الوصلة المقطوعة بينا و بين بقيت الناس اللي ما عرفتش بالموضوع؟

و ايه هي مشكلة الناس اللي عرفت و هم مش قليلين و مانزلوش؟

و ايه اللي بيخالي المواضيع عندنا تاخد وقت طويل قوي لحد ما تتحرك؟

و ليه لازم ننظم مظاهرة؟

ليه الناس نفسها مابتنزلشي لوحدها من غير ما حد يقولها؟؟

دي كلها اسئلة محتاجين لإجابتها علشان رد فعلنا تجاه جرايم الخنازير يبقى اسرع.

قمة الهذيان

ما هو المطلوب من الانسان علشان يوصل لمرحلة قمة الهذيان
و الهذيان عزيزي اللي بتقرالي كما جاء في معجم لسان العرب : كلام غير معقول مثل كلام المُبَرْسَم والمَعْتُوه. هَذي يَهْذي هَذْياً وهَذَياناً: تكلم بكلام غير معقول في مرض أَو غيره، وهَذى إِذا هذَرَ بكلام لا يفهم، وهَذى به: ذَكَره في هُذائه، والاسم من ذلك الهُذاء.
يعني من الأخر اي كلام في اي حوار في اي هبل بلا لازمة او اي تخريف من الاخر و كلام مش معقول و مستحيل تصدقه.
و للوصول لهذه الحالة اللي من وجهة نظري هي افضل حالة ممكن الانسان يوصلها يوجد طريقتين :
الطريقة الاولى : هي انك تضرب خليط من الحشيش و البانجو مطحون معاه حبايتين سبيد و حبياتين إكستاسي مع شوتين تيكيلا و كاس وسكي و لو فضلت عايش بعد الخليط ده يبقى كل عام و انتم بخير و انت فعلا اكيد بتهذي .
الطريقة التانية : و هي طريقة موفرة لأن الخليط اللي فات ده غالي بس هي موتها مش سريع او انت وظروفك ممكن يكون سريع, و هي الطريقة اللي كلنا بنعملها حاليا و هي انك تعيش في مصر.
و العيشة في مصر هي حالة هذيان مكتملة الجوانب. حيث انك تعيش حالة هذيان عقلية داخلية و في نفس الوقت تشارك الوطن مع 80 مليون واحد بيهذي.
و بذلك تستطيع ان تحلق بخيالك و ان تهذي و تقتل التنين و تركب السما و تاكل خرة ( بمزاجك) ثم تبحر في مجاري عقلك و عقول الاخرين مصحوبا بدعم جماهيري منقطع النظير مكتملا بالتكنلوجيا الحديثة.
فعنما تستيقظ صباحا هارشا في مؤخرتك اثناء ذهابك للحمام تبدأ حالة الهذيان مستغربا بقولك (أحااااااااااه..دا مش حلم) متخيلا انك سوف تلطش وشك بحبة ميه قبل تخيلك انك بتلبس فرحاناً انك متخيل انك نازل شغلك لتقابل هذيان الحياة المصرية الفتحية و ليست الكريمة.
و تبدا حالة هذيانك في التصاعد عندما تسيطر عليك فكرة انك كمتابع جيد للحالة الهذيانية العامة يجب ان تستطلع اخر الاخبار على ابليكشن الهذيان بالرسائل القصيرة فتقراء كيف ستقتل الثورة الأله و تشارك في حملات و مناقشات و معارك هذيانية للوصول للصيغة الامثل لتكوين جبهة مقابلة لأنصار التوجه القومي لأبقاء التور في حديقة الحيوان و هو أمر تحارب فيه الدول من اجل استقلال اكتوبر عن محافظة الجيزة بعد دوران الرماية.
لذا فانك تهذي معهم هذيانا يحولك بعد قليل لن تهذي مرة اخرى على وشك , فتكتب للناس ماهية حالة هذيانك اليوم و هل البوكسر الشورت يساعدك اثناء تخيلك انك تمارس الجنس ام الكلوت السبعة افضل لدماغك؟؟
فايتجاوب معك الاخرون بنصائحهم في كيفية اعداد الحوت الابيض لخطته لأصطياد المتظاهرين من اجل حقوقهم التاريخية في عصير فرجلووه قبل تحول نادي سموحة للعب في الدوري الممتاز العام المقبل بدلا من فريقي المعرصين القديم الكائن في دماغنا.
ثم يصاحبك ملل بضيني مما يشكل تهديدا كبيرا لحالة الهذيان المتزايدة فتنتقل لقراة افكار بهيمية اللسان (بس دمها خفيف) تطالب بأطلاق حملة قومية لأغلاق الحمامات و مطالبة الشعب بالتخلص من خراهم على الارض لزيادة المخزون القومي من المياة الجوفية لمساندة قطر لأستضافة اولمبياد 2022 لسباق الزحالف.
ثم تكتشف انك يجب ان تأخذ قرارك المهم في تأييد احد الديلارات الموجودين في الساحة الذين سيقررون كيفية ستواصل هذيانك حتى اخر العمر بلا انقطاع. و المشكلة الاكبر ستواجهك في كيفيية توجيه دعمك للديلر؟؟ هل برسالة قصيرة ام بتوجهك الى مدخل النادي الاهلي لشراء تذاكر المباراة القادمة؟؟
و غالبا سترجع الى ابليكيشنك الاول و ترسل رسالة قصيرة تدعوا فيها رفقائك الهذانايين لمقابلتك في ميدان التحرير قبل التوجه لأبو طارق.
و من هنا ستكتشف ان يبضانك تحاول ان تمنع استمرار حالة الهذيان من التصاعد فتصر على النزول من شغلك لمدة نص ساعة علشان تشرب جوينت يساعدك في تقديم هذيان افضل.
و لكن عند رجوعك لعملك مرة أخرى تجد رب عملك الذي من كبارالهذيانيين في قد قرر انك بأمكانك التحول الى مازنجر لو ماهر قرر انه يروح الساحل في الصيف بس لو مش عايز ممكن تقدم استقالتك في اقرب وقت علشان الخرابة مش ناقصة خولات. وانك لازم تكون راجل و تتحمل مسؤلية بلدك و تنقذ المرحلة التالتة من مترو الانفاق الواصلة بين المطار و امبابة اللي حفرها و صنع عربيات المترو بتاعها التور الاكبر احد كبار مؤسسي الهذيان العالمي في شارع المستشفى بالعمرانية.
ثم تكتشف انك بقالك نص ساعة قاعد بتكتب في كلام تحاول فيه ان تكون مبدعا متحررا من القيود الفكرية و اللغوية و ايدلوجيات قهوة التكعيبة.حيث تظهر امام اصدقائك انك موهبة كتابية فذة و لكن منسية في وسط الحالة الهذيانية المنتشرة في الوسط اللي انت مش عارف هو فيه مين ولا انت عايز ايه منه بس اهو خرة و خلاص.
ولكنك تحلق للكلام ده و تفكر في ماهية الصورة اللي انت عايز تحطها في بوستك البضين. فتقرر انك مش لاقي هيافة تكتبها زيادة
و تتعجب من الانسان اللي بيهذي (كيييييييييييييييييييييييييييييييييك) اللي قاعد يقرالك هيافتك و خراك و ولسه باقي على الحشيش و الفودكا اللي بينكم و مش راضي يبعتلك مسج يقولك لو سمحت امسح رقمي وانساني.
صحيح .. انا ملقتشي صورة

21606

مَعًا لإنفاذِ الحُكمِ القَضائِيِّ المُلزِمِ رَئيسَ الجُمهورِيَّةِ و رَئيسَ الوُزَراءِ بِوَضعِ حَدٍ أَدنىٰ عادِلٍ للأجورِ

21606: حُكمٌ تاريخيٌ يُلزمُ الحُكومةَ بوَضعِ حَدٍ أدنىٰ عادِلٍ للأُجورِ في المُجتَمَعِ

حصلت الطبقة العاملة المصرية على حكم تاريخي، رقم 21606 لسنة 63ق، يُلزِم رئيس الجمهورية و رئيس الوزراء و المجلس القومي للأجور بوضع حد أدنى عادل للأجور في المجتمع، و قد قدَّم المركز ضمن مستندات الدعوى دراسة للباحث الاقتصادي أحمد السيد النجار أوضحت إمكانية زيادة الأجور في المجتمع من خلال الموازنة الحالية للدولة، و دراسة أخرى من مركز المعلومات و دعم اتخاذ القرار أوضحت التطور التاريخي للحد الأدنى للأجر في مصر و الذي توقف رسميا عند 35 جنيه بموجب القانون 53 لسنة 1984.

لقد ترافع المركز المصري للحقوق الاقتصادية و الاجتماعية عن ناجي رشاد القيادي العمالي بمطاحن جنوب القاهرة الذي رفع الدعوى مطالبا بتنفيذ نصوص دستور مصر و الإعلان العالمي لحقوق الإنسان، و الميثاق العربي لحقوق الإنسان، و العهد الدولي للحقوق الاقتصادية و الاجتماعية التي تضمَّنت أحكاما بضرورة وضع حد أدنى للأجر يضمن للعامل وأسرته حياه لائقة كريمة، كما أوضح المركز أن قانون العمل 12 لسنة 2003 أنشأ مجلسا قوميا للأجور من مهامه وضع حد أدنى للأجور على المستوى القومي بمراعاة نفقات المعيشة و بإيجاد الوسائل و التدابير التي تكفل تحقيق التوازن بين الأجور و الأسعار، وهو النص الذي أهملت الحكومة تطبيقه عمدا لذا طالبنا في المحكمة بوقف تنفيذ القرار السلبي بالامتناع عن وضع حد أدنى عادل للأجور.

و بعد أن تداولت الدعوى بالجلسات لمدة قاربت على العام أصدرت محكمة القضاء الإداري حكمها بوقف تنفيذ هذا القرار السلبي بما ترتب عليه من آثار أخصها إلزام المدعى عليهم بوضع حد أدنى عادل للأجور.

امهل العمال المتظاهرين يوم الثالث من ابريل 2010 الحكومة المصرية متمثله في رئيس وزرائها 30 يوما, تنتهي في الاول من مايو المقبل, للإستجابه للحكم القضائي الذي ألزم الحكومة المصرية بوضع حد أدنى للأجور.
وفي حالة عدم الاستجابه حتى الثاني من مايوم, سيقوم العمال بإعتصام مفتوح امام مجلس الوزراء حتى الاستجابه لمطالبهم, او استقالة الحكومة


لمعلومات اكثر زوروا الموقع
http://21606.info/news

Human Rights Awareness Week 2010

The Law Students’ Association Presents:

Human Rights Awareness Week 2010 April 26th-29th

The Law Students Association invites you to join them for Human Rights Awareness Week 2010. Events include a film festival, a refugee-run bazaar complete with Eritrean food and live music, talks on contemporary issues in human rights, and a special panel on “Freedom of Expression” composed of activists in the field. International and national non-profit human rights organizations will be attending throughout the week. Come out to the booths and speak with NGO representatives, get information on human rights issues that plague our world, take part in our human rights scavenger hunt and get a FREE GIFT! Buy a “Got Rights?” T-shirt and support a struggling non-profit organization! LSA is providing a FREE BUS TO NEW CAIRO CAMPUS ALL WEEK!

Monday the 26th NEW CAIRO CAMPUS
9am-3pm Human Rights Booths in the Plaza
1pm-2:30pm Film Festival: “Life + Debt” Room P007
3:30-5:30pm Film Festival: “Drowned Out” Room P007
6pm-8pm Welcome Event:
Key Note Speaker: Tanya Monforte (AUC)
Director of the International Human Rights Law Program
Room P007

Tuesday the 27th DOWNTOWN FALAKY CAMPUS
2pm-10pm REFUGEE BAZAAR, LIVE MUSIC,
ERITREAN FOOD, HUMAN RIGHTS TABLES!
6-8pm Film Festival: “Sierra Leon’s Refugee All Stars”: Room 413
8:30-10pm Talk: “Towards a Humanitarian Policy of Resistance: Palestine, Occupation, Development” Professor Hani Sayed, Chair of the Law Department: Room 413

Wednesday the 28th NEW CAIRO CAMPUS
9am-3pm Human Rights Booths in the Plaza
2-3 Amnesty International Film Showing
“Human Rights Defenders”: Room SSE CP44
4-6pm Talk: "Some Egyptian Challenges in the Next Decade: What is Right? What is Not? And Who Cares?": Room P007
6pm-8pm “Careers in Human Rights”
Speakers will include: A professor, a lawyer, a student, and an activist: Room P007

Thursday the 29th NEW CAIRO CAMPUS
9am-3pm Human Rights Booths in the Plaza
1-2pm Information Session on AUC’s International Human Rights Law Master’s Program. Meet at the Human Rights Awareness Week Booth: Room The Plaza
2-3pm “The African System of Human Rights: The Commission and Refugees” Speakers: Ashraf Ruxi and Fahad Siddiqui(Presented by the Cairo Institute for Human Rights Studeies): Room SSE CP46
4-6pm Film Festival: “Burma VJ”: ROOM P007
6-8pm Freedom of Expression Panel
Panelists: Sherif Azer, Hossam El-Hamalawy, Amr Gharbeia: Room P007

FREE Human Rights Awareness Week Bus! Bus Schedule for April 26th, 28th and 29th 2010 Depart from Tahrir Campus 12:00 pm & 4:30 pm Depart from New Campus 3:00 pm & 8:00 pm

For more information, or if you are not an AUC student and would like to request an invitation to attend the week, please e-mail LSAhighboard@gmail.com or call Kristen at 0192950536.