كئيب
انا كئيب
مخنوق و قرفان
كنت دايما اسمع عن الاكتئاب و مصدقش انه موجود
مع ان ظروف حياتي كانت في اغلب الاوقات زي الزفت
بس عمري ما قلت او اعترفت اني مكتئب
كلمة مخنوق كانت اكتر حاجة قلتها على حالتي
بس بقولها لأني بزهق من اي وضع بسرعة
بس كلمة مكتئب دي اول مرة احس بيها
اول مرة احس بضعف قدامها و اني مش لاقي فايدة لأي حاجة في حياتي
من وضع كل حاجة في البلد اللي صحيح ماتغيرش
بس معرفشي ليه موضوع الناس العطشانة واللي مش لاقية تشرب دي احبطني اكتر
وكمان الكام حادثة تعذيب اللي ظهرت اليومين اللي فاتوا قفلتني اكتر
و حال الشارع المصري اللي بيسؤ كل يوم عن اللي قبليه بيقتلني اكتر
ده غير المشاكل الشخصية اللي بتكبر يوم عن يوم
الصورة كل يوم بتغمق اكتر
و بتسود اكتر
و مع كل مرة الصورة بتغمق فيها قلبي بينقبض اكتر
وكرهي لكل حاجة بتزيد اكتر
و انا مش كده اصلا
انا شخص طول عمري بحب الحياة قوي. و الهزار قوي
انا بحب الناس جدا و الحيوانات قوي
بحب كل حاجة قوي
بس دلوقتي حبي ده قل قوي
و المشكلة ان بعد كل حياتي دي اللي انا من وجهة نظري بعتبرها طويلة
مش لاقي حد اقعد معاه و احكيله و اكلمه مع اني مش عارف انا عايز اقول ايه
الشخص الوحيد اللي ممكن احكيله كل حاجة مش موجود في مصر و مسافر
هل ده فشل مني ان بعد سنين عمري دي ماعنديش اي حد اكلمه
مع ان الكل بيكلمني و بيحكيلي و الحمدلله انا موضع ثقة عند اصحابي
بس هل ده كان حرص زيادة مني طول عمري ان ماخليش حد يعرف عني كل حاجة مع اني عارف عن الكل كل حاجة
هل حرصي ده خلاني دايما في موضع وحدة و ماليش حد
كلامي ده وصلني ان الوحدة سبب اكتأبي
و اني غلطت لما مادتشي فرصة لحد طول حياتي انه يعرفني
وانه يكون موضع ثقة عندي
و انا عارف اني بعد كل ده
برضه مش هادي الفرصة دي لحد تاني
.jpg)
هناك ٧ تعليقات:
Dear Mak,
Nafs El sho3oor we fe nafs el taw2eet, ana '7alas naweet 3ala ay hegra aw ay safarya, ana '7alas zehe2t men 2om el balad we elly feha.
Mustafa
i just want to feel safe in my own skin
i just want to be happy again
i just want to feel deep in my own world
but im so onlely i dont even want to be with myself anymore
on a different day
if i was safe in my own skin
then i wouldn't feel lost and so frightened
but this is today and im lost in my own skin
and im so lonely i dont even want to be with myself anymore
i just want to feel safe in my own skin
i just want to be happy again
:)
انا كنت احيانا بحس بكدا (احساس اني كئيبة شوية :D )
بس فعلا الدنيا دلوقتي المفرود نحاول نبعد شوية عن الاخبار اللي بترفع الضغط
هنعد نقرا اخبار وحوادث وناس مش لاقيه المية تشربها وناس تانيه بتقتل بعضها وناس بتغش بعض وناس بتسرق بعض دا غير الدول التانيه واللي بيحصل قفيها والناس اللي بتموت ووووو
مش هنخلص
الحاجة الوحيده اللي هناخدها اننا ضغطنا بيرتفع وبنتنرفز من اقل حاجة وحتي لو مشكله بسيطة قابلتنا مش هنقدر نحلها لان ببساطة ..احنا مخنوقين مش عارفين نعمل حاجة ولا نفكر ..شايفين الحياة سودااا ومفيش حاجة كويسه
ثواني
في نص تاني في الكباية مليان :)
لو بصينا كويس هنلاقي النص دا ممكن ميبقاش نص دا ممكن تكون الكوباية كلها مليانة
الحياة مش وحشة اوي ..وبصراحة بدام احنا مش بأدينا حاجة نعملها المفرود نقلل قرايه الاخبار اللي بتتعب دي
اصل كلنا عارفين ان في مشاكل وبلاوي
مش بقول منقراش خالص ..بس نحاول نقلل شوية عشان احنا كمان بنتعب
وبعدين في حاجة ايه المشكله اننا ممكن يكون اللي احنا فيه دا من كتر ذنوبنا :(
" كما تكونون يولى عليكم ومن أعمالكم سلط عليكم " .
يعني لما الواحد يكون نفسه في حاجة اوي
ويدعي ربنا كتير وربنا يستجيب له
بيحس انه قريب من ربنا وربنا بيحبه
لكن لو العكس...
يعني فعلا الناس بعدت عن ربنا كتير اوي
وحالات انتحار كتير واخرها الراجل وبناته الاتنين دول
كان فين ايمانهم بربنا ؟
بجد يعني الواحد المفرود يحاول يبعد شوية عن الاخبار لان حتي الحياة لوحدها بتتعب
وان كنت فعلا مقتنعه جدا ان لو كنا احنا كويسين ربنا هييسر امورنا :)
وحتي لو في مشكله احنا هنحسها بسيطة
وهينة :)
قال الله تعالى:(وَمَن يَتَّقِ اللَّهَ يَجْعَل لَّهُ مَخْرَجاً{2} وَيَرْزُقْهُ مِنْ حَيْثُ لَا يَحْتَسِبُ)سورة الطلاق
بسس:)
معلش بجد ان الرد طويل
eeeeeeeeeeeeeeeeeeeeeeh ya 3am maaaaaaaak enta :X
hya bas takolbat fel gaw we isa isa kolo 7yb2a tmaam tane we targ3 zay el 2wal we a7san.
we rbna ya7'lelak ele masfer =D
bzw check this blog
http://ronnunism.blogspot.com/
3chan el 3angalzee :D
we kman it will keep u so busy
u'll love it
ciao
dear mak
walahy ka2en anna elly kateb elkalam dah ma3 en anna mehager bara masr men 7 seneen kont faker eny hab2a sa3eed lama ab3ed 3an el balad bas walahy bashouf el7agat dih we betes3ab 3alaya nafsy walahy 7aram elly beye7sal fy masr dah anna kaman mokta2eb gedan ma3 eny fy amrica we lam anzel masr men 7 seneen we alhamdollelah zoroufy et7asenet ketir gedan we anna 3ayesh 3eisha 3omry ma kont a7lam biha bas elfelous mesh kol 7aga anna sa3ban 3alaya masr we nefsy a3mel 7aga 3ashan aghayarha walahy begad mosh hezar bas ezzayyy???
welad elkalb mesh mekhaleyeen 7ad ne2dar netakhezoh kodwa aw nemshy warah rabena yer7amna
اذا أصابك هم يهز الجبال فتذكر ارحنا بها يا بلال
إرسال تعليق