دخلتها بعد بكره .... قصدي مصر


بقالي كتير مكتبتش حاجة

حتة امي خادت بالها من ده

مش لاني مش عارف اكتب

بش لان مافيش حاجة تتقال

و كمان مطحون في الشغل

و ما شفتش عرباوي بقالي فترة

و الراجل ده لنا بشوفه كتير بحب اكتب

و سبب بيني و بينكم

اصل الشركة بتاعتنا ادتني خط مفتوح

بس برضه السبب الرئيسي ان مافيش احداث

و الحياة مملة قوي

الناس بتقولي حايحصلنا ايه اكتر من كده

اقولكم

اصل السواد لسه جاي

الفرح بعد بكره على مصر

كلنا هانتفرج عليه في شرم الشيخ

مصر دخلتها بعد بكره يا رجاله

هاتتدخل تاني زي ما دخلت من 26 سنة

ياجماعة محدش يفهمني غلط

انا قصدي هاندخل عصر جديد

عصر من الحريات الغير مسبوقة

مثل حرية غسل الوش الصبح من غير ما تتهم بالجاسوسية

و حرية التنفس من غير ما تتهم بتكدير الامن العام

دي الحريات اللي احنا داخلين عليها

و اللي اللي بالي بالكم (العريس) هايقنع الناس ان دي احسن حاجة في الدنيا

و الخرة - انا اسف - ان فيه ناس بتصدق ده

و هايدعوله

ان ربنا يحميه

و يخليه

ويعلي مراتبه

بس فيه سؤال مهم جدا و بجد يا جماعة

لازم نعرف اجابته

هل هايشرفنا و هايرفع راسنا بعد بكره في دخلته؟؟؟؟؟

يا جماعة ماتفهامونيش غلط

قصدي في دخلته على مصر

شفته ازاي انتوا ظالميني و مش فاهمني دايما كده
ملحوظة
اكتبولي توقعاتكم لليلة الدخلة
هيهيهيهيهيهيهيهي
قصدي برضه على مصر

......................................

صحيح كلكم معزومين يوم الجمعة

اصل القائم بالاعمال في عزبة الحاج ابو جمال عازمنا كلنا هناك

يوم الجمعة الساعة 6 العصر

ميدان طلعت حرب

لازم نحضر دخلة البلد

..................

سلام

هناك ١١ تعليقًا:

خطــاب يقول...

ربنا يتمم بخير

:D

دماغ ماك يقول...

ana 3aref...bas eh tawako3atak ya3ny

يساري مصري يقول...

ماك بتاع البيره
هههههههه
ماك اتبرع بصندوقين بيره هديه للعريس و العروسه و المعازيم
ههههههههههههههه

انا مش عارف إيه ظاهرة عدم الكتابه اللي بتجتاح الجميع

المدونين اتحسدوا
انا عايز ايخَّر بلوج سبوت
هههههه

كيب جونج مان
يو روك

Bou-ME يقول...

توقعاتي انه هيغني زي أحمد زكي في التتر بتاع هو و هي: جيت أدبح القطة جارالي ما جاراه الله الله....
أنا قصد على مصر برضه .....

غير معرف يقول...

شوفوا يا سادة

الفرح تقريبا هيبقي في حدود من ساعتين لثلاث ساعات,, الاخ عمرو دياب زي مانتو عارفين و الكل عارف هو اللي هيغني فى الفرح...و بعدين يبدأ الااستاذ جيمي يلبس الشيكة... و طبعا محدش يسأل الشبكة دى ممكن تكون عاملة ازاي..او بكام.. و بعدين يجي البوفية...و طبعا ما ادراكوا ما هو بوفية فرح جمال مبارك... الله اعلم هيجيب الاكل من اني بلد..بس مش هو دة بيت القصيد...و بعدين بعد البوفيه يجي دور النقطة... و ياااا عيني عالنقطة و حلاوة النقطو و جمال النقطة.. و بردوا ليكو ان تتخيلوا ممكن النقطة دى تكون اد ايه او ايه ... و بعدييييين... نيجي بقة للحظات الحرجة... المعازيم هتمشي.. بابا و ماما هيروحوا...و العرايس هتطله الاوضة.... ياخرااابتشييي.. طبعا اخونا و حبيبنا جيمي بقاله 44 سنة ماستخدمش ال.... الا في تلبية نداء الطبيعة... شوفوا بقي لما 44 سنة مركون ياعيني و مرة واحدة عايزه يصحي كدة و يقوم و يلعب و يصول و يجول... طبعا هتبدأ بقي المحاولات... ياعم قووم.. يابا قوووم... يا عم الحاج بلاش فضايح و متكسفناش...و طبعا ولا الهوه...هيروح قايم السيد جمال و واخد الموبايل و متصل بماما
ماما: ابه دة ياجمال..انت سايب العروسة ليه
جمال: يا ماما مافيييش فايدة
ماما: مافيش فايدة في ايه يا حبيبي
جمال: انت هتستهبيلي يلولية.. مانتي عارفة البير و غطاه.. الحونكلولو مفيص و العفشة قفشة
ماما: مانا قولتلك يا حبيبي بلاها موضوع الجواز دة و بلاش فضايح.. انت اللي كنت شبطان.. اعملك ايه انا.. خد كلم ابوك
ماما: قوم يا سونة كلم الواد.. الواد متكعبل و موعوك و حالته بالبلا.. قوم يا راجل
بابا: الو.. ايوا ...في ايه يابني
جمال: بابا بابا , الحقني يا بابا.. انا واقع في مشكلة.. الحونكلولو مفيص و العفشة قفشة
بابا: ينيلك يا موكوس.. هو انت كمان..وانا هعملك ايه دلوقتي.. اتصرف (يضع السماعة)

جمال : ديدييي... يا ديدييي .. ماتيجي ننزل نتعشي في اي حتة
ديدي: نتعشي!! انت مش لسة واكل في الفرح.. وبعدين انا شبعانة
جمال: طب تيجي نروح سنيما
ديدي : ماشي انا موافقة
جمال: ايه دة.. بجد..ربنا يخليكي يا حبي.. تحبي تروحي فيلم ايه
ديدي: عايزة اشوف فيلم النوم في العسل

محمود سعيد يقول...

بيحلم

اللى فاكر أن دخلته على مصر بعد بكره
وعلى العموم ربنا يهدى سعيد بسعيدة
قصدى جمال بخديجة

غير معرف يقول...

على فكره فى اشاعات ماليه البلد ان دخله جمال على مصر هتكون شهر 7 معرفشى ازاى

Cluster One يقول...

kont kateb keda 7aga 3al fara7...ya3ny lessa badi el blog
http://polesapart3.blogspot.com/2007/05/yom-tari7i.html

دماغ ماك يقول...

nawarat ya cluster

غير معرف يقول...

will be a relly fack &sauck.

غير معرف يقول...

she steal verjan?