النائب العام يطلب رفع الحصانة عن إبراهيم نافع وسمير رجب.. وإحالة ١٤ للمحاكمة بتهمة التهرب الضريبي

كتب محسن عبد الرازق ٢٧/٢/٢٠٠٧

طلب أمس المستشار عبدالمجيد محمود، النائب العام، من مجلس الشوري رفع الحصانة عن إبراهيم نافع عضو المجلس ورئيس مؤسسة «الأهرام» السابق، وسمير رجب عضو المجلس ورئيس دار التحرير ورئيس تحرير صحيفة «الجمهورية» السابق، لاتخاذ الإجراءات الجنائية ضدهما بتهمة التهرب الضريبي. وقرر أمس المستشار أيمن عبدالرازق، المحامي العام لنيابة التهرب الضريبي، إحالة ١٤ متهماً من بينهم قيادات صحفية ومديرو مستشفيات ومسؤولون سابقون وحاليون إلي المحاكمة الجنائية، لعدم تسديدهم الضرائب المستحقة علي جهات عملهم. يشمل قرار الإحالة كلاً من: محمود مرعي رئيس هيئة سكك حديد مصر السابق، وعصام إسماعيل فهمي رئيس مجلس إدارة صحيفة «صوت الأمة»، ومحمد جمال الدين حسن رئيس شركة «صيدناوي»، وشريف محمد الديب رئيس اتحاد السياحة المصري، ورمضان علي محمد مدير مستشفي «الجمهورية»، وجرجس رؤوف الجمل مدير المستشفي القبطي، وعمرو مصطفي علواني رئيس اتحاد الكرة الطائرة، وكمال الدين درويش رئيس نادي الزمالك الأسبق، وأحمد إبراهيم حبيب رئيس شركة مطابع المقاولون العرب، ومحمد عبدالفتاح وحسن عبدالفتاح يوسف، رئيسي الإدارة المركزية للشؤون لمالية لاتحاد الإذاعة والتليفزيون السابق، ومحمد أحمد المنباوي نائب رئيس بنك ناصر السابق، ومحمد أحمد إبراهيم رئيس البنك الحالي، وسيد عباس دوينا رئيس شركة مصر للغزل والنسيج. وكشفت التحقيقات أن المتهمين خالفوا قانون الضرائب، وذلك بامتناعهم عن دفع الضرائب المستحقة علي جهات عملهم. من جهته، أكد مصدر بمصلحة الضرائب المصرية، ثبوت وقائع التهرب الضريبي، وتحريك الدعوي بعد استئذان وزير المالية في مذكرة رسمية. من جريدة المصري اليوم سؤال برئ: امال مين اللي كان بيدفع ضرايب في البلد؟؟

مفاجاءة جامدة

عندي ليكم شخص مفاجاءة

بيظبط افلام فيديو هو بيعملها و بيعمل المزيكا بتاعتها

هو اللي عامل الفيديو ده و الفيديوهات اللي هاتشوفوها بعد كده

و كمان الفيديوهات اللي شوفتوها من يومين عند عرباوي

إستنوه معانا في حاجات جامدة اوي

انا مش هاقول اسمه الا لما اسئله الاول

..................................................

ده فيديو الضرب الاخير بتاع وائل عباس

عمل ترجمه بالانجليزي ليه

take a look

و ده الفيديو الاصلي

سيمور هيرش في القاهرة

حضرت إمبارح مع عرباوي ندوة في الجامعة الامريكية ل سيمور هيرش الصحفي الامريكي الكبير اللي كشف موضوع سجن ابوغريب
و أحداث كبيرة تانية منها مذبحة امريكية في فيتنام ..... و كان سيمور في مصر بدعوة من مؤسسة هيكل و كان هيكل نفسه حاضر
المهم ان الراجل اتكلم عن حاجات كتير منها سياسات امريكا الخاطئة في الشرق الاوسط و مع العالم و خصوصا اتكلم عن العراق و ايران و لبنان و حزب الله و اتكلم بالذات عن حسن نصرالله و اللي قاله في اخر لقاء بينهم ان هدف الامريكي من الدعم اللا محدود لأسرائيل في الحرب الاخيرة هو عمل فتنة علشان لبنان تاكل نفسها بنفسها و يخلصوا من حزب الله اللي هو التهديد الحقيقي الوحيد لأسرائيل في المنطقة
و اتكلم عن ايران و ازاي انه مش فاهم ازاي امريكا عايزاها توقف نشاطها النووي قبل المفاوضات يعني بتفرض نتيجة المفاوضات قبل ما تتفاوض اصلا ...... و ده كلام اهبل
الحاجة اللي خنقتنا فعلا و ضحكتنا في نفس الوقت هي لما هيكل بداء كلام قال انه اول ما دعى سيمور للقاهرة ماكانوش ناوين يعملوها في الجامعة الامريكية و لنا طلبوا يعملوها في مكان مصري مش فاكر كان ايه رفضوا لدواعي امنية و هو عرف ان السبب الرئيسي ان سيمور يهودي ... و قال ازاي و المكان ده كان استضاق بيجن وقادة اسرائيلين قبل كده؟؟ إشمعنا يعني
انا اصلا مش فاهم موضوع الدواعي الامنية ده؟؟ كل ما نيجي نعمل حاجة يقلولنا ماينفعش لدواعي امني .... مثلا ينقلولنا الماتشات من ستاد لستاد علشان دواعي امنية .... و مثلا واحد عسكري شرطة عسكرية من اللي بيقفوا في كشك في الشارع يكتبلك عليه ممنوع الاقتراب و التصوير لدواعي امنية
والنبي بلا خيبة
اكبروا بقه وافهموا ان الدنيا اتغيرت و ان لو فيه طفل قاعد على النت في بيتوا ممكن يشوف بيت الريس بجوجل ايرث مثلا
اقول ايه يعني ..... فكروا يا هبل و بلاش غباء بقه
the photo and details in English at ARABAWY'S

50000

50000 اللي زاروني
و انا لسه ماعدتش 5شهور
شكرا لكل واحد ضيع و لو ثانية علشان يقرالي
و كل واحد سابلي رأيه في موضوع
و كمان كل اللي ساعدني اني ادون و اكتب
جيمي ... وائل ... شرقاوي ... عرباوي
سلام

خطبة جمعة في اليكس

بقالي كتير جدا ما سافرتش اسكندرية فاقلت انزل اقضي يومين هناك في الاجازة و سافرت امبارح الخميس و روحت ابات
و طبعا بما ان نومي خفيف صحيت على صوت الخطبة بس بما اني كنت نايم تعبان فا فضلت سامع الخطبة على خفيف لحد ما سمعت كلمة (رئيس الجمهورية) و مصدقتش؟
فجاءة سمعت الكلمة دي من الخطيب اللي لاحظت في بداية خطبته انه من الاخوان
فا فتحت عيني و قلت اقوم اسمع الخطبة
و سمعت اللي ماكنتش اتصوروا
الخطبة كلها كانت عن التعديلات الدستورية الجديدة و إزاي ان التعديلات دي كلها بتخالف الشريعة الاسلامية و دي نقطة انا مافكرتش فيها قبل كدة مع انها مهمة جدا
و يمكن تخلي المحكمة الدستورية ترفضها كلها لأنها مخالفة صريحة للشريعة
لأنها بتلغي جميع الحربات الشخصية اللي منصوص عليها في الدين و في الدستور و حاجات بسيطة جدا و معروف انها حقوق للمواطنة كلها هاتلغي
و زي ما قلت في تدوينة قبل كدة ان هايكون للحكومة القدرة على خطف زي التجسس على اي شخص لمجرد الاشتباه فيه و كمان دخول اي منزل و تفتيشه و كل ده من غير إستأذان النيابة او امر قضائي
و دي حاجات كها مخالفة للدين الأسلامي و بالتالي للقانون لأن الشريعة الأسلامية هي مصدر التشريعات في الدستور
نرجع بقه لموضوع سيادة الرئيس اللي سمعت الكلمة دي بتتذكر لاول مرة و كان بيتهاجم في الخطبة
(لانه سجن كثير من الاخوان المواطنين الشرفاء و صادر فلوسهم و حتى لما المحاكم برأتهم ما رجعش فلوسهم ليهم ولازم يقام عليه حد السرقة هو و الحكومة الظالمة) تخيلوا سمعت كده
و إزاي بيحاكم الناس دي محاكمات عسكرية في الوقت اللي بيقتل بالألف مصري ماتحاكمش اصلا و أظن ان عنده حق
الراجل دة ادى للناس تفسيرات كويسة جدا إزاي ان التعديلات دي هاتلغي كل الحقوق المشروعة و الطبيعية للناس و أظن ان اغلب الناس صدقته لانه كان بيتكلم بالعقل

و كمان كان بيجيب التفسير الحقيقي للايات اللي بتنص على الحريات الشخصية و تأكد انها من الحرمات

وكمان على حقوق المواطنة و عدم الاكراه في الدين و شدد و شرح فيها كتير

و ماكنش بيرغي في الفاضي زي اغلب خطباء الاوقاف التعبانين

و الراجل ده لتاني مرة بقول انه كان عنده حق

إحنا هانضيع لو موضوع التعديلات دي عدت من مجلس الشعب كما هو متوقع

بس كده الاخوان فتحوا المواجهة علني ضد الريس بذكرهم صفته

وكده كل واحد بيقول للتاني خلاص انا مش ساكت

ربنا يستر و تعدي الايام دي على خير

سلام من اليكس

العادلي فيديو جيت : فضيحة جديدة يا سيادة الوزير

فيديو جديد وائل عباس حصل عليه
عن حالة يومية في اقسام مصر
انا مش هاتكلم كتير عنه
الضابط الاهبل هو اللي هايتكلم

بس المفروض ان بقه لو الوزارة همها مصلحة الشعب بجد

و ان دي حالات شاذة و فردية زي ما بيقولوا

يبقى الناس دي يتقبض عليها النهاردة قبل بكرة و اظن هما ظاهرين كويس قوي

و بصوتهم كمان و الظاهر كمان استمتاعهم بللي بيعملوه

و يتحاكموا بقه محاكمة نضيفة

دول اللي يستاهلوا المحاكمات العسكرية مش المواطنين العاديين

علشان دي بقت وساخة

ولما قلت حالة يومية يعني حالة يومية

و الناس كلها عارفة انها بتحصل كل يوم

هي دي طريقة التعامل الحلوة قوي للمواطنين في مصر من جانب افراد الشرطة المريضة

معلش يا جماعة

انا مش قادر اسكت و نفسي اقولها

علشان مافيش مهانة اكتر من كدة لينا

انا اول مرة اقول كلمة وسخة عندي بس مش قادر

أحححححححهههههههه

هكذا يصاغ مستقبل مصر

مساء الفل يا جماعة
الواد البشمهندس ابن خالتي بعتلي السبب الغامض
ان سيادة الدكتور احمد فتحي سرور حفظه الله و رعاه
منع التصوير خلال جلسات مجلس الشعب
و أدي الصور اهه

السبب الاول

صحي النوم يا بلادينا
هو مين ده؟؟

هما مش هايخلصوا بقه؟؟

بيحلم انه بيتكلم في الموبايل

ونقل على الودن التانية

و الان السبب التاني

أزأز بفلوسنا يا عم

هو سيادة الدكتور (نظيف) بيرمي القشر فين؟؟
البلد شغلها بيمشي على قزقزة اللب



مش عارف اقول ايه زيادة

عليه العوض و منه العوض

.............................................
تحية لابن خالتي

العنب العنب العنب

...............................................

مبارك يمنح قائد الجيش الامريكي في العراق وساما مصريا

هو ليه انا ملاحظ ان الناس كلها ساكتة

و محدش بيتكلم علي حصل إمبارح

المهم ان سيادة الرئيس المصري منح وسام الاستحقاق من الدرجة الاولى للجنرال جوني ابي زيد قائد القيادة المركزية الامريكية (تقديرا لمجهوداته في دفع علاقات التعاون العسكري المصرية الامريكية) يا سلام يا ولاد

الراجل ده ياخوانا هو اللي كان في الحرب على العراق

و قتل من شعبها وذلهم

و نيجي في الاخر نديله وسام من عندنا

مستنين بقه من الناس دي ايه اكتر من كده

يقتلونا و يهينونا و نديهم اوسمة

ماهو لازم يعملوا فينا اكلر من كده

و في النهاية

شكرا سيادة الرئيس

الخبر من موقع

filbalad.com

تكملة لمهازل العادلي فيديو جيت

تكملة للمهازل اللي بتحصل

إيهاب ضحية الضرب على القفا اخد حبس 3 شهور

بتهمة سرقة تليفون محمول

وصلت معلومات من المنظمة المصرية لحقوق الانسان

ان قسم إمبابة ورا الموضوع علشان يضغطوا على إيهاب

علشان يتنازل عن قضيته ضدههم

اللي هاتكون يوم 3 مارس

معلومات اكتر

details in english at

Arabawy's

إحالة ٢٦ عميلا لـ«C.I.A» ورئيس الاستخبارات الإيطالي السابق للمحاكمة بتهمة خطف أبوعمر المصري

قبل ما تقروا الموضوع عايز اقولكم ان الشخص ده مصري و ممكن تقولوا عليه كمان ارهابي و كل حاجة وحشة في الحياة بس علشان هو انسان وليه حقوق و فيه قانون بيتنفذ على الكبير و الصغير في دولة محترمة ممكن الشخص ده يكون السبب في قطع العلاقات بين امريكا و ايطاليا اكبر حليفين لبعض او على الاقل توتر العلاقات بينهم لمرحلة غير مسبوقة من ايام الحرب العالمية التانية ... كل ده علشان القانون يمشي على الكل وده هو الشعور بالامان الحقيقي ان الواحد يبقى عايش في مكان عارف ان حقه هايرجعلوا لو على رقبت مين

وانهم مش قادرين يفهموا يعني ايه شخص يتخطف في الشارع مش زي عندنا ... الشارع كله ممكن يتخطف و كل حاجة قانوني برضه

صحيح ... اتنظروا التعديلات الدستورية القادمة ... سوف يتم انشاء ادارة لخطف المواطنين بالقانون . وهاتلاقي البوكس وقف قدامك فجاءة و الضابط يقولك : انا من ادارة خطف المواطنين و جايين نخطفك .. ممكن تتفضل معانا . و تكون دي اخر صلة ليك بالحياة

اقروا الموضوع خلاص بلا خيبة

ميلانو «إيطاليا» - وكالات الأنباء ١٧/٢/٢٠٠٧
أمرت قاضية في مدينة ميلانو الإيطالية أمس بإحالة ٢٦ عميلاً من رجال وكالة الاستخبارات المركزية الأمريكية «سي. آي. إيه»، إلي جانب الرئيس السابق لجهاز الاستخبارات الإيطالية إلي القضاء لمحاكمتهم بتهمة الضلوع في خطف حسن مصطفي أسامة نصر الملقب بـ «أبوعمر المصري» من أحد شوارع ميلانو عام ٢٠٠٣
وذكرت وكالة الأنباء الإيطالية «أنسا» أن قاضية الجلسات التمهيدية في ميلانو كاترينا إنترلاندي أحالت رئيسي الـ «سي. آي. إيه» في روما وميلانو السابقين جيف كاستيلي، وروبرت ليدي، والرئيس السابق للمخابرات العسكرية الإيطالية نيكولا بولاري- الذي أقيل قبل شهرين علي خلفية القضية- إلي القضاء علي أن تتم محاكمتهم في ٨ يونيو المقبل. ومن شبه المؤكد أن يحاكم العملاء الأمريكيون غيابياً

ابو عمر المصري

ويبلغ عدد المتهمين في القضية ٣٥ مسؤولاً استخباراتيا بينهم ٣٢ متهمون بالخطف و٣ متهمون بالتواطؤ في القضية. وقال خبير أمريكي، إنها المرة الأولي التي يحال فيها مثل هذا العدد الكبير من عملاء الاستخبارات الأمريكية إلي قضاء دولة حليفة لأمريكا، وهي من أكثر الجوانب إثارة للجدل في الحرب التي يشنها الرئيس الأمريكي جورج بوش علي

«الإرهاب»
المصري اليوم

المصرى اليوم تنشر نص التحقيقات فى قضية تعذيب عماد الكبير

كتب عماد السيد ١٥/٢/٢٠٠٧

لم يتعرض جهاز الشرطة فى مصر إلى هذا التهديد المباشر لمصداقيته، مثلما حدث بعد انتشار كليبات التعذيب التى وقف

عليها ونفذها ضباط وأفراد داخل هذا الجهاز فأساءوا إلى باقى زملائهم، وإلى مؤسسة الأمن ككل

تحولت التكنولوجيا والهواتف المحمولة إلى عفريت مرعب بعد نجاحها فى توثيق جرائم هذه القلة الفاسدة من ضباط وأفراد الشرطة.وكانت قضية عماد الكبير الذى امتهنت كرامته وتم هتك عرضه، وابتزازه بنشر صوره بعد تصويره، هى البداية لفضح مافيا التعذيب فى أقسام الشرطة

فى البدء كان ناصر أمين مدير المركز العربى لاستقلال القضاء والمحاماة، والذى استغل حقه القانونى كمواطن مصرى منحه قانون الإجراءات الجنائية إبلاغ النيابة عن أى جريمة، وتقدم ببلاغ للنائب العام، تكشفت بعده الحقائق
وتحرر بعده المجنى عليه عماد الكبير من مخاوف التهديد والابتزاز التى مارسها عليه ضباط شرطة، بعضهم رتب كبيرة على حد قوله، وألقى باتهاماته واضحة صريحة، حتى ظهر الجناة، وبانت شخصياتهم
وبدأت تحقيقات ليس الهدف منها مجرد إعادة الحق لمواطن، وإنما نتائجها ستمثل إعادة للأمل بين المواطنين وتجديداً للثقة فى منظومة العدالة، إلى جانب مساهمتها فى تطهير جهاز الشرطة من العناصر الفاسدة التى تسىء إليه، ليعود جهازاً لخدمة الشعب والسهر على أمنه

بدأ مدير النيابة التحقيقات فى ٢٥ نوفمبر الساعة ١٠.١١ صباحاً مع ناصر أمين صاحب البلاغ بسؤاله عن الشكوى

تفاصيل التحقيق على المصري اليوم

TRUST

مين اللي بتثق فيه؟ او إزاي بتثق في حد و ليه؟ و إمتى؟ و هل هي حاجة طبيعية ان يكون فيه ناس بتثق فيهم و يبقوا المكان اللي بتخبي فيه اسرارك و تلجاء ليهم لما تحتاج اي حاجة؟
هل انت بتثق في الناس بسهولة؟ طب و لو حد خانك ممكن ترجع تثق فيه تاني ؟ ولا بالنسبالك كدة المضوع انتهى و خلاص؟؟ هو انت انسان الناس بتثق فيه؟ يعني هل انت محل ثقة عند الناس؟؟ طب ايه الصفات اللي بتكون في الانسان اللي بتخلي الناس تثق فيه؟؟ هو اصلا ايه معنى كلمة ثقة؟ عايز اعرف
أنا مثلا بحب ناس كتيرة قوي .... بس بثق في قي تقريبا اتنين و ممكن واحد كمان - مهما كنت بحبهم - لأن تجارب الانسان في الحياة كل ما تكبر بتخلي أحساس الخوف عنده يزيد و يبدأ ياخد موقف من الناس ويقلل مثلا كشفه لأسراره إلا يا إما صديقه المقرب ( الانتيخ ) يا إما مراته با إما ولا حد
الجملة دي فكرتنيبفيلم مش فاكر إسمه لما البطل قال ( أنا بثق في اتنين بس....انا و نفسي ) و دي حاجة اكتر الناس بتعرفها
بس ليه الناس بتثق في الواحد اصلا؟؟ السؤال ده ماعرفش اجابته
يعني حصلي مثلا ان فيه واحد وثق فيا على بناته اللي معايا في الكلية و قاليخاللي بالك منهم وهو كان بيموت في العناية المركزة - و الحمدلله هو لسه عايش - مع انه عنده ابن في سني تقريبا ...مش قادر اقول ثقته فيا عملت قيا ايه؟؟الموضوع اثر فيا قوي .....هل راجل زي ده هاخون ثقته في يوم- لا - ولا على رقبتي
بس المشكلة ان لو الناس بتثق فيك ماتفكرش ان ده حاجة حلوة اد ما تفكر ان ان الموضوع ده هايزيد من مسؤلياتك كتير قوي و ساعات فوق احتمال الشخص و يوصله لمرحلة انه مايقدرش يلبي احتياجات الثقة دي و يضطر ان يخونها إلا لو هو قوي جدا
كفاية عليا كده علشان بتعب من كتابة العربي كتير على الكمبيوتر ..... و ياريت اللي عنده تجارب وعايز يشاركها معانا او رأي يا ريت يكتب
سلام

السودانيين ردوا على يوم مصطفى محمود يا عادلي

كتب وائل علي ١٣/٢/٢٠٠٧

تعرض ٢٨ عاملا مصريا لاعتداءات شديدة وتعذيب علي أيدي أفراد شرطة النجدة والعمليات السودانية مساء يوم السبت الماضي، ونشر موقع «سودانيز أون لاين» صورا لعدد من هؤلاء العمال، وآثار التعذيب علي أجسادهم طالب مركز الجنوب لحقوق الإنسان، الذي يتبني قضية هؤلاء العمال، بإجراء تحقيق عاجل في الواقعة التي شهدتها مدينة الرياض السودانية
وأكد المركز في بيان له أمس أنه تم الاعتداء عليهم في موقع عملهم بالمدينة، ثم تم استكمال حفلة التنكيل بهم بمركز شرطة الرياض تحت إشراف ضابط برتبة ملازم ثان
وذكر البيان أن تفاصيل الحادث تعود إلي خلاف نشب بين عامل مصري وآخر سوداني في إحدي العمارات تحت الإنشاء، حيث قام السوداني بسب المصري بألفاظ غير مقبولة، ثم توجه إلي أقرب نقطة تمركز للشرطة، وأبلغها حيث جاءت إلي الموقع، واعتدت بالضرب علي جميع المصريين، مستخدمة العصي وفوهات البنادق والركل بالأحذية، فضلا عن توجيه الشتائم إليهم

وأشار البيان إلي أن بعض أبناء الجالية المصرية في السودان قاموا في صباح اليوم التالي بالاحتجاج لدي وزارة الخارجية السودانية، ولدي مكتب الأمم المتحدة والقنصلية المصرية بشارع الجمهورية
وأدان البيان مثل هذه الاعتداءات التي لا يمكن تبريرها بأي حال من الأحوال، مطالبا بإنزال أقصي العقوبة ضد مرتكبيها أو الذين أشرفوا عليها

وطالب وجدي عبدالعزيز، مدير المركز، مسؤولي وزارة الخارجية المصرية بسرعة التدخل لحماية حقوق العمال المصريين والعمل علي عدم إفلات الجناة من العقاب، محذرا من خطورة تنامي مشاعر الكراهية والعنصرية لدي قطاعات من الشعبين السوداني والمصري، خاصة بعد أحداث ميدان مصطفي محمود
من جانبه، قال السفير محمد الشاذلي، سفير مصر في الخرطوم، لـ«المصري اليوم» إنه تمت مقابلة المدعي العام السوداني لكي يتم الإفراج عن المصريين الذي تم إلقاء القبض عليهم أثناء الواقعة، مؤكدا أنه إذا كان لهم حق فلن يضيع، خاصة أن السلطات السودانية تجري تحقيقات حول الواقعة

وقال السفير أيمن بديع، القنصل المصري العام بالخرطوم، في اتصال هاتفي لـ«المصري اليوم»: إن ما حدث كان نشوب مشادة ومشاجرة حادة بين مجموعة من العاملين المصريين الذين يعملون مع أحد المقاولين يحمل الجنسية الفلسطينية ومجموعة أخري تعمل مع مقاول مصري وصلت إلي حد استخدام الحجارة والخشب، فقام أهالي المنطقة بإبلاغ الشرطة التي قامت بإلقاء القبض علي عدد كبير منهم، وكان من بينهم ٢١ عاملا مصريا ـ علي حد قوله
وأضاف أنه في مساء يوم الواقعة التقي السفير المصري بالسودان محمد الشاذلي، المدعي العام السوداني صلاح الدين أبوزيد الذي استجاب لطلبهما، وأفرج عن العاملين المصريين في وقتها، ووعد بفتح تحقيق في حالة إذا ما ثبت أن هناك تجاوزا من قبل أفراد الشرطة السودانية ضد المصريين
وأكد بديع أن هناك ٣ من العاملين قاموا في اليوم التالي بتقديم بلاغ يتهمون فيه أحد أفراد الشرطة بالاعتداء عليهم

جريدة المصري اليوم

سهرة مع اتنين

كنا امبارح انا و عرباوي و أحد اصدقائنا الصحفيين سهرانين بنتكلم في احوال البلد واللي بيحصل فيها
زي الاضرابات الكتيراللي في مصانع الفزل و اسباب قيامها و هل هي ظاهرة صحية ولالأ؟؟ و هل نتج عنها المطلوب منها ولا لسه قدامها كتير
و طبعا سيرة المدونين . و السكوت علينا من الحكومة اللي مخلينا مش عارفين الخطوة بتاعتها الجاية ايه؟ هل ها تتحرك تجاهنا بالعنف؟ ولا بتشريعات جديدة تقيد من حريتنا
علشان تكون ساعتها اول دولة في العالم تعمل كده علشان تمنع الاراء توصل
احنا اتفقنا ان الحركة الجاية غالبا هاتكون تشربعات قانونية (علشان يبقى كله في السليم) و هانلبس قضايا من نوع الاساءة لسمعة مصر-و نشر اكاذيب تأثر في الامن العام و نوعية التهم اللي مكن تمشى انشالله على بياع خضار بعربية بحمار ماشي في الشارع بس المهم انهم يربطونا و مايخلوناش نتكلم و على الاقل يضيقوا علينا
و كان فيه رأى ان الحكومة على الاقل هاتاخد منا اتنين و تعملهم عبرة للباقين علشان تكسر حالة الشجاعة في الكتابة المنتشرة اليومين دول
و رأي اخر ان اصلان الحكومة سايبانا لأنهم مش حاسين بتأثيرنا في الشارع . و ان وصولنا للشارع لسه بسيط على اساس (هو مين اللي بيدخل الانترنت)لسه عندهم نظرة ضيقة حوالين الانترنت ان الشباب بيدخلوا الانترنت علشان السكس و الشات بس .. مع ان في مدونات كتيرة في ناس بتشوفها اكبر من توزيع جرائد كبيرة و محترمة
و ايضا اتكلمنا اننا و لاول مرة حطينا حائط صد و لو بسيط بنا و بين الحكومة ضد اي حركات غير معاومة من ناحيتها
و دي النقطة الاهم في الموضوع كله - و انا قصدي المظمات العالمية المحترمة زي هيومن رايتس ووتش و صحفيين بلا حدود و كثير من الفضائيات و الصحافة العالمية المحترمة -اللي احنا عرفنا نستقطبها بعد ما بدأنا حملة التعذيب فب السجون المصرية و اللي مارست ضغوطات كبيرة على الحكومة بالنسبة لموضوع التعذيب
مثلا يوم ما رامي صيام ( ايوب) اتمسك عادي جدا في الشارع و ماكانوش يعرفوه .. هما خدوه تحري عادي ... خلال اربعة و عشرين ساعة كانت الدنيا مقلوبة عليهم و هما ماكانوش عارفين مين اللي قبضوا عليه ده و ايه مركزه علشان كل الدنيا تتقلب كده
الموضوع ده ادانا بعض الامان بس مش احساس كبير لان الحكومة ممكن برضه تكبر دماغها من الضغط ده و تعمل اي حاجة معانا مهما كانت ماتنفعش في الزمن ده زي حركة المحاكم العسكرية اللي رجعت تاني فجاءة و احنا في 2007 يا ناس.... بقينا في 2007 و الناس بتتحاكم عسكري - و في الاخر يقولولنا احنا بنسوء سمعة مصر- والنبي حد يرد عليهم
و السؤال دلوقتي....هل المفروض نصعد الوضع كمدونين و نعلي الريثم معاهم؟؟
ولا نمشى زي ما احنا بهدوء؟؟
يا ريت تشاركوني بأفكاركم

كبير الأطباء الشرعيين يشهد في محاكمة ضابط أمن الدولة واستمرار اختفاء أسرة الضحية

القاهرة 5 فبراير 2007

بيان صحفي

قام ائتلاف المراقبة المشكل من الموقعين أدناه بحضور ومراقبة جلسة المحاكمة الجنائية التي عقدت يوم 3/2/2007 بمحكمة جنايات القاهرة في القضية رقم 4681 لسنة 2004، لمحاكمة ضابط مباحث أمن الدولة النقيب/ أشرف مصطفى حسين صفوت، والمتهم بتعذيب المجني عليه المتوفى/ محمد عبد القادر السيد
وعبر الائتلاف عن أسفه لرفض المحكمة إثبات حضور أعضائه بمحضر جلستها، وعدم سماح المحكمة بتواجد كاميرات القنوات الإخبارية داخل قاعة المحاكمة. الأمر الذي يشكل إخلالا بمبدأ علانية الجلسات وحق الجمهور في المعرفة.
وقد استمعت المحكمة إلى شهادة كبير الأطباء الشرعيين وقامت بمناقشته وكذلك ناقشه دفاع الضابط المتهم، قبل أن تقرر المحكمة تأجيل القضية إلى جلسة 5 مايو 2007 لسماع مرافعة دفاع المتهم. وغاب عن الجلسة أسرة المجني عليه

ويؤكد الائتلاف على أنه لا يكتمل حق الفرد في الحياة والحرية والأمان الشخصي و الحق في سلامة الجسد إلا إذا توافرت لدى الفرد ضمانات أكيدة بأن حقوقه لن تضيع إذا ما اعتدى عليها، وأنه حينما يتعرض لعدوان فإن المجتمع لن يتركه وأهله يعانون آثار العدوان وحدهم دون اهتمام بمصيرهم
ويعلن الائتلاف كذلك تمسكه بالحق في محاكمة عادلة تتيح كافة ال ضمانات والحقوق لجميع أطرافها سواء كان الضابط المتهم أو أسرة المجني عليه ، ويشير إلى أنه سوف يستمر في مراقبة إجراءات المحاكمة عن كثب حتى صدور حكم المحكمة وسيصدر تقريره بعدها ويعلنه إلى الرأي العام

وكان ائتلاف مراقبة المحاكمة قد تشكل بعد دعوة جمعية المساعدة القانونية لحقوق الإنسان التي تبنت القضية منذ عام 2003 إثر شكوكها حول ممارسة جهاز مباحث أمن الدولة لضغوط على أهل المجني عليه، وإجبارهم على إلغاء التوكيلات التي كانوا قد استصدروها لمحامي الجمعية وتقديم تنازل عن حقهم المدني، إضافة إلى اعتقال شقيق المجني عليه بموجب قانون الطوارئ
المنظمات المشكلة للائتلاف أبجدياً
الجمعية المصرية لمناهضة التعذيب
الشبكة العربية لمعلومات حقوق الإنسان
المبادرة المصرية للحقوق الشخصية
المركز الوطني للقانون وحقوق الإنسان
المنظمة المصرية لحقوق الإنسان
لجنة الدفاع عن الحريات بنقابة المحامين المصريين
الأستاذ/ محمود قنديل المحامي
مركز الأرض لحقوق الإنسان
مركز القاهرة لدراسات حقوق الإنسان
مركز النديم للتأهيل النفسي لضحايا العنف
مركز هشام مبارك للقانون

Details in English at Arabawy's

........................................

انتظروا خبر حلو بكره

..............................

إكتئاب

حالة من الأكتئاب عايش فيها أغلب المدونين اللي أعرفهم

كلهم بلغتنا كدة ( مقفولين ) من الحياة

الكل مخنوق و انا من ضمنهم

تيجي تسأل الواحد فينا ليه؟؟ يقولك ماعرفش - انا مخنوق و خلاص

ده حتى كان فيه ناس ناوية تبطل تدوين

ماتعرفش بقه - مخنوق من حال البلد

ولا من اللي بيحصل فبها

ولا من المضايقات اللي بنقابلها

ولا الاحباط من كلام اقرب الناس لينا

ولا من الناس العادية اللي بيضحكوا علينا لما يشوفونا بنطالبلهم بحقوقهم

ولاولاولاولا

ما تعرفش ... اهي حالة عامة

و الفترة دي بقالها كدة شهر ولا حاجة

مع اننا كمدونين حققنا حاجات كتير كويسة اليومين اللي فاتوا دول

على الاقل قدرنا فضح ممارسات التعذيب في الداخلية

و قدمنا المجرمين في 3 حوادث للمحاكمة

و الباقين هايحصلوهم

و خدنا رد فعل داخلي و خارجي كبير جدا

و الناس بدأت تسمع عن المدونين اللى بتنشر الحقيقة

و صوتنا بدأ يبقى مسموع و الناس بدأت تفكر - لسه ماتحركتش - بس ماعرفش

هل بقه الحالة اللي احنا فيها دي مثلا حالة إرهاق بعد شغل استمر فترة طويلة

ولا هي حالة زهق من اللي حاولينا و مواقفهم تجاه اللي بنعملوا

برضه ماعرفش

المهم ربنا يسهل و مانطولش في الحالة دي

و نرجع نشتفل احسن من الاول

اهي على العموم اجازة شوية

نريح فيها و نرجع تاني

نهز البلد و الناس

علشان حقوقهم و حقوق بلدهم

أهو تغير

معلش يا جماعة

أهو تغير شوية

و بما ان الموود سوداوي عندنا كلنا اليومين دول

انا عملته اسود

سلام

مواجهة ضحية «الضرب علي القفا» بأميني الشرطة المتهمين وإرسال الـCD لـ«الصوتيات والمرئيات» بالتليفزيون

كتب سامي عبد الراضي وعلي زلط ودارين فرغلي

باشرت نيابة شمال الجيزة تحقيقاتها في واقعة «كليب القفا» والتي كشفت «المصري اليوم» عن هوية المجني عليه في الواقعة وأمر المستشار عبدالمجيد محمود النائب العام بالتحقيق في الواقعة ، واستمع وائل حسين رئيس نيابة الدقي لأقوال محرر «المصري اليوم» حول الموضوع وعلاقته بالمتهمين والمجني عليه ، واستدعت النيابة بإشراف المستشار هشام الدرندلي المحامي العام لنيابات شمال الجيزة إيهاب مجدي فاروق ضحية الكليب وذلك من محبسه داخل قسم إمبابة

واستمعت النيابة لأقواله حول تعرضه للضرب من ٣ أمناء شرطة أثناء استجوابه في إحدي القضايا واستدعت النيابة أمس والد الضحية وزوجته وواجهت النيابة أميني الشرطة المتهمين بـ الـCD وأقوال المجني عليه وقررت النيابة مواجهة الضحية بالمتهمين ومن المقرر إرسال الـCD لقسم الصوتيات والمرئيات باتحاد الإذاعة والتليفزيون لبيان مدي تطابق الأصوات الموجودة علي الـCD وأصوات المتهمين والمجني عليه وكذلك مضاهاة الصور الموجودة علي الـ

CD بصور المتهمين والمجني عليه ووجهت للمتهمين تهمتي استعمال القسوة والضرب واحتجاز دون وجه حق

لمزيد من التفاصيل

جريدة المصري اليوم

فتاة «المترو» تتنازل عن اتهامها أميني الشرطة بهتك عرضها

كتب يسري البدري

تنازلت المجني عليها في قضية هتك العرض داخل محطة مترو «السادات»، عن بلاغها أمام المستشار محمد حلمي قنديل، المحامي العام لنيابات وسط القاهرة، وقررت النيابة إخلاء سبيل أمين الشرطة المتهم، وذلك بعد ٢٤ ساعة من اتهامها له وزميله بالاعتداء عليها في المكتب المخصص لتأمين وخدمة المواطنين

كشفت تحقيقات مصطفي عبيد وكيل نيابة الحوادث، أن الفتاة اتهمت أمين شرطة بمحطة مترو الأنفاق «أنور السادات» بالاعتداء عليها وتمزيق ملابسها عند سؤالها عن مخرج مطعم كنتاكي.. فأشار إلي مكتب الأمن.. وبعد مشادة كلامية قام بجذبها من ملابسها إلي داخل المكتب، واستعان بأمين شرطة آخر، وحاولا الاعتداء عليها بعد غلق البابمن جهته، نفي أمين الشرطة المتهم في التحقيقات أن يكون اعتدي علي المجني عليها، وإنما كان يريد تحرير محضر ضدها لمرورها دون تذكرة.. فقررت النيابة حبس أمين الشرطة ٤ أيام علي ذمة التحقيقات وضبط وإحضار الأمين الآخر، وذلك بعد أن استمعت النيابة إلي أقوال شاهدي الواقعة اللذين أيدا أن أمين الشرطة جذب الفتاة وساعده في ذلك أمين شرطة آخر

وأضافت التحقيقات أنه بعد ٢٤ ساعة تقدمت المجني عليها إلي المحامي العام لنيابات وسط، تتنازل عن بلاغها.. فقررت النيابة إخلاء سبيل الأمين المحبوس

وعلمت «المصري اليوم» أن مفاوضات جرت بين أسرة أمين الشرطة والمجني عليها، انتهت بقبول الفتاة التنازل عن المحضر

جربدة المصري اليوم

تطورات جديدة في موضوع العادلي جيت .. إبهاب مجدي

فيه تطورات جديدة في الموضوع

علي زلط صحفي جريدة المصري اليوم اللي كشف موضوع إيهاب مجدي اللي نشرنا كلنا الفيديو بتاعه و هو بينضرب على القفا تم أستجوابه امبارح في النيابة

و ايضا كان ايهاب موجود برضه في النيابة

و محدش يعرف ليه ايهاب مطلوب في قسم إمبابة و ليه كانوا بيدورا عليه .... هل عليه حاجة ولا لفقولوا زي عماد

و كمان الساعة 1 صباحا إمبارح غادر إيهاب النيابة و هيبات في قسم إمبابة اللي إتعذب فيه - و لكم ان تتخيلوا هايحصل فيه ايه الليلة دي - علشان يعرض النهاردة الصبح على النيابة تاني

.......................................

خبر لسه مش اكيد

.............................

احمد عبدالفتاح و احمد الورداني الضباط المتهمين في القضية

اخدوا حبس 15 يوم على ذمة التحقيق

...........................................................

details in english at Arabawy's

Bloggers Against Torture

Negar Azimi a journalist in (the Nation) magazine wrote an article about bloggers in Egypt called (Bloggers against Torture)

click in the picture to read it

تطورات العادلي فيديو جيت : الشرطة تداهم منزل ضحية «الضرب علي القفا

الفيديو من الوعي المصري

جريدة المصري اليوم

كتب علي زلط ودارين فرغلي ٢/٢/٢٠٠٧

داهمت قوة من شرطة إمبابة مساء أمس الأول، منزل إيهاب محمد فاروق ضحية كليب «الضرب علي القفا» بعد ساعات قليلة من نشر «المصري اليوم» تفاصيل وصور واقعة الاعتداء عليه في قسم الشرطة، في الوقت الذي اختفي فيه إيهاب في مكان غير معلوم خشية إيذائه من قبل أمناء الشرطة الذين شاركوا في تعذيبه.
فوجئت قوة الشرطة التي ضمت ضابطا وأمين شرطة، بعدم وجود إيهاب في منزل والده بحي المنيرة الغربية بإمبابة، فاصطحبت زوجته ووالده إلي مقر قسم الشرطة، وهناك تم استجوابهما لأكثر من ٥ ساعات كاملة، وسؤالهما عن مكان إيهاب ومعارفه، وعلاقاته حتي السادسة صباح أمس.
لم يكن الحاج مجدي فاروق «٤٦ سنة - نجار» يعلم حتي بعد خروجه من قسم الشرطة، سبب استدعائه، أو يستوعب الأسئلة المتلاحقة عن ابنه، لم يعلم حتي أن ابنه تعرض في الصيف الماضي للضرب علي «قفاه» داخل القسم ذاته من أمين شرطة يدعي أحمد عبدالفتاح بأوامر من ضابط اسمه «كريم بيه» قام بتصوير عملية الضرب وما لحقها من إهانات علي جهاز تليفونه المحمول «الموبايل»، وهي اللقطات التي يتم تداولها علي شاشات أجهزة الموبايل والإنترنت

إيهاب محمد فاروق ضحية كليب الضرب علي القفا

ولما سألهم الحاج مجدي عن سبب استجوابه، أجاب الضابط بأن هناك بعض المشاكل حدثت بين ابنه وبعض أصدقائه من أمناء الشرطة، فرد الأب قائلاً: ابني ليس له أصدقاء من أمناء الشرطة، أما زوجة إيهاب فقد نفت هي الأخري علمها بمكان وجوده خارج المنزل

وقال الحاج مجدي: أشعر بالخوف مما ينتظرني أنا وزوجتي وابني، لكنني أثق في الله

من جانبه، أجري إيهاب اتصالاً تليفونياً بالجريدة من مخبئه، وقال إنه يختبئ في مكان ما، وأنه لن يظهر إلا بعد توكيل أحد المحامين ليضمن وقوفه بجانبه أثناء إجراء التحقيق معه

Details in English at Arabawy's