الموت عبرة

الطفل مات..البقاء لله
ويصبر ابوه وامه
بس انا عايز افهم
ليه معمول في الدولة حداد ل 3 ايام
الطفل ده صفته ايه؟
بلاش صفته..اغلى من ولاد ناس تانية في ايه؟
ليه ماتعملهمش حداد رسمي زي ما تعمله
1300 واحد في عبارة ميتين مقتولين
هما مش لهيم اهالي زعلوا عليهم
1000 واحد في قطر
هما مش ليهم اهالي قلبهم اتحرق عليهم
كل يوم 100 واحد بيغرقوا وهم بيهاجروا
مقطوعين من شجرة
اللي بيتقتلوا كل يوم في امن الدولة
ملهمش تمن
اللي اتحرقوا في المسرح
واللي بيموتوا على الطرق البايظة
واللي بيتسموا من الاكل و الشرب و الهوا
كل دول مالهمش لازمة
كل دول اللي ماتوا في عهدك يا مبارك
حتى في الموت واخد ليك امتيازات فيه
قلبك اتحرق ولا لسه ماحستش
حسيت بقلب كام ام واب قلبهم اتقطع مليون حته على ضناهم
اللي قدام ربنا و القانون و قدام كل حاجة انت المسؤول عن موتهم
يا رييت يكون ليك في الموت عبرة