فعلا احه


اقروا الخبر ده كده الاول


...........................

أفتت جمعية أنصار السنة بمحافظة دمنهور، شمال العاصمة المصرية، بجواز توريث الحكم من الرئيس المصري حسني مبارك إلى نجله "جمال"، فيما يعد أول فتوى دينية تصدر بشأن رئيس الدولة في مصر منذ نهاية الحكم الملكي في عام 1952.وقال الشيخ محمود لطفي عامر رئيس الجمعية المعروفة بانتسابها للتيار السلفي، وصاحب الفتوى "إنها ليست ابتداعا أو اجتهادا جديدا، وإنما ما استقر عليه السلف الصالح، وهم خير القرون الثلاثة الأولى المفضلة من تاريخ الإسلام"، ووصف الرئيس مبارك بأنه "أمير المؤمنين".وشرح ما يعنيه في تصريحات لـ"العربية. نت" بأن كلامه ينصب على موقف السلفيين من قضية التوريث، والتي ما زالت تشغل الرأي العام المصري رغم حسم الدستور لهذه القضية.وعرف الشيخ عامر السلفيين "بأنهم الذين يدعون لفهم الدين وفق فهم الصحابة والتابعين وتابعي التابعين".

...........................

طب اقول ايه و النبي

اقول ان الصحابة دول لو كانوا موجودين دلوقتي كانوا شخر***م ... اسف

ولا اقول ايه بالضبط

انتوا مين يا عم انت و هو اصلا علشان تفتوا

و بعد كده بقى نقول مبارك صلى الله عليه وسلم

و سيدنا جمال عليه السلام

واللي يخنق اكتر انهم اطلقوا على مبارك امير المؤمنين

هما العالم دول كانوا غايبين و مش عارفين اللي حصل

و ان مابقاش فيه امير مؤمنين و الالقاب دي

و بعدين بزمت اهاليكم انتوا بتقارنوا حسني و جمال بأبوبكر الصديق و عمر

فعلا احه

فعلا احه

وحيات سيدنا و سيدكوا النبي فككم منا

و خليكم في اللي انتوا فيه

البلد مش ناقصة فتي

........................

والنبي يا عم وائل عباس ( إكمني عارف حبك الشديد ليهم ) سمعني هاتقول في الناس دي ايه

انت و نوارة و مالك

اشجوني و دلعوني كلام

........

فعلا احه

فعلا احه

Linkin Park - What I've Done

Arabawy
you gonna love this man
this is for u



الحرية لخالد حمزة





انا معرفش خالد حمزة شخصيا



بس عرباوي كان حكالي عنه كتير اخر مرة كان هنا


مايهمنيش إذا كنت مختلف مع الشخص ده فكريا او لآ





علشان مايجيش اليوم اللي اعتقل فيه او اي حد غيري علشان تفكيرنا


سيبونا في حالنا منكم لله


و الحرية لخالد حمزة


الحرية ليا و ليك


الحرية لمصر كلها

نقض حكم الكلب

فجاءة لقيت نفسي مضطر اني اتفرج على الفيديو ده تاني
و انا كنت فاكر اني بعد الحكم اللي فات استريحت و مش هاشوفوا تاني
لآن الفيديو ده غير نظرتي لحجات كتير قوي من اول مرة شفته و نشرته فيها
و حتى لما كنت بشوف الناس نقلاه مني و نشراه
ماكنتش بحاول اشوفه
الشخص الحقير المحكوم عليه مقدم الحكم للنقض
الجلسة يوم 2 مارس
يا ريت كل الناس تكون مع عماد هناك
ابعتوا
لنوارة و نسقوا معاها
ممكن الكلب ياخد انشاء الله كمان حكم اكبر

مسجد الشيخ زايد

النهاردة يا جماعة كنت بزور ابويا لأول مرة من ساعت ما جيت هنا

انا مافهمتش حاجة من المقابلة دي
و كنت ماش اضحك و اخويا مش فاهم بضحك ليه

سيبكم من ابويا
المهم ان و انا مروح دبي

لقيت مسجد الشيخ زايد في وشي

المسجد ده كبير جدا من بره

فاقلت لما ادخل اصلي فيه العصر و كده كده اشوف الحكاوي اللي اتحكتلي عنه

مش عارف اقولكم شفت ايه

بس عارفين كلمة الانبهار

دي حاجة قليلة عليه

انا فضلت فاتح بقي مش مصدق اللي بشوفه طول الزيارة
المسجد ده تالت اكبر مسجد في العالم

اتكلف تقريبا 3 مليار جنيه
فيه نجفة وزنها 9طن من الكريستال و الياقوت و المرجان


فيه اكبر سجادة في العالم اشتغلتها 1200 سيدة ايرانية


اكبر قبة في العالم

كله رخام ووووو ..... مش عارف اوصف
الزخرفة مغربية
والرخام ايطالي
اللي بنوه اتراك
و طبعا الحاجة المصرية الوحيدة اللي فيه هي المصاحف اللي
مطبوعة بطريقة مش موجوده منها في العالم الا في الجامع ده
شوفوا المصحف في الفيديوهات
حاجة وهمية يا ناااااااااااااس


شوفوا الصور يا جماعة هنا في الفيس بوك بتاعي

و كمان دي مدونة لشاب إماراتي اسمه اسامة لقيت فيها صور جامدة موووووووووت

ودي معلومات عن الجامع
و دي الفيديوهات
و في النهاية ادعوا لعمكم الحاج عرباوي
اللي وصاني اني افضل اصور
و في النهاية تاني

كاسترو مان



بعد 49 سنة خدمة في كوبا تنازل عن الحكم

الراجل ده كان جامد مووووت

طلع دين ام كوبا

و طلع دين ام امريكا

شفته الجمودية

انا مستني بقى كام واحد كده يكتبوا عنه

اولا : عرباوي و يساري مصري علشان ميولهم الشِمالية

ثانيا : نوارة و مالك (خلص عزال ياد بسرعة) و النقاش الكبير الي هايحصل بينهم في احقية كاسترو انه يدرب منتخب كوبا للبنج بونج ولا لآ

اديني مستني اتفرج على الليلة دي

حد مصدق

قبل اي حاجة
ممكن تقروا التحقيق ده في المصري اليوم
و بعدين حد يفهمني
حد مصدق السادية في التعامل دي
حد مصدق انهم يمسكوا طفل عنده سنتين و يلفوا عليه اسلاك كهربا و يهددوا امه بيه
حد يصدق (الافشخنات) اللي في المقال ده
هم الشرطة دول مثلا صهيونين متعصبين بيكرها الشعب بتاعنا للدرجة دي
ايه ياولاد الكلب ده
ايه السادية في تعاملكم معانا دي
ايه الكره و الحقد ده كله
هو احنا عملنالكم ايه
ندبح نفسنا واحد واحد علشان تخلصوا و تستريحوا منا
طب فهمونا
نزلوا تفسير و احنا نوعدكم اننا نتفهم السبب
هو الانسان المصري الاول زمان مثلا كان اغتصب الشرطي-مش عارف اقول المصري-الاول في ميدان عام
ميدان الرئيس خوفو مثلا
او خد مراته و امه وقلعهم هدومهم و نزلهم نفس الميدان و خلا الناس يغتصبوهم
و بعدين دبح عيلته كلها قدامه
و بعدين الشرطي الاول مات مشلول بحسرته و لا ايه بالظبط
اصل انا قاعد اسرح بخيالي علشان الاقي سبب افهمه
يخليهم يعملوا اللي بيعملوه ده بس مش لاقي
طب تكونشي الشرطة دي كائنات فضائية اكلة للحوم البشر متخفية و جاية تحتل الارض
و لقوا ان مصر هي المكان الانسب لبدأ الحملة دي
ماهو يجماعة انا لازم افهم
طب نكون احنا مثلا من معتقلين روسيا و الروس جابونا هنا و عملولنا غسيل مخ و قلولنا انتم مصريين
و بدل ما الدنيا كانت فضحاهم على معتقلات سيبريا
هنا ماحدش هايكلمهم مهما عملوا فينا
ارجوا من اي حد انه يفهمني
لأن حسرتي على اللي بيحصلنا جابت اخيرها
مش حسرتي لوحدي ... حسرت الناس كلها
وولاد الكلب مابقوش حاسيين

واحد ابن مت****






كان محكوم عليهم بالمؤبد علشان قتلوا واحد


و بعد 8 سنين في السجن


لقوا القتيل معاهم في السجن


فخدوه و راحوا لمأمور السجن


القتيل قال لمأمور السجن


انه ساعت القضية كان في دمياط


و انه لما جه يتكلم


رئيس المباحث هدده


ولما جه يروح المحكمة يتكلم


رجال الشرطة السريين (المخبريين يعني) منعوه


يعني الظابط الخ** لبس مؤبد لاتنين بني ادميين


علشان يريح دماغه و مايشتغلش


يعني علشان سعادة الخ** مرة تانية مايشتغلش و يتعب نفسه


ضيع مستقبل عائلتين


شفته بقه الظابط ابن المت****


انا اسف على سفالتي


بس هو برضه ابن مت****


مش فارقة

مع اني فرحان اليوميين دول علشان المنتخب
إلا إني كل يوم توصلني اخبار عن بلاوي وزارة الزابلية (من الزبالة يعني) ,,,مما يجعلني اسأل سؤال
هي العالم دي مابتفهمش؟؟ مابيعتبروش يعني
و بقيت بلاقي تقل في ايدي لما اجي اكتب عنها
بس فيه خبر تاني النهاردة و انا بقراه شدني
بس هو متعلق بوزارة تانية ,, وزارة الفاشلية (من الفشل يعني ) اظن انتوا خمنتوا دي اني وزارة
الخبر يا سادة يا كرام بيقول ان فيه سفينة مصرية اسمها بدر1 تايهة في البحر الاحمر بقالها شهر
و ان ماحدش عرف يلاقيها لحد دلوقتي
السفينة دي فيها 9 مصريين و 4 سودانيين و يمني واحد
صاحب السفينة طلع قال انهم لقوها قدام سواحل السودان
وفي ساعتها على طول طلع مساعد وزير الفاشلية و نفى الخبر
و صرح ان الوزارة مازالت تتابع اتصالاتها للعثور على السفينة
و انهم اجروا 3 عربيات نص نقل ماركة الدبابة عليها مكروفونات قعر الحلة المصرية الشهيرة
و العربيات دي نزلت تلف البحر الاحمر علشان يلاقوا السفينة
وانهم نزلوا اعلانات على القناة التامنة
وقالو ان اللي يلاقي السفينة هايدولوا شهادة استثمار ب40جنيه
والنبي ده مش هبل
بقالكوا شهر بدوروا على سفينة مش لاقينها
والسفينة مش غرقانة كمان
انا اعرف ان البحر الاحمر دة مش محيط يعني و حتى لو محيط
يعني ممكن السفينة دي تتجاب بالقمر الصناعي او بالطيارات
اما تقولي بنعمل اتصالات علشان نلاقيها؟؟؟ ده هبل
السفينة مش مستخبية عند حد
دي في البحر
يعني انا عندي سفينة فيها مواطنين تايهة بقالها شهر و الموضوع عادي كدة
انا مش عايز اتخيل ان الموضوع ده لو حصل في دولة محترمة كان ايه اللي حصل
كانت الدنيا اتقلبت ومش بعيد يعملولها فيلم بعد ما يلاقوها
بس احنا في بلد لو شعبها كله تاه ولا غرق ولا اتقتل ولا اتحرق
ولا هاتفرق معاهم
حسبي الله و نعم الوكيل

Linkin Park - From The Inside


I Don't know who to trust

No surprise

Everyone feels so far away from me

Heavy thoughts sift through dust

And the lies


Trying not to break

But i'm so tired of this deceit

Every time I try to make myself

Get back up on my feet

All I ever think about is this

All the tiring time between

And how

Trying to put my trust in you

Just takes so much out of me


I take everything from the inside

And throw it all away

'Cause I swear

For the last time

I won't trust myself with you


Tension is building inside Steadily

Everyone feels so far away from me

Heavy thoughts forcing their way

Out of me


I won't trust myself with you

I won't waste myself on you

Waste myself on youYou

تحيا مصر

الفيديوهات اهه اخيرا
عرفت انزلها بطلوع الروح
بعد ماخدت فكرت عرباوي و رفعتها على ماي سبيس بدل يوتيوب العقيم
زائد ان النت لسه في الضياع
على العموم هاتلاقوا واحد مجنون بيجري ماسك العلم و لابس تي شيرت برتقالي و جينز
ده انا
معرفش ليه الواد وائل عباس جه على دماغي و انا بكتب الكلام ده
بالمرة بقه .... يا وائل انت عامل شغل جامد قوي و كمان واحشني يا معلم
الطقم كله واحشني بصراحة
اتفرجوا بقى
و تحيا مصر



egyptian in UAE celebrations

Add to My Profile More Videos

egyptian in UAE celebrations

Add to My Profile More Videos

egyptian in UAE celebrations

Add to My Profile More Videos

قطعناهم .......موتناهم


سيكي بيكي . شيكي ميكي . تيكي ليكي

الترجمة

مصر خدت الكأس بالافريقي

.................

قلبنا الدنيا في الشارقة بزفة كان فيها 2000 عربية

و نزلنا بمزمار و طبلة و البتاعة اللي فيه واحد بيقف في وسطها و يلف دي

معرفش اسمها ايه

بس اللي بيعملوها في الموالد دي

و انا نزلت من العربية و جريت و رقصت في الشارع مع العلم

و الشرطة برضه ماعرفتش تعمل مع كمية الناس دي ايه

الحاجة اللي عملوها و ضحكتني

ان فيه ظابط نزل من عربيته و صادر طبلة من واحد في الشارع و سابه و مشي

بالمناسبة الظابط كان راكب رانج روفر

غلابة قوي الظباط بتوعنا دول

هما مش غلابة قوي

هما مش غلابة خالص

منهم لله

المهم

اول ما هارفع الفيديوهات هانزلها

سلام

زفة الماتش

هي دي الزفة اللي عملناها انا و اخويا بعد ماتش كوت افوار
كان فيها زيادة عن 250 عربية
مصريين و مش مصريين
قفلنا بيها كورنيش عجمان في الامارات
ابوظبي و دبي و الشارقة برضه حصل فيها كده
و طبعا الشرطة سحبت رخص كل الناس اللي انتوا شايفينها في الفيديو دول علشان عطلوا المرور
ولما رحنا قسم الشرطة لقينا كل المصريين اللي في البلد هناك
و بصراحة الشرطة عاملتنا بمنتهى الاحترام
و قالولنا المشكلة بس ان احنا وقفنا الطريق
لو كنا ماشيين ماكانوش وقفونا
قاللونا إنهم كانوا بس خايفين ان لو اسعاف مثلا عايزة تمر مش هاتعرف
او لو فيه حد عنده حالة طارئة
و رجعوا للناس كلهم رخصهم و قالونا مبروك
و طلبوا منا ان النادي المصري هنا يبعتلهم جواب رسمي علشان يطلعوا معانا عربية شرطة تنظم الزفة بعد الماتش الجاي
طبعا انا مازلت منبهر بالمعاملة اللي حصلتلي دي في قسم الشرطة
علشان سوابقي معاهم مش لذيذة
إتفرجوا بقى على الفيديو
و يارب النهاردة نعمل زفة اكبر





الانتخابات الامريكية

عندي سؤالين بس بالنسبة للموضوع ده
بس فكروا فيهم كويس
و كمان قبل ما تجاوبوا سيبوكم من كلام الحرية و المساواة و الكلام الي امريكا مصيحة لنفسها بيه ده
علشان فيه حسابات اخرى لما نيجي للموقع الحساس ده
مع الهيصة اللي عاملاها كلينتون و أوباما
السؤال الاول اللي جه في تفكيري:
هل هاتقبل المؤسسة الدبلوماسية الامريكية - قصدي الناس اللي حاكمة امريكا بجد - ان واحدة ست تمسك الدولة ؟
السؤا التاني :
هل هاتقبل نفس المؤسسة ان واحد اسود - افريقي امريكي يعني - يحكم البلد ؟
هما دول السؤالين اللي مش مخلييني عارف اكمل تفكير في الموضوع ده .


من المصري اليوم


مازالت أفكار الكثيرين تعيش داخل شرنفة منغلقة في التعامل مع العالم الخارجي وما زلنا نضرب أصابعنا علي الحروف البارزة بطريقة «برايل» في عيون فاقدة البصر ورؤية مستقبلية يغلفها الضباب ونتائج ردود الأفعال فاقدة الإحساس تعمل بمفاهيم الستينيات،
بينما علامات قديمة مغروسة في الطرق الصحراوية تقول «ممنوع الاقتراب والتصوير» والأقمار الصناعية تلف الكرة الأرضية تعد رمال الصحراء وتلتقط صورة للجندي الحارس كما تعد أنفاسه وتحدد ماركة الساعة في معصم يده ومن منا لا يضحك علي نكتة الستينيات النادرة «حد نازل المطار السري»؟!
لماذا يغضب المسؤولون ويهددون البرلمان الأوروبي لأنه فتح أخيرا ملف حقوق الإنسان في مصر، ونحن بطريق غير مباشر أعطيناهم السلاح الذي يهاجموننا به، لأننا لو كنا نتقي الله في شعبنا ونحترمه ما كانوا فعلوا بنا ما فعلوه، في وقت نجد فيه مسؤولينا الكرام سعداء بالتوجيهات الأمريكية وتعليمات البنك الدولي؟!
ومن المدهش أن يخرج علينا أحد جهابذة السياسة مهدداً ومتوعداً البرلمان الأوروبي بكشف عورات مصائب الأوروبيين، الأمر الذي أدي إلي أن رئيس البرلمان الأوروبي مستخبي الآن وبيبكي نادما علي ما فعله وماشي يعض صوابعه ويتجرع كؤوس الندم وخايف من فتح ملفات البطالة والطوارئ عندهم وأساليب تزوير الانتخابات وسحل القضاة في شوارعهم والضرب علي القفا في أقسام البوليس هناك وإلقاء النشطاء السياسيين علي النجيل علشان مافيش عندهم طرق صحراوية،
وكذلك صور اغتصاب الفتيات وبهدلة الستات بتوع المظاهرات الوحشين في الشوارع وصور الشباب العاطلين اللي بيغرقوا في البحر واللي جايين يدوروا علي شغل في مصر ويا ناس يا شر كفاية قر انتوا مالكم ومالنا ده شعبنا واحنا أحرار فيه وعايزينه يتربي في عزو

العبور من فوق الصرف الصحي


قريت النهاردة في موقع فالبلد ان فيه تقرير وصل لأمين اباظة وزير الزراعة من الدكتور محمد نوفل رئيس الادارة المركزية للأراضي و المياه و البيئة فيه الاتي:-

- 38 مليون مصري بيشربوا مياه الصرف الصحي

- 76 % من مياه قرى مصر مخلوطة بالصرف الصحي

- 25 % من مرضى المستشفيات بسبب شربهم مياه ملوثة بالصرف الصحي

- 4500 قرية مصرية من 7000 قرية لسه بيعتمدوا على حفرة في الارض ( طرنش ) علشان الصرف الصحي

- 6 ملايين فدان من 8 مليون فدان في مصر تزرع بنظام الري السطحي و النظام ده كفاءته 50% فقط و هايتسبب في جعل الاراضي غير صالحة للزراعة

بصراحة هو ده العبور الجديد للمستقبل

اللي عبر بيه بينا مبارك حفظه الله من المجاري

هو ده العبور الحقيقي

العبور من فوق الصرف الصحي



اليوم وبرعاية نادي الهلال الرياضي الفلسطيني بغزة ، تم تكريم النجم المصري محمد أبوتريكة في احتفال أسطوري هتفت فيه الجماهير الغفيرة التي حضرت الاحتفال لأبوتريكة بشكل جنوني ، كما كان هناك جانبا من الهتافات للشعب المصري الأصيل والذي اعتبره الفلسطينيون الأفضل بين كافة الشعوب العربية في مساندة القضية الفلسطينية قلبا وقالبا.
الاحتفال الضخم الذي أقيم لأبوتريكة اليوم ، شهد حضور عدد كبير من الكوادر الرياضية المسؤولة بوزارة الشباب والرياضة برعاية نادي الهلال الرياضي في غزة ، وشهد الاحتفال أيضا مشاركة اللجنة الشعبية لمواجهة الحصار برئاسة جمال الخضري الذي قال " لم يحظى أبوتريكة بكارت أصفر ، ولكنه في الحقيقة حظي بحب الشعب الفلسطيني ، والأمة العربية والإسلامية عندما عبر بطريقته الخاصة عن تضامنه مع الشعب الفلسطيني المحاصر". في الوقت الذي فيه تم إعلان جائزة حملت إسم النجم الكبير محمد أبوتريكة تحت شعار "فلسطين بتحبك يا أبوتريكة" ، فيما حمل العديد من الأطفال الصغار شعارات كتب عليها "فلسطين كلها أبوتريكة".
على صعيد آخر ، علم El-Ahly.Com من مصادره الخاصة أن احتفالا آخر سيقيمه رئيس الوزراء الفلسطيني لأبوتريكة وسيشهد العديد من الفعاليات التي يعتبرها الفلسطينيون جزءا من رد الجميل تجاه ما فعله النجم المصري في لفتة إنسانية لا تصدر إلا من نجم كبير كالنجم المصري محمد أبوتريكة.
وقال نور الفلسطيني لـ El-Ahly.Com " ليس بغريب عن النجوم الخلوق ملك القلوب محمدأبو تريكة ما فعله من اظهار تعاطفه من اهل غزة بعبارة بسيطة (تعاطفاً مع غزة) كما فعل من قبل من إيصال رسالة للغرب دفاعاً عن رسول الله و لان ابو تريكة صاحب الاخلاق الرفيعة له هدف من لعبة كرة القدم و يحمل رسالة إنسانية خالصة من خلال هذه اللعبة شديدة الشهرة في العالم فليس من الغريب ما يفعله من رسائل نبيلة دفاعاً عن الإنسانية أو الدين الاسلامي متمثلة بأداء المباريات الخيرية لصالح الفقراء و ايضاً ما يفعله من تقديم مساعدات لمستشفى سرطان الاطفال و ما يظهره أسفل فانلته من رسائل موجهة تزيد من حب الناس له "

و تابع المواطن الفلسطيني الذي يقطن بغزة " و أقول بالنيابة عن الشعب الفلسطيني للنجم المحبوب و الذي زادت محبته في كل الأقطار الإسلامية و العربية بأن ما تفعله هو طريق الصواب و أن ما فعلته ما لم يفعله مليار مسلم على وجه المعمورة فالشكر موجه لك بشكل خاص و موجهة أيضاً للشعب المصري بشكل عام الذي يقف بجانب اخوانه في فلسطين على مر العصور ، شكرا لكم جميعا "

الجدير بالذكر أن أبوتريكة نال إنذارا في أعقاب إبرازه لشعار " تعاطفا مع غزة" في مباراة المنتخب المصري ونظيره السوداني ، وأشادت الصحف الجزائرية والتونسية والعربية بما قام به النجم المصري الكبير ، الأمر الذي انعكس بالإيجاب على المنتخب المصري الذي نال إشادة كبيرة وتأييد أكبر في الأوساط الرياضية الكروية بكاملها ، إلا أن الصحف الإسرائيلية طالبت بمعاقبة اللاعب الذي رفع شعارات سياسية مخالفا وبشكل صريح لقوانين الفيفا ، غير أن الكاف اكتفى بتحذير شفهي للنجم المخضرم في خطوة نالت استهجان كافة الأوساط الرياضية العربية.
ونشرت شبكة فلسطين للحوار على الإنترنت صور الاحتفال التي شهدها الحفل التكريمي الكبير لمحمد أبوتريكة ، ينقلها الموقع إليكم ..

غنوة جديدة لغزة

ابويا كتب قصيدة جديدة تاني اهو
ربنا يديلو الصحة ويخليهولنا
و مع اني جايبها من عند نوارة
بس برضه هافضل اقول منك لله يا نوارة علشان مخلتنيش اشوفه قبل ما امشي
هي دي القصيدة اللي مكتوبة لغزة
.......................................
غنوة جديدة لغزة
........
شي لله يا لغزاوية
يا وجع الأمة العربية
لا انتوا حماس ولا عباس
فلسطين هي القضية
شي لله يا لغزاوية
شي لله وعلى دلعونة
حكمونا ولاد الملعونة
والآخر خانم وباعونا
للسمسار والصهيونية
شي لله يا لغزاوية
شي لله وانتوا لوحديكوا
الله ينصركوا ويهديكوا
ويدمر دولة أعاديكوا
والأيام أهي رايحة وجاية
شي لله يا لغزاوية
شي لله ولا عادش رجوع
ويّا الخاين والجربوع
الأطفال ماتت م الجوع
والعطشان مش لاقي المية
شي لله يا لغزاوية
شي لله على أحلى كلام
ناس تصحى والأمة تنام
يعني قفاك يصبح قدام
يا لعربي وتركب عربية
شي لله يا لغزاوية
.........
أحمد فؤاد نجم
31/1/2008