ايهاب لازم ياخد حقه من كلاب الداخلية

فاكرين الشخص ده


طب يبقى لازم تفتكره من الفيديو ده



ده ايهاب مجدي فاروق من امبابة
ايهاب يا جماعة شاب كان عنده 18 سنة لما اتصورلوا الفيديو ده
الفيديو ده امين الشرطة خد فيه سنة و الظابط طلع منها
في شهر 12 اللي فات بتحريض من الامين احمد الورداني لمأمور القسم وائل الجابري
تم تلفيق قضية لإيهاب قال ايه مسكوه ب 18 تذكرة هرويين
و بعد ما اتقطع في القسم حولوه للنيابة اللي ادتله 4 ايام و بعديها حوله للقسم اللي اتخلص منه و حوله لسجن القطا
ايهاب فضل مسجون هناك 3 اشهر ضاعوا من عمره علشان البهوات ينتقموا من اللي حبس زميلهم
و في القضية خد براءه و خرج في شهر 2 اللي فات
ده بعد ما اهله اشتكوا لوزير الداخلية و النائب العام اللي ماعملوش حاجة
مش يسيبوه بقى.. لأ ... ازاي
جاتلهم خبرية ان ابوه باع اللي وراه واللي قدامه و ادى الفلوس لإيهاب علشان يعمل بها اي شغل
ايهاب طبعا كان عامل شنط حريمي و ساب الشغل لما اتقبض عليه
قوم ايه ولاد ستين كلب في يوم 13 مايو اللي فات ده يلفقولوا قضية تاني
و راحوا بيته لقوا 9 الاف جنيه اللي ابوه كان ادهاله
قاموا ضربوا على 4 الاف جنيه و حرزولوه 5 الاف الباقين في قضية اتجار حشيش
و حولوه للنيابة اللي ادتلوا 4 ايام و بعديها قاضي المعارضات طلعوا بكفالة 500 جنيه لأنها قضية متلفقة
كل ده و ماشيييييييييييي
يجي القرار بإفراج عنه من سرايا القسم
يروح القسم الساعة 12 الضهر
مايخرجش منه الا الساعة 9 بليل
اهله لقوه خارج مش بيتكلم
ولا عارف يتنفس
و جسمه متقطع
وده مستشفى العجوزة رفضوا استقباله
القصر العيني قبله
التشخيص
كسر بالفك الاسفل
اشتباه ارتجاج بالمخ
كدمات بسائر الجسد
القفص الصدري عنده مدمر تماما
لدرجة انه اجلوا عمل العملية لنه لو خد بنج ممكن يموت
بعديها يوم التلات اللي فات اتعملتلوا العملية
و ركب شرائح و مسامير في الفك
و طبعا عمل تقارير طبية بكده
و قال انهم ضربوه على وشه بضهر الطبنجة
علشان كده فكه اتكسر
غير الشوم اللي اضرب بيها على كل حته في جسمه
عايزين بقى نجيب حق الولد ده
و الكلاب بتاعت الداخلية دي تتحبس
و يطلع مايتين اهلها
و تترفد من الخدمة
لأن العالم دي اتجنت خلاص
و مبقاش هممها اي حد
و بيخافوا مايختشوش
لازم كل الناس تفضحهم
و هما نفسهم قاولوا ادي اخرت الكلام على النت و في الجرايد
انا عايزهم يعرفوا اخرت الكلام على النت و الجرايد
ان الناس يرجعلها حقها
و الفاسدين في الشرطة
قصدي شرطة الفساد دي
لازم تتربى
و الناس تتردلها كرامتها
و تعرف مين اللي مبوظ البلد
واعتبروا ده بلاغ رسمي مني
و كل الورق موجود
****************
شكرا للصحفي كمال مراد

هناك 9 تعليقات:

عبقرينو يقول...

لازم ياخد حقه طبعا ومعاكم فى اى حاجة تتطلبوها

مدونة رامز عباس --دعوة للتضامن مع كريم البحيري يقول...

تضامنوا مع كريم البحيري لقد تم فصله من عمله لمجرد وقوفه مع زملائة

كريم يعيش بالقاهرة متحاملا نفقات كتيرة وتم فصله اضافة لمعاناته


كان يمكن ان يعيش بجوار الحيط ويكبر دماغه لكنه اصر ان طريق انتزاع الحقوق يحتاج لشجاعه


تضامنوا مع كريم

Cognition Sense يقول...

هي وصت لكدا؟؟ مافيش في الدنيا كلها كدا!!

مافيا في قلب الشرطة؟ طب لو الشرطة كدا، أومال برة الشرطة الناس عامله ازاي؟ ولا هما بيتعلموا إنهم يبقوا كدا عشان يذلوا الناس ولا إيه بالظبط

أنا ماعدتش فاهمة حاجة...

bedo يقول...

شكراااااااااااااااااااا وأرجو زيارة مدونتي
http://all2earning.blogspot.com

Sonnet يقول...

What a corrupted country
realy I am upset from what is going every now and then
or even daily

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039

samehrocks يقول...

tayeb howa saket 3ala kol da laih? ma yeshtery mosadas w ye2tel kol wlad el metnaka dol w yestraya7... saber 3ala el zolm wel kofr wel ehana de laih? talama el qanoon mosh bygeeb 7a2 7ad yeb2a el nas ta7'od 7a2aha bdra3ha

مدونة يلا نفضحهم يقول...

بمناسبة اليوم العالمي لمناهضة التعذيب يعلن مركز ضحايا لحقوق الانسان عن فتح باب الترشيح لأختيار أفضل مدونة تناولت مواضيع وأخبار خاصة بحقوق الإنسان لتكريمها خلال الاحتفالية التي يقيمها المركزبمناسبة اليوم العالمي لمناهضة التعذيب وذلك يوم الخميس 25/ 6 / 2009
لترشيح المدونات برجاء ارسال بيانات المدونة وصاحبها على ايميل
efdah@yahoo.com

Tadwina يقول...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/355

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com