شعارها في بداية عام جديد ... الشرطة في فشخ الشعب

ما انا مش عارف اقول ايه

بس انا مش هاسكت

ولا احنا هانسكت

إلا ما الكلاب دي تتلم

و بلدنا دي تفوق

و الناس تتنحرر شوية

و تتحرك علشان مصلحتها

علشان كفاية كدة

شكلنا بقه بايخ

قال يا فرعون ايه فرعنك

قال مالقتش حد يلمني

و ادي قواتنا المسلحة العربية

عماد الوطن

و سيفه

و درعه

و كلام كتير كدة بنسمعه

انا مابقاش ليا رأي

إحكموا انتم

واعرفوا انتم منتظرين منهم إيه

لو حتى خناقة قامت

مش حرب

مفاجات جديدة فى قضية عماد الكبير

من موقع كتابات

حبس اسلام نبيه 4 ايام على ذمة التحقيق

اصدر بكر احمد بكر مدير نيابة حوادث جنوب القاهرة قرارا بحبس النقيب اسلام نبيه معاون مباحث بولاق الدكرور وامين الشرطة رضا فتحى 4 ايام على ذمة التحقيق فى وقائع تعذيب عماد الكبير

وكان مدير النيابة قد انتقل الى قسم بولاق الدكرور وعاين موقع غرفة التعذيب المعروفة فى لغة البوليس بالثلاجة..كما عاين الاماكن التى وصفها عماد الكبير فى اعترافاته الكاملة امام النيابة

وفى نفس الوقت تقريبا استدعى مدير النيابة خبيرا متخصصا لتقرير رايه حول مسالتين الاولى هل التصوير يمكن ان يكون مفبرك..؟ و ثانيا مضاهاة الصوت المسموع فى الكليب بعينة من صوت المتهمين اسلام نبيه و رضا فتحى

وكانت النيابة طلبت عينة من صوت كليهما فى نفس الفترة

تقرير الخبير وصل قبل يومين مؤكدا عدم امكانية فبركة اللقطات المصورة وان الاصوات الموجودة فى اللقطات هى لاسلام نبيه و رضا فتحى

وبناء عليه اصدر بكر احمد بكر قراره السابق فى حضور كل من اسلام نبيه و رضا فتحى

. وينتظر ان يعرض المتهمين غدا على قاضى معارضات للنظر فى تجديد حبسهما حسب قانون الاجراءات

ملاحظة مهمة:هذه هى المرة الاولى التى يحبس فيها ضابط على ذمة قضية تعذيب

لازم يا جماعة اشكر محمد الشرقاوي و وائل عباس و الصحفي المحترم وائل عبد الفتاح و جريدة الفجر و هم اللي لهم الفضل بعد ربنا ان الحق يبدأ يرجع لصحابه

مع اني شايف ان العدل هو ان عماد يدخل عصايه في الضابط و يصوروا و الناس تشوفه

هانخرب فين النهاردة

هي دي الجملة اللي على لسان أغلب شباب مصر العاطلين عن عمل اي حاجة في حياتهم اليومين دول

حيث ان يوم الجمعة القادم هو وقفة عيد الأضحى ,, و ما أدراك ما معنى كلمة (وقفة) لأي مناسبة كانت بالنسبة لشباب البلد

حيث يكون هذا اليوم أكبر يوم يتم فيه إستهلاك المخدرات و ممارسة الجنس بين الشباب من ولاد و بنات

أظن أن بداية موضوع الوقفة دة كان دايما في وقفة عيد الفطر , حيث أن الشباب بيكون بقالهم شهر كامل في رمضان معملوش حاجة (يعني لا بيشتغل ولا بيشرب ولا جنس ) فا بييجوا يوم الوقفة دة و يطلقوا لنفسهم العنان من مخدرات و جنس ... و الأتنين دول محدش بقة بيتصور سهولة الوصول ليهم بقت قد أيه

وقت ما تعوز مخدرات كل ما عليك عمله هو مكالمة تليفون و ثواني يكون الدليفري عندك

و نفس الموضوع في الجنس برضة مكالمة تليفون و يتم الأتفاق مع صاحبتك اللي بتقدر تمارس الجنس معاها او مع البنات اياهم اللي بقم اكتر من الزلط في الشارع

المشكلة ان الوقفة السنة دي هاتبقى وقفتين مع بعض ,عيد الاضحى و رأس السنة ,, و ده معناه 72 ساعة من الخراب الشامل

حيث ان الشباب بقت في وقفة اي مناسبة إنشالله عيد الطفل و الأم بتعتبرها مناسبة لازم تحتفل بيها

المرة دي كل اللي اتمناه من الشباب اللي ولع في بنات البلد اول ايام العيد اللي فات و هو بيحاول يقلد اللي عمله اصحابهم المذنبين* في ليلة الوقفة اللي قبلها و يثبتوا لنفسهم انهم برضة لمسوا بنات انهم ياريت ما يكرروش الوساخة و الغباء دة تاني

اصل كفاية كدة ..... البلد مش ناقصة غباء و وساخة ...... كفاية اللي غباء و وساخة اللي بالي بالكم

نيجي للمهم بقة ( الحكومة ) الرشيدة

هاتعملي ايه في العيد دة يا حكومة بقه ؟؟؟؟؟؟؟؟؟

ها تأمني الناس في الشارع و لا هاتستمري في تأمين نفسك و بس؟؟؟؟؟؟؟؟

هاتسيبي الشعب يولع في بعضه ولا ولو مرة هاتقفي معاه؟؟؟؟؟؟؟؟؟

عيب بقة

البلد بقت مليانة كل انواع الوساخة من مخدرات و دعارة و فساد

بصوا لحال البلد شوية

هو يا إما انتوا تكونوا كويسين يا إما البلد تتحرق؟؟؟

المذنبين* : كلمة إخترعناها انا و أثنين من أقاربي و معناها ان تستطيع ان تحصل على ما تريد من اي شخص بأقل مجهود و أقل وقت واكبر منفعة و بلسانك فقط وبدون اي تكاليف , و هي فعلها(أذنب إذنابا فهو مذنب) و يستخدم الإذناب غالبا في الحصول على البنات و المخدرات و النقود و أيضا يمكن استخدامها في الخيرو في تفادي ان تضرب في الخناقات , و هي نظام مطور عن التسجيد

التوربيني .... عودة أخطر رجل في العالم

كلنا نعرف ان ساعات و ان ماكنش غالبا بعض ضباط الشرطة لما السنة بتاعتهم بتخلص و لسه في قواضي مخلصتش بيجوا لامين أي حد من الشارع و غالبا أصحاب السوابق.. كل واحد في منطقته .. و يلبسوهم التهم دي بدل ما يتعبوا نفسهم و يشتغلوا لحد ما يوصلوا للمجرمين الحقيقيين
و اللي بيحصل انهم بيسيبوا غلطة في المحضرعلشان العالم دي تطلع براءة ( قال عندهم ضمير ) و الموضوع يتكرر كل سنة ... زي من إسبوعين لما شفت ضابط عامل كمين الساعة 1 الظهر جنب حي الدقي بيلم فيه أي تباع عربية الأجرة بتاعته ماشية في الشارع و بعد كدة يوديهم القسم و يكشف على اساميهم و و يشوف بقة لو عليهم قواضي ولا لأ؟؟
يعني منتهى المهزلة .. و عدم مراعاة حقوق المواطنين ..يعني يقبض عليك و بعد كدة يشوف انت مجرم ولا لأ؟؟
يعني مستخسر يشوف شغله و يدور على المجرمين فا بينزل يلم الناس و بعد كدة البرئ يخرج من الحبس بعد كام يوم بعد ما يتحول للقسم التابع له ..... زي ما حصل لأيوب

المهم إمبارح كنت بقراء في موفع فالبلد ان (التوربيني) أعترف ان هو اللي شال الجزرة بتاعت القطار في حادثة كفر الدوار اللي مات فيه 170 مصري غلبان
و انه المسؤل عن إغتصاب و قتل 40 طفل مصري اخرين
و أنه ابلغ عن عصابة شخص أسمه (غرغرينا ) في الأسكندرية عنده 75 طفل بيغتصبهم و يقتلهم بعد ما يشغلهم في الشوارع.
و انه و انه و أنه..................!!!!!!!!! كل حاجة
أيه يعني .. هو مين؟؟؟ مستر أكس ؟؟؟؟ كل جرايم البلد هو اللي عاملها؟؟؟؟
و ياحكومة ... و البلاوي دي كلها بتحصل ..انت فين بعد ما اتقتل 40 طفل مصري يا ناس؟؟؟
أنا مش فاهم...... حد يشرحلي
كل ده عمله لوحده هو و اتنين معاه ....و الحكومة ما تعرفش إلا بعد ما هو إعترف؟؟
يعني المفروض ان فيه 40 تحقيق مفتوح بين إختفاء و قتل أطفال و كلهم بطرق متشابهة و الحكومة معرفتش مين اللي عملها؟؟؟
و فجاءة يجيبولنا واحد يلبسوه كل دة مرة واحدة ... بكره هانلاقيه هو المسؤل عن النكسة و عن تفجيرات شرم الشيخ و أي مصيبة الحكومة فاشلة فيها

كنت فين يا حكومة و كل دة بيحصل في البلد؟؟؟؟
طب خبوا الموضوع بدل ما انتوا فاضحين نفسكوا قدام العالم كله
.........ولا خلاص مابقاش فيه

سلام

البقاء لله

بقالي فترة تايه............ و دماغي فاضييييييييييييييييييييييييييييييييية

قلقان ممكن؟ .... مش عارف

قرفان ممكن؟ لأ .... ده اكيد

حاسس اني غريب

في بلد غريبة ..... بلد ميتة

اهلها انتهوا

كل واحد في قرفه

و مع ان القرف واحد على الكل؟

محدش بيفكر فيه

أو عارفينه و مطنشين

و الغريبة انهم مستريحين من الوضع دة

و في نفس الوقت تيجي تسأل واحد يقولك : يلعنها بلد؟؟؟؟

مخنوقين ؟ ماتعرفش

فرحانين ؟ برضه ماتعرفش

علشان كدة بما اني بقيت غريب عليها

مش عارف اتكلم او أحكم على اللي فيها

لأن حتى سكانها ضربوها صرمة

و كبروا دماغهم من خرابها

فا يا أما الحشيش أكل دماغهم

يا أما انا سكران و مش فاهم اللي فيها

وكنت فين يا راعي؟

بقلم: حمدي رزق

في وصفه الميليشيات الإخوانية التي برزت قبالة مكتبه باستعراضات عسكرية، قال الدكتور - الطيب - أحمد الطيب

رئيس جامعة الأزهر: «إنهم خراف ضالة انفردت بها الذئاب». وبدوري أسأله: كنت فين يا راعي لما الخراف ضلت، وانفردت بها الذئاب؟
يحزنني أن يتبرع الدكتور الطيب «اسماً وفعلاً»، بالقول إن أجهزة الأمن تأخرت كثيراً في اعتقال طلاب الجامعة المنتمين للإخوان، لا أتصور أن يكون هذا تفكير رئيس جامعة مسؤول أمام طلابه وزملائه والرأي العام، بدلاً من التقويم الجامعي واستخدام سلطات الجامعة، في وقف الذئاب عند أسوارها، وجمع الخراف الضالة من حقول الضياع، راح الراعي الصالح يستعدي عليهم أجهزة الأمن ويعتب: الأمن تأخر؟
لا حول ولا قوة إلا بالله، تأخر عن ماذا، عن اقتحام الجامعة العريقة، وانتهاك حرمة حرمها واعتقال طلابها، أم تأخر في الالتحام بالطلاب، وهم يؤدون العروض العسكرية، حمداً للسماء أنه لم يتدخل، وكان حكيماً أمام نفرة الشباب، وإلا لكانت حدثت مجزرة وسالت الدماء.
كنت فين ياراعي، عندما اقتحموا باب مكتبك، وأبواب جامعتك المرة تلو الأخري، اكتفيت يومها بنفي اقتحام مكتبك، حفاظاً علي صورتك من الاهتزاز، ولم تحم أبواب جامعتك من الرج بعنف والكسر بالأجنة.
كنت فين ياراعي، وكانوا فين الأساتذة الرعاة، والطلاب الإخوان يقيمون اتحادهم الموازي، ويجرون انتخاباتهم تحت سمعكم وبصركم بأمر مباشر من بعض الذئاب، ألجمتكم المفاجأة، وسمحتم للذئاب بالرعي في المدرجات، وأنتم عنها غافلون.
كنت فين ياراعي، وانتخابات اتحاد الطلبه تزور وتشطب أسماء المخالفين عنوة، بحسابات ضيقة ما أُنزل بها من سلطان، دفعتموهم إلي شبكة الصياد دفعاً، ألقيتموهم في غيابات الجب، شي الخراف بعد ذبحها وسلخها، تبدو رائحة الشواء زكية يامولانا.
تقديري لتاريخ ليس بقصير من العلاقة الصحفية المعتبرة بيننا يدفعني للمزيد، كنت فين ياراعي، والخراف تبحث عن خرم إبرة في المدينة الجامعية، وسيادتكم تنتظر قرار آخرين، ياتري نقبلهم، نرفضهم، نقبلهم بين زملائهم كما جرت العادة، باعتبارهم طلابا، وإن كانوا إخواناً، نعزلهم في مبني، باعتبار الإخوانية عدوي تنتشر كالأنفلونزا بالمخالطة، هل نضعهم في «الجيتو»، أم نفتح لهم الأبواب، لعلهم يستنشقون هواء زكياً معبقاً بتعاليم الأزهر الشريف.
أعلم عن أزمتكم الكثير مع الخراف الضالة، ولكنني أستنكف رخصتكم للأمن بالاعتقال، متي كانت الاعتقالات تصلح معوجاً، بل تزيده اعوجاجاً.
ياراعي أفتنا، من ذا الذي قدم قوائم الاعتقال للأمن، وتأخر الأمن عن تنفيذها، هل قدمتها سيادتكم ورفضها الأمن؟ أم أن الأمن كانت له وجهة نظر أخري، فالخراف الضالة ليس مكانها أقفاص من حديد، ولكن جنان الهداية، لم تصبر عليها، ومللت سريعا، ونسيت أن الفكر لا يواجه إلا بالفكر، وبالقدوة الحسنة، وبالعدالة بين الخراف في الكلأ والمرعي.
ياسيدي.. ما كنت أظن أن الأزمة تخلخل الثوابت لديكم، وأن الميليشيا تفقدكم جادة الطريق، ولو كان هذا دأبكم ما كنت توجهت إليكم، أعرف عنكم الحلم وقت الشدة، والعفو عند المقدرة، فما الذي غير سلوك الراعي من بعث الألحان العذبة في النفوس، إلي حبس العصافير الخضراء في الأقفاص.
لا تزر وازرة وزر أخري يا مولانا، ودماء الخراف في رقبتكم وإن ضلت، ولا تستعن بالأمن، استعن بالله، كن أباً وأخاً، وأستاذاً وشيخاً، لا تكن سجاناً وجلاداً، ومسرور السياف تقطع رقاب الشاة، بدلاً من أن تردها إلي حظيرة العلم والإيمان

من جريدة المصري اليوم

تقرير الأمم المتحدة الإنمائي: مصر في المركز الـ111..إسرائيل الـ23 والكويت ال33

بقلم: أحمد زين

جاءت مصر في المركز الـ111 من بين 177 دولة شملهم التقرير البرنامج الإنمائي للأمم المتحدة لعام 2006 ، فيما تصدرت إسرائيل دول المنطقة في المركز 23 ، كما جاءت الكويت على رأس القائمة العربية لتحتل المركز الـ33.ورغم الترتيب المتأخر إلا أنه يعد تقدما ، حيث احتل مصر المركز المائة و العشرين من بين 177 دولة ضمهم ترتيب العام السابق.أظهر التقرير الذي تم نشره على الموقع الرسمي للبرنامج الأممي على الانترنت ، وجاء بعنوان "القوة والفقر والأزمة العالمية" ، تصدر ليبيا للدول الإفريقية حيث جاءت في المرتبة الـ 64.أكد التقرير أن نحو 2% من سكان مصر يعانون صعوبة في الحصول على مصدر للمياة النقية سواء للشرب او لسد احتيجاتهم اليومية ، فيما لا يجد نحو 28% منهم وسائل صرف صحي آمنة.وأشار إلى أن ما نسبته 3.1% من السكان ينفقون أقل من دولار واحد يوميا من أجل سد احتيجاتهم ، فيما ترتفع النسبة لنحو 43.9% من المصريين الذين ينفقون أقل من دولارين اثنين في اليوم ، كما يعاني نحو 3% من السكان نقصا في إمدادات الطعام والطاقة.
وأن نحو 16.7% من السكان يعيشون تحت خط الفقر وفقا للتقديرات الحكومية! ، كما يتوقع أن يكون ما نسبته 18.9% من المواليد من الفقراء المعدمين عندما يصلوا لسن الستين.وأظهر التقرير وجود تدن واضح في الإنفاق علي الأبحاث والتطوير ، لتسجل 0.2% من الناتج المحلي المصري ، بينما تصل إلى 4.9 في إسرائيل ، وأن نسبة الأمية تصل إلى 28.6% من عدد السكان.وأوضح التقرير أن نسبة عدد الأطباء في مصر تصل إلي 54 طبيباً لكل 100 ألف مواطن ، وأن الانفاق على الرعاية الصحية لا يتجاوز 2.5% من ميزانية الحكومية ، وأنه يتوفى 36 طفلا من أصل كل ألف طفل دون سن الخامسة ، فيما يصل عدد مرضى فيروس نقص المناعة المكتسبة الأيدز 0.2% ممن تتراوح أعمارهم بين 15 و49 سنة

من موقع: فالبلد.كوم

P.S:

انا بنقل الحاجات دي بس علشان الناس اللي انا متأكد ان عددها كبير في مصر حاسبة ان احنا بلدنا في احسن حال و احنا احسن من غيرنا و الكلام الاهبل دة

سيبكوا من كلام الحكومة ال نظيفة بتاعتنا و شوفوا كلام الناس برة ايه

شوفوه بنفسكم

فيه اكتر من كدة ايه

اهو طلع بنفسه و اتكلم

علشان محدش يكذب

شكرا وائل عباس

ناس وناس

بقلم محمد صلاح
في كل دول العالم تُسن القوانين لتنظم حياة الناس وتُحدد الحقوق والواجبات، المسموح والممنوع، المتاح والمحال، الثواب والعقاب، فيحترمها الناس ويحرصون علي الالتزام بها ويستنكفون بشدة من يخترقها أو يضرب بها عرض الحائط أو حتي يختلس مخالفتها، أما في مصر فالوضع مختلف، فالاعتقاد سائد بأن القوانين سُنت لتُخترق وأن «الشطارة» في اختراع وابتكار واكتشاف طرق التحايل عليها وأن الجسارة والشجاعة والقوة تظهر عند إثبات المقدرة علي التصدي للقانون ومعاندته والانتصار علي مواده. يعتقد الناس أن القوانين وضعت لحماية أصحاب النفوذ والسطوة، وأن الباقين لا يحميهم سوي القدر وحسن النوايا وطيبة القلب .
المشهد في الشارع يلخص الصورة: أي شخص يمكن أن يفعل أي شيء أو يرتكب أي خطأ، والسباق علي مخالفة القوانين فرض الفوضي وعمم الارتباك ورسخ الاعتقاد بأن القانون لا يحمي أحداً وأن السلطة والثروة والنفوذ فوق كل قانون. سادت البطلجة وانتشر العنف المجتمعي ومضي الناس يعيشون حياتهم بلا ضابط أو رابط إلا أصحاب الحظوظ العاثرة الذين يعتقدون أنهم ضحايا وأبرياء إذ ما خالفوا قانوناً شاركوا آخرين غيرهم نفس المخالفة، لكن الآخرين «نفدوا منها» أما هم فقادهم سوء بختهم إلي مواجهة مصير ليس من العدل أن يواجهوه.
الأمر واحد في كل الأحوال: فعندما يري المواطن لجان الاقتراع في الانتخابات موصدة في وجهه وينزل الشوم علي «دماغه» إذا أصر علي أن يمارس الحق الذي كفله له القانون، فإن المواطن نفسه لن يحترم قانوناً يعتد بسلطة. وفي هذا لم يفسر المواطن علي خرق قواعد المرور والسعادة البالغة التي تجتاح مواطن إذا ما نجح في كسر إشارة أو تجاوز سرعة أو مشي في عكس اتجاه السير، فالتحدي هنا أسهل وأيسر من أن تواجهه سطوة أو بطش بلطجية الانتخابات الذين حرموه خياراته.
أما أصحاب البيوت العشوائية التي شُيدت رغم القانون في أماكن محظور البناء عليها فهم الذين رأوا أصحاب الثروة والنفوذ يتجاوزون الارتفاعات في الأحياء الراقية ويهدمون الفيللات في المناطق الهادئة ليقيموا عليها غابات خرسانية خربت البلد ونشرت الازدحام وسوء الخدمات ووزعت القبح والتخلف.
وفي الحالتين النتيجة واحدة: هؤلاء خرقوا القانون وهؤلاء أيضاً، فشل الغلابة في الحصول علي تراخيص لبناء بيوتهم فتحدوا القانون وبنوها عشوائياً، تماماً مثلما نجح علية القوم في «لهف» التراخيص رغم مخالفتها أيضاً القانون. نموذج آخر: قلبت صحف الحكومة الدنيا علي «نادي القضاة» بعد تصريح لمسؤول في النادي اعترض فيه علي منح المرأة حق الجلوس علي منصة القضاء وهات يا تفنيد لرأي القاضي وهات «يا تقطيع» في نوايا وأفكار وأصحاب الآراء المشابهة دون أن تسأل صحيفة واحدة نفسها: من الذي منع المرأة المصرية من الجلوس علي منصة القضاء؟
هل يملك نادي القضاة أو أي جهة أخري حرمان المرأة من اعتلاء منصة القضاء؟ الأمر ببساطة بيد الحكومة وحزبها الحاكم، وإذا ما أرادت الحكومة أو الحزب الوطني للمرأة أن تصبح قاضية فاقتراح بقانون لنائب في الوطني يوافق عليه مجلس الشعب يحل الأمر رغم أنف نادي القضاة.
ونموذج ثالث: عندما يقرأ الناس عن محارق ومغارق وكوارث يبقي مرتكبوها في مواقعهم فليس من المستغرب أن يضرب الإهمال المجتمع كله وألا يحرص أحد علي سلامة الآخرين، فالأمل باق داخل كل شخص في الهروب من العقاب، وطالما أن المعايير انقلبت، فالطبيعي أن يسود الفساد وأن يسعي البعض إلي اللحاق بقطار الفساد ما دام غيرهم فسدوا ونعموا بفسادهم.
نموذج رابع: عندما يصمت مسؤولو المحافظات وهيئات التجميل والنظافة علي ظاهرة «متسولي المكانس» في الشوارع والكباري، فكيف يتساءل الناس عن أسباب انتشار القمامة؟ إذا كان رؤساء الكناسين والمسؤولين عنهم رضوا بالمشهد المخجل وأبقوا مرؤوسيهم في تلك الأوضاع المخزية فلا مجال لحديث عن كفاءة الأجهزة التي يتولونها وإجادة أو تقصير القائمين عليها.
ونموذج خامس: عندما نكتشف أن مئات الآلاف من الأطفال ينامون تحت الكباري والجراجات وداخل وأسفل عربات السكك الحديدية القديمة فكيف نستغرب حوادث القتل بينهم؟ ما هذا المجتمع الذي ترك أطفاله وأبناءه وجيله القادم دون عناية أو رعاية؟ كأن مجتمعنا تخلص من همهم وأعباء تعليمهم وتكاليف تربيتهم ومصاريف مأكلهم وتدبير أماكن مبيتهم ثم شكي بعدها من سوء منظرهم وبشاعة أفعالهم.
ونموذج أخير: تكتب الصحافة وتنتقد وتكشف فساداً وتفجر قضايا ولا أحد يحرك ساكناً فليكتب من يكتب و«افرحوا» بحرية الصحافة و«اضربوا» أدمغتكم جميعاً في الحوائط. نحن نعيش مجتمعاً حراً كل يفعل فيه ما يريد، فالحرية للجميع، أما القانون فيبطش بـ«ناس» ويصبح برداً وسلاماً وحناناً لـ «ناس» آخرين.

من جريدة المصري اليوم

مبروك.....الوعي المصري

وائل عباس فازت مدونته الوعي المصري بجائزة افضل موقع الكتروني

لكشف الفساد عن عام 2005-2006 اللي نظمتها حركة شايفينكوا

بالأشتراك مع المنظمة الافرومصرية لحقوق الأنسان و التنمية -أهرو

مبروووووووووووووك يا وائل

****************

الناس اتكلمت كتير عن الكوسة و غلطات كتير في المسابقة دي و قفشوا على بعض

بس الحقيقة ان شغل وائل عباس يستاهل الجايزة دي

مهما بقه كان فيها ولا مش فيها بس هو يستاهلها

وائل

مبروك مرة تانية

تقرير الخارجية المريكية عن مصر..(وانا من البلد دي)..؟

حذرت الحكومة الأمريكية مواطنيها الراغبين في السفر إلى مصر في عطلات الاحتفالات برأس السنة من الأماكن السياحية المزدحمة في البحر الأحمر و"أماكن المظاهرات"، واستخدام الحافلات الصغيرة"الميكروباصات" علاوة على الحذر من" خطر الأنشطة الإرهابية المستمرة في سيناء" كما أفصحت عن أن المسئولين الأمريكيين في مصر وطاقم السفارة "محظور" عليهم الخروج من القاهرة بعد غروب الشمس.
وطالبت وزارة الخارجية الأمريكية في تقرير مختصر عن الحالة الأمنية في مصر الأمريكيين بالحذر من الأماكن السياحية المزدحمة في سيناء، والالتزام بتدابير أمنية شخصية جيدة، واليقظة التامة لما يحيط بهم، مشيرة إلى أن "سلسلة من الهجمات الإرهابية قد تعرضت لها مصر في أواخر 2004 و2005 و2006 بالقرب من مناطق سياحية ".
غير أن التقرير أعترف أن الحكومة المصرية تتخذ إجراءات فعالة ضد مرتكبي الهجمات العنيفة، وخصوصا ضد مرتكبي أحداث 2004 و2005، فإن هجمات أبريل/نيسان 2006 "تعكس خطر الأنشطة الإرهابية المستمرة في سيناء".
وقال التقرير: "منذ أكتوبر/تشرين الثاني 2004، تسببت ثلاثة تفجيرات إرهابية كبيرة منسقة استهدفت البنى التحتية السياحية في شبه جزيرة سيناء في سقوط الكثير من القتلى ومئات الإصابات معظمهم مواطنين مصريين".
وعرض التقرير بالتفصيل الهجمات التي شهدتها مواقع سياحية في مصر، والتي كان أولها في طابا في أكتوبر/تشرين الثاني عام 2004، ثم هجمات شرم الشيخ في يوليو/تموز 2005 وأخيرا الهجمات في منتجع دهب في أبريل/نيسان عام 2006.
ونوهت الوزارة إلى أنه "رغم أن المواطنين الأمريكيين لم يستهدفوا في أية من هذا الحوادث، لكن الكثير من السياح غير المصريين ومن بينهم أمريكيون قتلوا أو أصيبوا في هذه الهجمات".

تجنب "ميدان التحرير"
وفي إطار عرض الحالة الأمنية، أشار التقرير إلى "المظاهرات العامة" التي تحدث بين حين وآخر في مناطق مثل ميدان التحرير في القاهرة والمناطق المجاورة للجامعات والمساجد في أعقاب صلاة الجمعة" وطالب السائحين بتجنب هذه الأماكن على الرغم من حيويتها لصناعة السياحة المصرية.
وقال التقرير: "أحداث مماثلة تحدث في الجامعة الأزهر القريب من سوق خان الخليلي. تلك المظاهرات دائما يصحبها تواجد أمني مكثف وإغلاق للطرق القريبة من الجامعات"، مطالبا الأمريكيين بتجنب كل المظاهرات العامة.
وحذر التقرير موظفي السفارة من السفر خارج القاهرة فقال:"محظور على موظفي السفارة الأمريكية في مصر السفر خارج القاهرة في أعمال رسمية بعد غروب الشمس".
كما طالبت الوزارة الأمريكيين المسافرين إلى مصر بضرورة "الحذر من الألغام الأرضية التي سببت الكثير من الإصابات وقتلى بين الأمريكيين"، وذكرت المناطق التي تتركز فيه وجود الألغام لاسيما "غرب الإسكندرية والصحراء الشرقية بين القاهرة وقناة السويس وجزءا كبيرا من شبه جزيرة سيناء".

تحذير من "التحرشات الجنسية"
وفيما يتعلق بالجريمة في مصر، قال التقرير إن معدل الجريمة منخفض، وأشار إلى أن رغم ندرة وقوع حوادث العنف إلا أن عمليات النشل وحوادث السرقات الصغيرة تحدث. وأشار التقرير إلى أن "النساء بدون صحبة يتعرضن للتحرشات الجنسية والانتهاكات اللفظية(يعني هما صدقوا والداخلية عندنا لسه)..؟".
وفيما يتعلق بالنقل، نوه التقرير إلى أن وسائل النقل الميكروباص والميني باص غير آمنة مشددا على موطنيها بعدم استخدام أي منها، ضاربا المثل "بحادثتين خطيرتين وقعتا لباصات سياحية دولية على الطرق السريعة خارج القاهرة، والتي قُتل فيها عدد من السياح الأجانب".
وحذر التقرير من كيفية قيادة السيارات في مصر، حيث وصف التقرير مصر قائلا إنها "واحدة من أعلى الدول في حوادث الموت على الطرق قياسا إلى عدد الحوادث في الميل الواحد"، وقال: " قواعد المرور يتم تجاهلها على نحو روتيني من قبل السائقين نافذي الصبر".
وقال تقرير الخارجية الأمريكية إن المرور في مصر به "سيارات غير مضيئة في الليل، واللافتات المرورية قليلة، والسيارات تسافر بسرعات كبيرة، وعادة ما تسافر السيارات في الاتجاه المعاكس الخطأ، حتى في الشوارع أحادية الاتجاه، كما أن الطرق السريعة هناك مقسمة إلى اتجاهين (بدلا من اتجاه واحد)، والالتواءات كثيرة في الطرق، والمشاة يقتحمون إشارات المرور، وكذلك نوعيات مختلفة من الحيوانات".
وجاء في تقرير الخارجية الأمريكية: "معظم إشارات المرور الضوئية في القاهرة يبدو أنها لا تعمل، فضلا عن أنه يتم استبدالها برجال الشرطة الذين يستخدمون إشارات بأيديهم لتنظيم مرور السيارات".
وعن الوضع الصحي ألمح التقرير إلى أن شواطئ البحر ين الأبيض المتوسط والأحمر ليست ملوثة عموما، لكنه قال: "إن الأشخاص الذين يسبحون في النيل أو قنواته، أو يمشون حافيي الأقدام في مياه راكدة أو يشربون مياه غير معالجة هم عرضة للإصابة بالبلهارسيا، وأن هذه القنوات ملوثة، ولفتت الوزارة في تقريرها الأنظار إلى أن الأمريكيين الراغبين في الاستعلام عن آخر مستجدات الحالة الأمنية في مصر يمكنهم الاتصال بخطوط هاتفية خصصتها لهذا الغرض

من موقع قناة العربية.

تطورات جديدة في موضوع التغذيب

محمد الشرقاوي ما سبش الموضوع

تاره و لازم ياخده

أشتغل عليه اكتر من الضحية نفسها

و مع وائل عبدالفتاح و جريدة الفجر

قلبوا الدنيا

لحد ما وصلوا للضحية

و عملوا معاها حوار

الكل حالف

الحق للراجل ده هايرجع

الطريق طويل

صعب

مقرف

بس فيه رجالة وراه

اقروا التفاصيل عند كتابات شرقاوي

حرقة دم تاني

اصبحت عادة عندي كل يوم اني ابدأ تصفح المدونات بمدونة جيمي و وائل عباس.. حيث ان الاتنين دول لهم فضل

كتير عليا اني بدأت موضوع التدوين

و ايضا لأنهم بعد ما دونت ساعدوني كتير جدا

بس بما اني كنت مكلم جيمي الصبح بعد ما حدفني بصحفية من وكالة رويتر بدأت بالوعي المصري

العدد دة بصراحة رهيب

و وائل كالعادة بيبهرنا بمصادره و فيديوهاتوا

تاني شفت وساخة الشرطة معانا

ازاي بيتدربوا مثلا على قفا مواطن في أكاديمية الشرطة

و ازاي بيضربوا دماغ بائع متجول في كابينة تليفون في الشارع

و كمان عن عسكري امن مركزي بيتسأل سؤال من ضمنه الأجابة و مش عارف يرد

و رؤسائه اللي مصورينوا

اللي اظن انهم امروه مايردش و هم بيصوروه علشان يبان انه غبي

و بقه كام فيديو تاني عن التحرشات الجنسية منهم لشباب سعودي بيتحرش ببنتين مصريتين

يعني عدد بصراحة منتهى حرقت الدم

العدد دة قفلني بصراحة

هما ايه الناس دي

مبيحسوش

قلوبهم ماتت لدرجة انهم يصوروا ضحاياهم وهم بيعذبوهم

يعني مش كفاية تعذب...لأ...كمان بيصوروهم

خلاص كدة

محدش بقة بيخاف على النفس اللي قدامه

محدش يعرف ان الايام ممكن تدور و يكون هو اللي بيتعذب

هو ايه دة يا ناس

هنفضل نعمل في بعض كدة لحد امتى

و بنزعل لما بيعاملونا برة اوسخ معاملة

طب ما احنا بنعامل بعض اوسخ منهم

وقال ايه بنقول علينا شعب متدين و عارف ربنا

ياخي أ** على التدين بتاعنا

ده ربنا هايحرقنا على طريقة عشنا مع بعض

و شكرا يا عم وائل

وقفة أحتجاجية ضد التعذيب

وقفة أحتجاجية ضد التعذيب مع عرض لفيلم تسجيلى

للتعذيب على أيدى رجال الشرطة

Egyptian activists are holding an anti-torture protest in front of the Lawyers’ Syndicate, this Wednesday 6 December at 4 pm.

thanx 2 Gemmy

نوعدكم.......عريانين في الشارع

كنا امبارح كلنا تقريبا ملمومين

انا و جيمي و ايوب و وائل و شرقاوي و سيزر و ضياء اتقابلنا على البورصة

كانت اول مرة اشوف ايوب بعد ما خرج

اتكلمنا كتير و رغينا كتير

و بعد كدة قمنا و رحنا نحضر مهرجان السينما المستقلة في روابط

و حضرنا حفلة بعده لفرقة جميلة جدا

غنت لنجم و الشيخ امام و فيروز و بانوا لسعاد حسني

المهم بعد كدة روحنا القهوة و كل شوية حد يقوم يعمل حاجة و يرجع

و في مرة كنت انا و جيمي بس الي قاعدين

فا فتحنا موضوع ان لو المعلم اتكل هانعمل ايه؟؟؟

قام جيمي قال: البلد هاتبقى في فوضى اكبر من من اللي حصل في 77

و هتكون فيه فرصة ان الشعب يتحرك علشان لأول مرة الشعب اللي يحكم نفسه

و كفاية هاتقود حركة الثورة دي

كل واحد في حتته هاينظم اللي معاه علشان نغير البلد

و لو ما تحركش الشعب و الفرصة دي عدت يبقى مش هايتحرك عمره تاني و يبقى كل عام و انتم بخير

و الأستاذ ابنه هايمسك البلد

قمت انا في النقطة دي قلت : لأ

انا حالف انه لو ورثنا هاخرج انشالله لوحدي عريان في الشارع

و جيمي قال : ما انا ناوي كده برضه

فا نداء للأخوة المواطنين

اتحركوا

احسن تلاقونا انا و جيمي بنجري عريانين في الشارع

و بصراحة

منظرنا مش هايبقى لطيف