مسجد الشيخ زايد

النهاردة يا جماعة كنت بزور ابويا لأول مرة من ساعت ما جيت هنا

انا مافهمتش حاجة من المقابلة دي
و كنت ماش اضحك و اخويا مش فاهم بضحك ليه

سيبكم من ابويا
المهم ان و انا مروح دبي

لقيت مسجد الشيخ زايد في وشي

المسجد ده كبير جدا من بره

فاقلت لما ادخل اصلي فيه العصر و كده كده اشوف الحكاوي اللي اتحكتلي عنه

مش عارف اقولكم شفت ايه

بس عارفين كلمة الانبهار

دي حاجة قليلة عليه

انا فضلت فاتح بقي مش مصدق اللي بشوفه طول الزيارة
المسجد ده تالت اكبر مسجد في العالم

اتكلف تقريبا 3 مليار جنيه
فيه نجفة وزنها 9طن من الكريستال و الياقوت و المرجان


فيه اكبر سجادة في العالم اشتغلتها 1200 سيدة ايرانية


اكبر قبة في العالم

كله رخام ووووو ..... مش عارف اوصف
الزخرفة مغربية
والرخام ايطالي
اللي بنوه اتراك
و طبعا الحاجة المصرية الوحيدة اللي فيه هي المصاحف اللي
مطبوعة بطريقة مش موجوده منها في العالم الا في الجامع ده
شوفوا المصحف في الفيديوهات
حاجة وهمية يا ناااااااااااااس


شوفوا الصور يا جماعة هنا في الفيس بوك بتاعي

و كمان دي مدونة لشاب إماراتي اسمه اسامة لقيت فيها صور جامدة موووووووووت

ودي معلومات عن الجامع
و دي الفيديوهات
و في النهاية ادعوا لعمكم الحاج عرباوي
اللي وصاني اني افضل اصور
و في النهاية تاني

هناك ٩ تعليقات:

AHMED SAMIR يقول...

سؤال بريء جدا والله..
هي عظمة المسجد بتقاس ازاي؟
يعني ربنا هيتقبل الصلاة من المسجد ابو 3 مليار ولن يتقبل الصلاة من الزاوية اللي متكلفة 300 جنيه؟
حاشا لله طبعا...هو سؤال استنكاري
تفتكر مين اولى بال 3 مليار؟
فقراء المسلمين اللي بيباتوا جاعنين وعريانين ولا شركات الرخام الايطالي والنجف التركي والسجاد الايراني؟

غير معرف يقول...

^o) 7lw awe kalamk ya a.samir bas y3ne 7drtak 2esh draak ano ele 3ml el gama3 da mkanche bywz3 3al 3álaba we bysrf 3al m7tgeen wel 3ryneeen !!! we b3deen kol wa7ed 7or ...ya7welaal3alam !!!

el moham ano nahyet el 7war nseet we msltch el 3asr ya mak afndee XD looool b2rraa tool 3omrak heheeee.

غير معرف يقول...

بص يا مكوك

كل كلامك ده وووووووووووووووهم فعلا

و اللي بيعجبني في دي دبي أو في ال

concept

اللي ماشية عليه الحكومة الإمارتية فعلا وهم

ال
concept

بتاع

the biggest, the largest, the tallest etc.. in the world

زي المترو اللي عايزين يعملوه و يكمون أطول مترو في العالم

و
the mall of the world and Duabi land etc...

و المسجد فعلا وهمي و الصور وهمية بس معلش أنا مع أ.سمير

يعني أنا لو صليت في المسجد ده تحت النجفي دي على السجادة دي حوالين الرخام ده يحاوطني 3 مليار جنيه هاخود حسنات أكتر؟؟؟

خد عنك يا سيدي:
زخرفة المساجد بما يخرج المصلى عن آداب الخشوع هي أحد المخالفات التى تحدث في مساجدنا:

قال النبى صلى الله عليه و سلم « ما أمرت بتشييد المساجد » ، قال عليه الصلاة و السلام « لا تقوم الساعة حتى يتباهى الناس فى المساجد » الصحيح المسند مما ليس فى الصحيحين (الشيخ مقبل الوادعى)، قال بن عباس ( لتزخرفنها كما زخرفت اليهود و النصارى
أمر عمر ببناء المسجد فقال (أكن الناس من المطر و إياك أن تحمر أو تصفر فتفتن الناس ) البخارى مع الفتح


يعني الجمال اللي في مسجد الشيخ زايد معلش مش صح إنه يحصل في مسجد....


و غير ده كله عملت مع أبوك ايه يا ماكوكي؟؟؟؟؟

يساري مصري يقول...

الصور حلوه قوي
و واضح انه مسجد حلو قوي او لو هنقول مسميات صح
فهو متحف حلو قوي
و من منطلق ان الزخارف و الحجات الوهمية دي مش هتزيد الجامع قدسية او المُصلين خشوع او حسنات
تبقى الزخارف دي مصاريف على الفاضي و تبذير لا اعتقد انه من سلوك السنة
و احبك يا شيوعي لما تحكي و تتحاكى :D

غير معرف يقول...

خد عندك كمان

عن أنس رضي الله عنه أن رسول الله صلى الله عليه وسلم قال "إذا زخرفتم مساجدكم، وحليتم مصاحفكم، فالدبار عليكم".

لو إفتكرت حاجة كمان هبعتهاك هنا

و إنتي يا بت يا بقرة يا لوووووب إقري الكلام ده و متقاوحيش

غير معرف يقول...

خد عندك كمان

عن أنس رضي الله عنه أن رسول الله صلى الله عليه وسلم قال "إذا زخرفتم مساجدكم، وحليتم مصاحفكم، فالدبار عليكم".

لو إفتكرت حاجة كمان هبعتهاك هنا

و إنتي يا بت يا بقرة يا لوووووب إقري الكلام ده و متقاوحيش

و مافيش حاجة إسمها هو حر أما تيجي عند الدين و الشريعة يبقى مافيش حاجة إسمها هو حر في شرع و أحاديث و قرأن نمشي عليه مش بمزاجنا و لا بفلوسنا.... هتودونا في داهية بكلمة هو حر دي, إتعلموها بقى

غير معرف يقول...

yabnte feeh eh bas ... wa7ed m3ah cash zayada we 3awz yabne masgad lama tchofo el nas tenbsat .... el design el 7alw by7le mkan fe 3een el nas ... we b3deeen 7aga tanya ymkn fe floso howa we nfso y3ml masgad shklo 7lw .. ana msh shyfa eh el moshkla ano yb2a 3ndna gam3 shklo 7lw y3nee !!! ragal m3ah cash ysraf 7b2a 3al maskeen wel m7tgeen we 7aba sarfhom 3la gam3 ... eh el moshkla y3ne !!msh lazm yb2a el gam3 toob a7mar we 7etaa madhoona we 5alaas . anta fe mkaan bat7bo ..mfech moshkla lw 5leto a7san makan man wghta nzrak ,,,we bma 2no wa7ed m3ah cash kteeer saraf 3leeh we 2keed y3ne beto a7san mal gam3 da mallliooooon mara y3ne ele 3mlo fel gam3 da 2olyal awe asln !!
anyway kolha wagahat nazar :D 3ade y3ne ... ana 3gbne awe el gam3 kda asln :D

أُكتب بالرصاص يقول...

بقى تيجي ابو ظبي يا راجل و ماتديناش خبر قبلها كنا عملنا معاك الواجب

الحمد لله على السلامة

وعلى كل حال انا ماكنتش هناك برضه

غير معرف يقول...

يا اخي الكريم
لو ان المسجد عليه مشاكل اسلاميه او مخالفات اعتقد ان المشايخ والعلماء بيعترضون عليه بس للاسف ولا واحد تكلم مثل الكلام اللي انت و هو تتكلمون عليه
ولا تنسى ان في مشايخ افضل منك وعندهم علم عن المسجد وعن مواصفاته

بعدين ليش كل هالكلام .؟ لان المسجد بـ 3مليار درهم وانه ثالث اكبر مسجد فالعالم بتتكلمون عليه؟
لاا تنسو يا جماعه الخير ان الشيخ زايد رحمه الله عليه ما قصر مع اي شعب عربي واسلامي
والمفروض تترحمون عليه مب تتلكمون بكلام ماله داعي بالاساس .
اللهم ارحم الشيخ زايد وارحم جميع اموات المسلمين [ اللهم امين ]
نحن شعب عربي ومسلم المفروض ما تكون بينا عداوات وكلام بينا الا فالخير

وجزاك الله خير اخي الكريم واسمحولي على هالرد .