التدوين اليومين دول

مش عارف ابدأ ازاي
او اقول ايه
مش عارف الاقي وصف عام للحالة اللي فيها التدوين اليومين دول
حالة مش لاقلها كلمة توصفها
حاسس ان كلنا تعبنا او زهقنا
مش فاهم ليه الهبوط اللي حصلنا ده في الكتابة
كلنا منقسمين في كتاباتنا اليومين دول
اللي مالوش نفس اصلان يكتب و منهم انا و مش لاقي اكتب ايه
واللي بيكتب في الرياضة
واللي بيكتب في الاي كلام
والباقي كل همهم يشتموا في بعض
و الشتيمة الجديدة انه يقول على التاني
انه بيقبض
طب قولولي منين علشان انا و كام واحد ووحدة عايزين نقبض
انا مابقولشي ان كل الناس كده
لسه فيه ناس محترمة و بتكتب كويس
بس شغلنا كامدونين مصريين قل جدا
و القلق اللي عملناه مستوى تحريك الناس و الهيئات و حتى تأثيرنا على الحكومة نفسها قل جدا
حاسس ان مبقاش لينا صوت
و الحركة اللي كنا بدأناها في مصر بدأت تختفي
و تفرغنا لحياتنا العادية
و المشاكل العادية
و مستغلناش اللي احنا عملناه ان احنا نحقق اهدافنا اللي بدأنا ندون عشانها
او نسيناها
وفيه ناس اصلان مش هادون تاني
زهقت هي كمان
طب ايه الحل
هيا يعني كانت حالة و خلصت
ليلة فرحنا بيها و زهقنا خلاص
اصل مش حتى دي مش هانشتغلها صح زي كل حاجة في البلد
يا نشتغل صح يا بلاش
انا نفسي مش عارف اشتغل صح
وليه.... انا مش عارف
و اللي عارف يقولي
علشان أقول لغيري
و نرجع نفوق تاني
ونفهم ان احنا بنعمل حاجة حلوة
و اهم حاجة فيها ان احنا بنجيب بيها خير و حقوق لناس ملهاش صوت
سلام

هناك 10 تعليقات:

MaLek يقول...

شوف ياعم
انت مكبر الحكاية
أولا التدوين في معناه الأشمل لا رسالة ولا بطيخ دا مجردات حاجات لها او مالهاش معنى بتكتب على النت
ممكن في يوم من الايام تسخن البعض
وممكن يوم تاني تنام
الأزمه ان كتير من الناس ادوا للظاهرة اكبر من حجمها وكتير مننا صدقوا الفيلم دا واعتبروا اننا خلاص التغيير اللي جايه بكره.
التدوين مجرد نزوة شخصية بيعملها الإنسان يوميا ,ممكن تجيب نتيجه,ومممكن ماتجبش,متحملش اي حاجه فوق طاقتها عشان متحبطش ولا تكتئب.

دماغ ماك يقول...

nice words ya malek
ana asdy ya malek 3ala el modawenen el noshata2 elly 3ayzen ye3'ayaro fe el balad

WS يقول...

دماغ ماك
لو عاوز فعلا تغير فى البلد حاجه ، لازم تنزل على ارض الواقع
التدوين ساحه فضاء للتعبير عما بداخل المدونيين من احلام و افكار و طموحات
من الصعب ان ينقلب التدوين الى اداه للتغيير الفعلى فى المجتمع المدنى او
النظام سياسى
كما ان الشريحه الاجتماعيه و الثقافيه التى يوجه اليهم المدونون افكارهم و ارائهم هى فى الواقع شريحه صغيره جدا من مواطنيين منتشرين فى ارجاء الوطن من الشمال الى الصعيد
و فى الواقع اذا تم تحديد هدف للتدوين فسوف يتحول الى هم و قضيه من المتوقع ان ينهى تلقائيته و خصوصيته
التدوين اصبح من الاشياء القليله التى يشعر الانسان بالتحكم فيها ، فإذا اراد المدون ان يكتب ، فسوف يكتب، و اذا لم يشعر بحماسه الكتابه، فليس عليه ان يكتب،و هكذا يصبح التدوين الحياه الحره التى كان يبحث عنها المدون و يقول فيها ما يشاء

بالبلدى يعنى سيب الامور تمشى على طبيعتها و ماتحملش هم
و لو جه يوم و التدوين غير حاجه فى البلد يبقى خير و بركه

مراقب مصري يقول...

بص يا زعيم

فيه حالة إحباط عام على المستوى السياسي... من بعد أحداث التعديلات الدستورية والحالة نامت... المدونين النشطاء جزء من حالة عامة... يعني المدون الناشط واللي جزء من حركة التغيير (سواء في حركة أو حزب أو لأ) هو كمان متأثر بالجو العام

إحنا فعلا قلناها يوم 25 مارس... آخر مظاهرة قبل انتهاء عصر الجمهورية... وقد كان... حتى دي الأمن قمعها وخطفوا الشباب... وتم بعدها إقرار التعديلات وبقت واقع... طبعا مش بقول لك إن الليلة نامت بسبب التعديلات في ذاتها أو إن وقفة المدونين كانت هي اللي هتمنع التعديلات... طبعا ما اقصدش كدة خالص

بس فعلا فيه حالة إحباط مريعة جات ع الناس كلها بعد الحدث ده... طبعا هي الناس محبطة من قبلها بوقت... ممكن من أيام القضاة واللي أدت إلى إنهاك قوى الناشطين... أحداث التعديلات كانت فعلا صحوة للحركة من تاني والناس كانت واقفة بجد وحاسين إننا واقفين وقفة محترمة لأجل منع مصيبة... طبيعي إنه بعد إقرار المصيبة دي وبعد المواجهة الأمنية العنيفة اللي حصلت أيام 15 و20 و25 مارس إن الناس توصل لدرجة عالية من الإحباط

ضيف بقى كمان إن كل محاولات التنظيم دون استثناء فشلت فشلت ذريعا أيا كانت الأسباب... المدونين جزء من ده... يعني إحنا مش كيان مستقل ولا قائم بذاته ولا إحنا جماعة المدونين أو تنظيم المدونين ولا فيه حاجة كدة أساسا

إحنا في الآخر نشطاء مجهدين ومحبطين قبل ما نكون مدونين مأنتخين أو بايعين القضية مثلا

فيه جزء منا بيدون كصحافة شعبية ودا إحنا مكملين فيه... بس دا مش تحرك سياسي قطعا ولا هو دا اللي هيغير بكرة!! بس هو دور مهم ومهم إنه يفضل مكمل وموجود... والصحافة الشعبية أعتقد إنها شغالة بشكل معقول بس إنت بتتكلم عن التدوين - على ما فهمت - اللي هو مقترن بحركة سياسية وتغيير وبتاع... طب دا هتجيبه منين إذا مفيش أصلا حراك حاليا... وطبيعي جدا إن كل واحد ينشغل في شغله وحياته إلى حين إشعار آخر

بس أنا معاك في قراءتك للحالة العجيبة اللي بنمر بيها سياسيا حاليا

سوري على التنظير والبؤرة بس فعلا بحاول أفكر معاك بصوت عالي مش أكتر

ISIS يقول...

I agree with Malek mostly... blogging is just a way to spread a certain Idea motivating people to change their negative and apathetic behavior...blogging is to spread important news that mainstream media doesn't dare to cover or to push for certain issues to be publicized. Blogging is also an atmosphere of free expression that can't be easily censored. All this contributes to breaking certain chains on the freedom of expression, opinion, and speech... At the end of the day I doubt bloggers can be discussed or addressed as one entity because the egyptian blogosphere is divided amongst itself by different and sometimes opposing Ideologies. And so we can only depend on blogging as a means of expression by normal people who decide to blog to share their personal Ideas. To make blogging responsible for change is to assign to it more that it can handle... it can only contribute... and don't forget that at the end of the day there are only 5 million internet users in Egypt, real change comes from the people... and in my opinion the very few who do something, be it blogging or actual street activism, are fighting a struggle that can only be won if the people - the majority - start caring - but since the majority of the people are apathetic and don't really care - or mostly care about feeding their families etc.. and thus are too scared to care or participate is the reason why REAL change will only happen from the people even if the entire regime and its policies transform. But since you care I guess the most effective thing you can do is maybe zoom out of your narrow audience in side the blogosphere - because we know that they care and want change - and focus on the people who don't care who are the majority - if the majority cares - things akeed will change... ya3ni... just a thought... don't take me too seriously and keep blogging wemalaksh da3wa b7ad

دماغ ماك يقول...

ya gama3a ento kolokom sharaftony we ba2aly keter mashoftokomshy hena
we 2ara2kom el mo7'talefa de athret el fekra fe demaghy aktar we aktar
ana kan asdy bas bel magmo3a beta3etna elly ta3adet mar7alet enna benkalem nas 2olayela we ba2ena benkalem kol el nas we ta2serna ba2a mawgod fe el share3 men 7'elal el fadaye7 we el mashakel elly kashafnaha we 7'alena el sa7afa tekshefha we kaman el nas bara masr 7aset bena we ba2o metab3ena we adayana elly kashafnaha..
ana makanshy asdy 3ala el tadween el sha7'sy elly shayef bardo enno mohem we kolen kona bad2ana keda

zsinfulangel يقول...

23tkad ya mak ano kol 7aga batglha fatra we thda ...
leeh tayeb mtwlesh tetfa2 ma3a mwdneen tanyeen we tktbo kolko fe 7aga wa7da fe kol el mdwnat 3chan kol el nas ta7'od balha ? we tb2a 2dya wa7da el nas kolha btetn2sh feha
..

غير معرف يقول...

ممممممممممممم

موضوع مهم مش حقدر أفوته - كعادتى - بدون تعليق

لأ المدونات طبعا مهمة .. بل هى ثورة تكنولوجية هائلة .. لأول مرة فى تاريخ البشرية يصبح الفرد العادى قادر على مخاطبة الملايين .. و بتكلفة تافهه يقدر عليها اى شخص فى العالم تقريبا .. و بدون ان يكون خبيرا فى الكومبيتر و علومه

و هكذا .. ضرب الإعلام الموجه على قفاه .. اصبحت تستطيع ان تتحدى اعتى اعلام و لو كان اعلام امريكا كلها .. أو قناة الجزيرة و الفضائيات .. و صحافة و قنوات التعريص المصرية

تستطيع ان تكون صحفى و اعلامى مئة بالمئة

و لولا هذا .. ما راينا المدونين على صفحات الإعلام العالمى و تلفزيوناته ..

و لو لم يكن التدوين مهما و مؤثرا .. ما رأينا دول الدكتاتورية تتعقبهم و تحجب مدوناتهم

اذن التدوين مهم

و هو رسالة قطعا و بدون شك .. لأن بيدك وسيلة هائلة تستطيع ان توظفها فيما تشاء .. خيرا أو شرا
مثل كلامك و افعالك كلها رسائل للناس و العالم الخارجى

ربنا سبحانه و تعالى .. بعث لنا القرأن الكريم .. و هو كلام ..

طيب .. لماذا لم ينجح التدوين فى عمل حاجة فى مصر

ببساطة .. لأن التدوين لوحده مش كفاية .. التدوين ممكن يكون أحد الوسائل و لكن ليس كلها .. الأمر محتاج تحركات على ارض الواقع مثل ما بعض الإخوة الأفاضل اشاروا

كمان حاجة مهمة .. حجم المدونين ليس كافيا .. لازم يكونوا بالآلف .. من ناحية علشان يكون صوتهم عالى .. و من ناحية علشان يصعب ضربهم و اصطيادهم

ممممممممممممممممم


أنا متأكد ان الناس لو صممت على التغيير حتعمله.. المسألة مسألة ذراع القوة و ذراع المقاومة .. نسبة و تناسب

يعنى ممكن تطفى عود كبريت بنفخة .. لكن مش ممكن تطفى شعلى بوتاجاز بنفخة

حاجة اخيرة

مافيش قوة فى مصر .. متبنية التغيير .. كفاية ثبت لى انها معرصة .. و الأحزاب كلهم اثبتوا انهم معرصين .. و لأن أيمن نور كان واخدها جد .. و فى نفس الوقت كان وحيد فى الساحة .. كان هو الوحيد الذى دبروا له ما دبروا

و قبله ايضا سعد الدين ابراهيم .. الى للأسف مثير ممنا تبنى وجهة نظر النظام التى روج لها لضرب الدكتور سعد

لأننا ببساطة .. مغفلين و جهلة .. و مافيش حد مخه كبير راضى يتبنى القضية .. و يفهم الناس

تحياتى يا اساتذه

التوقيع
برضه واحد مالوش لازمة بيقول كلام مالوش لزمة

travesti يقول...

thnk you for sharing

Ankara escort يقول...

Escort bayan'a
ulaşmanın en iyi yolu Ankara escort sitesinden geçer.
Ankara geceleri ve gündüzleri ile değil günün 24 saatinde bile ayrı bir güzelliğe sahiptir.Günün stresini atmak için
ankara escort sitelerinde bulacağınız neşeli ve eğlenceli
Ankara escort ile eğlenceli anlar geçireceksiniz
Ankara escort siteleri ile bulacaınız escort kızlar
ile yalnızlığınıza son vereceksiniz.Dilerseniz Yabancı Escort
bayanlarda bulabilirsiniz. Türkiyede İzmit escort,
Gaziantep escort,
Kuşadası escort ve tabikide
İstanbul escort bulabilirsiniz.
İstanbul escort apayrı bi konu onu sonra açıklıcam...