تمثال رمسيس

رمسيس التاني

بمر على تمثاله كل يوم و انا رايح و انا راجع من الشغل

واقف في مكانه الجديد في المتحف الجديد

واقف ميدي الهرم ضهره كأنه قرفان منه

لسه واقف و ملفوف باعربية اللي كانت نقلته من الميدان

لسه فاكر اليوم ده لما القاهرة كلها خرجت تحيه و هو بيتحرك

و كانوا بينادوا عليه و يقلولوا سلام يا ملك

الكلمة اللي الشعب مابيقولهاش لحد الا لملك بجد

مع ان احنا عندنا ملك دلوقتي بس الناس مش حسه انه ملك

يوم ما نقلوا رمسيس الناس كلها كانت بتبصلوا بأحترام

ممزوج بشوق لشخصية ملك كان ملك بجد

حاكم مصر العظيم و في عهده مصر بقت عظيمة و هي عظيمة

اقعدت افكر وانا مروح لو انا كنت عيش في عهده كنت هاحس بي إيه

أكيد كنت هابقى فخور ببلدي اعظم حضارة في الدنيا في الوقت ده

اكتر دولة متقدمة في الوقت ده

جيشها اقوى جيش في الوقت ده

المصري نفسه كان اكتر واحد محترم في الوقت ده

كنت هبقى فرحان قوي بأني مصري

و فجأة و أنا بحلم بده

صحيت على امين شرطة في ميدان الرماية بيضرب سواق ميكروباص على قفاه

و الفكرة الوحيدة اللي جت في دماغي ساعتها

كان ايه هايحصل لو رمسيس بعث مرة تانية في وقتنا ده

وقال لما انزل اشوف حال البلد ايه

فا اكيد هاتكون اول صدمة هي منظر الامين بيضرب السواق على قفاه

فا ممكن يظن ان السواق ده من بني إسرائيل

يبقى الكلب يستاهل

و هايبدأ يشوف ان اللي حاول يحققه هو و بقيت الفراعنة على مدى 2500 سنة بقى في البلالا

ضاع..بخ خلاص

مصر مابقتشي عظيم

و فكك من موضوع الحضارة ده اصلان

اكتر بلد في المنطقة فيها فساد واكل البلد

الكل بياكل في بعضه و الكل بيسرق في بعضه

مفيش اي تقدم الواحد بيحسه هي هياها البلد من 100 سنة هي متغيرتشي

إلا حاجة واحدة بتكبر كل يوم...الفساد

خليفته الحالي كاملك لمصر هو و الحاشية بتاعته مطلعين مايتين الشعب

بيعاملواالشعب كله كأنه بني إسرائيل

الشعب كله غنيمة للملك و الحاشية بتاعته

ممنوع كل حاجة على الشعب

و كل حاجة مسموحة ليهم

المواطن بقى اكتر مواطن ملوش لزمة و اكتر مواطن رخيص و مهزاء

جوه مصر و بره مصر

المواطن المصري بلا قيمة

ليس له حقوق

و عليه واجبات العالم كله

الاجانب في بلده ملوك وهو خدامه

الاجانب في بلدهم ملوك و هو خدامهمكلمة (حقي) اتلغت من البلد

فيه حجة واحدة بس

كلمة (حقي) للملك بس

زبالة هاتلاقيها في كل حتة

وساخة في التعامل في كل حتة

سرقة في كل حتة

ظلم في كل حتةو بقه اللي هايحرق دم الملك رمسيس اكتر

ان الشعب ساكت و راضي

لأ... ده فيه ناس كمان مبسوطة

ومن جموديت الملك الحالي

مخلي ناس تدعيله كمان وهمه مقتنعين

ومخلي الناس اللي حتى فاهمه ان حقهم متاكل

يائسة ان مهما عملت حقها مش هايرجع

فكان اللي على الملك رمسيس يعمله انه يرجع

يقف مكانه تاني

و يدي ضهره للهرم

مش قلنا انه مقروف منه

.....................................................

انا هنا اخدت رمسيس كرمز فقط ماهو كمان طلع مايتين الشعب

و الهرم رمز لمصر و شعيها

هناك 10 تعليقات:

أنونيمس يقول...

قــــالو لفـــــرعــــــــــــون
أيه فرعنـــــــك؟؟؟
قــــــال
مالقيتش حد يقولي لأ

دماغ ماك يقول...

ana walahy law enta metabe3ny men zaman kont kateb el masal da 3andy ta7t esm el blog 3alashan ana aslan moshkelty mesh ma3a 7okam el balad moshkelty ma3a el nas fe el balad elly sakta 3ala 7a2aha

يساري مصري يقول...

البلد دي ناكبتها في شعبها

إشتغل بنا الهرم
إتكلم طرد الانجليز و مشى في مظاهرات و غير

ريَّح و نام ركبه مبارك و دلدل رجليه

zsinfulangel يقول...

=D
ya loooool ya looool
22ra 3nd el ghazlee by2ulak eh 3la shreet 3mr diab :D
howa da el moham
seeb mobraak fe 7alo lygelo so3'otaa

sokoothansawat يقول...

أخي العزيز
عذرا للمقاطعة
نحتاج الى رأيك ودعمك في حملة القضاء على المخدرات انتظرك هناك
www.tw3ya.blogspot.com

اه يا دماغى يقول...

ماك

بصراحة

لا تعليق

بس انا عجنى طريقة

سردك للموضوع

تحيلتى

دماغ ماك يقول...

thx ya ah ya dmaghy

princess dodo يقول...

بس الناس مش حسه انه ملك
جملة صح بجد
بس ياترى الناس خدو بالهم دلوقتى

spellz يقول...

Ramsis lw tele3 hayrooo7 wa5d kol l sha3b 3la ba3do w 7adfo fe a2rab safee7et zebala

Shark يقول...

تعرف ياماك ان كلامك فكرنى بكلام ابويا عن أيام الملكيه مش هاقولك انى نفسى اعيش ايام رمسيس والفراعنه بس على الاقل انا اتمنيت اعيش ايام الملك فاروق الراجل ده كان جامد اوى وسيبك من الكلام اللى بيقوله كلاب الثوره عن انه كان ملك فاسد والكلام ده دول شوية حرامية أكلوا البلد والعه يامعلم والناس زيطت لهم لأننا شعب اهبل زمارة تلمهم وعصايا تفرقهم تحياتى يامالك وخالص اعجابى بمدونتك