جزعلى صباعي يا عمو

في البداية عايز اشكر كل الناس اللي كلمتني او بعتتلي علشان تطمن عليا و خصوصا عرباوي اللي كان متابع معايا طول الوقت و كل الناس الي كلمتني او بعتتلي على تويتر او فيس بوك او دونوا او كتبوا عن الموضوع عندهم
هو الموضوع اللي حصل مش مفهوم و اكيد فيه ناس هاتقول مش معقول الضابط يعمل كده من غير سبب
بس اللي عارف الناس دي كويس هايفهم هو عمل كده ليه
اللي هاكتبه دلوقتي باعتبره بلاغ لأي حد مسؤول عن البني ادمين اللي عايشين في البلد و بيتشدقلنا بالحريات العظيمة اللي احنا عايشينها في ظل الحكم الرشيد لسيادة الرئيس الي حاكمنا بقاله 29 سنة غصب عنا
و عصر الامن و الامان اللي احنا عايشينه في ظل وجود السيد حبيب العادلي وزير الداخلية حامي حما حقوق الانسان في بلاد العجائب
يوم الخميس 15 اكتوبر كنت انا و اخويا هاني (طالب في كلية الهندسة) في قريتنا برما مركز طنطا محافظة الغربية بنزور والدنا لأنه عايش لوحده هناك و الساعة 12 و ربع صباح الجمعة مشينا انا وهو لحد محطة القرية علشان نستنى واحد صاحبنا .
و اثناء جلوسنا في المحطة كان فيه كمين في الشارع امامنا بيتعمل كل يوم و عادي يعني و كان فيه ناس جنبنا قاعدين عادي يعني اللي مستني حد او عربية تروحه.
المهم كان فيه اتنين من التوكتوك الضابط بعت المخبرين اللي معاه علشان يمسكهم فامسكوا واحد و التاني هرب فاوقفت مكاني اشوف اللي بيحصل و جيت قايل لأخويا ان ده في توكتوك هرب لقيته بيقولي كلم بينادي عليك , فابصيت ورايا لقيته الضابط قمت رايحله و كنت مولع سيجارة في ايدي .
اول ماوقفت قدامه حصل الاتي :
لقيته مسك التيشيرت من عند رقبتي فامسكت ايده و قلتله لو سمحت نزل ايدك قام كان رده : طلع البطاقة ياله
فاقلتله لو سمحت اتكلم بأدب و نزل ايدك فكان رده : ارمي السيجارة و طلع بطاقتك ياله
فاعليت صوتي و قلتله : اتكلم بأدب و نزل ايدك و لو سمحت انت كمان وريني بطاقتك
اول ما قلته وريني بطاقتك اتجن و كان اخويا وصل لحظتها و قاله نزل ايدك قاموا العساكر اللي في الكمين كلهم اتلموا علينا بالمخبرين الاتنين اللي كانوا معاه و كتفونا انا و هاني و هو اول ما شفنا متكتفين جه يحط ايده في جيبي علشان يشوف بطاقتي جيت سحبت نفسي و قلتلهم ماحدش هايخد مني حاجة و طبعا في لحظة كانت ايدي انا و اخويا متكلبشين مع بعض و ساعتها بداء الضرب من الضابط بالالام و البوكسات في دماغي و وشي مع قاموس الالفاظ اللي اتعلموه في الكلية و هو : يا اولاد المتناكة يا كس امكم انا هاربيكم يا خولات خدوا بطايق و تلفونات المتناكين
(الراجل ده بيحب الجنس قوي) يتخلل كل شتيمة ضرب على وشي او راسي و رمونا في البوكس بعد كده احنا طبعا ما سكتناش في البوكس و قعدنا نزعق فا جه لحد عندنا و قالنا بالحرف الواحد ( انا هاخلي اي متناك فيكم يشوف عسكري يبوس جزمته ).
فافضلنا قاعدين لحد ما لقيت واحد معدي جنب البوكس فا بعته لأبويا علشان يجي
وحاولنا كلم العساكر و نسألهم احنا رايحين فين او الظابط اسمه ايه كاموا خايفين يردوا علينا
ابويا جه و بما انه كان شيخ البلد فليه كلمة و اسمه معروف غير انه من كبار رجال القرية واتضح انه يعرف الضابط بس مش على علاقة شخصية بيه
ابويا قاله ولادي بيعملوا ايه في البوكس و مداد ماعملوش حاجة ينزلوا فالضابط قله ده ابنك - انا - جزعلى صباعي!!!
فا ابويا قاله ايه اللي حصل يعني قام الضابط قاله لما نديت عليه كان بيشرب سيجارة و مارمهاش و نفخ السيجارة في وشي!!!
مع العلم ان القانون لا يحظر تدخين السجائر امام السادة الضباط و انه من غير صحي ان تكتم الدخان في صدرك علاوة انك لن تستطيع التحدث و هناك دخان في رئتيك .
على العموم الضابط قال لأبويا انا مش هاقدر اطلعهم هنا علشان منظرنا قدام الناس بعد اللي (عاملوه) فينا و انا هاخرجهم من المركز
و فعلا او ما رحنا المركز فكوا الكلابشات و دخلنا نكلم الظابط
الضابط و المخبرين لقيناهم بيقولوا لأبونا ان احنا بهدلناهم و الظابط لما سألناه غلطنا مهعاهم في ايه علشان نعتذرله لو غلطانين فامعرفش يرد و حول كلامه لبويا و قاله : يا استاذ عبدالله يبقى احنا اللي قلالات الادب و ولادكم هم المتربين.
فاقلتله انت ليه مديت ايدك عليا قالي انت نفخت السيجارة في وشي فاقلتله انا اعرفك منين علشان انفخ السيجارة في وشك ولا اتخانق معاك و بعدين انت اللي ناديتلي فاغير الموضوع تاني و ماردش عليا ده غير ان اخويا قفله في الكلام مرتين تلاتة و كان وشه محمر و هايفرقع من اللي بيحصل و خصوصا لما سأله قدام ابويا و قاله انت شتمتني و قلتلي يابن المتناكة و يا كس امك حضرتك مش معتبر دي قله ادب و لو كنت مكاني كنت هاتضرب اللي قالك كده؟ بس احنا في كل ده ماغلطناش في حد فيكم ولا مدينا ايدينا؟ و كان الرد انه اتكتم.
و في وقتها اخدنا تلفوناتنا و محافظنا اللي بعدين لقيت فيها بطاقة حد كان متاخد في البوكس معايا و مشينا
واول ما اخدت التليفون طبعا بعت على تويتر و بدأت الناس تعرف اللي بيحصل و عرباوي كلمني
...........................
انا طبعا حصلتلي اصابات في ايدي و كتافي من كتر الضرب و دماغي حاسس انه لسه في جه و مخي في جه تانية
بس انا مش هاسكت عن حقى
انا هاعمل بلاغ للنائب العام
و هيعمل بلاغ في تفتيش الداخلية
و هافضل وراه
مع اني عارف ان تحقيقات الحكومة مابتوصلش لحاجة
بس ماينفعش اني اسكت
الضابط اسمه محمد الدهراوي
نقيب في مباحث مركز طنطا
و هو اصلا من قرية ابيار و هي قرية جنب برما في الطريق لكفر الزيات مشهورة بتجارة المخدرات
هافضل افضح فيه هو و كل كلاب الداخلية المرضى النفسيين اللي حاسبين نفسهم اعلى من خلق الله مكانة و انهم شعب الله المختار
الكلام اللي انا معلمه بالأحمر لوحده يعرفكم ان الناس دي مريضة و جبانة و عايزة تتعالج
مش يحكموا بيهم بلد
..........................
دي صور اصاباتي و كمان فيديو للكمين قبل ما الحادثة دي تحصل ب 5 دقائق كنا صورناه للكمين الضابط موجود فيه واقف لوحده قدام العربية اللي بتتفتش


video

..............................
دي التويتات بتاعتي بعد الحادث
http://twitter.com/demaghmak
  1. im safe home at cairo right now .. i'll write about every thing after i take a shower .. thx for everyone who called me or sent a msg
  2. الظابط محمد الدهراوي و معاه اتنين لابسين عادي و سته عساکر کلهم کانوا بيضربونا
  3. تم تکتيفي انا و اخويا في وسط الشارع و تم ضربنا من الظابط علی راسنا و وشنا بالبوکسات و الالام و کل ده واحنا متکلبشين مع بعض
  4. اثناء الضرب کانوا عايزين يخدوا تليفوناتنا و محافظنا ولما قلنا لآ ضربونا زيادة واخدوا الحاجة غصب عننا
  5. بعد الضرب و الکلبشة رمونا في البوکس و الظابط قالناانا هاخلي اي متناک فيکم يشوف عسکري يبوس جزمته
  6. الظابط اول ما شافني مسکني من رقبتي ولما قلتله لو سمحت نزل ادک ضربني وشتمني و العساکر اتلموا علينا انا و اخويا وضربونا
  7. Me and my brother r safe now with friends
  8. I got arrested and beaten in tanata right now
..........................................
دي لنكات للناس الي عرفت انهم كتبوا عن الموضوع

Global Voices

Egypt and Beyond

Egyptian Blog for Human Rights

المحلة - مصر

جبهة التهييس الشعبية


هناك 16 تعليقًا:

يساري مصري يقول...

الف حمدلله على السلامه يا رفاقه
بس الراجل دا عايزين نزفه زفة صموأل ابو سحله كدا
هتصل بيك الصبح عشان اقابلك عند النائب العام

Mo-ha-med يقول...

حمدلله على السلامه يا ماك و يا هاني. و ربنا يوفقك في الاجراءات..

و ننتهز الفرصة عشان نقول سلامة صباع البيه الضابط. انشالله يدوحس ويقطعوهوله!

Bella يقول...

حمد الله على السلامة
ان شالله كانت رقبتهم اتكسرت قبل مايمدوا ايديهم عليكم

helperF1 يقول...

والله العظيم انت بطل و الكدمات اللي على جسمك دي نياشين و شواهد على القهر اللي احنا عايشين فيه و بشائر بقرب انتهاء الظلم.
حمدلله على سلامة من ايدن الكلاب.

لأ واللي مجنني انه يقولك هخليك لما تشوف عسكري تبوس جزمته، ال يعني بيعمل كده من اجل كرامت عسكري الشرطة المصري.

أحمد عبد الفتاح يقول...

الف حمد لله علي السلامة يا زعيم
انا لسه عارف دلوقت قلت اعدي اطمن
مش صح نسكت لازم نفضل وراهم لغاية لما يفهموا هما ايه بالضبط

ألِف يقول...

اجمد

dalallaila يقول...

أتمنى انك تكون انت وأخوك أحسن دلوقت. انت صح كده.. ما تسكتش وافضل وراهم وأتمنالك التوفيق من أعماق قلبي.

دلال

Wild at Heart يقول...

ألف سلامة...بلغ وإعمل اللي عليك.

مهندس مصري يقول...

ألف حمداً لله على سلامتك انت و اخوك

marwa atef يقول...

حسبى الله ونعم الوكيل فيهم

marwa atef يقول...

حسبى الله ونعم الوكيل

Miral يقول...

DUDE! I just only heard about this now! Hope you came out ok! You shouldn't let it pass, you must report it. I'm so sorry you had to go through this, it really sucks, but you must report it and don't give up. The police officer is a jackass and must be punished. 

موقع نادى الزمالك تيم يقول...

اممم
اهلا بصديقى العزيز
اولا احب ان اشيد ياعجابى الشديد بمدونتك
ثانيا
اتمنى ان توافقع على طلبى لتبادل روابط بين مدونتى ومدنتك

موقع نادى الزمالك تيم
موقع نادى الزمالك تيم

موقع نادى الزمالك لكره القدم واهداف الزمالك واخبار الزمالك وصور لاعبين الزمالك واخر مباريات الزمالك ومواعيد المباريات والمباريات القادمه لنادى الزمالك
انتظر منك تعليق فى مدونتى فى حاله موافقتك
شكرا لك يا صديقى

free-pedia يقول...

wonderful blog and good work

bookmark us at

free download centre

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول

رضا رمضان يقول...

شركة تنظيف فلل بالرياض
شركة تنظيف بالرياض
شركة تنظيف مجالس بالرياض
شركة عزل اسطح بالرياض
شركة عزل خزانات بالرياض
شركة تنظيف موكيت بالرياض
شركة تنظيف مجاري بالرياض
شركة رش مبيدات بالرياض
شركة مكافحة حشرات بالرياض
شركة نقل اثاث بالرياض
شركة نقل عفش بالرياض
شركة كشف تسربات بالرياض
شركة تسليك مجاري بالرياض
شركة شفط بيارات بالرياض
شركة غسيل مجالس بالرياض
شركة تنظيف سجاد بالرياض
شركة تنظيف كنب بالرياض
شركة غسيل سجاد بالرياض
شركة غسيل الموكيت بالرياض
شركة تنظيف منازل بالرياض
شركة تنظيف خزانات بالرياض