زفة الماتش

هي دي الزفة اللي عملناها انا و اخويا بعد ماتش كوت افوار
كان فيها زيادة عن 250 عربية
مصريين و مش مصريين
قفلنا بيها كورنيش عجمان في الامارات
ابوظبي و دبي و الشارقة برضه حصل فيها كده
و طبعا الشرطة سحبت رخص كل الناس اللي انتوا شايفينها في الفيديو دول علشان عطلوا المرور
ولما رحنا قسم الشرطة لقينا كل المصريين اللي في البلد هناك
و بصراحة الشرطة عاملتنا بمنتهى الاحترام
و قالولنا المشكلة بس ان احنا وقفنا الطريق
لو كنا ماشيين ماكانوش وقفونا
قاللونا إنهم كانوا بس خايفين ان لو اسعاف مثلا عايزة تمر مش هاتعرف
او لو فيه حد عنده حالة طارئة
و رجعوا للناس كلهم رخصهم و قالونا مبروك
و طلبوا منا ان النادي المصري هنا يبعتلهم جواب رسمي علشان يطلعوا معانا عربية شرطة تنظم الزفة بعد الماتش الجاي
طبعا انا مازلت منبهر بالمعاملة اللي حصلتلي دي في قسم الشرطة
علشان سوابقي معاهم مش لذيذة
إتفرجوا بقى على الفيديو
و يارب النهاردة نعمل زفة اكبر





هناك ٥ تعليقات:

غير معرف يقول...

يعني انتوا إللي كنتوا عاملين الدوشة دي بالليل ومعرفتش انام كويس منكم. منك لله يا شيخ. يعني انت جاي هنا علشان تزعجنا ما كنت خليتك في مصر أحسن. مبروك يا سيدي البطولة، عقبال ما يكسب الشعب المصري الماتش بتاعه ضد حسني وشلته.

غير معرف يقول...

أهلا أهلا أهلا

انت جيت عجمان ؟؟؟؟؟ انا على طول حتلاقينى قاعد على هوى بحرى أكيد عارفها

عجمان نوررررررررررت

غير معرف يقول...

ماك ... بعتلك إيميل

تــــايه ومش تـــايه يقول...

ربنا يديم افراحكم وتهيصو على طول

الدرويش المرووش يقول...

مليون مبارك
قصدى مبروك