عودة سوبرمان


هو احنا بقى مش هانخلص من غسل الدماغ و القرف ده بقى
هو هايفضلوا يتعاملوا معانا كائننا عيال صغيرة لإمتى
ايه القرف ده
يعني ايه الحكومة تطلع قرار العلاوة 5 % و يقلولنا ده اكتر حاجة يقدروا يعملوها
و الدنيا تقوم و تقعد و الناس تشتكي
و الوزارا يطلعوا يقوللنا لو يا جماعة زودناها ده هايأثر على الخدمات اللي بنقدمها للمواطنين!!!
خدمات ايه؟
على اساس اننا عايشين في دولة بتقدم خدمات للناس مقابل الضرائب و كده ولا ايه؟
المهم بقى ان فجاءة نلاقي السوبر مان يطلع يؤمر الحكومة انها ترفع العلاوة ل 10% للناس
حتى يصبح هو المنقذ الحقيقي للمواطن اللي مايعرفش اصلا يعني ايه كلمة دخل مش محدود الدخل
و الجرايد اياها تهلل لسوبرمان على انتصاره على الحكومة الظالمة للشعب
و سوبر مان يبقى هو البطل الحقيقي
و فجاءة يبقى فيه امكانية اننا نرفع العلاوة من الميزانية و ماحدش زعل
و لا فكر يقول لسوبرمان انت ترفعها على اساس ايه ياسطى
و ازاي تؤمر كده و خلاص و الناس تخبط دمغها في الحيطة
و محدش طلع يقولنا الحكومة هاتدبر الكلام ده منين و هي اول امبارح ماكنتش موافقة
و فجاءة ينفع مجلس الشعب يحولها (للمناقشة) و يتوافق عليها
و مركز المحاسبات يعدل المرتبات قبل ( المناقشة) و كله في التمام
حاجة قليلة الادب جدا و ريحيتها فايحة
هو احنا عيال صغيرة و مخاخنا هبلة للدرجة دي
اي كلام في ط** علام و خلاص
شغالين خراب في الاقتصاد و محدش فيهم بيفهم
صارفين فلوس البلد على نفسهم و مش لاقين ناكل
و الزفت يطلع يقولك عايز فلوس زيادة علشان ااكل عساكري و ضباطي و هما بيضربوا الناس في الشارع
الناس اللي بتعترض على وجوده
عايز من فلوسهم زيادة علشان يضربهم بيها
و الناس بدل ما فلوسها تتصرف عليهم
على علاجهم
على تعليمهم
على بنا بلادهم
بناخد منهم فلوس علشان يضربوا بيها
مما يرجعني لكلمتي اللي بقالى فترة ماقلتهاش
و اقول
احه فعلان

هناك 3 تعليقات:

A.SAMIR يقول...

اصلهم عملوا الفيلم دة قبل كدة وعجبهم
مفيش مانع من تكراره تاني
تحياتي

Israa El-sakka يقول...

ببساطة يا مالك أنا عمري ما شفت شعب بيدفع ضرايب عشان ياخد على قفاه غير المصريين؟!! يعني أمن الدولة دي معمولة لينا عشان تحمينا و تدافع عنا و مع كده هي اللي مبهدلة الناس و بتاكل حقوقهم ..فموضوع الزيادات دي بتفكرني بإعلان عقيم كده كان بيجي على التلفزيون الأرضي كانت بتطلع فيه موظفة بنقول و في خلال تلت سنين حتزيد مرتبتنا بنسبة 100% و هو ده اللي حيقق الرخاء لينا و لولادنا...باينملهم هبل ما هو المرتباب بتزيد لكن الأسعار بتزيد بنسبة 300% و السكن و الدواء ....يعني بلا وكسة و غطونا و صوتوا

دماغ ماك يقول...

اسراء
انا اسمي ماك مش مالك
و شكرا يا جميل على التعليق