اللي مالهومشي فيها .. يبطلوا يبضنوا علينا

من قبل ما الماتش بتاع يوم 14 في القاهرة و انا كنت عايز اكتب حاجة ارد بيها على اللي على رأي عم بدير السواق (طلعوا دين ابويا) كلام فارغ عن الماتش في استمرار للعادة الرئيسية لعدد كبير من المصريين اللي عبر عنها اعلان كوكاكولا لما قال : اللي مالهومش فيها بيشجعوا مصر واحنا معاهم .
و فجاءة قام اللي مالهومش فيها واللي اصلا لا عمرهم لعبوا كورا و لا ليهم فريق بيشجعوه و عمرهم ما اهتموا بيها بهجمة كبيرة جدا على الناس المهتميين بالماتش بعيدا عن الطبقة اللي هما منها اذا كان اغنياء او فقراء . و بنوا هجمتهم على اسباب غبية جدا و بصراحة ناس كتير زايدت على الموضوع ماكنتش اتوقع ان دماغهم هايتخليهم يفكروا بالبلاهة دي و انهم يخلطوا اوراق كل حاجة ببعض .
بدأت المزايدات على الناس العادية بكلام زي : هو ال 80 الف اللي بيروحوا الاستاد دول مش احسنلهم ينزلوا يغيروا نظام الحكم , او مش ال 80 الف دول كانوا راحوا حرروا الاقصى,او دافعوا عن اخوانهم في العراق,او انتشلوا العالم الثالث من القمع و الانحدار و كلام ابن قحبة كتير كده مالوش لازمة.
مافيش حد فيهم فكر ان الكورة دي و مرواح الاستاد هواية زي اي هواية تانية,زي مثلا اللي بيحبوا المزيكا و مابيفوتوش حفلة لمنير او عمرو و مابيروحوهاش, او الاخوة اللي دايرين يحضروا كل افلام السينما مهما كانت زبالة بس علشان هما بيحبوا السينما.
ليه مافيش حد طلع قال الملايين دول مابيحرروش الاقصى ليه؟ او بيغيروا نظام الحكم ليه؟؟ حد عارف ان تقريبا عدد الناس اللي بتحضر الماتشات في كل استادادات مصر لا يتجاوز ال 500 الف مشجع طول السنة متوزعة على كل ستادات مصر و ستاد القاهرة لوحده بيشيل نص الموضوع ده في اربع ماتشات مهمة عادة بتكون بين الاهلي و الزمالك و الاسماعيلي و غير كده مافيش مدرجات استاد بتتملي تاني
ايه هي مقارنة ال 500 الف دول بالملايين اللي بيروحوا الحفلات و السينمات؟ ايه خلظ الورق ده و محاولة تعييب في وطنية ناس علشان هم عندهم هواية بتجمعهم؟ ماحدش في اللي زايدوا على الناس دول فكر في التفسير البسيط ده خالص؟ كلهم قعدوا على التويتر بتاعهم و كوباية الشاي و شككوا في وطنية كل الناس علشان بيحبوا الكورة؟ و اصلا ليه خليتوا الموضوع وطنية و مش وطنية ماهو نفس الناس دي بتملى الاستاد علشان الاهلى و الزمالك و ساعتها مابيقولوش بصوت عالي مصر مصر مصر مع ان فريقهم اللي بيلعب فعلا بيمثل اسم مصر . بس ده مش معناه انهم وطنييين او لأ .. الموضوع كورة و بس؟ ده عبث و فضى و غباء من اللي عايشينلنا في دور المثقفيين اللي امل مستقبل مصر عليهم و انا بقلهم ( أحه) .
خلص الماتش الاولاني و الناس دول فجاءة بقوا فرحانين للإنجاز الوطني العظيم اللي كان تهريج من 24 ساعة بس و فجاءة تلاقي كلام زي ( انا فعلا بدأت احس الناس دي فرحانة لمصر قد ايه؟) دلوقتي بس ؟ مانتوا كنتوا فاشخينهم قبليها بيومين؟
و بعد الماتش التاني طلعوا برضه بيزايدوا على الناس اللي راحت و على الاخبار و كل واحد يحدف خبر حسب وجهة نظره و شماتة غير عادية في الناس و تهريج و تريقة و قلة ادب اللي بعيدا عن اي حاجة المفروض يكون فيه اعتبار للناس اللي فعلا كان الماتش ده بيمثلها اي حاجة بعيدا عن اذا كان ده احساس صح او غلط . بس احترام مشاعر الاخريين حاجة كانوا بيدعولها طول الوقت و فجاءة نسيوها.
نيجي لحاجة تانية بعيدا عن الناس دي و هي الناس المتحكمين في شئون كرة القدم في مصر اللي طلع زي الناس اللي كاتب عنهم من شوية (مالهومش فيها) و اللي كان التعريص و المجاملة بداية من موضوع تذاكر المباراة الاولى لحد سفر المشجعين المصريين للسودان حاجة مقرفة جدا.
و انا باتفرج على الماتش لما كانت الكاميرا بتيجي على الجمهور الجزائري كنت بلاقي حبة عيال مجانين و يزعقوا في وش الكاميرا و واخدين الموضوع جد. ثم تنتقل الصورة الى المدرجات المصرية لتجدوا الأتي:
1- بعض من الموظفين في منتصف العمر بقمصان و بناطيل و جزمة جلد يشوب نصف رؤوسهم الصلع يرفعون علما صغيرا لمصر و لا يبتسمون حتى.
2-الفنانة البضينة فردوس عبدالحميد
3- الفنانة اللي لما سألوها ازاي صحيتي بدري علشان تسافري كان ردها انا اعمل اي حاجة علشان مصر , غادة عبد الرازق.
4- الفنانة البارعة في دور الشرموطة حيث لم ارها في اي دور اخر ,غادة ابراهيم.
5- الفنان اللي غنى لمصر ارمي حمولك عليا و بعديها زور شهادته علشان مايدخلش الجيش و لسه عليه 2 جنيه ليا دفعتهملوا في الميكروباص من 7 سنين واحنا راجعين من اكتوبر للهرم و مرجعهومشي , هيثم شاكر.
و لفيف من الاولاد و البنات بتوع بكره هايتغير بينا في المدرجات و المصيبة ان في ناس منهم ممكن دي تكون اول مرة يروحوا ستاد بس التعريص المنتشر ادالهم الفرصة دي انهم يروحوا ماتش مصيري بالنسبة للناس اللي بتحب الكورة.
اما الناس اللي زي ما بنقول احنا (بايتين في الاستادات) كانوا بيتفرجوا على الماتش في التلفزيون زيهم زي اي حد مالوش فيها و طلعتلهم حجج زي تصريح السفر, و الجيش-مين اللي هايهرب من مصر يروح السودان؟-,و الكلية او يكون ماعندوش حد يعرصلوا علشان يسافر
فكانت النتيجة ان المنتخب الجزائري لعب المباراة كأنها على ارضه وسط تشجيع جنوني من جماهيره يقابله جمهور اغلبهم طرح اسئلة على الذي يجلس بجانبه من نوع : هو مين اللي بيجري بصفارة ده مع اللعيبة بس مش بيلعب معاهم؟
انتهينا من الماتش و الناس بتوعنا طلع دين ابوهم ضرب هناك بسبب التعريص و عدم الاهتمام بأمن المواطن المصري في اي حتة في العالم و اصلا في مصر مش متأمن و حصل كل اللي حصل و نجيب السفير بتاعنا و مظاهرات عند السفارة بتاعتهم و هما يكسرولنا كل حاجتنا عندهم و الدنيا مقلوبة و فجاءة مباراة الكورة اللي كانوا مستصغرينها هاتكون سبب في قطع العلاقات بين دولتين من اكبر الدول العربية.
اللي خلا الامور تصل للحد ده عندي اتنين:
1- الناس اللي مالهومشي فيها في البلدين اللي ولعوا في الموضوع بدون سبب و خلوه متنطور بين كرامة الدولة و عدم وطنية الناس و تحرير القدس و اعادة الحكومة الشرعية للصوماليين و كلام كتير فتي مالوش دعوة بالكورة.
2- و قادة الدولتين اللي باين ان فيه مشاكل بينهم و كانوا مغطيين على الموضوع و لقوا الماتش ده فرصة نخلص منه و خصوصا ان علاء مبارك اللي ماتكلمشي يوم ما ابنه مات طلع اتكلم دلوقتي و غلط في الجزائر واحد واحد من اول الريس لحد اصغر واحد عندهم و ماكنشي يقدر يعمل كده من غير ضوء اخضر من الرئاسة في رسالة بطريق غير مباشر عن طريق علاء ( اللي مالوش دعوة بالسياسة كده و كده يعني) ان الدنيا خربانة خربانة.
فا قادة مصر كما هو الحال بقادة الجزائر الدنيا عندهم خربانة كل واحد في بلده و نفسه يشغل الناس بأي مصلحة فا بضوء اخضر منهم فتحوا الطريق للأعلام في البلدين انهم يفشخوا البلد التانية بدون حدود و هو ما حصل بالفعل في امل الحصول على انتصار ينسي الناس همومهم و انشغالهم بالقرف اللي هما فيه شوية.
و في النهاية اللي طلع دين امه ضرب و اهانة و سحل و ضياع حلم ان يشوف فريقه في كاس العالم هو المواطن اللي مش هاقول فقير او غني , انا بتكلم عن الانسان العادي اللي بيحب الكورة و مايعرفش اصلا من وزير خارجية مصر ولا ايه جامعة الدول العربية دي بس يعرف انها في المهندسين.
هو ده اللي اتأذى في الاخر علشان اللي بيرغوا كتير من غير فهم هم اللي متحكمين في البلد زي اي حاجة تانية ماشية في مصر.
الانسان اللي بيحب الكورة زي ما بيحب المزيكا و السينما
الانسان اللي مابيبقاش فاضي يتصور في الاستاد بالعلم علشان هو بيشجع بكل قلبه لفرقته و بس
فجاءة الناس دي اللي هم صحاب الليلة اصلا هي اللي اداس عليه و اتباعوا
في سبيل فتي و جهل الناس اللي مالهومشي فيها
و علشان تعرف بعد ما قريت البوست ده انت ليك فيها ولا لأ
اجب عن السؤال التالي بينك و بين نفسك و ماتكتبش الاجابة في الكومينتس
أذكر الخمس لاعبين الذين شغلوا مركز المساك في مباراة مصر الاخيرة امام الجزائر؟
زمانك اكيد بتفكر في الاسماء الخمسة دلوقتي
احه..اسأل حد بيفهم في الكورة غيرك انت بقولك احه ليه؟

فا أرجوا ان الناس اللي مابتفهمشي في الكورة و مايعرفوش حاجة عنها يسيبوها لحالها و يسيبوا الناس اللي بتحب الكورة في حالها و مايخلطوش حبهم للكورة بالوطنية و من الاخر يبطلوا مزايدة على الناس كلها في وطنيتهم.
اصل المفروض ان فيه حاجات المفروض ماحدش يزايد على حد فيهم.
بس زي ماحنا بنقول في مصر
المفروض عند المكوجي

هناك 8 تعليقات:

صوت الحق يقول...

ايوة كدة يا مااااااااااك
ولاد الوسخة اللي مالهومش فيها ضيعوا حلمنا و بيرقصوا علي جراحنا دلوقتي
اول منظر اشوفه في لاستاد نبيل لوقا بباوي و حواليه شوية مزز
مال نبيل لوقا بباوي بالكورة
Thumbs up ya man

helperF1 يقول...

ايه هي مقارنة ال 500 الف دول بالملايين اللي بيروحوا الحفلات و السينمات?
ممكن ارد على السؤال ده؟ فيه اوجه اختلاف كبيرة بس انا هتكلم عن واحد بس

من النادر جدا انك تسمع شتيمة بذيئة من مشجعي الجري او هواة الشعر مثلا
لكن من الطبيعي جدا انك طول ماتش الكورة تسمع سب و شتيمة بالصوت العالي و بافظع الالفاظ .

دماغ ماك يقول...

helperF1
انت يا عم بتتكلم في موضوع تاني ولا ايه
طب مانا ممكن اقولك ان فيه جنس في الافلام و الكورة مافهاش
واقرا شعر وانت هاتلاقي شتايم الدنيا فيه

helperF1 يقول...

ايوه اكيد لو دورت هتلاقي في شعر بذيء بس السؤال هل نقدر نقول ان الشتيمة من سمات الشعر؟ او انك لايكمن تحضر القاء ديوان بدون متسمع شتيمه من اوله لاخره؟ ما علينا
انا ما عنديش اي مشكلة مع الكورة و المحترمين اللي اعرفهم من عشاق الكورة اكثر بكثير من غير المحترمين الكرويين
بس انا ارفض تبسيط الوطنية و الانتماء في انه انت شجعت فريق الكره المصري ولا لأ
انت اكيد متفق معي ان مصر بلد كبيرة جدا و من الظلم اختصرها في كرة القدم
افرض جدلا ان انا شايف ان فريق الجزائر بيلعب احسن اقولك بلاش الجزائر علشان تفكيرنا هيكون مشوش
افرض يا سيدي ان مصر وصلت كاس العالم و بتلعب امام اسبانيا و انا شايف ان الفريق الاسباني بيلعب بحرفية اعلى ولذلك بشجع فريق اسبانيا هل ده ينتقص من وطنيتي شئ؟

Alkomi يقول...

بص يا عم

الموضوع و ما فيه ان الكحكة في ايد اليتيم عجبة

و اليتيم هنا هما الغلابة اللي زي مانت بتقول بايتين عالمدرج و بيطلع دين ابوهم في الاستاد و بيطلعوا دين ابو لاعيبتهم لو اتعولقوا و لاعيبتهم بتعمل لهم حساب
و بتسترجل في الملعب عشان عارفين ان في وحوش هينيكوهم لو مالعبوش برجولة

الكحكة بقا هي الكورة يا محترم

خلاص بعد ما البلد جابت اخرهها و مش عارفة تعمل ايه ولا ايه قررت فرض الوصاية عالكورة و على مشجعين الكورة

عشان تبقى الدولة الشيك الامورة اللطيفة اللي بتودي مشجعين كوووووول اخر حاجة

احلى حاجة انك ذكرت التعريص الداخلي في مصر في حكاية المشجعين

بس التعريص ده مش من هنا و بس التعريص ده من اول اتحاد الكورة ابن الشرموطة اللي مقضيها عزومات و قعدات عرب لدرجة ان مدحت شلبي المتحدث الرسيم متصور ان الفيفا هيفصل لايحة بناء على توجهات الراي العام شوفت شرمطة اكتر من كدة و هو برضه شلبي ده اللي طلع مع شوبير في الكورة مع دريم سنة 2006 شوبير بيقوله المشجع الغلبان مش موجود و كدة يعني و بقا في نوعيات تانية من المشجعين اللي هما الفتيات المزز بتوع الايه يو سي تخيل مدحت شلبي يقوله ايه؟
يقوله بقينا بنشم ريحة البارفانات الفرنسية العالمية بدل الخمس خمسات و ريحة الصنايعية و مدرجاتنا نضفت


الدولة زي ما انا قلت في الاول انها جابت اخرها خلاص ماعادش في اي ابداع في اي انشطة اجتمتاعية تشغل الناس و تلاقي اهتمامتهم مسلسلات بت متناكة بضينة نيك ماحدش بيبص لها افلام بت شرموطة مالهاش لازمة شوية عيال خولات و بنات منايك طالعين يغنوا خلاص ماعادش في اي نشاط ترفيهي اجتماعي حي و متجدد الا الكورة و من هنا السادة المنايك قرروا السطو على كحكة اليتيم اللي هي المدرج و ايشي هننضف المدرجات و ايشي هنعمل و نسوي و هوب التذكرة في ماتش كحيان في الدوري اللي كانت من بس سنتين ب 2 جنيه او 3 جنيه في الاقاليم و 5 جنيه في القاهرة و 10 جنيه بس في الماتتشات الكبيرة بقت ب 20 و 40 جنيه و 30 جنيه

و السنتر بقا درجة تانية و عايز تقعد تشجع بالرخيص يبقا ورا الجون يا كسمك و انتع في صوت دين امك من هنا لحد بكرة ان حد سمعك

و بقا اللاعيب من دول وز هو طالع في الاستراحة بدال ما يلاقي واحد غلبان بيحب الكورة فعلا بيوله العب عدل يابن و يابن و يابن بقا يلاقي المزة اللي بتشاورله و الي تبعت له بوسة و شوية شوية هتبقى ملاعب الكورة زي حفلات كاظم الساهر ممكن نلاقي دباديب بتتحدف على اللاعيبة وورود

و ادي اخرة المشجعين السيس النايتي

بغض النظر بقا عن التعريص في طلوع المشجعين البضان و الفنانين المنايك اللي مش لاقيين شغل ولا عارفين يشتغلوا

فعلا فعلا فعلا فعلا فعلا

لو المشجع الحقيقي طلع الماتش ده في السودان

سيان بقا خسرنا ولا كسبنا

ما كانش اللي حصل بعد الماتش ده حصل

و لو الافتراض ده موجود ماكانش المدرج سكت فعلا طول الماتش

و هي فعلا تحس انها حاجة قدرية و علامة فعلا من علامات القدر

اللي اتشحططوا وراكوا في كل ملعب و في كل حتة و فرحولكوا فعلا من قلبهم و فعلا فعلا بيفرحوا بالكورة عشان هي فرحتهم الرخيصة البسيطة المتجددة سيبتوهم يا شراميط يا ولاد تالوسخة عشان شوية عيال نايتي يطلعوا هما في الكادر و يتدارى البسطاء و الصنايعية و المزارعين الفقراء من الكادر عشان الصورة تبقا حلوة

فكروني ببرامج الاطفال زمان في التليفزيون لما كانوا بيجيبوا عيال مافيهاش غلطة قال يعني مصر حلوة و مافيهاش عيال جربانة

=============================

بعد كل ده
اشطة عليك يا معلم

دماغ ماك يقول...

helperF1
ماهو ده يابن الحلال اللي بنقوله ان الكورة مالهاش دعوة بالوطنية

Borsa يقول...

جزاك الله كل الخير يا غالي علي المدونه الرائعه

و دي قائمه باهم مباريات اليوم يا جماعه و شكله يوم كروي عالمي

مشاهدة مباراة الاهلى والاسماعيلى
مشاهدة مباراة الزمالك والمصرى
مشاهدة مباراة برشلونة واسبانيول
مشاهدة مباراة ريال مدريد وفالنسيا
مشاهدة مباراة مانشستر يونايتد واستون فيلا
مشاهدة مباراة تشيلسي وايفرتون
مشاهدة مباراة الاهلى والاسماعيلى بث مباشر

Borsa يقول...

الف شكر علي هذه المدونه الراااااااااااائعه

مشاهدة مباراة انجولا ومالي
مشاهدة مباراة الجزائر ومالاوي
مشاهدة مباراة مصر ونيجيريا
مشاهدة مباراة تونس وزامبيا
مشاهدة مباراة كوت ديفوار وغانا
مشاهدة مباراة الجزائر ومالي
مشاهدة مباراة مصر وموزمبيق
مشاهدة مباراة تونس والجابون
مشاهدة مباراة الجزائر وانجولا
مشاهدة مباراة مصر وبنين
مشاهدة مباراة تونس والكاميرون