الاهلي هو سبب كل المشاكل اللي في الحياة


كل ما تكلم واحد زمالكاوي (ربنا يرحمنا) عن نادي الزمالك
تلاقيه حول الموضع على الاهلي و خلى الاهلي هو سبب كل المشاكل اللي في الحياة ..
بما فيها فشل نادي الزمالك
و اظن كل الناس ملاحظة الموضوع ده
و يقعد يحددلك كل مساوئ الاهلي و الفساد اللي الاهلي بيعيش عليه
على مستوى العالم و محدش بيوقفه
زي يوم ماتش الزمالك و الاسماعيلي اللي فات لما جيت اكلم واحد على الماتش بتاعهم
كان رده عليا ان الاهلي يوميها اتعادل بالحظ والحكام
يعني الاهلي عقدتهم في كل حاجة حتى لو هو مش طرف في المشكلة
و ده مثال لو مقدم قابل زمالكاوي هايرد ازاي؟
المقدم : نرحب بالكابتن نجم مصر ونادي الزمالك
كنا يا كابتن عايزين نعرف اسباب ظهور نادي الزمالك بالصورة دي في الفترة اللي فاتت
الكابتن : الحقيقة ان النادي الاهلي لسه محتاج للعيبة كتيرة تملى العجز اللي عنده في الخطوط
علشان المستوى يتحسن
المقدم !!!! : هو يا كابتن عدم الاستقرار الاداري مش هو السبب؟
الكابتن : و الله الاستقرار الاداري في النادي الاهلي ده شيء وهمي و أي كلام
و هما طول الوقت بيقطعوا في بعض بس الاعلام الاحمر في مصر مش بيقول حاجة
المقدم !!!!!!!!!!!! : طب و الاستقرار الفني؟؟؟
الكابتن : شوفوا جوزيه بياخد كام الف يورو طبعا لازم يستقر
المقدم !!!!!!!!!!!!!!!!!! : في الماتش الاخير كان الزمالك افضل بس خسر هل للتحكيم دور في كده؟؟
الكابتن : الحكام الاهلوية اللي الاهلي عاملهم غسيل مخ و بيدفعلهم في كل انحاء العالم هما السبب
المقدم !!!!!!!!!!!!!!!!!!!!!!!!!!!!!!!!! : ده معناه ان المشاكل اللي في نادي الزمالك اللي كل يوم
بنشوفها في وسائل الاعلام مش هاتنتهي؟؟
الكابتن: الاعلام الاحمر هو السبب في كل المشاكل وهما اصلان مش دارسين اعلام
دول مدسوسين من الاهلي
المقدم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! : طب امتى الزمالك
هايفوز ببطولة؟
الكابتن : طول عمر الاهلي بيفوز بالحظ و الحكام و الاعلام و الاتحاد
و الامم المتحدة و كل الناس وقفه جنبه
المقدم !!!!!!!!!!!!!!!!!!!!!!!!!!!!!!!!!!!!!!!!!!!!!!: طبعا جماهير الزمالك
شكلها اتغير في المدرجات و بقت بتشجع فريقها بجنون في أي ظروف
الكابتن : جماهير الاهلي دي اسواء جماهير وهي دايما اللي بتبتدي أي شغب في المدرجات
و هما من زبالة الشعب و احنا انضف ناس في العالم
المقدم !!!!!!!!!!!!!!!!!!!!!!!!!!!!!!!!!!!!!!!!! : نتمنى للزمالك
حظ افضل و شكرا يا كابتن
الكابتن : مبروك للاهلي فوزه بالدوري و الكاس و السوبر و افريقيا و كل حاجة
و نتمناله التقدم علشان احنا مش بنحقد عليه

هناك ٦ تعليقات:

Bou-ME يقول...

gamda awe ya makk begad ana fatsana 3la rou7e men el de7eeeek.... wallahi 3andaaaak 7aaa2...

محمد عبد الغفار يقول...

اهلاوى انا بس يستفزنى ان اصبح حزب وطنى الرياضه

يساري مصري يقول...

يا ماك يا عزيزي ان النقاش مع الزملكويه اصلا بقى نقاش صفصطائي
و كله كوم وربطهم بين الاهلى و مبارك و يعيشوا هما دور الشعب المقهور و بتاع
مرضى نفسين يستمتعوا بدور الصحيه المغتصَبَه

لامؤاخذا عفوا انه زمن الاهلي و من يقدر على التغير النجيله مابينا و الكوره إجوان لامؤاخذه :D

واحشني كيييييك يا ماك
اتصل بيا لما تقرا الكومنت :D

Unknown يقول...

المثال الحي للموضوع ده هو الحيزبون لما بعتلي النهاردة يتريأ على هزيمتنا من الهلال و لما سألته طب ما انتوا اصلا الهلال اللي طلعكم من البطولة دي و خدكم رايح جاي ماردش ولا سمعتله صوت و بقه اوف لاين

AmiroZ يقول...

أ ب : غياب المباديء عنكم، لا ينفي وجودها في غيركم!
=====================================

من ساعة ما وعيت على الدنيا والأهلي يتسب ويتلعن بسبب موضوع القيم والمباديء. مفيش مرة أمسك جريدة أو أقرا تعليق لواحد غير أهلاوي، إلا ويتندر على الأهلي في قيمه ومبادئه. حتى ما يحاولش يصلحها او يسدي النصيحة، لأ مفيش إلا التهكم والسخرية من شيء نبيل وأمر المفترض انه محمود.
لما بتحصل أي مشكلة أخلاقية في الأهلي، أول تعليق من الفرق الأخرى : "اتفرج يا عم على القيم والمباديء". ولما تيجي مثلا تعيب عليهم نفس ما يعيبونه عليك، تبص تلاقي الرد:
"ومين قال لك إننا نادي قيم ومباديء؟؟" ، إلخ.

مش عارف إيه سر المحاولات لنفي وجود القيم والمباديء عن الأهلي؟؟ ليه حريصين أوي كدة إنهم ينفوا وجودها في النادي؟؟ تحس إنه السبب هو انزال الأهلي إلى مستوى حضيض النادي التاني علشان يبقوا الاتنين متساويين، ونظام ولا انا عندي قيم ومباديء، ولا انت كمان عندك قيم ومباديء!! أي مشكلة تحصل يبقى هيموتوا وينفوا وجود القيم والمباديء عن الأهلي، في حين الأهلي قبلها عشرات المرات يكون أثبت وجودها مطبقة فعليا داخل النادي!! (مشكلة السباحة حصلت، ولكن المبدأ العقابي موجود، وحصل الشطب، في حين مطاوي تترفع في نادي تاني، وكأنه ابتسامة الصباح!!)

وجود القيم والمباديء في أي نادي أو منظمة أو مؤسسة أو حتى ديانة لا ينفي وقوع أخطاء داخل أي منهم. بمعنى إن الدين – أي دين – فيه مباديء وقيم، ولكن حدوث الخرق من أي فرد لا ينفي وجودها من الاساس! أي دين من الاديان الثلاثة صادف حدوث خطايا جمة في أوقات وجود الرسل عليهم الصلاة السلام جميعا. وجود القيم والمباديء واعتناق النصرانية لم يمنع خيانة المسيح عليه السلام ، ولكن المباديء ظلت، وإن وجد العقاب. والمباديء الاسلامية لم تمنع أحد ابناء المدينة من معاشرة ميتة في قبرها، بل ولم تمنع المنافقين من نفاقهم، ومع ذلك وجد العقاب. ولكن في أي من الاديان حدوث خروقات فيها أو اخطاء بشرية لا ينفي وجود المباديء نفسها عن الاديان، لأن التطبيق موجود، والعقاب موجود. بعدين العقاب موجود ليه؟؟!!! من أجل المخطئين بالتأكيد! فيه قوة ردع لأي واحد عن الانحراف. مش قصدي أخلط بين الرياضة والدين، ولكن وجود القيم والمباديء في الاساس نابع من أساس أخلاقي – ديني، بمعنى وجود الدين كمرجعية للمباديء اللي تعارف عليها البشر، ووجود أخطاء او خطايا بشرية. (والخطأ نفسه من طبيعة البشر).


في علم الادارة، المنظمات تدفع ثمن أخطاء موظفيها، ولكن لا يعيب هذا في المنظمة في شيء. والموضوع ده سجال كبير في علم الادارة، بمعنى هل الشركة مسؤولة عن افعال موظفيها ولا لأ؟! المباديء (سيان دينية او قانونية أو رياضية) وجدت من أجل أن تطبق على كل من انضم إلى أي منظومة. أنا – كمنظمة – أعين فردا وأملي عليه Code of Ethics وأسلوب تعامله في داخل المنظمة، إلخ ولكن لا أضمن التزامه بها بالطبع. وده يجرنا للحديث عن حالة الأهلي.

مباديء الأهلي موجودة ومطبقة، حتى لو حاول الأعور انكارها. أي فرد في المنظومة وداخل الأهلي المفروض انه عارف مبادئها، وبأفترض فيه ده عند التعيين. ولكن عند حدوث خرق من الموظف، بيكون الردع والعقاب. وده من ضمن المباديء؟ ليه؟ لأنه غيرنا لا يقوى عليها من الأساس! لو هنتكلم عن حكاية شريف بالتحديد نلاقي الأهلي طلب من النيابة التحقيق، ازاي يطلب التحقيق واحد عارف إنه مزور!!! طيب هو ما عندوش مباديء ؛؛ تنح مثلا؟ بجح؟ فاكرها هتخيل ع النيابة؟ العجيب هي المحاولة باصرار الصاقها بموظف أعلى من الاداري، ولو دققنا أصلا في الحكاية هنلاقي الادارة العليا للأهلي بعيدة عن الموضوع. حسن حمدي هينزل يزور؟ لأ ويزور بعدين ينسحب ؟؟ يزور ويطلب من النيابة التدخل؟؟ فين التسلسل المنطقي؟؟ ليه التزوير في عقود ناشيء صغير تافه أساسا؟؟ أنا رئيس نادي صغير علشان أنزل لمستوى ناشئ واهتم بيه؟ يبقى مدير القطاع لازمته ايه؟؟

تطبيق المباديء في الأهلي، وغياب المباديء في غيره
بصراحة كلام مستفز لما تلاقي واحد يقول لك معادلة ظريفة "فيه تزوير = مفيش مباديء"، لأنه نادي تاني زور مرتين، وما عندوش مباديء أصلا، بالتالي المعادلة اللي تطبق عليه، تطبق على غيره. يعاب على الأهلي العقاب، في حين مبدأ العقاب غير موجود أصلا في غيره. يعاب علينا اعلان انسحابنا من الصفقة واعلان المسؤول عن الخطأ، في حين غيرنا يملك بجاحة اعلان الخطأ ولا يملك حمرة الخجل منه. يطالب الاهلاوية بطرد ضياء السيد، وأشد العقاب على من تسبب في التزوير، فيما لا يملك آخرون إلا التصفيق لإدارتهم والاستمرار في قضية ثبت تزويرها في اتحاد الكرة. البجاحة تخليهم ماشيين في قضية سنة كاملة، بعد ما اتضح إنهم مزورين في عقد لاعب، في حين الأهلي يكتشف تزوير الموظف (الأهلي اللي اكتشف، مش الاتحاد) وهو اللي عاقب. يزور النادي خطابا ويرسله إلى باوك، ولا يملك أحد شجاعة الاعتراف بالتزوير، بل يكافأ المزور بمقعد داخل النادي.

أيوة الاهلي يلام ويتعمل منه أضحوكة ويتسب له علشان نادي القيم والمباديء، ونادي تاني ما عندوش ريحة المباديء، ولا شجاعة اعلان أي عقاب من أي نوع على أي مخطيء، ويقعد يعيب في الكبير، زي معلم زفر، قاعد يعيب في شيخ شايفه كل شوية رايح الجامع وجاي من الجامع، وكل شوية يتريق عليه وعلى جلبيته. نادي يطبق الأخلاق كما تعارف عليها البشر، في حين نادي تاني لا يجيد تطبيقها، لأنه ما هو معلوم في الاهلي بالضرورة، لم تعرف أساسياته الأندية الأخرى من أصله. يعاب علينا التزوير واحنا اللي اكتشفناه، وهم التزوير عندهم الدوبل وع الكيف، ولا حمرة لخجل!

ويبقى الأهلى فوق الجميع

دماغ ماك يقول...

abosak ya amir 3ala el kelmeten el haylen dol