إخبار الكلب ..... و فيديو جديد

إسلام نبيه
النهاردة كانت محاكمة المجرم اللي إغتصب عماد الكبير
الدنيا كلها كانت هناك
كل وسائل الاعلام ..... منظمة العفو الدولية كمراقب رسمي
المهم ان قال ايه الدفاع قال الفيديو متفبرك
و القضية إتأجلت ليوم 2-4 القادم
أحسن برضه علشان عماد يبقى حاضر و يشوف الحكم بنفسه
Details in English at ARABAWY's
......................................................................
ده الفيديو مرة تانية علشان الناس متنساش


.....................................................................

ده بقى فيديو جديد لوائل عباس

انا نقلت وائل كاتب ايه بالظبط علشان مفيش احلى من كده

..............................................


عبد الرسول أمين شرطة مطيع

بيسمع كلام حضرة الظابط

بس أداء عبد الرسول ضعف

والظابط عاوزه يحسن الأداءمع

إن اللوا أحمد ضياء مساعد الوزير بتاع الأوانين واللذي منه بذات نفسيته بيقول إنها حالات فردية محدودة

وإنها مش ممارسة منظمة في أقسام الشرطة

لكن برضه مافيش مانع من إن عبد الرسول يتمرن في خلق الله

ويحسن الأداءوحظابط قاعد ورا الكاميراوخبير الإذاعة والتلفزيون ها يكشف تطابق صوته مع الفيديو

لكن برضه مش ها يتحبس

لأن عبد الرسول أمين شرطة مطيعمش ممكن يكشف ستر سيده

والرسول محمد بن عبد الله مات يا عبد الرسول

هو اللي قال لو أن فاطمة بنت محمد سرقت لقطع محمد يدها يا عبد الرسول

واحنا دلوقتي في عصر من اذا سرق فيهم القوي تركوه واذا سرق فيهم الضعيف أقاموا عليه الحد يا عبد الرسول

بس ها تعمل ايه يا عبد الرسول

لازم تطيع الاوامر يا عبد الرسول

لانك لو ما اطعتهاش يا عبد الرسول

تتحاكم زي زميلك محمد خلف يا عبد الرسول

وتتبهدل إنت وعيلتك آخر بهدلة يا عبد الرسول

وبعدين هو إنت اتخبطت في عقلك يا عبد الرسول

برضه العين ما تعلاش عن الحاجب يا عبد الرسول

ده سيدك الباشا خريج أكاديمية الشرطة يا عبد الرسول

ودي ما بيخشهاش الا الاكابر يا عبد الرسول

وبرشاوي كبيرة جوي جوي يا عبد الرسول

ايش جاب لجاب يا عبد الرسول

تفتكر اهل الباشا الظابط يسيبوه يتحبس يا عبد الرسول

ده حتى انت ما ترضاش بكده للباشا الكوبارة يا عبد الرسول

الباشا مش وش بهدلة ومرمطة يا عبد الرسول

الباشا ايده ناعمة يا عبد الرسول

انت وعيلتك والمتهم اللي في أيدك فدا الباشا الظابط يا عبد الرسول

علشان كده يا عبد الرسول لما الباشا يقولك على وشه يا عبد الرسول

تديله على وشه يا عبد الرسول

ولما يقولك على قفاه يا عبد الرسول

تديله بعزم ما عندك على قفاه يا عبد الرسول

وكمان تبتسم في وش الباشا يا عبد الرسول

أومال إيه يا عبد الرسول

هي دي الأصول يا عبد الرسول !!!

هناك ٤ تعليقات:

.:.-=- ELGaZaLy-=-.:. يقول...

الله ينور يا مالك بجد الله ينور اية الحلاوة دى


تصدق شكلة زى البنى ادمين ...

بقى الصوت متفبرك ؟؟؟

يلا خير خير..بس تفتكر العالم دى ينفع معاها حبس بس مش حرق بجاز يعنى؟؟

--------------------------

وكمان تبتسم في وش الباشا يا عبد الرسول

أومال إيه يا عبد الرسول

هي دي الأصول يا عبد الرسول !!!

-----------------------

العالم دى جزم؟؟؟ كلاب..ولاد ستين...

مش بيهمدو...تصدق لاول مرة احس ان لو رجعت العمليات الارهابية ضدهم محدش هايزعل عليهم...

لا اله الا الله


بجد شكرا يا مالك...ربنا يكرمك

ROMIL يقول...

دلوقتي بس عرفت تأثير المدونات
هو فعلا خصم عنيد

ربنا يوفقك

ROMIL

AbdElRaHmaN Ayyash يقول...

اه والله كلب
عجبتني اوي كلمات وائل عباس
معبرة وفي الصميم
أما الفيديو
فمش عاوز اشوفه تاني
كفاية اللي حصل في اول مره
وبالظبط يا رومل
هنا بتبان تأثيرات المدونات
سلام

غير معرف يقول...

اللهم انتقم من هؤلاء الضلمة وباقي الظلمة من مجرمين ومتهمين
اللهم لا تبقي منهم أحدا
اللهم أنزل عليهم عقابا من عندك تشفي به صدورنا
أمين أمين أمين