صور ...... وانشر

اكتب ايه ؟ انا مش عارف
اعمل ايه ؟ انا مش عارف
الموضوع بقه رخم قوي
هاكتب تاني عن ان اللي ماسكينا باطل و الكلام ده مابقاش فيه فايدة بحسها
مادام ماعيش صورة و صوت و ورق يبقى كله مالوش فايدة
ماحنا بقالنا مليون سنة بنتكلم و نحكي
ايه الفايدة يعني
ايه اللي اتغير
بس اول ما جبنا صوت و صورة ده اللي فرق معانا
اختراع جميل اسمه الكاميرا
ده حب حياتي بعد حبي الحقيقي
هو ده الاختراع اللي عمل فرق
و دلوقتي الحمدلله بقت في ايد كل الناس
هو ده الشئ اللي خلى الناس تغير تفكيرها
الناس مثلا كان طول عمرها تسمع عن تعذيب الشرطة
بس عمر ما حد كان شافها قبل كده
و اول ما الناس بدأت تشوف الاوساخ بيعملوا ايه
بدأوا يتكلموا و يشتكوا
و حوادث كتير بدأت تظهر هنا و هناك
كل ده علشان اللي بيشوف مش زي اللي بيسمع
الكاميرا ظهرت البلاوي اللي في بلدنا
و السلبيات من زبالة في كل حاجة
في الشارع .. في التعامل بين الناس .. في الحكومة
علشان كده انا نفسي كل اللي معاه كاميرا يصور و ينشر
لو ماعندوش مكان ينشر فيه يبعت لأي مدونة و هي تنشرله
صوروا كل حاجة وحشة في البلد الناس بتعملها
وافضحوا اي حد بيسئ لبلدنا دي
لازم الناس ترجع تتكسف تاني و تحس باللي بتعمله في البلد
البلد دي مش هاتنصلح الا لما الناس تغير طريقة الحياة الزبالة اللي عايشاها
و عايشاها بكفيها كمان
اللي بيتكلم و يحاول يغير بيغير
بس اللي منفض و مكبر هايفضل في الزبالة طول عمره
الصور و الفيديوهات يا جماعة بتغير
واسألوا كل واحد الفيديو عمل معاه فرق
انا او وائل عباس او عرباوي او جبهة التهيس
اسألونا قد ايه الصورة فرقت في تفكيرنا و حياتنا
دي دعوة مني لكل واحد في ايده كاميرا
صور ...... وانش
ر
والنبي اللي يعرف يعملنا بانر للموضوع ده يعملوا علشان الناس تنشره عندها
سلام

هناك 4 تعليقات:

shreef يقول...

فعلا التصوير بيظهر كل البلاوي اللي عايشين في وسطها و بيقابلني حاجات كتير و بلاوي اكتر نفسي اظهرها للناس بس للاسف ممعيش و سيلة اصور بيها الحاجات ديه..الاقيش معاك كاميرا سلف بس المهم تكون دجيتال و سوني ماشي..بهزر تحياتي ليك..سلام

zsinfulangel يقول...

loooooool :D 2wal ma shoft el post kot 7as2l feen el banner :D

ellithy يقول...

Hi,
You got a nice blog...
Give me a visit
These are my blogs
Best sites:

Agloco Arabic
alexa rank تحسين ترتيب الكسا
نكت مصرية
Youtube يوتيوب
جوجل ادسنس
نجوم اف ام
شاهد قنوات الدش مجانا

Can we backlink each other?

غريبة يقول...

واحشني حدااااااااااااااااااا يا محمد والله بجد نفسي اكلمك واطمن عليك بس الرقم مش معايا ابعت لي رقمك او ابعت لي ايميلاتك اللي ممكن اشيت معاك عليها
محتاجة تبعتوا لي صور كل ضحايا نظام مبارك اللي اتقتلوا في الاقسام والسجون ولو فيه فيديوهات ابعتا لي ولو حاجات مترجمة تبقي سهلت علي كتييييير
خلاص مفيهاش سكوت لازم نفضحهم في كل مكان الجلادين الزبالة