التوربيني .... عودة أخطر رجل في العالم


كلنا نعرف ان ساعات و ان ماكنش غالبا بعض ضباط الشرطة لما السنة بتاعتهم بتخلص و لسه في قواضي مخلصتش بيجوا لامين أي حد من الشارع و غالبا أصحاب السوابق.. كل واحد في منطقته .. و يلبسوهم التهم دي بدل ما يتعبوا نفسهم و يشتغلوا لحد ما يوصلوا للمجرمين الحقيقيين
و اللي بيحصل انهم بيسيبوا غلطة في المحضرعلشان العالم دي تطلع براءة ( قال عندهم ضمير ) و الموضوع يتكرر كل سنة ... زي من إسبوعين لما شفت ضابط عامل كمين الساعة 1 الظهر جنب حي الدقي بيلم فيه أي تباع عربية الأجرة بتاعته ماشية في الشارع و بعد كدة يوديهم القسم و يكشف على اساميهم و و يشوف بقة لو عليهم قواضي ولا لأ؟؟
يعني منتهى المهزلة .. و عدم مراعاة حقوق المواطنين ..يعني يقبض عليك و بعد كدة يشوف انت مجرم ولا لأ؟؟
يعني مستخسر يشوف شغله و يدور على المجرمين فا بينزل يلم الناس و بعد كدة البرئ يخرج من الحبس بعد كام يوم بعد ما يتحول للقسم التابع له ..... زي ما حصل لأيوب

المهم إمبارح كنت بقراء في موفع فالبلد ان (التوربيني) أعترف ان هو اللي شال الجزرة بتاعت القطار في حادثة كفر الدوار اللي مات فيه 170 مصري غلبان
و انه المسؤل عن إغتصاب و قتل 40 طفل مصري اخرين
و أنه ابلغ عن عصابة شخص أسمه (غرغرينا ) في الأسكندرية عنده 75 طفل بيغتصبهم و يقتلهم بعد ما يشغلهم في الشوارع.
و انه و انه و أنه..................!!!!!!!!! كل حاجة
أيه يعني .. هو مين؟؟؟ مستر أكس ؟؟؟؟ كل جرايم البلد هو اللي عاملها؟؟؟؟
و ياحكومة ... و البلاوي دي كلها بتحصل ..انت فين بعد ما اتقتل 40 طفل مصري يا ناس؟؟؟
أنا مش فاهم...... حد يشرحلي
كل ده عمله لوحده هو و اتنين معاه ....و الحكومة ما تعرفش إلا بعد ما هو إعترف؟؟
يعني المفروض ان فيه 40 تحقيق مفتوح بين إختفاء و قتل أطفال و كلهم بطرق متشابهة و الحكومة معرفتش مين اللي عملها؟؟؟
و فجاءة يجيبولنا واحد يلبسوه كل دة مرة واحدة ... بكره هانلاقيه هو المسؤل عن النكسة و عن تفجيرات شرم الشيخ و أي مصيبة الحكومة فاشلة فيها

كنت فين يا حكومة و كل دة بيحصل في البلد؟؟؟؟
طب خبوا الموضوع بدل ما انتوا فاضحين نفسكوا قدام العالم كله
.........ولا خلاص مابقاش فيه

سلام

هناك ١٣ تعليقًا:

مراقب مصري يقول...

إلحق يا دماغ....
بيقول لك التوربيني اعترف إنه هو اللي دخل العصايا في مؤخرة عماد!!! وانه كان متنكر ولابس وش زي بتاع ميشن إمبوسيبل والناس كانت فاكراه إسلام نبيه

شفت ازاي كنا ظالمين إسلام وقلنا إنه كلب وواطي وساف ومنحط وحقير وابن امه وما فيش عند أمه دم وهو طلع مظلوم
وأتاري التوربيني كان متنكر في صورة إسلام
يقال إن تنكر التوربيني في صورة "إسلام" وتعذيبه لعماد كان وراؤه مخطط صليبي صهيوني للإساءة إلى "إسلام"... فداك بنت خالتي وجوزها وام صاحبتي يا إسلام

كله إلا إسلام

بني آدم يقول...

بس الشهادة لله هم بيغيروا الأسلوب كل مره
يعني السنة اللي فاتت كانوا جايبين البلاوي كلها على بدو سينا
واللي قبلها كانوا أي حد يقبضوا عليه يقولوا عليه مختل عقليا واللي قبلها واللي قبلها
والله أنا خايف بعد كده تبقى بالتوزيع الجغرافي كل سنة منطقة
بس للحق هم بيحاولوا يغيروا وربنا معاهم

غير معرف يقول...

يا باشا من التوربينى الى الديزل الى غرلاغرينا الى اى حد احنا ما نساوى قرش صاغ واحد احنا بهايم
mego-mego.blogspot.com

غير معرف يقول...

Dear All,

I had been following all your blogs and website as I'm preparing a 26 mn documentary on the torture in Egypt. I'm trying to collect any audivisuel materiel (video clips, phones clips, audio clips, stils pictures) as well as any witness interview.

I will appreciate if you could send me any of this things on this email : torture.torture@yahoo.fr and if you could post my request on your website.

Many thanks

Egyptians in the UK يقول...

عزيزى ماك!

بعد التحيه و السلام .... انا من احد المعجبين وقراء موقعكم... و فى الحقيقة موقعكم شجعنى على ان اعمل مدونتى الخاصه ... و اكتب فيها بعض من تجاربى فى الحياه كمصرى بيحب وطنه و بيغير عليه... و يتمنى انه يبقى نجم قوق فى السما و عالى...حاليا باعيش فى انجلترا و باشتغل فى جامعة شيفلد...المهم علشان ما طولش عليكم و اعطل و قتكم...اتمنى انكم تضيفوا
اسم مدونتى الى موقعكم و انا كمان اضفت اسم مدونتكم الى موقعى.

عنوان موقعى كالآتى:

http://kalambelmasry.blogspot.com/

و اسم المدونة "حدوته مصريه على المصطبه"

مدونتى عباره عن حدوته مصريه على المصطبه ...احكيها لابن بلدى المصرى البسيط ...و هى حكايه سهله بس عويصه ...اتمنى انها تعجبكم انتم كمان
و اتمنى انى اسمع منكم قريبا

اخوكم دكتور محمد الرفاعى
انجلترا شيفلد

غير معرف يقول...

hey makk , i m ahmed khaled , from elgabha front (undersrtuctur) i didin't know how to contact u so i write this comment , we would ,like to invite u to make (nadwoa) in el7ezb so hope u to contact us quickly my email is (elghazaly_harb@Hotmail.com) thanks

Egyptians in the UK يقول...

اولا اشكرك على زيارة مدونتى... ثانيا اعتبره شرف ليه انكت تكون اول فرد من ولاد بلدى يحط تعليقه...ثالثا اتمنى انى اشوف دايما تعليقاتك

MaMaDo يقول...

yemken yetla3 blogger kaman

3rby يقول...

هاقولك واقعة تاريخية
انت تعرف ان التوربيني ده هو المسؤول عن سقوط الاندلس؟
وهو برضه المسؤول عن سقوط القدس في كل المرات اللي سقطت فيها
ده ابن جزمة
هو كمان اللي اغتال جون كيندي مش العبيط التاني ده...وبع ما خلص جه يخلص عالسادات ويقال ان هو اللي سم ياسر عرفات

الأباصيرى يقول...

طيب يعملوا أية ياأخوانا الضباط؟؟ الناس دول كتر خيرهم حلوا كل المشاكل والقضايا اللى فى البلد فقرروا من باب تأمين البلد أنهم يدورا على أى واحد بيفكر يكون مجرم وقالوا يبدأوا بالتباعين الأول وبعدين الركاب وهلم جرا... ومش بعيد تلاقى أونكل حبيب العادلى مقبوض علية تحرى.. بس أشك أنة يطلع برأة

أسمحلى أضيفك فى البلوج بتاعى ولو أنة مش سياسى خالص

محمد عبد الغفار يقول...

ياباشا انت مش متابع يقى باين عليك ، متعرفش انهو اللى غرق العباره ودرب بتوع 11 سبتمبر

جبهة التهييس الشعبية يقول...

بص يا عم دماغ


مش معنى ان الحكومة كل شوية تطلع لنا مرة في مختلين عقليا

ومرة في اولاد الشوارع


عشان تعمل من واحد منهم المجرم الأثيم والقاتل اللئيم

ان مشكلة العيال اللي في الشارع دي مش مشكلة حقيقية


وهي مشكلة حقيقية ليه غير عشان الفقر والقهر وتنمية الحس الاستهلاكي عند المواطن واهدار كرامته في اقسام البوليس

ولما الناس تتبهدل ليل نهار وتتعامل زي حيوانات

تفتكر حد منهم لو خلف ممكن يعامل ابنه ازاي

انت عارف اني شفت حاجات هناك

ابهات بتغتصب اولادها

وبتعذبهم

وامهات كمان

لما يوصل الحال بالام انها تبقى كده

ده السبب فيه ايه ومين؟

بصرف النظر ان رمضان التوربيني بياكلوه كل يوم كفته عشان يعترف انه هو عصعص وعصعص هو والواد عشان معاق ذهنيا فرحان قوي انه عتريس وانه بلوة سودا حتى بصوا

بس ده معناه اننا نسيب عيالنا في الشارع؟

انا وانت وغيرنا بندفع 40 في المية ضرايب للدولة دي عشان عيال بلدنا يبقوا في الشارع؟

والفلوس تتصرف على المهرجانات واحزاب المعارصة

انا ما نسيتش النقطة

المعارصة

دماغ ماك يقول...

جبهة التهييس الشعبية
يا بنت عمي
انا و الله عارف مشكلة الناس دي
انا كل كلامي علي الحكومة اللي هي اتسببت ان الاطفال دي تتوجد اصلان
و كمان فكرة الموضوع عن حركة كبش الفداء اللي الحكومة بتلبسوا لواحد كل مرة علشان تخلص من الكلام
كل ما نلاقي موضوع جديد فيه خراب
ندور اصله ايه نلاقيه الحكومة