ايهاب لازم ياخد حقه من كلاب الداخلية

فاكرين الشخص ده


طب يبقى لازم تفتكره من الفيديو ده



ده ايهاب مجدي فاروق من امبابة
ايهاب يا جماعة شاب كان عنده 18 سنة لما اتصورلوا الفيديو ده
الفيديو ده امين الشرطة خد فيه سنة و الظابط طلع منها
في شهر 12 اللي فات بتحريض من الامين احمد الورداني لمأمور القسم وائل الجابري
تم تلفيق قضية لإيهاب قال ايه مسكوه ب 18 تذكرة هرويين
و بعد ما اتقطع في القسم حولوه للنيابة اللي ادتله 4 ايام و بعديها حوله للقسم اللي اتخلص منه و حوله لسجن القطا
ايهاب فضل مسجون هناك 3 اشهر ضاعوا من عمره علشان البهوات ينتقموا من اللي حبس زميلهم
و في القضية خد براءه و خرج في شهر 2 اللي فات
ده بعد ما اهله اشتكوا لوزير الداخلية و النائب العام اللي ماعملوش حاجة
مش يسيبوه بقى.. لأ ... ازاي
جاتلهم خبرية ان ابوه باع اللي وراه واللي قدامه و ادى الفلوس لإيهاب علشان يعمل بها اي شغل
ايهاب طبعا كان عامل شنط حريمي و ساب الشغل لما اتقبض عليه
قوم ايه ولاد ستين كلب في يوم 13 مايو اللي فات ده يلفقولوا قضية تاني
و راحوا بيته لقوا 9 الاف جنيه اللي ابوه كان ادهاله
قاموا ضربوا على 4 الاف جنيه و حرزولوه 5 الاف الباقين في قضية اتجار حشيش
و حولوه للنيابة اللي ادتلوا 4 ايام و بعديها قاضي المعارضات طلعوا بكفالة 500 جنيه لأنها قضية متلفقة
كل ده و ماشيييييييييييي
يجي القرار بإفراج عنه من سرايا القسم
يروح القسم الساعة 12 الضهر
مايخرجش منه الا الساعة 9 بليل
اهله لقوه خارج مش بيتكلم
ولا عارف يتنفس
و جسمه متقطع
وده مستشفى العجوزة رفضوا استقباله
القصر العيني قبله
التشخيص
كسر بالفك الاسفل
اشتباه ارتجاج بالمخ
كدمات بسائر الجسد
القفص الصدري عنده مدمر تماما
لدرجة انه اجلوا عمل العملية لنه لو خد بنج ممكن يموت
بعديها يوم التلات اللي فات اتعملتلوا العملية
و ركب شرائح و مسامير في الفك
و طبعا عمل تقارير طبية بكده
و قال انهم ضربوه على وشه بضهر الطبنجة
علشان كده فكه اتكسر
غير الشوم اللي اضرب بيها على كل حته في جسمه
عايزين بقى نجيب حق الولد ده
و الكلاب بتاعت الداخلية دي تتحبس
و يطلع مايتين اهلها
و تترفد من الخدمة
لأن العالم دي اتجنت خلاص
و مبقاش هممها اي حد
و بيخافوا مايختشوش
لازم كل الناس تفضحهم
و هما نفسهم قاولوا ادي اخرت الكلام على النت و في الجرايد
انا عايزهم يعرفوا اخرت الكلام على النت و الجرايد
ان الناس يرجعلها حقها
و الفاسدين في الشرطة
قصدي شرطة الفساد دي
لازم تتربى
و الناس تتردلها كرامتها
و تعرف مين اللي مبوظ البلد
واعتبروا ده بلاغ رسمي مني
و كل الورق موجود
****************
شكرا للصحفي كمال مراد

الموت عبرة

الطفل مات..البقاء لله
ويصبر ابوه وامه
بس انا عايز افهم
ليه معمول في الدولة حداد ل 3 ايام
الطفل ده صفته ايه؟
بلاش صفته..اغلى من ولاد ناس تانية في ايه؟
ليه ماتعملهمش حداد رسمي زي ما تعمله
1300 واحد في عبارة ميتين مقتولين
هما مش لهيم اهالي زعلوا عليهم
1000 واحد في قطر
هما مش ليهم اهالي قلبهم اتحرق عليهم
كل يوم 100 واحد بيغرقوا وهم بيهاجروا
مقطوعين من شجرة
اللي بيتقتلوا كل يوم في امن الدولة
ملهمش تمن
اللي اتحرقوا في المسرح
واللي بيموتوا على الطرق البايظة
واللي بيتسموا من الاكل و الشرب و الهوا
كل دول مالهمش لازمة
كل دول اللي ماتوا في عهدك يا مبارك
حتى في الموت واخد ليك امتيازات فيه
قلبك اتحرق ولا لسه ماحستش
حسيت بقلب كام ام واب قلبهم اتقطع مليون حته على ضناهم
اللي قدام ربنا و القانون و قدام كل حاجة انت المسؤول عن موتهم
يا رييت يكون ليك في الموت عبرة

عودة سوبرمان


هو احنا بقى مش هانخلص من غسل الدماغ و القرف ده بقى
هو هايفضلوا يتعاملوا معانا كائننا عيال صغيرة لإمتى
ايه القرف ده
يعني ايه الحكومة تطلع قرار العلاوة 5 % و يقلولنا ده اكتر حاجة يقدروا يعملوها
و الدنيا تقوم و تقعد و الناس تشتكي
و الوزارا يطلعوا يقوللنا لو يا جماعة زودناها ده هايأثر على الخدمات اللي بنقدمها للمواطنين!!!
خدمات ايه؟
على اساس اننا عايشين في دولة بتقدم خدمات للناس مقابل الضرائب و كده ولا ايه؟
المهم بقى ان فجاءة نلاقي السوبر مان يطلع يؤمر الحكومة انها ترفع العلاوة ل 10% للناس
حتى يصبح هو المنقذ الحقيقي للمواطن اللي مايعرفش اصلا يعني ايه كلمة دخل مش محدود الدخل
و الجرايد اياها تهلل لسوبرمان على انتصاره على الحكومة الظالمة للشعب
و سوبر مان يبقى هو البطل الحقيقي
و فجاءة يبقى فيه امكانية اننا نرفع العلاوة من الميزانية و ماحدش زعل
و لا فكر يقول لسوبرمان انت ترفعها على اساس ايه ياسطى
و ازاي تؤمر كده و خلاص و الناس تخبط دمغها في الحيطة
و محدش طلع يقولنا الحكومة هاتدبر الكلام ده منين و هي اول امبارح ماكنتش موافقة
و فجاءة ينفع مجلس الشعب يحولها (للمناقشة) و يتوافق عليها
و مركز المحاسبات يعدل المرتبات قبل ( المناقشة) و كله في التمام
حاجة قليلة الادب جدا و ريحيتها فايحة
هو احنا عيال صغيرة و مخاخنا هبلة للدرجة دي
اي كلام في ط** علام و خلاص
شغالين خراب في الاقتصاد و محدش فيهم بيفهم
صارفين فلوس البلد على نفسهم و مش لاقين ناكل
و الزفت يطلع يقولك عايز فلوس زيادة علشان ااكل عساكري و ضباطي و هما بيضربوا الناس في الشارع
الناس اللي بتعترض على وجوده
عايز من فلوسهم زيادة علشان يضربهم بيها
و الناس بدل ما فلوسها تتصرف عليهم
على علاجهم
على تعليمهم
على بنا بلادهم
بناخد منهم فلوس علشان يضربوا بيها
مما يرجعني لكلمتي اللي بقالى فترة ماقلتهاش
و اقول
احه فعلان

كلنا هذا الرجل

وجود ناس في حياتك دي حاجة كويسة
وجود ناس مهمة في حياتك دي حاجة اهم
وجود ناس ممكن تبيعك علشان ال(0) في حياتك دي اهم و اهم
عاشان من غير الناس دي مش هاتعرف الناس اللي بتحبك
و بما انك انسان في بتتفاعل مع ناس تانية كل يوم
هتقابل الناس دي
اللي عايزة منك ال (0) و اول ما تاخده منك هاتختفي
مش هاتلاقيها
كل مابدأها و نظريتها هاتتغير
اصل (0) اهم من اي حاجة
او هم بيعتنقوا الافكار و النظريات دي علشان يبقى سبب لوصولهم السهل لل (0) من غير تعب
او يحوروا افكارهم و نظرياتهم علشان ال (0) الحلو
مما يجعلني احمد ربنا على وجود (0) في حياتنا
اصل من غيروا مكناش عرفنا مين كده؟ و مين كده؟
بس مين فينا اللي عمره ما حب (0) بقىىىىىىىىى؟؟ مافيش
**********
(0) = افهمه زي مانت عايز


كتبه : محمد يسري مرشد , فى السبت 16, مايو 2009 , 14:25

كل عام وأنتم بخير ، كل عام وكل أهلاوى بخير فاليوم السبت 16/5/2009 يوافق الذكرى السابعة للمباراة التاريخية بين الأهلى والزمالك والتى اقيمت 16/5/2002 و إنتهت بهزيمة مذلة للفريق الأبيض بستة أهداف مقابل هدف واحد أو باللغة العامية إنتهت بنصف دستة " مشّكلة " فى مباراة قاد الأهلى فيها الساحر الأسطورى مانويل جوزيه .

لو كنت نسيت أنا مش هنسى : الذكرى السابعة للسداسية التاريخية فى الشباك البيضاء \" فيديو \"

حدث فى مثل هذا اليوم :

المباراة : الزمالك × الأهلى " القمة رقم 89 "

الموسم : 2001/2002 " الدور الثانى "

الأسبوع : الـ 22

التاريخ : 16/5/2002 الساعة الثامنة والنصف مساءاً

المكان : أستاد القاهرة

النتيجة : 1\6

المدير الفنى للأهلى : مانويل جوزيه " البرتغال "

المدير الفنى للزمالك : أتوفيستر " ألمانيا "

الحكم : الايطالي كوزيمو بلاجينينو

الأهداف : رضا شحاتة فى الدقيقة ( 5 ) وإبراهيم سعيد فى الدقيقة (19) خالد بيبو 4 أهداف فى الدقيقة ( 29 ) و ( 64 ) و ( 72 ) و (90 ) بينما احرز حسام حسن هدف الزمالك اليتيم فى الدقيقة ( 25 )


تشكيل الأهلي :‏

عصام الحضري‏,‏ وائل جمعة‏,‏ هادي خشبة‏,‏ شادي محمد‏,‏ حسام غالي‏,‏ ابراهيم سعيد‏,جيلبرتو ، سيد عبد الحفيظ ، رضا شحاته ‏,‏ خالد بيبو‏,‏ أحمد بلال‏.‏


وشارك الثلاثى البدلاء " محمد عمارة " و "محمد فاروق " و " وليد صلاح الدين " .



تشكيل الزمالك :


محمد عبد المنصف‏,‏ رضاسيكا‏ ,‏ بشير التابعي‏ ‏,‏ ابراهيم حسن‏,‏ طارق السيد‏,‏ تامر عبد الحميد‏,‏ محمد أبو العلا‏,‏ حازم امام‏,‏ محمد عبد الواحد ، جمال حمزة ‏,‏ حسام حسن‏.‏

وشارك البدلاء " وليد صلاح عبد اللطيف " و " مدحت عبد الهادى " و " عبد الحليم علي " .

بيبو وبشير :

هو أشهر هتاف كروى فى مصر صنعه المذيع اللامع " مدحت شلبى " الذى علق على مباراة الفريقين فى التيلفزيون المصرى وهى اللعبة التى راوغ فيها بيبو " الجبار " بشير " المسكين " واحرز الهدف الرابع الذى أجهز على أمال الزمالكوية فى تعديل النتيجة .


شاهد عيان :

وعقب مرور 7 سنوات على الفوز التاريخى الذى حققه الأهلى لم يتبقى عدد كبير من اللاعبين الذين شاركوا فى المباراة والمستمرين مع الأهلى والزمالك حتى الموسم الجارى وابرز المستمرين مع الفريقين هم :

لاعبى الأهلى الحاليين الذين شاركوا فى مباراة الستة :

وائل جمعة – شادى محمد – جيلبرتو – أحمد بلال والثنائى الأخير كانت أول مباراة قمة يشاركوا فيها هى مباراة الستة.

لاعبى الزمالك الحاليين الذين شاركوا فى مباراة الستة :

عبد الحيلم علي – جمال حمزة – محمد أبو العلا – محمد عبد المنصف والطريف أن الأخير كانت مباراة الستة هى أول مباراة قمة يلعبها .

أبطال مباراة الستة أين هم الأن؟!

خالد بيبو : بدأ العمل الإعلامى عقب اعتزاله الكرة فى نادى بتروجيت واللاعب يقدم برنامج " أهلاوى " على قناة " مودرن سبورت 2 " .

بشير التابعى : اختفى فى ظروف غامضة !

إبراهيم سعيد : " فى البيت " ويتضرع إلى الله لكى يفوز السيد مرتضى منصور فى إنتخابات الزمالك حتى يعود إلى كرة القدم من جديد .

جمال حمزة : " فى البيت " ويتضرع إلى الله لكى لا يفوز السيد مرتضى منصور فى إنتخابات الزمالك حتى يعود إلى كرة القدم من جديد مع السيد ممدوح عباس .

رضا شحاتة : يلعب فى فريق " الجونة " الصاعد حديثاً إلى الدورى الممتاز .

حسام حسن : المدير الفنى لفريق المصرية للإتصالات المهدد بالهبوط إلى دورى الدرجة الثانية هذا الموسم .

إبراهيم حسن : مدير الكرة لفريق المصرية للإتصالات من المدرجات .

خالد الغندور : مقدم برنامج " الرياضة اليوم " ومازالت ذكريات مباراة الستة تطارده فى برنامجه غم أنه لم يشارك فى المباراة وتابعها من على دكة البدلاء .

رضا سيكا : رأيته مرة على قناة النيل الإخبارية يؤكد أن هزيمة الستة كانت مؤامرة من لاعبى الزمالك .

أتوفيستر : مازال يتحدى الطبيعة فى أفريقيا

أحمد رمزى : ساعة يروح وساعة يجى

مانويل جوزيه : عقب مواسم إعجازية وبطولات وإنجازات قرر الرحيل عن الأهلى لتدريب المنتخب الأنجولى .

الأهلى : أول الدورى

الزمالك : سادس الدورى

إعداد : محمد يسرى

(((((((((((((((((((((((((((((((((((((((((((((((((((((((((((((((((((((((((((((((((((((((((

اصدقائي الزمالكوية

كل سنة و انتم طيبين

مصر : جرائم كوميدية جديدة من تأليف أمن الدولة



القاهرة في 14 مايو 2009.


أعربت الشبكة العربية لمعلومات حقوق الإنسان عن استنكارها الشديد لاستمرار نهج القضايا الملفقة الذي تمارسها أجهزة أمن الدولة ، خاصة في محافظة الفيوم ، والتي وصلت لحد تأليف اتهامات جديدة للمدونين ، كان أخرها اتهام المدون المعروف أحمد محسن صاحب مدونة "فتح عينك - http://eyestillopen.blogspot.com " بـ " استخدام المناخ الديمقراطي السائد في البلاد لقلب النظام".

وكانت قوات أمن الدولة قد اقتحمت منزل المدون أحمد محسن في مدينة الفيوم يوم 23 أبريل الماضي 2009 ، وتفتيشه ، ورغم أنهم فوجئوا بأن المدون قد انتقل للعمل في محافظة أخرى "المنيا" منذ اشهر ولا علاقة له بمدينة الفيوم ، إلا أن الضابط " عمرو الحميلي" لم يشأ أن يظهر بمظهر الضابط الفاشل وصاحب المعلومات والتحريات الكاذبة أمام رؤسائه ، قام بالاتصال بالمدون تليفونيا ، وطلب منه الحضور للفيوم " أو أنهم سيحضرونه من المنيا" فقام المدون بالسفر إلى مدينة الفيوم واتجه مباشرة لتسليم نفسه لنيابة الفيوم ، ليفاجئ بأنه متهم بـ:
  • استخدام المناخ الديمقراطي السائد في البلاد لقلب النظام
  • التحريض على قلب نظام الحكم.
ويتم حبسه في 29ابريل 2009 ، لمدة خمسة عشر يوما على ذمة التحقيق في القضية ( 4185 أمن دولة).

وقالت الشبكة العربية لمعلومات حقوق الإنسان " أن يكذب ضابط أمن الدولة فهذا أمر عادي ، لكن أن تصدق النيابة العامة هذه الكذبة وتوافق على حبس مدون شاب لأنه أستغل المناخ الديمقراطي ، فهذه كوميديا سوداء ، أي ديمقراطية تلك التي أستغلها هذا الشاب ؟ ".

وتكتمل فصول القضية الملفقة والتي لا يمكن أن يصدقها عقل ، بأن هذه القضية ليس بها سوى متهم واحد هو هذا المدون ، وكأننا نتحدث عن سوبرمان ، خطط وقرر قلب نظام الحكم عبر مدونته ، رغم وجوده في مدينة أخرى منذ أشهر عديدة ، وكأنه سيغير نظام الحكم بالريموت كونترول!.

وأضافت الشبكة العربية " نحن وعبر هذا البيان الإعلامي نخطر وزير الداخلية أن ضابط أمن الدولة التابع لك – عمرو الحميلي- كذب عليكم ولفق محضر تحرياته ضد المدون الشاب الذي لم يكن له أي علاقة بمدينة الفيوم لمدة شهور مضت، فهل سيعاقب وزير الداخلية هذا الضابط الملفق ، أم سيغض الطرف عنه ويسكت على سجن شاب برئ؟".

أنهى عمال الإسعاف الطائر إعتصامهم الذي بدأوه أمس بشارع البحر الأعظم بعد أن استجابت الإدارة لبعض مطالبهم.

فقد استلم العاملون مرتباتهم المتأخرة مع تعهد من الإدارة بعدم تأخيرها مرة أخرى، ووعدت الإدارة بتوفير التأمين الصحي والإجتماعى للعاملين بدءاً من شهر يوليو، وسيتم التخلص من وصولات الأمانة التي أجبر السائقون على توقيعها مع إستلامهم لعملهم وإستبدالها بأوراق قانونية يتعهد فيها السائقون بالحفاظ على السيارات. وتعهدت الإدارة أيضا بعقد لقاء أسبوعى مع المسعفين لمحاولة تجنب النزاعات في المستقبل.

ومن الجدير بالذكر أن المسعفين لا ينضوون تحت مظلة أي نقابة في أي من فروع الجمهورية.. وهو مطلب بدأ العمال يهمهمون به. فقال أحدهم: "إحنا شفنا الضرائب العقارية عملت إيه وإحنا لازم نشوف الموضوع ده يتعمل إزاى. كل الفروع في كل المحافظات سمعت بإعتصامنا دلوقتي. إحنا ورينا الإدارة إحنا نقدر نعمل إيه، وسنعتصم تاني لو لم تتحقق بقية مطالبنا."

محدث \\ اعتصام العاملين بالأسعاف



يعتصم منذ أمس الأربعاء فرقة الانتشار السريع بالإسعاف، ويتجمهر الآن العشرات منهم أمام قسم الجيزة بشارع البحر الأعظم.

يقع على عاتق العاملين بالإسعاف الطائر مسئوليات جمة، فهم من يتدخلون وقت الكوارث الكبرى مثل أحداث غزة وحريق مجلس الشورى، وغيرهم.. ولكن أحوال عملهم المزرية دفعتهم للاحتاج على ممارسات الإدارة ورفع بعض المطالب:

1- تعديل العقود حيث أنها من طرف واحد فقط وقع العاملون عليها بدون توقيع وزارة الصحة

2- عدلت وزارة الضحة العقود 3 مرات حتى تغلق أي ثغرة أمام العاملين للمطالبة بأي حقوق

3-مع إنهم عاملين بوزارة الصحة ليس عليهم تأمينات أو تأمين صحي حيث يعالجون أي إصابات لهم على حسابهم حتى لو اصابة عمل

4- لم يتم تعينهم حتى الآن

5- يتعرضون لسوء معاملة من مدير المرفق

6- لم يحصلوا على مرتباتهم منذ شهرين

7- أصدر وزير الصحة مكافأة شهر واحد لهم بعد عملهم طوال الفترة السابقة مع جرحى غزة ولم يحصلوا عليه حتى الان مع ان الاداريين و الاطباء حصلوا عليه

8- العقد ينص على العمل 8 ساعات لكنهم يعملون 12 ساعة

9- في بعض الحالات يرسلون إلى مأموريات مثل غزة ويمتد العمل من 24 الى 48 ساعة ولكنهم يحاسبون على 12 ساعة فقط

10- تم إيقاف الوجبات غير الآدمية التي كانت تصرف لهم يومياً مع وعد بصرفها لهم كنقود ولم يتم ذلك حتى الان فلا يحصلون على وجبات ولا على التعويض

11- أغلبهم من محافظات خارج القاهرة وفي بداية العمل كان المفروض انهم يرجعوا لمحافظاتهم و لكن لم يتم تنفيذ ذلك

12- في أحداث غزة تم ابلاغهم ان اي سيارة تصاب في اي حادث سيتم تصليحها في التأمين و قد اصيبت سيارات اثناء القصف داخل غزة و لكن الادارة طلبت منهم تصليحها على حسابهم حيث انهم المسؤولين عنها

13- انتهت كل تراخيص السيارات التي معهم ولم تجددها الادارة ختى الان فلا يستطيعون الذهاب للشرطة في اي حادث حتى يحصلوا على محضر يثبت خطء الغير لتصليحها في التأمين

ومازال الاعتصام مستمرا، ويناشد المعتصمون الزملاء الصحفيين للتواجد ونشر أخبار احتجاجهم.

***************************************

تحديث

******

عمال الاسعاف يجتمعون بأطباء من وزارة الصحة لحل مشاكلهم و الاعتصام مازال مستمر

*****************

للمتابعة

http://www.e-socialists.net

http://arabist.net/arabawy

فريندلي بيبول

كنت زمان قبل الدش و النت و الحاجات دي
بحب اتفرج على برنامج كده بيجي على القناة التانية الساعة 5 العصر
كان اسمه خمسة سياحة
بتيجي فيه كده مذيعة من قديم الازل علشان تقابل السياح اللي بيزوروا مصر
و تسألهم السؤال الشهير
ايه رايكم في الشعب المصري؟
و دائما كان الرد بكلمة بجملة واحدة
فريندلي بيبول
ناس طيبيين من الاخر يعني
و كنت مع ان الجملة بتكرر مع كل السياح و كل يوم
الا انها كانت بتبسطني
و كنت اجي اقرا الجرنال و اعدي على صفحة الحوادث
الاقي مثلا جرايم سرقة و رشوة و يوم ما يبقى فيه خبر جامد
الاقي ضبطية مخدرات
و يوم لما يكون فيه جريمة قتل ولا حاجة
تفضل البلد تحكي فيها اسبوع ولا اتنين
لحد ما تطلع جريمة تانية
بس دلوقتي الحال اتقلب
افتح اي جرنال تلاقي فيه 18 جريمة قتل و 10 اغتصاب
 و 8 تعذيب و 5تحرش و 3اختطاف اطفال
و في الاخر مثلا تلاقي جريمة صغيرة على جنب كده
 القبض على تاجر مخدرات (صغير) و بحوزته 2 طن حشيش و 3 طن بانجو و 7 قطع سلاح ألى
و يدوب كده كاتبين فيه اسم اظابط اللي عمل العملية
هاهاهاها




و ده خلاني اسأل سؤالين
السؤال الاول : هو خلاص مابقاش فيه حد بيسرق في البلد؟
السؤال التاني : هو الفريندلي بيبول راحوا فين؟
يكونشي في الكام سنة اللي غبتهم بره اتبدلوا بس ماقلوش لحد؟
و لكن اظن ان لقيت الاجابة بعد تفكير
اصل احنا بيحكمنا شخص مبارك
و تحتيه حد نظيف
و صوتنا اللي بيطلعه سرور
و بيصرف علينا حد غالي
و بيحمينا حبيب قلبنا
لازم الشعب تبقى ايده نضيفة
علشان كده عرفت سر اني ليه ما بقتشي الاقي سرقات في صفحة الحوادث
الفريندلي بيبول تحت القيادة المباركة المسرورة الغالية الحبيبة
مابقاش بيسرق خلاص
عدى المرحلة دي
بقى بيمارس سياسة رئاسته و حكومته
العنف و القمع و الغاء الاخر
لأن الناس كل يوم شايفة الداخلية ملهيه ازاي تأمن كرسي البيه
و سايبين الناس تاكل في بعض
ولما تيجي تتحرك
يا تقتل يا تعذب يا تخطف
فالناس منتظريين منها ايه
هيجيبوا من برة يعني
مش ده نظام بلدهم
واحنا شعب بيحب يمشي على النظام
وانا و انت
و رقصني يابن دي تيييييييييييت ال تيييييييييت

*************************
الصور من جريدتي المصري اليوم و الدستور
عدد اليوم الاربعاء 13 مايو 2009
يعني النهارده بس فيه كل ده